ത​നി​ക്കെ​തി​രെ വ്യാ​ജ ആ​രോ​പ​ണം ഉ​ന്ന​യി​ച്ചെ​ന്ന് ചൂ​ട്ടി​ക്കാ​ട്ടി 10 കോ​ടി രൂ​പ ന​ഷ്‌​ട​പ​രി​ഹാ​രം ആ​വ​ശ്യ​പ്പെ​ട്ട് അ​സോ​സി​യേ​ഷ​ന്‍ ഓ​ഫ് സ​ര്‍​ജ​ന്‍​സ് ഓ​ഫ് ഇ​ന്ത്യ​യ്‌​ക്ക് (എ​എ​സ്ഐ​സി​ഒ​എ​ൻ) നോ​ട്ടീ​സ് അ​യ​ച്ച് സം​ഗീ​ത സം​വി​ധാ​യ​ക​ൻ എ.​ആ​ർ. റ​ഹ്‌​മാ​ൻ.

സം​ഗീ​ത പ​രി​പാ​ടി​ക്കായി അ​ഞ്ച് വ​ർ​ഷം മു​ൻ​പ് മു​ൻ​കൂ​ർ തു​ക​യാ​യി വാ​ങ്ങി​യ പ​ണം റ​ഹ്‌​മാ​ൻ ഇ​തു​വ​രെ തി​രി​കെ ന​ൽ​കി​യി​ല്ലെ​ന്ന് ആ​രോ​പി​ച്ച് സ​ർ​ജ​ൻ​സ് സം​ഘ​ട​ന ചെ​ന്നൈ പോ​ലീ​സ് ക​മ്മി​ഷ​ണ​ർ​ക്ക് പ​രാ​തി ന​ൽ​കി​യി​രു​ന്നു.

2018ൽ ​ചെ​ന്നൈ​യി​ൽ ന​ട​ന്ന സ​മ്മേ​ള​ന​ത്തി​നൊ​പ്പം റ​ഹ്‌​മാ​ന്‍റെ സം​ഗീ​ത പ​രി​പാ​ടി​യും ന​ട​ത്താ​ൻ സം​ഘ​ട​ന തീ​രു​മാ​നി​ച്ചി​രു​ന്നു. ഇ​തി​നാ​യി റ​ഹ്‌​മാ​ന് അ​ഡ്വാ​ൻ​സ് തു​ക​യാ​യി 29.5 ല​ക്ഷം രൂ​പ ന​ൽ​കി. എ​ന്നാ​ൽ അ​നു​യോ​ജ്യ​മാ​യ സ്ഥ​ല​വും സ​ർ​ക്കാ​ർ അ​നു​മ​തി​യും കി​ട്ടാ​തെ വ​ന്ന​തോ​ടെ പ​രി​പാ​ടി റ​ദ്ദാ​ക്കു​ക​യാ​യി​രു​ന്നു.

ഇ​ക്കാ​ര്യം റ​ഹ്‌​മാ​ന്‍റെ ടീ​മി​നെ​യും അ​റി​യി​ച്ചി​രു​ന്നു. എ​ന്നാ​ൽ അ​ഡ്വാ​ൻ​സ് തു​ക മ​ട​ക്കി ചോ​ദി​ച്ച​പ്പോ​ൾ പ​ണ​മി​ല്ലാ​ത്ത ചെ​ക്ക് ത​ന്ന് ത​ങ്ങ​ളെ വ​ഞ്ചി​ച്ചെ​ന്നാ​യി​രു​ന്നു സം​ഘ​ട​ന​യു​ടെ പ​രാ​തി. പ​ണം മ​ട​ക്കി കി​ട്ടാ​ൻ അ​ഞ്ച് വ​ർ​ഷ​മാ​യി ശ്ര​മി​ക്കു​ക​യാ​ണെ​ന്നും സം​ഘ​ട​ന പ​റ​ഞ്ഞു.

എ​ന്നാ​ൽ സം​ഘ​ട​ന​യു​ടെ ആ​രോ​പ​ണ​ത്തെ നി​ക്ഷേ​ധി​ച്ച് റ​ഹ്‌​മാ​നും രം​ഗ​ത്തെ​ത്തി. ആ​ദ്യ​മാ​യാ​ണ് വി​ഷ​യ​ത്തി​ൽ അ​ദ്ദേ​ഹം പ്ര​തി​ക​രി​ക്കു​ന്ന​ത്.

ത​ന്നെ അ​പ​കീ​ർ​ത്തി​പ്പെ​ടു​ത്താ​നു​ള്ള ശ്ര​മ​മാ​ണ് ന​ട​ക്കു​ന്ന​തെ​ന്നും മൂ​ന്ന് ദി​വ​സ​ത്തി​നു​ള്ളി​ൽ പ​രാ​തി പി​ൻ​വ​ലി​ച്ച് പ​ര​സ്യ​മാ​യി മാ​പ്പു പ​റ​യ​ണ​മെ​ന്നാ​ണ് ആ​വ​ശ്യം. അ​ല്ലാ​ത്ത പ​ക്ഷം 10 കോ​ടി രൂ​പ ന​ഷ്‌​ട​പ​രി​ഹാ​രം ന​ൽ​ക​ണ​മെ​ന്നും റ​ഹ്‌​മാ​ൻ നോ​ട്ടീ​സി​ൽ പ​റ​യു​ന്നു.