വരുന്നൂ, രാജസ്ഥാനില്നിന്ന് ഒരു കൊടുങ്കാറ്റ്...! മലൈക്കോട്ടെ വാലിബന് ടീസര് ഇന്ന്
Wednesday, December 6, 2023 12:30 PM IST
ലിജോ ജോസ് പെല്ലിശേരിയും മോഹന്ലാലും ആദ്യമായി ഒന്നിക്കുന്ന ബിഗ് ബജറ്റ് ചിത്രം മലൈക്കോട്ടെ വാലിബന്റെ ടീസര് ഇന്ന് വൈകുന്നേരം അഞ്ചിന് റിലീസ് ചെയ്യും.
ഏറെനാളായി സിനിമാസ്വാദകരും മോഹൻലാല് ആരാധകരും കാത്തിരിക്കുന്ന അപ്ഡേറ്റ് ആയിരുന്നു ഇത്. ഇതിനോട് അനുബന്ധിച്ചുള്ള പോസ്റ്ററുകളും വീഡിയോകളും സമൂഹമാധ്യമങ്ങളിൽ നിറയുകയാണ്.
"നിങ്ങളൊന്ന് ഉഷാറാക് ലാലേട്ടാ...കളക്ഷൻ റിക്കാർഡുകൾ തകർത്തെറിയുന്ന ബോക്സോഫീസ് തമ്പുരാന്റെ കസേര ഇപ്പോഴും ഭദ്രമായിതന്നെ കൈയിലുണ്ട്, പുത്തൻ അവതാരം വരവേൽക്കാൻ കേരളം ഒരുങ്ങി കഴിഞ്ഞിരിക്കുന്നു, രാജസ്ഥാൻ മരുഭൂമിയിൽനിന്ന് ഒരു കൊടുങ്കാറ്റ് വരുന്നു...’ എന്നിങ്ങനെ പോകുന്നു ആരാധക കമന്റുകള്.
ചിത്രം 2024 ജനുവരി 25ന് തിയറ്ററുകളിൽ എത്തും. രാജസ്ഥാനിൽ ആയിരുന്നു ഭൂരിഭാഗം ഷൂട്ടിംഗും നടന്നത്. സെഞ്ച്വറി ഫിലിംസും ജോൺ മേരി ക്രിയേറ്റീവും ചേർന്നാണ് നിർമാണം. ചിത്രത്തിൽ മോഹൻലാൽ ഡബിൾ റോളിലാണെന്നാണ് വിവരം.