മ്യൂ​ണി​ക്: യു​വേ​ഫ നേ​ഷ​ൻ​സ് ലീ​ഗ് ഫു​ട്ബോ​ൾ ഫൈ​ന​ലി​ൽ സ്പെ​യി​ൻ-​പോ​ർ​ച്ചു​ഗ​ൽ ഫൈ​ന​ൽ. വ്യാ​ഴാ​ഴ്ച ന​ട​ന്ന സെ​മി​യി​ൽ ഫ്രാ​ൻ​സി​നെ നാ​ലി​നെ​തി​രെ അ​ഞ്ച് ഗോ​ളു​ക​ൾ​ക്ക് കീ​ഴ​ട​ക്കി​യാ​ണ് സ്പെ​യി​ൽ ഫൈ​ന​ലി​ന് ടി​ക്ക​റ്റെ​ടു​ത്ത​ത്.

യു​വ​താ​രം ലാ​മി​ൻ യ​മാ​ലി​ന്‍റെ ഇ​ര​ട്ട​ഗോ​ൾ പ്ര​ക​ട​ന​മാ​ണ് സ്പെ​യി​നെ വി​ജ​യ​ത്തി​ലേ​ക്ക് ന​യി​ച്ച​ത്. മ​ത്സ​ര​ത്തി​ന്‍റെ 22-ാം മി​നി​റ്റി​ൽ ത​ന്നെ സ്പെ​യി​ൻ ഫ്രാ​ൻ​സി​ന്‍റെ വ​ല​യി​ൽ പ​ന്ത് എ​ത്തി​ച്ചു. നി​ക്കോ വി​ല്യം​സാ​ണ് സ്പെ​യി​നാ​യി ആ​ദ്യ ഗോ​ൾ നേ​ടി​യ​ത്. തൊ​ട്ടു​പി​ന്നാ​ലെ 25-ാം മി​നി​റ്റി​ൽ മി​ക​ൽ മെ​റി​നോ സ്പെ​യി​ന്‍റെ ലീ​ഡ് ഉ​യ​ർ​ത്തി.

ഇ​ട​വേ​ള​യ്ക്കു ശേ​ഷ​മാ​യി​രു​ന്നു ലാ​മി​ൻ യ​മാ​ലി​ന്‍റെ ബൂ​ട്ടി​ൽ​നി​ന്നും ഗോ​ൾ പി​റ​ന്ന​ത്. 54-ാം മി​നി​റ്റി​ൽ ല​ഭി​ച്ച പെ​നാ​ൽ​റ്റി ലാ​മി​ൻ ല​ക്ഷ്യ​ത്തി​ലെ​ത്തി​ക്കു​ക​യാ​യി​രു​ന്നു. നി​മി​ഷ​ങ്ങ​ൾ​ക്ക​കം പെ​ഡ്രി​ക്ക് ഗോ​ള​ടി​ക്കാ​ൻ ലാ​മി​ൻ അ​വ​സ​രം ഒ​രു​ക്കു​ക​യും ചെ​യ്ത​തോ​ടെ സ്പെ​യി​ൻ നാ​ലാ​മ​ത്തെ ഗോ​ളും നേ​ടി.

നാ​ല് ഗോ​ളു​ക​ൾ വ​ഴ​ങ്ങി​യ​തോ​ടെ ആ​ക്ര​മ​ണ​ത്തി​ലേ​ക്ക് ക​ട​ന്ന ഫ്രാ​ൻ​സ് 59-ാം മി​നി​റ്റി​ൽ ല​ഭി​ച്ച പെ​നാ​ൽ​റ്റി കി​ലി​യ​ൻ എം​ബാ​പ്പെ​യി​ലൂ​ടെ സ്പെ​യി​ന്‍റെ വ​ല​യി​ലെ​ത്തി​ച്ചു. 67-ാം മി​നി​റ്റി​ൽ ലാ​മി​ൻ യ​മാ​ൽ ര​ണ്ടാം ഗോ​ളും സ്പെ​യി​ന്‍റെ അ​ഞ്ചാ​മ​ത്തെ ഗോ​ളും നേ​ടി​യ​തോ​ടെ സ്പെ​ൻ 5-1ന് ​മു​ന്നി​ലെ​ത്തി.

ത​ക​ർ​പ്പ​ൻ വി​ജ​യം പ്ര​തീ​ക്ഷി​ച്ച സ്പെ​യി​നെ പി​ന്നീ​ട് ഫ്രാ​ൻ​സ് വ​രി​ഞ്ഞു​മു​റു​ക്കി. 79-ാം മി​നി​റ്റി​ൽ റ​യാ​ൻ ചെ​ർ​ക്കി ഫ്രാ​ൻ​സി​നാ​യി ര​ണ്ടാം ഗോ​ൾ നേ​ടി. പി​ന്നാ​ലെ ഡാ​നി വി​വി​യ​ന്‍റെ ഒ​രു സെ​ൽ​ഫ് ഗോ​ളും റാ​ൻ​ഡ​ൽ കോ​ലോ മു​വാ​നി​യു​ടെ ഗോ​ളും ഫ്രാ​ൻ​സി​നെ നാ​ല് ഗോ​ളു​ക​ൾ എ​ന്ന നി​ല​യി​ലേ​ക്ക് എ​ത്തി​ച്ചു.

അ​വ​സാ​ന​നി​മി​ഷം വ​രെ ഫ്രാ​ൻ​സ് ക​ട​ന്നാ​ക്ര​മി​ച്ചി​ട്ടും വി​ജ​യം വി​ട്ടു​ന​ൽ​കാ​ൻ സ്പെ​യി​ൻ ത​യാ​റാ​യി​ല്ല. ഇ​തോ​ടെ ഞാ​യ​റാ​ഴ്ച ന​ട​ക്കു​ന്ന ഫൈ​ന​ലി​ൽ സ്പെ​യി​ൻ പോ​ർ​ച്ചു​ഗ​ലി​നെ നേ​രി​ടും.