Play Audio

വി​ജ​യാ​ര​വ​ത്തെ വി​ലാ​പ​യാ​ത്ര​യാ​ക്കി​യ​വ​ർ ര​ക്ഷ​പ്പെ​ട​രു​ത്
Thursday, June 5, 2025 12:00 AM IST
ഭ്രാ​ന്തോ​ള​മെ​ത്തി​യ ക്രി​ക്ക​റ്റ് ആ​വേ​ശ​ത്തെ മു​ത​ലാ​ക്കു​ന്ന സം​ഘാ​ട​ക​രും ക​ളി​ക്കാ​രും ഉ​ൾ​പ്പെ​ടെ​യു​ള്ള​വ​രു​ടെ വീ​ടു​ക​ളി​ലേ​ക്കു കോ​ടി​ക​ൾ എ​ത്തി​യ​പ്പോ​ൾ ആ​രാ​ധ​ക​രു​ടെ വീ​ട്ടി​ലെ​ത്തി​യ​ത് ച​ല​ന​മ​റ്റ ശ​രീ​ര​ങ്ങ​ൾ..!

മ​റ്റൊ​ന്നും പ​റ​യാ​നി​ല്ല; ബം​ഗ​ളൂ​രു​വി​ൽ അ​ധി​കൃ​ത​ർ ഒ​രു​ക്കി​യ മ​ര​ണ​ക്കു​രു​ക്കി​ലാ​ണ് കൂ​ട്ട​മ​ര​ണം ഉ​ണ്ടാ​യി​രി​ക്കു​ന്ന​ത്.

ഐ​പി​എ​ല്ലി​ൽ ആ​ദ്യ​മാ​യി കി​രീ​ടം നേ​ടി​യ റോ​യ​ൽ ചാ​ല​ഞ്ചേ​ഴ്സ് ബം​ഗ​ളൂ​രു​വി​ന് സ​ർ​ക്കാ​രും ക​ർ​ണാ​ട​ക ക്രി​ക്ക​റ്റ് അ​സോ​സി​യേ​ഷ​നും ചി​ന്ന​സ്വാ​മി സ്റ്റേ​ഡി​യ​ത്തി​ൽ ഒ​രു​ക്കി​യ സ്വീ​ക​ര​ണ പ​രി​പാ​ടി​യി​ലെ തി​ക്കി​ലും തി​ര​ക്കി​ലും പെ​ട്ട് 11 പേ​ർ മ​രി​ച്ചെ​ന്നാ​ണ് ആ​ദ്യ റി​പ്പോ​ർ​ട്ടു​ക​ൾ.

പ​രി​ക്കേ​റ്റ നി​ര​വ​ധി പേ​ർ ചി​കി​ത്സ​യി​ലാ​ണ്. ഇ​തു വി​ളി​ച്ചു​വ​രു​ത്തി​യ ദു​ര​ന്ത​മാ​ണ്. വ​ലി​യ തി​ര​ക്കു​ണ്ടാ​കു​മെ​ന്നും പ​രി​പാ​ടി ഒ​ഴി​വാ​ക്ക​ണ​മെ​ന്നു​മു​ള്ള പോ​ലീ​സി​ന്‍റെ മു​ന്ന​റി​യി​പ്പു​ക​ൾ കെ​എ​സ്‌​സി​എ (ക​ർ​ണാ​ട​ക സ്റ്റേ​റ്റ് ക്രി​ക്ക​റ്റ് അ​സോ​സി​യേ​ഷ​ൻ) ഉ​ൾ​പ്പെ​ടെ അ​വ​ഗ​ണി​ച്ചു.

സു​ര​ക്ഷാ സൗ​ക​ര്യ​ങ്ങ​ൾ അ​പ​ര്യാ​പ്ത​മാ​ണെ​ന്ന് മാ​ധ്യ​മ പ്ര​വ​ർ​ത്ത​ക​രു​ൾ​പ്പെ​ടെ നി​ര​വ​ധി പേ​ർ കെ​എ​സ്‌​സി​എ​യു​ടെ ഗ്രൂ​പ്പി​ൽ ചൂ​ണ്ടി​ക്കാ​ണി​ക്കു​ക​യും ചെ​യ്തി​രു​ന്നെ​ങ്കി​ലും ചെ​വി​ക്കൊ​ണ്ടി​ല്ല.

അ​വി​ശ്വ​സ​നീ​യ​മാ​യ കാ​ര്യം, ഇ​ത്ര​യേ​റെ ആ​ളു​ക​ളു​ടെ മ​ര​ണ​ത്തി​നി​ട​യാ​ക്കി​യ ദു​ര​ന്ത​ത്തി​നു​ശേ​ഷ​വും സ്റ്റേ​ഡി​യ​ത്തി​ലെ ആ​ഘോ​ഷ​ങ്ങ​ൾ നി​ർ​ത്തി​വ​യ്ക്കാ​ൻ അ​ധി​കൃ​ത​ർ ത​യാ​റാ​യി​ല്ല എ​ന്ന​താ​ണ്. വി​രാ​ട് കോ​ഹ്‌​ലി​യും ക്യാ​പ്റ്റ​ൻ ര​ജ​ത് പാ​ട്ടി​ദാ​റും ഉ​ൾ​പ്പെ​ടെ ടീ​മൊ​ന്ന​ട​ങ്കം സ്റ്റേ​ഡി​യ​ത്തി​ലെ​ത്തു​ക​യും പ്ര​ക​ട​നം ന​ട​ത്തു​ക​യും ചെ​യ്തു.

ചൊ​വ്വാ​ഴ്ച രാ​ത്രി​യി​ൽ അ​ഹ​മ്മ​ദാ​ബാ​ദി​ൽ ന​ട​ന്ന ഐ​പി​എ​ൽ ട്വ​ന്‍റി-20 ഫൈ​ന​ലി​ലാ​ണ് പ​ഞ്ചാ​ബ് കിം​ഗ്സി​നെ വീ​ഴ്ത്തി റോ​യ​ൽ ചാ​ല​ഞ്ചേ​ഴ്സ് ബം​ഗ​ളൂ​രു (ആ​ർ​സി​ബി) കി​രീ​ടം നേ​ടി​യ​ത്. അ​ഹ​മ്മ​ദാ​ബാ​ദി​ൽ​നി​ന്ന് എ​ത്തു​ന്ന ആ​ർ​സി​ബി ടീ​മി​ന് അ​വ​രു​ടെ ഹോം ​ഗ്രൗ​ണ്ടാ​യ ചി​ന്ന​സ്വാ​മി സ്റ്റേ​ഡി​യ​ത്തി​ലാ​ണ് സ്വീ​ക​ര​ണം ഒ​രു​ക്കി​യി​രു​ന്ന​ത്.

ഇ​ന്ന​ലെ ഉ​ച്ച​യ്ക്കു മു​ന്പു​ത​ന്നെ സ്റ്റേ​ഡി​യ​ത്തി​ലും പ​രി​സ​ര​ത്തും തി​ര​ക്കാ​യി. തു​റ​ന്ന ബ​സി​ൽ താ​ര​ങ്ങ​ളെ ചി​ന്ന​സ്വാ​മി സ്റ്റേ​ഡി​യ​ത്തി​ൽ‌ എ​ത്തി​ക്കാ​നാ​യി​രു​ന്നു ആ​ലോ​ച​ന.

ആ​ദ്യം വി​ധാ​ൻ സൗ​ധ​യി​ലെ​ത്തി​യ ആ​ർ​സി​ബി താ​ര​ങ്ങ​ൾ ഐ​പി​എ​ല്‍ ട്രോ​ഫി​യു​മാ​യി മു​ഖ്യ​മ​ന്ത്രി സി​ദ്ധ​രാ​മ​യ്യ​യെ ക​ണ്ടു. അ​പ്പോ​ഴേ​ക്കും സ്റ്റേ​ഡി​യ​ത്തി​ലും പ​രി​സ​ര​ത്തും നി​യ​ന്ത്രി​ക്കാ​നാ​വാ​ത്ത തി​ര​ക്കാ​ണെ​ന്നു റി​പ്പോ​ർ​ട്ടു​ക​ൾ വ​ന്നു. ഇ​തോ​ടെ സ്റ്റേ​ഡി​യ​ത്തി​ലേ​ക്ക് തു​റ​ന്ന ബ​സി​ൽ ന​ട​ത്താ​നി​രു​ന്ന പ​രേ​ഡ് ഒ​ഴി​വാ​ക്കി.

അ​തി​നി​ടെ സ്റ്റേ​ഡി​യ​ത്തി​ന​ക​ത്തും പു​റ​ത്തും നി​യ​ന്ത്രി​ക്കാ​നാ​വാ​ത്ത​വി​ധം ജ​ന​ക്കൂ​ട്ട​മെ​ത്തു​ക​യും തി​ക്കി​ലും തി​ര​ക്കി​ലും ആ​ളു​ക​ൾ വീ​ഴു​ക​യും വീ​ണ​വ​ർ​ക്കു മു​ക​ളി​ലൂ​ടെ പ്രാ​ണ​ര​ക്ഷാ​ർ​ഥം മ​റ്റു​ള്ള​വ​ർ ക​യ​റി​യി​റ​ങ്ങു​ക​യും ചെ​യ്തു.

സ്റ്റേ​ഡി​യ​ത്തി​ന്‍റെ മ​തി​ൽ​ക്കെ​ട്ടി​ലും പ​രി​സ​ര​ത്തെ മ​ര​ങ്ങ​ളി​ലു​മെ​ല്ലാം ആ​ളു​ക​ൾ ക​യ​റി​ക്കൂ​ടി. അ​തി​നി​ടെ കൂ​ട്ട​മ​ര​ണ​ത്തി​ന്‍റെ വാ​ർ​ത്ത പു​റ​ത്തു​വ​ന്നെ​ങ്കി​ലും ആ​റു മ​ണി​യോ​ടെ ചി​ന്ന​സ്വാ​മി സ്റ്റേ​ഡി​യ​ത്തി​ലെ പ്ര​ത്യേ​കം ത​യാ​റാ​ക്കി​യ വേ​ദി​യി​ൽ താ​ര​ങ്ങ​ൾ അ​ണി​നി​ര​ന്നു. ക്യാ​പ്റ്റ​ൻ ര​ജ​ത് പാ​ട്ടി​ദാ​റും വി​രാ​ട് കോ​ഹ്‌​ലി​യും ആ​രാ​ധ​ക​രെ അ​ഭി​വാ​ദ്യം ചെ​യ്യു​ക​യും സ്റ്റേ​ഡി​യ​ത്തെ വ​ലം​വ​യ്ക്കു​ക​യും ചെ​യ്തു. സ്പോ​ർ​ട്സ്മാ​ൻ സ്പി​രി​റ്റോ വ​ക​തി​രി​വി​ല്ലാ​യ്മ​യോ?.

പു​റ​ത്ത് ആം​ബു​ല​ൻ​സു​ക​ൾ മൃ​ത​ദേ​ഹ​ങ്ങ​ളു​മാ​യി കു​തി​ച്ചു​പാ​യ​വേ സ്റ്റേ​ഡി​യ​ത്തി​നു​ള്ളി​ൽ വി​ജ​യാ​ഘോ​ഷം ന​ട​ത്തി​യ​ത് അ​ങ്ങേ​യ​റ്റം മ​നു​ഷ്യ​ത്വ​ര​ഹി​ത​മാ​യി​പ്പോ​യി. പു​റ​ത്ത് ന​ട​ന്ന ദു​ര​ന്തം അ​ക​ത്തു​ണ്ടാ​യി​രു​ന്ന സം​ഘാ​ട​ക​ര്‍ അ​റി​ഞ്ഞി​ല്ലെ​ന്നാ​ണ് ഐ​പി​എ​ല്‍ ചെ​യ​ര്‍​മാ​ന്‍ അ​രു​ണ്‍ ധു​മ​ല്‍ ഒ​രു​ളു​പ്പു​മി​ല്ലാ​തെ പ​റ​ഞ്ഞ​ത്.

ആ​രാ​ണ് പ​രി​പാ​ടി സം​ഘ​ടി​പ്പി​ച്ച​തെ​ന്ന് ത​ങ്ങ​ള്‍​ക്ക​റി​യി​ല്ല. സ്ഥി​തി മ​ന​സി​ലാ​ക്കി​യ​പ്പോ​ള്‍ റോ​യ​ല്‍ ചാ​ല​ഞ്ചേ​ഴ്‌​സ് മാ​നേ​ജ്മെ​ന്‍റു​മാ​യി സം​സാ​രി​ക്കു​ക​യും അ​വ​ര്‍ ച​ട​ങ്ങ് വേ​ഗം അ​വ​സാ​നി​പ്പി​ക്കു​മെ​ന്ന് ഉ​റ​പ്പു ന​ല്‍​കു​ക​യും ചെ​യ്തു​വ​ത്രേ.

ഐ​പി​എ​ല്ലു​മാ​യി ബ​ന്ധ​പ്പെ​ട്ട ബി​സി​സി​ഐ​യു​ടെ എ​ല്ലാ പ​രി​പാ​ടി​ക​ളും ചൊ​വ്വാ​ഴ്ച​യോ​ടെ അ​വ​സാ​നി​ച്ച​തി​നാ​ൽ തു​ട​ര്‍​ന്നു​ള്ള പ​രി​പാ​ടി​ക​ള്‍ ഫ്രാ​ഞ്ചൈ​സി​ക​ളു​ടെ ഉ​ത്ത​ര​വാ​ദി​ത്വ​മാ​ണെ​ന്ന് പ​റ​ഞ്ഞു കൈ​യൊ​ഴി​യു​ക​യും ചെ​യ്തു.

ഭ്രാ​ന്തോ​ള​മെ​ത്തി​യ ക്രി​ക്ക​റ്റ് ആ​വേ​ശ​ത്തെ മു​ത​ലാ​ക്കു​ന്ന ക​ളി​ക്കാ​രും സം​ഘാ​ട​ക​രും ഉ​ൾ​പ്പെ​ടെ​യു​ള്ള​വ​രു​ടെ വീ​ടു​ക​ളി​ലേ​ക്കു കോ​ടി​ക​ൾ എ​ത്തി​യ​പ്പോ​ൾ ആ​രാ​ധ​ക​രു​ടെ വീ​ട്ടി​ലെ​ത്തി​യ​ത് ച​ല​ന​മ​റ്റ ശ​രീ​ര​ങ്ങ​ൾ..! ക​ർ​ണാ​ട​ക സ​ർ​ക്കാ​രി​നും ക്രി​ക്ക​റ്റ് അ​സോ​സി​യേ​ഷ​നും ഐ​പി​എ​ൽ ഭാ​ര​വാ​ഹി​ക​ൾ​ക്കും ക്രി​ക്ക​റ്റ് ടീ​മി​നു​പോ​ലും ഉ​ത്ത​ര​വാ​ദി​ത്വ​ത്തി​ൽ​നി​ന്ന് ഒ​ഴി​യാ​നാ​കി​ല്ല.

17 വ​ർ​ഷ​ത്തെ കാ​ത്തി​രി​പ്പി​നൊ​ടു​വി​ൽ ത​ങ്ങ​ളു​ടെ ടീം ​വി​ജ​യി​ച്ച​ത് ബം​ഗ​ളൂ​രു​വി​ലെ കാ​യി​ക​പ്രേ​മി​ക​ൾ​ക്ക് എ​ത്ര ആ​വേ​ശ​ക​ര​മാ​യി​രി​ക്കു​മെ​ന്നും തൊ​ട്ടു​പി​ന്നാ​ലെ നാ​ട്ടി​ലെ​ത്തു​ന്ന ടീ​മി​നെ കാ​ണാ​ൻ ജ​നം ഇ​ടി​ച്ചി​റ​ങ്ങു​മെ​ന്നു​മു​ള്ള സാ​മാ​ന്യ​ബോ​ധം വേ​ണ്ട; സ്ഥി​തി അ​പ​ക​ട​ക​ര​മാ​ണെ​ന്ന പോ​ലീ​സി​ന്‍റെ​യും മാ​ധ്യ​മ​ങ്ങ​ളു​ടെ​യു​മൊ​ക്കെ മു​ന്ന​റി​യി​പ്പു​പോ​ലും അ​വ​ഗ​ണി​ച്ച​ത് ന്യാ​യീ​ക​രി​ക്കാ​വു​ന്ന​ത​ല്ല.

ക​ഴി​ഞ്ഞ ഫെ​ബ്രു​വ​രി​യി​ൽ കും​ഭ​മേ​ള​യി​ൽ പ​ങ്കെ​ടു​ക്കാ​ൻ പ്ര​യാ​ഗ്‌​രാ​ജി​ലേ​ക്കു തി​രി​ച്ച​വ​ർ ഡ​ൽ​ഹി റെ​യി​ൽ​വേ സ്റ്റേ​ഷ​നി​ലെ തി​ക്കി​ലും തി​ര​ക്കി​ലും പി​ട​ഞ്ഞു​മ​രി​ച്ച സം​ഭ​വ​ത്തി​ൽ​നി​ന്നും ആ​രു​മൊ​ന്നും പ​ഠി​ച്ചി​ല്ല.

കാ​ര​ണം, ഇ​തൊ​ന്നും അ​ധി​കാ​ര​സ്ഥാ​ന​ങ്ങ​ളി​ലു​ള്ള​വ​രെ നേ​രി​ട്ടു ബാ​ധി​ക്കു​ന്ന കാ​ര്യ​മ​ല്ല. ഔ​ദ്യോ​ഗി​ക ക​ണ​ക്ക​നു​സ​രി​ച്ച് അ​ന്നു 18 പേ​രാ​ണ് മ​രി​ച്ച​ത്. കോ​ടി​ക്ക​ണ​ക്കി​നു തീ​ർ​ഥാ​ട​ക​രെ​ത്തു​മെ​ന്നു യു​പി സ​ർ​ക്കാ​ർ ത​ന്നെ മു​ൻ​കൂ​ട്ടി പ​റ​ഞ്ഞി​രു​ന്ന കും​ഭ​മേ​ള​യു​ടെ മാ​സ​ങ്ങ​ൾ നീ​ണ്ട ഒ​രു​ക്ക​ങ്ങ​ൾ​ക്കു​ശേ​ഷ​വും റെ​യി​ൽ​വേ സ്റ്റേ​ഷ​നു​ക​ളി​ലെ​യും റോ​ഡു​ക​ളി​ലെ​യും തി​ര​ക്കു നി​യ​ന്ത്രി​ക്കാ​ൻ ക​ഴി​ഞ്ഞി​രു​ന്നി​ല്ല.

പ്ര​യാ​ഗ്‌​രാ​ജി​ലാ​ണെ​ങ്കി​ലും ബം​ഗ​ളൂ​രു​വി​ലാ​ണെ​ങ്കി​ലും മ​നു​ഷ്യ​രെ മ​ര​ണ​ത്തി​നു വി​ട്ടു​കൊ​ടു​ക്കു​ന്ന കെ​ടു​കാ​ര്യ​സ്ഥ​ത​യ്ക്ക് അ​റു​തി വ​രു​ത്ത​ണം. അ​തി​ന് ആ​ദ്യം ചെ​യ്യേ​ണ്ട​ത് ഉ​ത്ത​ര​വാ​ദി​ക​ളെ നി​യ​മ​ത്തി​നു മു​ന്നി​ലെ​ത്തി​ക്കു​ക​യാ​ണ്. അ​റി​ഞ്ഞി​ല്ലെ​ന്നു പ​റ​ഞ്ഞും ഖേ​ദം പ്ര​ക​ടി​പ്പി​ച്ചും ഒ​രാ​ളും ര​ക്ഷ​പ്പെ​ട​രു​ത്. ഇ​തൊ​ക്കെ അ​റി​യാ​നാ​ണ് ഇ​വ​രെ​യൊ​ക്കെ ഓ​രോ സ്ഥാ​ന​ത്ത് ഇ​രു​ത്തി​യി​ട്ടു​ള്ള​ത്.
Copyright @ 2018 , Rashtra Deepika Ltd.