പ്രചാരണം തുടങ്ങി ഷൗക്കത്ത്; ആര്യാടന് മുഹമ്മദിന്റെ ഖബറിടത്തിലെത്തി പ്രാര്ഥിച്ചു
Tuesday, May 27, 2025 10:01 AM IST
മലപ്പുറം: പ്രചാരണ പരിപാടികള് തുടങ്ങി നിലമ്പൂരിലെ യുഡിഎഫ് സ്ഥാനാര്ഥി ആര്യാടന് ഷൗക്കത്ത്. ആര്യാടന് മുഹമ്മദിന്റെ ഖബറിടത്തിലെത്തി പ്രാര്ഥിച്ച ശേഷമാണ് പ്രചാരണം തുടങ്ങിയത്. വി.എസ്.ജോയ് അടക്കമുള്ളവരും ഷൗക്കത്തിനൊപ്പമുണ്ട്.
രാവിലെ 10ഓടെ ഷൗക്കത്ത് പാണക്കാട് എത്തും. വൈകിട്ട് മൂന്നിന് നിലമ്പൂരിൽ യുഡിഎഫ് കൺവെൻഷൻ നടക്കും.കെപിസിസി പ്രസിഡന്റ് സണ്ണി ജോസഫ്, പ്രതിപക്ഷ നേതാവ് വി.ഡി.സതീശൻ തുടങ്ങിയവർ കൺവെൻഷനിൽ പങ്കെടുക്കും.
നിലമ്പൂർ ഉപതെരഞ്ഞെടുപ്പിൽ ജയം ഉറപ്പെന്ന് ഷൗക്കത്ത് പ്രതികരിച്ചു. വന്യജീവി പ്രശ്നവും വികസന മുരടിപ്പും അടക്കമുള്ളവ മണ്ഡലത്തിൽ ചർച്ചയാകും. ആദിവാസി മേഖലയിലെ ആളുകളോട് സർക്കാരിന് കടുത്ത അവഗണനയാണെന്നും അദ്ദേഹം പ്രതികരിച്ചു.