Cinema
സ​ത്യ​മാ​യും, സോ​നു​വി​ന്‍റെ ഹൃ​ദ​യ​ക​ഥ!
Tuesday, September 9, 2025 9:59 AM IST
തി​ര​ക്ക​ഥ​യെ​ഴു​തി സം​വി​ധാ​നം​ചെ​യ്ത ആ​ദ്യ ഷോ​ര്‍​ട്ട്ഫി​ലിം "നൈ​റ്റ് കോ​ളി’​ലെ സം​ഭാ​ഷ​ണ​ങ്ങ​ളി​ലൂ​ടെ സോ​നു ടി.​പി. എ​ന്ന ചെ​റു​പ്പ​ക്കാ​ര​ന്‍ സ​ത്യ​ന്‍ അ​ന്തി​ക്കാ​ടി​ന്‍റെ ഹൃ​ദ​യം ക​വ​ര്‍​ന്ന​തും പി​ന്നീ​ട് മോ​ഹ​ന്‍​ലാ​ല്‍​ചി​ത്രം "ഹൃ​ദ​യ​പൂ​ര്‍​വ'​ത്തി​നു തി​ര​ക്ക​ഥ​യൊ​രു​ക്കി​യ​തും ഒ​രു സി​നി​മാ​ക്ക​ഥ​പോ​ലെ ഹൃ​ദ്യം. ക​രു​ത്താ​ര്‍​ന്ന ക​ഥാ​മു​ഹൂ​ര്‍​ത്ത​ങ്ങ​ളി​ലൂ​ടെ​യും ഹൃ​ദ​യം​തൊ​ടു​ന്ന ന​ര്‍​മ​നി​മി​ഷ​ങ്ങ​ളി​ലൂ​ടെ​യും സ​ഞ്ച​രി​ക്കു​ന്ന ഫീ​ല്‍​ഗു​ഡ് തി​ര​ക്ക​ഥ​യാ​ണു ചി​ത്ര​ത്തി​ന്‍റെ ജീ​വ​ന്‍.

""സ​ത്യ​ന്‍ സാ​റി​ന്‍റെ സെ​റ്റി​ല്‍ നി​ല്‍​ക്കാ​ന്‍ അ​വ​സ​ര​മു​ണ്ടാ​യ​തും അ​ദ്ദേ​ഹം ഷൂ​ട്ട് ചെ​യ്യു​ന്ന​ത് അ​ടു​ത്തു​നി​ന്നു കാ​ണാ​നാ​യ​തും വ​ലി​യ ഭാ​ഗ്യ​മ​ല്ലേ. അ​ദ്ദേ​ഹ​ത്തോ​ടൊ​പ്പ​മി​രു​ന്നു സ്ക്രി​പ്റ്റ് വ​ര്‍​ക്ക് ചെ​യ്യു​ക, അ​ദ്ദേ​ഹ​ത്തോ​ടു സം​സാ​രി​ക്കു​ക എ​ന്ന​തു​ത​ന്നെ വ​ള​രെ ര​സ​ക​ര​മാ​യ ഒ​രു പ്രോ​സ​സാ​ണ്. ഒ​പ്പം വ​ര്‍​ക്ക് ചെ​യ്തു കൊ​തി​തീ​ര്‍​ന്നി​ട്ടി​ല്ലെ​ന്നു​ത​ന്നെ പ​റ​യാം’’-​സോ​നു ടി.​പി. സ​ണ്‍​ഡേ​ദീ​പി​ക​യോ​ടു പ​റ​ഞ്ഞു.

സ​ത്യ​ന്‍ അ​ന്തി​ക്കാ​ടി​ലേ​ക്ക് എ​ത്തി​യ​ത്..‍?

കു​റേ വ​ര്‍​ഷ​ങ്ങ​ളാ​യി സി​നി​മ​യു​ടെ പി​ന്നാ​ലെ​ത​ന്നെ​യാ​ണ്. കാ​ഞ്ഞി​ര​പ്പ​ള്ളി​യാ​ണു സ്വ​ദേ​ശം. സം​വി​ധാ​യ​ക​നാ​കാ​ന്‍ മോ​ഹി​ച്ചു. പി​ന്നീ​ട് എ​ഴു​ത്തി​ലൂ​ടെ സി​നി​മ​യി​ലെ​ത്താ​മെ​ന്നു ക​രു​തി. താ​ര​ങ്ങ​ളു​ടെ അ​പ്പോ​യ്ന്‍റ്മെ​ന്‍റൊ​ന്നും കി​ട്ടാ​തെ സം​ഘ​ര്‍​ഷ​ഭ​രി​ത​മാ​യ ഒ​രു കാ​ലം.



അ​തി​നി​ടെ ടെ​ക്നോ​പാ​ര്‍​ക്കി​ല്‍ ക​ണ്ട​ന്‍റ് റൈ​റ്റ​റാ​യി, ര​ണ്ടു​വ​ര്‍​ഷ​ത്തോ​ളം. അ​തു രാ​ജി​വ​ച്ച് രേ​വ​തി ക​ലാ​മ​ന്ദി​റി​ല്‍ ഫി​ലിം ഡ​യ​റ​ക്‌​ഷ​ന്‍ പ​ഠി​ച്ചു. തു​ട​ര്‍​ന്നു ശ്യാം​മോ​ഹ​ന്‍ എ​ന്ന ഏ​ക അ​ഭി​നേ​താ​വ് മാ​ത്ര​മു​ള്ള നൈ​റ്റ് കോ​ള്‍ എ​ന്ന ഷോ​ര്‍​ട്ട് ഫി​ലിം സം​വി​ധാ​നം ചെ​യ്തു. അ​തു ക​ണ്ടാ​ണ് സ​ത്യ​ന്‍ സാ​ര്‍ എ​ന്നെ വി​ളി​ച്ച് അ​ഭി​ന​ന്ദി​ച്ച​ത്. അ​ദ്ദേ​ഹ​ത്തി​ന് ആ ​വ​ര്‍​ക്ക് അ​ത്ര​ത്തോ​ളം ഇ​ഷ്ട​പ്പെ​ട്ടി​രു​ന്നു.

പി​ന്നീ​ടു ഞ​ങ്ങ​ള്‍ ത​മ്മി​ല്‍ ഒ​രു വ​ര്‍​ഷ​ത്തോ​ളം യാ​തൊ​രു ബ​ന്ധ​വു​മി​ല്ലാ​യി​രു​ന്നു. മെ​സേ​ജ് അ​യ​ച്ചോ വി​ളി​ച്ചോ ശ​ല്യ​പ്പെ​ടു​ത്തേ​ണ്ട എ​ന്നോ​ര്‍​ത്തു. അ​ദ്ദേ​ഹം എ​ന്‍റെ വ​ര്‍​ക്ക് ക​ണ്ടു എ​ന്നു പ​റ​ഞ്ഞ​തു ത​ന്നെ വ​ലി​യ സ​ന്തോ​ഷ​മാ​യി​രു​ന്നു. ഒ​രു വ​ര്‍​ഷ​ത്തി​നു​ശേ​ഷം അ​ദ്ദേ​ഹം എ​ന്നെ വി​ളി​ച്ചു നേ​രി​ല്‍ കാ​ണ​ണ​മെ​ന്നു പ​റ​ഞ്ഞു. നേ​രി​ല്‍ ക​ണ്ട​പ്പോ​ള്‍ പ​ങ്കു​വ​ച്ച ഒ​രു ക​ഥ​യു​ടെ വ​ണ്‍​ലൈ​ന്‍ എ​നി​ക്കി​ഷ്ട​മാ​യി.

അ​തി​ല്‍ 10 ശ​ത​മാ​നം മാ​ത്ര​മാ​യി​രു​ന്നു റി​യ​ല്‍ ലൈ​ഫ് സം​ഭ​വം. ഒ​രു ഫോ​ട്ടോ​യി​ല്‍ നി​ന്നു പ്ര​ചോ​ദ​നം നേ​ടി​യാ​ണ് അ​ഖി​ല്‍ സ​ത്യ​ന്‍ ആ ​വ​ണ്‍​ലൈ​നി​ലെ​ത്തി​യ​ത്. അ​തി​ല്‍ ഞാ​ന്‍ ക​ണ്ടെ​ത്തി​യ ഹ്യൂ​മ​റി​ന്‍റെ ചി​ല സാ​ധ്യ​ത​ക​ളി​ല്‍ സ​ത്യ​ന്‍​സാ​റി​ന്‍റെ മു​ഖം​തെ​ളി​ഞ്ഞു. പി​ന്നീ​ടു ഞാ​ൻ പ​റ​ഞ്ഞ ചി​ല സീ​നു​ക​ൾ അ​ദ്ദേ​ഹ​ത്തി​നു ര​സ​ക​ര​മാ​വു​ക​യും എ​ന്നെ​ക്കൊ​ണ്ട് ഇ​തു പ​റ്റു​മെ​ന്നു തോ​ന്നു​ക​യും ചെ​യ്ത​തു​കൊ​ണ്ടാ​ണ് എ​ന്നെ കൂ​ടെ​ക്കൂ​ട്ടി​യ​തും തി​ര​ക്ക​ഥ​യെ​ഴു​താ​ൻ ന​മു​ക്കൊ​ന്നി​ച്ചി​രി​ക്കാ​മെ​ന്ന് എ​ന്നോ​ടു പ​റ​ഞ്ഞ​തും.

സ​ത്യ​ന്‍ അ​ന്തി​ക്കാ​ടി​നൊ​പ്പ​മു​ള്ള തി​ര​ക്ക​ഥ​യെ​ഴു​ത്ത്..?

തി​ര​ക്ക​ഥാ​കൃ​ത്തി​നൊ​പ്പ​മി​രു​ന്നു വ​ര്‍​ക്ക് ചെ​യ്യു​ന്ന​താ​ണ് സ​ത്യ​ന്‍​സാ​റി​ന്‍റെ രീ​തി. അ​തു​കൊ​ണ്ടാ​ണ് റൈ​റ്റ​ര്‍ ആ​രാ​ണെ​ങ്കി​ലും അ​ദ്ദേ​ഹ​ത്തി​ന്‍റെ സി​നി​മ​ക​ള്‍​ക്ക് ഒ​രു പൊ​തു​സ്വ​ഭാ​വ​മു​ള്ള​ത്. സ്ക്രി​പ്റ്റ് ക​ട​ലാ​സി​ലാ​ക്കും​മു​മ്പ് ഞാ​നും അ​ദ്ദേ​ഹ​വു​മു​ള്‍​പ്പെ​ടെ ഒ​രു സം​ഘം ലൊ​ക്കേ​ഷ​ന്‍ ഹ​ണ്ടി​നാ​യും പ​രി​സ​രം ഒ​ന്ന് അ​റി​ഞ്ഞി​രി​ക്കാ​നും വേ​ണ്ടി ഒ​രാ​ഴ്ച പൂ​നെ​യി​ല്‍ പോ​യി​രു​ന്നു.

ഓ​രോ സീ​നും സ​ത്യ​ന്‍ സാ​റി​നൊ​പ്പ​മി​രു​ന്നാ​ണ് വ​ര്‍​ക്കൗ​ട്ട് ചെ​യ്ത​ത്. അ​ദ്ദേ​ഹം ഓ​കെ പ​റ​ഞ്ഞ​ശേ​ഷ​മേ അ​ടു​ത്ത സീ​നി​ലേ​ക്കു പോ​യി​രു​ന്നു​ള്ളൂ. സെ​ക്ക​ന്‍​ഡ് ഡ്രാ​ഫ്റ്റ് അ​ഖി​ല്‍ സ​ത്യ​നു​മാ​യും അ​സോ​സി​യേ​റ്റ് അ​നൂ​പ് സ​ത്യ​നു​മാ​യും ച​ര്‍​ച്ച​ചെ​യ്ത് അ​വ​രു​ടെ​കൂ​ടി ആ​ശ​യ​ങ്ങ​ള്‍ സ്വീ​ക​രി​ച്ചു. പ​ക്ഷേ, ഇ​തു സ​ത്യ​ന്‍ അ​ന്തി​ക്കാ​ട് സ്വ​ഭാ​വ​മു​ള്ള, അ​ദ്ദേ​ഹ​ത്തി​ന്‍റെ കാ​ഴ്ച​പ്പാ​ടി​ലു​ള്ള സി​നി​മ ത​ന്നെ​യാ​ണ്. ഞ​ങ്ങ​ള്‍ മൂ​ന്നു​പേ​രു​ടെ​യും ആ​ശ​യ​ങ്ങ​ള്‍ അ​ദ്ദേ​ഹം കേ​ള്‍​ക്കു​മെ​ന്നേ​യു​ള്ളൂ.

ത​നി​ക്ക് ഉ​ള്‍​ക്കൊ​ള്ളാ​നാ​കു​ന്ന​തു മാ​ത്ര​മേ അ​തി​ല്‍​നി​ന്ന് എ​ടു​ത്തി​രു​ന്നു​ള്ളൂ. എ​ത്ര​ത​ന്നെ നി​ര്‍​ബ​ന്ധി​ച്ചാ​ലും ത​ന്‍റെ കാ​ഴ്ച​പ്പാ​ടി​ലു​ള്ള സി​നി​മ മാ​ത്ര​മേ അ​ദ്ദേ​ഹം ഷൂ​ട്ട് ചെ​യ്തി​ട്ടു​ള്ളൂ. അ​ദ്ദേ​ഹം പ​റ​ഞ്ഞ​താ​ണു ശ​രി​യെ​ന്നു പി​ന്നീ​ടു ന​മു​ക്കു​ത​ന്നെ മ​ന​സി​ലാ​യ സ​ന്ദ​ര്‍​ഭ​ങ്ങ​ള്‍ നി​ര​വ​ധി​യാ​ണ്.

മോ​ഹ​ന്‍​ലാ​ലി​നോ​ടു ക​ഥ പ​റ​ഞ്ഞ അ​നു​ഭ​വം..?



സീ​ന്‍ ഓ​ര്‍​ഡ​ര്‍ വ​ര്‍​ക്ക് ചെ​യ്ത​ശേ​ഷം സ​ത്യ​ന്‍​സാ​ര്‍ എ​ന്നെ​യും കൂ​ട്ടി​യാ​ണു ലാ​ല്‍ സാ​റി​ന്‍റെ​യ​ടു​ത്തു ക​ഥ ഫി​ക്സ് ചെ​യ്യാ​ന്‍ പോ​യ​ത്. ലാ​ല്‍ സാ​റി​നെ ആ​ദ്യ​മാ​യി അ​ടു​ത്തു ക​ണ്ട​തും അ​ന്നാ​യി​രു​ന്നു. അ​പ്പോ​ള്‍ തി​ര​ക്ക​ഥ ഏ​റെ​ക്കു​റെ പൂ​ര്‍​ത്തി​യാ​യി​രു​ന്നു, സം​ഭാ​ഷ​ണം എ​ഴു​തി​യി​രു​ന്നി​ല്ല. ഏ​റെ ചി​രി​ച്ച്, എ​ന്‍​ജോ​യ് ചെ​യ്ത് സീ​ന്‍ ബൈ ​സീ​ന്‍ കേ​ട്ടു. അ​തി​നും​മു​ന്നേ ഈ ​പ്രോ​ജ​ക്ടി​ല്‍ അ​ദ്ദേ​ഹം ഇ​ന്‍ ആ​യ​താ​ണ്. ഒ​രു അ​വാ​ര്‍​ഡ് ഷോ​യി​ല്‍​വ​ച്ച് ഇ​തി​ന്‍റെ വ​ണ്‍​ലൈ​ന്‍ സ​ത്യ​ന്‍​സാ​ര്‍ ലാ​ലേ​ട്ട​നോ​ടു പ​റ​ഞ്ഞി​രു​ന്നു. ലാ​ല്‍​സാ​റാ​ണ് അ​പ്പോ​ള്‍​ത്ത​ന്നെ ഇ​തി​നു ഹൃ​ദ​യ​പൂ​ര്‍​വം എ​ന്നു പേ​രി​ട്ട​ത്.

സം​ഗീ​തി​നെ മ​ന​സി​ല്‍ ക​ണ്ട് എ​ഴു​തി​യ​താ​ണോ..?



ആ​ളു​ക​ള്‍ ചി​രി​ക്ക​ണ​മെ​ന്നു​ദ്ദേ​ശി​ച്ച് എ​ഴു​തി​യ 95 ശ​ത​മാ​നം ഹ്യൂ​മ​റും വ​ര്‍​ക്കാ​യ​തി​ല്‍ വ​ലി​യ സ​ന്തോ​ഷ​മു​ണ്ട്. പ്ര​ത്യേ​കി​ച്ചും സം​ഗീ​തി​ന്‍റെ കാ​ര്യ​ത്തി​ല്‍. പ്രേ​മ​ലു​വി​ലെ സം​ഗീ​തി​നെ​ത്ത​ന്നെ ഇ​വി​ടെ കൊ​ണ്ടു​വ​രാ​നാ​ണു നോ​ക്കി​യ​ത്. പ്രേ​മ​ലു ഞാ​ന്‍ റി​പ്പീ​റ്റ​ടി​ച്ചു ക​ണ്ട പ​ട​മാ​യ​തി​നാ​ല്‍ സം​ഗീ​തി​ന്‍റെ റെ​ന്‍​ഡ​റിം​ഗും വോ​യ്സു​മൊ​ക്കെ ന​ന്നാ​യി അ​റി​യാം. സം​ഗീ​തി​നെ മ​ന​സി​ല്‍ ക​ണ്ടു​ത​ന്നെ​യാ​ണ് ഡ​യ​ലോ​ഗു​ക​ള്‍ എ​ഴു​തി​യ​ത്. എ​ഴു​തി​യ​തി​ന്‍റെ പ​ത്തി​ര​ട്ടി​യാ​യി സം​ഗീ​ത് അ​തി​ലെ ഹ്യൂ​മ​ര്‍ പെ​ര്‍​ഫോം ചെ​യ്തു. സം​ഗീ​തി​നെ ആ​രു​മാ​യും താ​ര​ത​മ്യ​പ്പെ​ടു​ത്താ​ന്‍ തോ​ന്നു​ന്നി​ല്ല. അ​ദ്ദേ​ഹ​ത്തി​നു ത​ന്‍റേ​താ​യ ഒ​രു ഇ​ടം ഇ​വി​ടെ​യു​ണ്ട്.

മാ​ള​വി​ക​യ്ക്കും സം​ഗീ​ത​യ്ക്കും തു​ല്യ​പ്രാ​ധാ​ന്യ​മാ​ണ​ല്ലോ..?



ആ​ര്‍​ട്ടി​സ്റ്റു​ക​ള്‍​ക്കു​വേ​ണ്ടി അ​ങ്ങ​നെ​യാ​ക്കി​യ​ത​ല്ല. അ​തു തി​ര​ക്ക​ഥ​യെ​ഴു​ത്തി​ല്‍ ഓ​ര്‍​ഗാ​നി​ക്കാ​യി വ​ന്നു​പോ​കു​ന്ന​താ​ണ്. പ​ക്ഷേ, എ​ഴു​തു​മ്പോ​ള്‍ അ​തി​ല്‍ ഒ​രു ക​ഥാ​പാ​ത്രം താ​ഴ്ന്നു​പോ​ക​രു​തെ​ന്ന ബോ​ധ്യ​മു​ണ്ടാ​യി​രു​ന്നു. എ​ങ്കി​ല്‍​മാ​ത്ര​മേ സി​നി​മ എ​ന്‍​ഗേ​ജിം​ഗ് ആ​വു​ക​യു​ള്ളൂ. സം​ഗീ​ത​യു​ടെ ക​ഥാ​പാ​ത്രം അ​ങ്ങ​നെ വ​ന്ന​തു​കൊ​ണ്ടാ​ണ് മാ​ള​വി​ക​യും പെ​ര്‍​ഫോം ചെ​യ്ത​ത്.

സെ​റ്റി​ല്‍ മോ​ഹ​ന്‍​ലാ​ലി​നൊ​പ്പ​മു​ള്ള അ​നു​ഭ​വം..?

ന​മ്മ​ള്‍ എ​ഴു​തി​യ ഡ​യ​ലോ​ഗ് ലാ​ല്‍ സാ​ര്‍ പ​റ​യു​ന്ന​തു കേ​ള്‍​ക്കാ​നാ​യി എ​ന്ന​തി​ന​പ്പു​റം പ്ര​ത്യേ​കി​ച്ച് അ​നു​ഭ​വ​മൊ​ന്നു​മി​ല്ല. സ്ക്രി​പ്റ്റി​ല്‍ അ​ധി​കം ഇ​ട​പെ​ടാ​നോ തി​രു​ത്താ​നോ അ​ദ്ദേ​ഹം വ​രാ​റി​ല്ല. ഒ​രു പെ​ര്‍​ഫോ​ര്‍​മ​ര്‍ എ​ന്ന നി​ല​യി​ല്‍ ന​മ്മ​ളെ ഞെ​ട്ടി​ക്കു​ന്ന ഇം​പ്രോ​വൈ​സേ​ഷ​ന്‍ ഉ​ണ്ടാ​കാ​റു​ണ്ട്. ന​മ്മ​ള്‍ എ​ഴു​തി​യ​തി​ന്‍റെ പ​ത്തി​ര​ട്ടി​യാ​വും അ​ദ്ദേ​ഹം തി​രി​ച്ചു​ത​രി​ക. അ​തു ക​ണ്‍​മു​ന്നി​ല്‍ കാ​ണു​മ്പോ​ള്‍ വ​ല്ലാ​ത്തൊ​രു ഫീ​ലാ​ണ്. ഡ​ബ്ബിം​ഗ് തി​യ​റ്റ​റി​ല്‍ പു​നഃ​സൃ​ഷ്ടി​ക്കാ​നാ​വാ​ത്ത ചി​ല​തു സി​ങ്ക്സൗ​ണ്ടി​ല്‍ കി​ട്ടി​യ​തു ഹ്യൂ​മ​ര്‍ സീ​നു​ക​ളെ​യും കൂ​ടു​ത​ല്‍ ര​സ​ക​ര​മാ​ക്കി.

സ​ത്യ​ന്‍ അ​ന്തി​ക്കാ​ട് സെ​റ്റി​ല്‍ ഏ​റ്റ​വും ആ​ക​ര്‍​ഷി​ച്ച​ത്..‍?



പൂ​നെ ഷെ​ഡ്യൂ​ള്‍ ഒ​ഴി​കെ, ഞാ​നും സെ​റ്റി​ലു​ണ്ടാ​യി​രു​ന്നു. ആ​ര്‍​ട്ടി​സ്റ്റ് എ​ത്ര​യൊ​ക്കെ തെ​റ്റു​വ​രു​ത്തി​യാ​ലും അ​വ​രോ​ടു ശ​ബ്ദ​മു​യ​ര്‍​ത്തി ക​യ​ര്‍​ത്തു സം​സാ​രി​ക്കാ​തെ​യും ശ​കാ​രി​ക്കാ​തെ​യും വ​ള​രെ ശാ​ന്ത​മാ​യാ​ണ് അ​ദ്ദേ​ഹം അ​തൊ​ക്കെ കൈ​കാ​ര്യം ചെ​യ്തി​രു​ന്ന​ത്. അ​ദ്ദേ​ഹം സീ​ന്‍ വാ​യി​ക്കു​മ്പോ​ള്‍​ത​ന്നെ എ​ന്താ​ണു​ദ്ദേ​ശി​ച്ച​തെ​ന്ന് ആ​ര്‍​ട്ടി​സ്റ്റി​നു കൃ​ത്യ​മാ​യി കി​ട്ടും. അ​ദ്ദേ​ഹ​ത്തി​ന്‍റെ സി​നി​മ​ക​ള്‍ പോ​ലെ​യാ​ണ് അ​ദ്ദേ​ഹ​ത്തി​ന്‍റെ സെ​റ്റു​ക​ളും. ഞാ​നും അ​ത​നു​ഭ​വി​ച്ച​റി​ഞ്ഞ​താ​ണ്.

Copyright @ 2018 , Rashtra Deepika Ltd.