24 കോടി രൂപയുടെ ചായകപ്പ്! ചുറ്റും വജ്രവും നടുക്ക് മാണിക്യവും; ഞെട്ടിച്ചെന്ന് നെറ്റിസൺസ്

വെബ് ഡെസ്ക്

ചായകപ്പ് ഇല്ലാത്ത വീടുകളുണ്ടോ? സംശയിക്കാതെ തന്നെ പറയാം ഇല്ല. എന്നാൽ 24 കോടി രൂപ വിലമതിക്കുന്ന ചായകപ്പ് ഉണ്ടെന്ന് കേട്ടാലോ? വിശ്വസിക്കാൻ ബുദ്ധിമുട്ടുണ്ട് അല്ലേ? വിശ്വസിച്ചേ പറ്റൂ. കാരണം ഗിന്നസ് വേൾഡ് റിക്കാർഡ്സാണ് ഈ വിലയേറിയ കപ്പിന്‍റെ ചിത്രം പുറത്ത് വിട്ടിരിക്കുന്നത്.

ദി ഈഗോയിസ്റ്റ് എന്ന് പേരുള്ള ഈ കപ്പ് 2016ൽ ഗിന്നസ് റിക്കാർഡ്സിൽ കയറിയെങ്കിലും ഇപ്പോഴാണ് ഇതിന്‍റെ ചിത്രങ്ങൾ പുറത്ത് വരുന്നത്. 18 കാരറ്റ് സ്വർണം കൊണ്ടാണ് ഇത് നിർമിച്ചിരിക്കുന്നത്. കപ്പിന് ചുറ്റും വജ്രം ഉപയോഗിച്ച് പൊതിഞ്ഞിരിക്കുകയാണ്. മാത്രമല്ല കപ്പിന്‍റെ മധ്യത്തിൽ 6.67 കാരറ്റുള്ള മാണിക്യവും ഉൾപ്പെടുത്തിയിട്ടുണ്ട്.

This is the most valuable teapot in the world.

Owned by the N Sethia Foundation in the UK, the teapot is made from 18-carat yellow gold with cut diamond covering the entire body and a 6.67-carat ruby in the centre.

The teapot's handle is made from fossilised mammoth ivory.

It… pic.twitter.com/TFZZF63YiW
— Guinness World Records (@GWR) August 9, 2023

യുകെയിലെ എൻ സെതിയ ഫൗണ്ടേഷന്‍റെ ഉടമസ്ഥതയിലുള്ളതാണ് ഈ കപ്പ്. മാമത്തിന്‍റെ ഫോസിലിൽ നിന്നും ലഭിച്ച കൊമ്പിന്‍റെ ഭാഗം കൊണ്ടാണ് കപ്പിലെ പിടി നിർമിച്ചിരിക്കുന്നത്. ഇറ്റാലിയൻ ജ്വല്ലറി നിർമാതാവായ ഫുൾവിയോ സ്കാവിയയാണ് ഇത് രൂപകൽപന ചെയ്തത്.

ഏതാനും ദിവസങ്ങൾക്ക് മുൻപാണ് ഔദ്യോഗിക എക്സ് അക്കൗണ്ടിൽ ഗിന്നസ് റിക്കാർഡ്സ് അധികൃതർ കപ്പിന്‍റെ ചിത്രങ്ങൾ പങ്കുവെച്ചത്. ഇതിനോടകം എൺപതിനായിരത്തിലധികം പേർ ചിത്രങ്ങൾ കണ്ടു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.