സൂ​പ്പ​ർ ഹി​റ്റാ​ണ് ഈ ​ചി​കി​ത്സ: ന​ന്ദി ഡോ​ക്ട​റോ​ടും ഇളയ ദളപതിയോടും
ജൻമനാ ച​ല​ന​ശേ​ഷി​യും സം​സാ​ര​ശേ​ഷി​യും ഇ​ല്ലാ​തി​രു​ന്ന സെ​ബാ​സ്റ്റ്യ​ൻ ജീ​വി​ത​ത്തി​ലേ​ക്കു ചു​വ​ടു വ​ച്ച​പ്പോ​ൾ മാ​താ​പി​താ​ക്ക​ൾ ന​ന്ദി പ​റ​യു​ന്ന​ത് തൊ​ടു​പു​ഴ ജി​ല്ലാ ആ​യു​ർ​വേ​ദ ആ​ശു​പ​ത്രി​യി​ലെ ഡോ.​സ​തീ​ഷ് വാ​ര്യ​ർക്കും പി​ന്നെ ത​മി​ഴ് സൂ​പ്പ​ർ സ്റ്റാ​ർ വി​ജ​യ​യ്ക്കു​മാ​ണ്. പ​ഞ്ച​ക​ർ​മ​യും ഫി​സി​യോ​തെ​റാ​പ്പി​യും പി​ന്നെ വി​ജ​യ് മാ​ജി​ക്കും ചേ​ർ​ത്താ​യി​രു​ന്നു ത​മി​ഴ്നാ​ട് ക​ന്പം ഉ​ത്ത​മ​പാ​ള​യം സ്വ​ദേ​ശി​യാ​യ സെ​ബാ​സ്റ്റ്യ​നെ​ന്ന എ​ട്ടു വ​യ​സു​കാ​ര​ന്‍റെ ചി​കി​ൽ​സ.

ജന്മനാ ച​ല​ന​ശേ​ഷി​യും സം​സാ​ര​ശേ​ഷി​യും ഇ​ല്ലാ​തി​രു​ന്ന അ​വ​നി​ന്ന് പി​ടി​ച്ചു ന​ട​ക്കാ​നും സം​സാ​രി​ക്കാ​നും ഭ​ക്ഷ​ണം ക​ഴി​ക്കാ​നു​മൊ​ക്കൊ ക​ഴി​യു​ന്ന​തി​ന് പി​ന്നി​ൽ അ​വ​നും ഡോ​ക്ട​ർ​ക്കും മാ​ത്ര​മ​റി​യാ​വു​ന്ന ഒ​രു ത​ന്ത്ര​മു​ണ്ട്. ഒ​ന്ന​ര വ​ർ​ഷം മു​ന്പാ​ണ് മാ​താ​പി​താ​ക്ക​ളാ​യ ജ​യ​കു​മാ​റും ഭാ​നു​വും തൊ​ടു​പു​ഴ ജി​ല്ലാ​ആ​യൂ​ർ​വേ​ദ ആ​ശു​പ​ത്രി​യി​ൽ മ​ക​നെ എ​ത്തി​ക്കു​ന്ന​ത്.

ജ​ന​ന​സ​മ​യ​ത്തു​ണ്ടാ​യ സ​ങ്കീ​ർ​ണ​ത​ക​ളാ​ൽ ത​ല​ച്ചോ​റി​ലേ​യ്ക്കു​ള്ള ഓ​ക്സി​ജ​ന്‍റെ അ​ള​വ് കു​റ​ഞ്ഞ​തു മൂ​ലം ച​ല​ന​ശേ​ഷി​യും സം​സാ​ര​ശേ​ഷി​യും ന​ഷ്ട​മാ​കു​ക​യാ​യി​രു​ന്നു. ഒ​ട്ടേ​റെ ചി​കി​ത്സ​ക​ൾ ന​ട​ത്തി​യെ​ങ്കി​ലും ഫ​ല​മി​ല്ലാ​തെ ക​ഴി​യ​വേ കു​ട്ടി​യു​ടെ പി​താ​വ് ജ​യ​കു​മാ​ർ രാ​ജാ​ക്കാ​ട് നി​ർ​മാ​ണ ജോ​ലി​ക്കാ​യെ​ത്തി​യ​പ്പോ​ഴാ​ണ് ഡോ. ​സ​തീ​ഷ് വാ​ര്യ​രെ കു​റി​ച്ച​റി​ഞ്ഞ് ഇ​വി​ടെ ചി​കി​ത്സ​യ്ക്കെ​ത്തു​ന്ന​ത്.

ച​ല​ന​ശേ​ഷി​യും സം​സാ​ര​ശേ​ഷി​യും ഇ​ല്ലെ​ങ്കി​ലും വി​ജ​യ് അ​ഭി​ന​യി​ച്ച ക​ത്തി സി​നി​മ​യി​ലെ "സെ​ൽ​ഫി പു​ള്ളെ ’ എ​ന്ന ഗാ​നം കേ​ട്ടാ​ൽ വ​ല്ലാ​തെ സ​ന്തോ​ഷി​ക്കു​മെ​ന്ന​താ​ണ്. ടിവി​യി​ൽ ന​ട​ന്‍റെ സി​നി​മ വ​ന്നാ​ൽ മാ​റ്റാ​ൻ സ​മ​തി​ക്കാ​റു​മി​ല്ല. ഇ​തു മ​ന​സി​ലാ​ക്കി​യ ഡോ. ​സ​തീ​ഷ് വാ​ര്യ​രു​ടെ ചി​കി​ത്സ ഈ ​വ​ഴി​യ്ക്കാ​യി. താ​നും വി​ജ​യ് ഫാ​നാ​ണെ​ന്നും പ​റ​യു​ന്ന​തു പോ​ലെ ചെ​യ്താ​ൽ വി​ജ​യി​യു​ടെ അ​ടു​ത്തു കൊ​ണ്ടു​പോ​കാ​മെ​ന്നും പ​റ​ഞ്ഞാ​യി​രു​ന്നു ചി​കി​ത്സ​യും ഫി​സി​യോ തെ​റാ​പ്പി​യും.

സി​നി​മാ ഡ​യ​ലോ​ഗ് വ​ഴി​യാ​ണ് വ്യാ​യാ​മം ചെ​യ്യി​പ്പി​ക്ക​ലും ചി​കി​ത്സ​യു​മെ​ല്ലാം ന​ട​ത്തി​യ​ത്. ഒ​രു വ​ർ​ഷം പി​ന്നി​ട്ട​പ്പോ​ൾ സെ​ബാ​സ്റ്റ്യ​നി​പ്പോ​ൾ കൈ​ക​ളി​ൽ പി​ടി​ച്ചാ​ൽ ന​ട​ക്കാ​നും ത​നി​യെ പി​ടി​ച്ചു നി​ൽ​ക്കാ​നും തു​ട​ങ്ങി. ന​ടു​വി​ന് ബ​ലം വ​രാ​നു​ള്ള ചി​കി​ത്സ​ക​ളാ​ണ് ഇ​പ്പോ​ൾ തു​ട​രു​ന്ന​ത്. അ​തോ​ടെ വൈ​കാ​തെ ത​നി​യെ ന​ട​ക്കാ​നും സ്കൂ​ളി​ൽ പോ​കാ​നും സാ​ധി​ക്കും.

കു​ട്ടി​യു​ടെ പി​താ​വി​ന്‍റെ തു​ച്ഛ​മാ​യ വ​രു​മാ​നം തു​ട​ർ​ചി​കി​ത്സ​യ്ക്ക് തി​ക​യാ​റി​ല്ല. സ്വ​കാ​ര്യ സ്ഥാ​പ​നം ന​ട​ത്തു​ന്ന ഫി​സി​യോ തെ​റാ​പ്പി​സ്റ്റ് സു​മേ​ഷ് കു​മാ​ർ സൗ​ജ​ന്യ​മാ​യാ​ണ് ഫി​സി​യോ തെ​റാ​പ്പി ചെ​യ്യു​ന്ന​ത്. സ്പീ​ച്ച് തെ​റാ​പ്പി​ക്കും മ​റ്റ് തു​ട​ർ ചി​കി​ത്സ​യ്ക്കും സെ​ബാ​സ്റ്റ്യ​ന് സ​ഹാ​യം ആ​വ​ശ്യ​മാ​ണ്.

മൂ​ന്നാം ഘ​ട്ട ചി​കി​ത്സ​യ്ക്കാ​യാ​ണ് സെ​ബാ​സ്റ്റ്യ​നും അ​മ്മ​യും ഇ​പ്പോ​ൾ വീ​ണ്ടും ഇ​വി​ട​ഐ​ത്തി​യി​രി​ക്കു​ന്ന​ത്. എ​ന്താ​യാ​ലും വി​ജ​യ് സി​നി​മ​ക​ളെ പോ​ലെ ചി​കി​ൽ​സ​യും സൂ​പ്പ​ർ ഹി​റ്റാ​യ​തി​ന്‍റെ സ​ന്തോ​ഷ​ത്തി​ലാ​ണ് ഡോ.​ സ​തീ​ഷ് വാ​ര്യ​രും സെ​ബാ​സ്റ്റ്യ​ന്‍റെ മാ​താ​പി​താ​ക്ക​ളും.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.