Play Audio

മ​ഴ​യെ​ത്തും​ മു​ന്‍​പേ മ​ര​ണ​മെ​ത്തു​ന്നു
Wednesday, May 7, 2025 12:00 AM IST
മു​ങ്ങി​മ​രി​ച്ച കു​ട്ടി​ക​ളു​ടെ മൃ​ത​ദേ​ഹ​ങ്ങ​ൾ ഒ​ന്നി​നു പി​റ​കേ മ​റ്റൊ​ന്നാ​യി ജ​ലാ​ശ​യ​ങ്ങ​ളി​ൽ​നി​ന്നു പു​റ​ത്തെ​ടു​ക്കു​ന്പോ​ൾ ക​ണ്ണീ​രൊ​ഴു​ക്കാ​നേ നി​വൃ​ത്തി​യു​ള്ളൂ. പ​ക്ഷേ, ഇ​നി​യാ​രെ​യും മു​ക്കി​ക്ക​ള​യാ​തി​രി​ക്കാ​ൻ മു​ൻ​ക​രു​ത​ലെ​ടു​ക്കാം.

ജ​ലാ​ശ​യ​ങ്ങ​ളി​ൽ മു​ങ്ങി​മ​രി​ക്കു​ന്ന കു​ട്ടി​ക​ളു​ടെ​യും യു​വാ​ക്ക​ളു​ടെ​യും വാ​ർ​ത്ത ഒ​ന്നി​നു പി​റ​കെ മ​റ്റൊ​ന്നാ​യി പു​റ​ത്തു​വ​രി​ക​യാ​ണ്. പാ​ലാ മീ​ന​ച്ചി​ലാ​റ്റി​ൽ ഒ​ഴു​ക്കി​ൽ​പ്പെ​ട്ടു കാ​ണാ​താ​യ ര​ണ്ടു വി​ദ്യാ​ർ​ഥി​ക​ളു​ടെ മൃ​ത​ദേ​ഹം ക​ണ്ടെ​ത്തി​യ​ത് തി​ങ്ക​ളാ​ഴ്ച​യാ​ണ്. അ​ന്നു​ത​ന്നെ മാ​ന​ന്ത​വാ​ടി​യി​ൽ ചെ​ക്ക്ഡാ​മി​ൽ കു​ളി​ക്കാ​നി​റ​ങ്ങി​യ ര​ണ്ടു വി​ദ്യാ​ർ​ഥി​ക​ൾ മ​രി​ച്ചു. അ​തേ​സ​മ​യ​ത്തു​ത​ന്നെ എ​റ​ണാ​കു​ളം കാ​ല​ട​യി​ൽ കു​ളി​ക്കാ​നി​റ​ങ്ങി​യ വി​ദ്യാ​ർ​ഥി​ക​ളി​ൽ ഒ​രാ​ൾ മ​രി​ച്ചു.

തൊ​ട്ടു​മു​ൻ​പു​ള്ള ദി​വ​സ​ങ്ങ​ളി​ലും നി​ര​വ​ധി കു​ട്ടി​ക​ൾ വെ​ള്ള​ത്തി​ൽ മു​ങ്ങി​പ്പോ​യി. മ​ഴ​യെ​ത്തും മു​ൻ​പേ മ​ര​ണ​മെ​ത്തി​യ​ത് എ​ല്ലാ​വ​രും അ​റി​യേ​ണ്ട​താ​ണ്. കാ​ല​വ​ർ​ഷം തു​ട​ങ്ങു​ന്ന​തോ​ടെ ജ​ലാ​ശ​യ​ങ്ങ​ൾ അ​തി​ന്‍റെ ത​ണു​ത്ത കൈ​ക​ൾ കൂ​ടു​ത​ൽ കു​ട്ടി​ക​ൾ​ക്കാ​യി നീ​ട്ടും. സ​ർ​ക്കാ​രും സ​മൂ​ഹ​വും മാ​താ​പി​താ​ക്ക​ളും കു​ട്ടി​ക​ളും ഒ​ന്നി​ച്ചൊ​രു ത​ട​യ​ണ കെ​ട്ടി​യാ​ലേ ഈ ​മ​ര​ണ​പ്ര​വാ​ഹ​ത്തെ ത​ട​യാ​നാ​കൂ; അ​തു സാ​ധ്യ​മാ​ണ്.

പാ​ലാ​യി​ൽ മു​ങ്ങി​മ​രി​ച്ച​ത് മീ​ന​ച്ചി​ലാ​റ്റി​ലെ വി​ല​ങ്ങു​പാ​റ​യി​ൽ കു​ളി​ക്കാ​നി​റ​ങ്ങി​യ ബ​ന്ധു​ക്ക​ളാ​യ വി​ദ്യാ​ർ​ഥി​ക​ളാ​ണ്. മു​ൻ​പ് അ​തേ ക​ട​വി​ൽ കു​ളി​ച്ചി​ട്ടു​ണ്ടെ​ങ്കി​ലും മു​ൻ​ദി​വ​സ​ങ്ങ​ളി​ൽ പെ​യ്ത ശ​ക്ത​മാ​യ മ​ഴ​യി​ൽ വെ​ള്ളം ഉ​യ​ർ​ന്ന​തും ഒ​ഴു​ക്ക് വ​ർ​ധി​ച്ച​തും കു​ട്ടി​ക​ൾ​ക്കു തി​രി​ച്ച​റി​യാ​നാ​യി​ല്ല. മാ​ന​ന്ത​വാ​ടി​യി​ൽ ത​വി​ഞ്ഞാ​ൽ സ്വ​ദേ​ശി​ക​ളാ​യ കു​ട്ടി​ക​ളാ​ണ് മു​ങ്ങി​മ​രി​ച്ച​ത്.

അ​ഞ്ചം​ഗ സം​ഘം വാ​ളാ​ട് പു​ലി​ക്കാ​ട് ചെ​ക്ക്ഡാ​മി​ൽ കു​ളി​ക്കു​ന്ന​തി​നി​ടെ ര​ണ്ടു​പേ​ർ മു​ങ്ങി​പ്പോ​കു​ക​യാ​യി​രു​ന്നു. കൂ​ട്ടു​കാ​ർ ബ​ഹ​ളം വ​ച്ച​തോ​ടെ നാ​ട്ടു​കാ​രും റെ​സ്ക്യു ടീ​മും സ്ഥ​ല​ത്തെ​ത്തി​യെ​ങ്കി​ലും മൃ​ത​ദേ​ഹ​ങ്ങ​ളാ​ണ് വീ​ണ്ടെ​ടു​ക്കാ​നാ​യ​ത്. എ​റ​ണാ​കു​ളം കാ​ല​ട​യി​ൽ പെ​രി​യാ​റി​ന്‍റെ കൈ​ത്തോ​ടാ​യ കൊ​റ്റ​മം തോ​ട്ടി​ൽ സ​ഹോ​ദ​ര​ങ്ങ​ൾ​ക്കൊ​പ്പം കു​ളി​ക്കാ​നി​റ​ങ്ങി​യ വി​ദ്യാ​ർ​ഥി​യാ​ണ് മു​ങ്ങി​മ​രി​ച്ച​ത്. നാ​ലു​പേ​ർ ഒ​ഴു​ക്കി​ൽ​പ്പെ​ട്ട് പെ​രി​യാ​റി​ലേ​ക്ക് പോ​യെ​ങ്കി​ലും മൂ​ന്നു​പേ​രെ​യേ ബ​ന്ധു​ക്ക​ൾ​ക്കു ര​ക്ഷി​ക്കാ​നാ​യു​ള്ളൂ.

കൊ​ച്ചി പെ​രി​യാ​റി​ൽ പാ​ണം​കു​ഴി​ക്ക​ടു​ത്ത് പു​ഴ​മ​ധ്യ​ത്തി​ലെ തു​രു​ത്തി​ൽ കാ​ഴ്ച കാ​ണാ​ൻ ക​യ​റി​യ യു​വ​തി കാ​ൽ വ​ഴു​തി​വീ​ണു മ​രി​ച്ച​ത് ദി​വ​സ​ങ്ങ​ൾ​ക്കു മു​ൻ​പാ​ണ്. ഞാ​യ​റാ​ഴ്ച​യാ​ണ് ആ​ല​പ്പു​ഴ എ​ട​ത്വ​യി​ൽ ബ​ന്ധു​വീ​ട്ടി​ലെ​ത്തി​യ തൃ​ശൂ​ർ സ്വ​ദേ​ശി​യാ​യ യു​വാ​വ് മ​ങ്ങാ​ട്ട് ക​ട​വി​ൽ കു​ളി​ക്കു​ന്ന​തി​നി​ടെ കാ​ൽ വ​ഴു​തി​വീ​ണു മു​ങ്ങി​മ​രി​ച്ച​ത്. ഒ​രാ​ഴ്ച​യ്ക്കി​ടെ​യാ​ണ് ഇ​ത്ര​യും മ​ര​ണ​ങ്ങ​ൾ. അ​ത്ര​യും വീ​ടു​ക​ളി​ലെ ആ​ളു​ക​ളു​ടെ ഭാ​വി​ജീ​വി​തം ഈ ​മ​ര​ണ​ങ്ങ​ളോ​ർ​ത്ത് നി​ര​ന്ത​രം മു​റി​വേ​റ്റു​കൊ​ണ്ടി​രി​ക്കും. പ​ക്ഷേ, ഈ ​നി​ത്യ​ദുഃ​ഖ​ങ്ങ​ൾ ഒ​ഴി​വാ​ക്കാ​വു​ന്ന​താ​ണ്.

നാ​ഷ​ണ​ൽ ക്രൈം ​റി​ക്കാ​ർ​ഡ്സ് ബ്യൂ​റോ​യു​ടെ ക​ണ​ക്കു​പ്ര​കാ​രം ഇ​ന്ത്യ​യി​ൽ പ്ര​തി​വ​ർ​ഷം 60,000 മു​ത​ൽ 80,000 വ​രെ ആ​ളു​ക​ൾ മു​ങ്ങി​മ​രി​ക്കു​ന്നു​ണ്ട്. ദി​വ​സം 82 മ​ര​ണ​ങ്ങ​ൾ. ഏ​റ്റ​വു​മ​ധി​കം മു​ങ്ങി​മ​ര​ണ​ങ്ങ​ൾ സം​ഭ​വി​ക്കു​ന്ന സം​സ്ഥാ​ന​ങ്ങ​ളി​ലൊ​ന്ന് കേ​ര​ള​മാ​ണ്; ദി​വ​സം ശ​രാ​ശ​രി മൂ​ന്നു​പേ​ർ. വേ​ന​ൽ​ക്കാ​ല മു​ങ്ങി​മ​ര​ണ​ങ്ങ​ളി​ൽ 75 ശ​ത​മാ​ന​വും കു​ട്ടി​ക​ളു​ടേ​താ​ണ്.

ന​മു​ക്കെ​ന്തു ചെ​യ്യാ​നാ​കും? പ്ര​ധാ​ന​പ്പെ​ട്ട ര​ണ്ടു കാ​ര്യ​ങ്ങ​ൾ നീ​ന്ത​ല​റി​യു​ക, അ​റി​ഞ്ഞാ​ലും ആ​പ​ത്തു​ള്ള ജ​ലാ​ശ​യ​ങ്ങ​ളി​ൽ ഇ​റ​ങ്ങാ​തി​രി​ക്കു​ക എ​ന്നി​വ​യാ​ണ്. കു​ട്ട​നാ​ട്ടി​ൽ ആ ​നാ​ട്ടു​കാ​രു​ടെ മു​ങ്ങി​മ​ര​ണ​ങ്ങ​ൾ കു​റ​വാ​യ​ത് അ​വി​ടെ കു​ട്ടി​ക​ൾ​ക്കും നീ​ന്ത​ല​റി​യാം എ​ന്ന​തു​കൊ​ണ്ടാ​ണ്. പ​ല രാ​ജ്യ​ങ്ങ​ളി​ലും പ്രാ​ഥ​മി​ക വി​ദ്യാ​ഭ്യാ​സ​മെ​ന്നാ​ൽ ജീ​വി​താ​വ​സാ​നം വ​രെ പൗ​ര​ൻ പാ​ലി​ക്കേ​ണ്ട അ​ടി​സ്ഥാ​ന മ​ര്യാ​ദ​ക​ളും അ​തി​ജീ​വ​ന മാ​ർ​ഗ​ങ്ങ​ളും പ​രി​ശീ​ലി​പ്പി​ക്കു​ന്ന​തു​കൂ​ടി​യാ​ണ്. അ​തി​ലൊ​ന്നാ​ണ് നീ​ന്ത​ൽ പ​രി​ശീ​ല​നം.

കേ​ര​ള​ത്തി​ലെ സ്കൂ​ളു​ക​ളി​ൽ നീ​ന്ത​ൽ പ​രി​ശീ​ല​നം വ്യാ​പി​പ്പി​ക്കു​മെ​ന്നു വി​ദ്യാ​ഭ്യാ​സ​മ​ന്ത്രി വി. ​ശി​വ​ൻ​കു​ട്ടി ക​ഴി​ഞ്ഞ​ദി​വ​സം പ​റ​ഞ്ഞി​രു​ന്നു. പ​ക്ഷേ, ഇ​വി​ട​ത്തെ രീ​തി​യ​നു​സ​രി​ച്ച് ന​മ്മു​ടെ​യൊ​ക്കെ ജീ​വി​ത​കാ​ല​ത്ത് അ​തു കാ​ണാ​നാ​കു​മോ എ​ന്ന​റി​യി​ല്ല. എ​ല്ലാ സ്കൂ​ളു​ക​ളി​ലും ഇ​തൊ​ക്കെ സാ​ധ്യ​മാ​കു​ന്പോ​ഴേ​ക്കും ജ​ലാ​ശ​യ​ങ്ങ​ൾ എ​ത്ര കു​ട്ടി​ക​ളെ കൊ​ണ്ടു​പോ​യി​ക്ക​ഴി​ഞ്ഞി​രി​ക്കും! സ​ർ​ക്കാ​ർ ചു​മ​ത​ല​ക​ൾ നി​റ​വേ​റ്റു​വോ​ളം നാം ​കാ​ത്തി​രി​ക്കേ​ണ്ട​തി​ല്ല.

കു​ട്ടി​ക​ൾ കു​ളി​ക്കാ​ൻ പോ​കു​ന്ന​ത് എ​വി​ടേ​ക്കാ​ണെ​ന്നു മാ​താ​പി​താ​ക്ക​ളും, അ​വ​ധി​യാ​ഘോ​ഷി​ക്കാ​ൻ കു​ട്ടി​ക​ളെ​ത്തു​ന്ന ബ​ന്ധു​വീ​ടു​ക​ളി​ലു​ള്ള​വ​രും അ​റി​ഞ്ഞി​രി​ക്ക​ണം. നീ​ന്താ​ന​റി​യാ​ത്ത കു​ട്ടി​ക​ളെ മു​തി​ർ​ന്ന​വ​ർ​ക്കൊ​പ്പ​മ​ല്ലാ​തെ യാ​തൊ​രു കാ​ര​ണ​വ​ശാ​ലും ജ​ലാ​ശ​യ​ങ്ങ​ളി​ലേ​ക്കു വി​ട​രു​ത്.

പ്രാ​ദേ​ശി​ക ഭ​ര​ണ​കൂ​ട​ങ്ങ​ൾ അ​ടി​യ​ന്ത​ര​മാ​യി ഈ ​ദി​വ​സ​ങ്ങ​ളി​ൽ ചെ​യ്യേ​ണ്ട ചി​ല കാ​ര്യ​ങ്ങ​ളു​ണ്ട്. പ്ര​ദേ​ശ​ത്തെ അ​പ​ക​ട​ക​ര​മാ​യ ജ​ലാ​ശ​യ​ങ്ങ​ൾ​ക്ക​ടു​ത്ത് മു​ന്ന​റി​യി​പ്പു ബോ​ർ​ഡു​ക​ൾ സ്ഥാ​പി​ക്കു​ക​യോ വേ​ലി​കെ​ട്ടി തി​രി​ക്കു​ക​യോ ചെ​യ്യ​ണം. വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളി​ൽ കൂ​ടു​ത​ൽ ആ​ളു​ക​ളെ​ത്തു​മെ​ന്ന​തി​നാ​ൽ ബോ​ർ​ഡു​ക​ൾ​ക്കൊ​പ്പം സു​ര​ക്ഷാ​ജീ​വ​ന​ക്കാ​രെ​യും ഏ​ർ​പ്പെ​ടു​ത്ത​ണം.

വി​നോ​ദം ജീ​വ​ൻ പ​ണ​യം വ​ച്ചാ​ക​രു​ത്. മു​ന്ന​റി​യി​പ്പു ബോ​ർ​ഡു​ക​ളെ വ​ക​വ​യ്ക്കാ​തെ അ​തി​രു ക​ട​ക്കു​ന്ന​വ​രും മ​ദ്യ​പി​ച്ച് വെ​ള്ള​ത്തി​ലി​റ​ങ്ങു​ന്ന​വ​രും ഇ​ക്കൂ​ട്ട​ത്തി​ലു​ണ്ട്. കേ​ര​ള ഫ​യ​ര്‍ ആ​ന്‍​ഡ് റെ​സ്‌​ക്യു വ​കു​പ്പി​ന്‍റെ മു​ന്ന​റി​യി​പ്പ്; ഓ​രോ ജ​ലാ​ശ​യ​ത്തി​ന്‍റെ​യും ഒ​ഴു​ക്ക്, സ്വാ​ഭാ​വം, ആ​ഴം, പ​ര​പ്പ് തു​ട​ങ്ങി​യ​വ വ്യ​ത്യാ​സ​പ്പെ​ട്ടി​രി​ക്കു​മെ​ന്നാ​ണ്. ഇ​ത് നീ​ന്ത​ല​റി​യു​ന്ന ആ​ളെ​യും ര​ക്ഷ​പ്പെ​ടു​ത്താ​ന്‍ ഇ​റ​ങ്ങു​ന്ന​വ​രെ​യും അ​പ​ക​ട​ത്തി​ല്‍​പ്പെ​ടു​ത്തും.

മു​ങ്ങി​മ​ര​ണ​ങ്ങ​ൾ നി​മി​ഷ​ങ്ങ​ളു​ടെ സൃ​ഷ്‌​ടി​യാ​ണ്. പ്രി​യ​പ്പെ​ട്ട​വ​ർ​ക്കു​പോ​ലും പ​ല​പ്പോ​ഴും കാ​ഴ്ച​ക്കാ​രാ​യി നി​ൽ​ക്കാ​നേ ക​ഴി​യൂ. സ്വ​ന്തം ജീ​വ​ൻ സ്വ​ന്തം ഉ​ത്ത​ര​വാ​ദി​ത്വ​മാ​ണെ​ന്ന് ഓ​ർ​മ വേ​ണം. അ​മേ​രി​ക്ക​ൻ‌ ബാ​സ്ക​റ്റ് ബോ​ൾ താ​രം ഗി​ൽ​ബെ​ർ​ട്ട് അ​രീ​ന​സി​ന്‍റെ ശ്ര​ദ്ധേ​യ​മാ​യ ഒ​രു നി​രീ​ക്ഷ​ണ​മു​ണ്ട്: “ന​മ്മ​ൾ ക​ര​യി​ലും സ്രാ​വു​ക​ൾ വെ​ള്ള​ത്തി​ലു​മാ​ണ് ജീ​വി​ക്കു​ന്ന​ത്.

നാം ​വെ​ള്ള​ത്തി​ലി​റ​ങ്ങു​ന്പോ​ൾ സ്രാ​വ് ആ​ക്ര​മി​ക്കു​ന്ന​ത് അ​തി​ക്ര​മി​ച്ചു ക​ട​ക്കു​ന്ന​തു​കൊ​ണ്ടാ​ണ്. അ​ത് സ്രാ​വി​ന്‍റെ ആ​ക്ര​മ​ണ​മ​ല്ല.” പു​ഴ​യോ തോ​ടോ കു​ള​മോ ക​ട​ലോ ആ​ക​ട്ടെ, അ​തു ന​മ്മു​ടെ ആ​വാ​സ​കേ​ന്ദ്ര​മ​ല്ല. ന​മു​ക്കു ശ്വ​സി​ക്കാ​നാ​വാ​ത്ത ആ ​ലോ​ക​ത്തേ​ക്കു നാം ​അ​തി​ക്ര​മി​ച്ചു ക​ട​ക്കു​ന്നു​ണ്ടെ​ങ്കി​ൽ മു​ൻ​ക​രു​ത​ലെ​ടു​ത്തേ മ​തി​യാ​കൂ.
Copyright @ 2018 , Rashtra Deepika Ltd.