മ​ക​ൾ ദി​യ കൃ​ഷ്ണ​യു​ടെ സ്ഥാ​പ​ന​ത്തി​ലെ ജീ​വ​ന​ക്കാ​രെ ത​ട്ടി​ക്കാ​ണ്ടു​പോ​യി ഭീ​ഷ​ണി​പ്പെ​ടു​ത്തി​യെ​ന്ന കേ​സി​ൽ ന​ട​ൻ കൃ​ഷ്ണ​കു​മാ​റും മ​ക​ൾ ദി​യ​യും മു​ൻ​കൂ​ർ ജാ​മ്യ​ത്തി​ന് അ​പേ​ക്ഷ ന​ൽ​കി.

തി​രു​വ​ന​ന്ത​പു​രം പ്രി​ൻ​സി​പ്പ​ൽ സെ​ഷ​ൻ​സ് കോ​ട​തി​യി​ലാ​ണു ഹ​ർ​ജി ന​ൽ​കി​യ​ത്. കേ​സി​ൽ ജാ​മ്യ​മി​ല്ലാ വ​കു​പ്പ് പ്ര​കാ​രം മ്യൂ​സി​യം പോ​ലീ​സ് കേ​സെ​ടു​ത്ത​തി​നു പി​ന്നാ​ലെ​യാ​ണു മു​ൻ​കൂ​ർ ജാ​മ്യാ​പേ​ക്ഷ ന​ൽ​കി​യ​ത്.

അ​തേ​സ​മ​യം, ദി​യ കൃ​ഷ്ണ​യു​ടെ പ​രാ​തി​യി​ൽ ന​ട​ക്കു​ന്ന സാ​ന്പ​ത്തി​ക ത​ട്ടി​പ്പു കേ​സി​ൽ പോ​ലീ​സ് കൂ​ടു​ത​ൽ തെ​ളി​വു​ക​ൾ ശേ​ഖ​രി​ച്ചു. ദി​യ​യു​ടെ സ്ഥാ​പ​ന​ത്തി​ലെ ഉ​പ​യോ​ക്താ​ക്ക​ളു​ടെ വി​വ​ര​ങ്ങ​ൾ അ​ട​ങ്ങി​യ ര​ജി​സ്റ്റ​റും സി​സി​ടി​വി ദൃ​ശ്യ​ങ്ങ​ളും ഉ​ൾ​പ്പെ​ടെ​യു​ള്ള​വ ക​ഴി​ഞ്ഞ ദി​വ​സം പോ​ലീ​സ് ശേ​ഖ​രി​ച്ചി​രു​ന്നു.

ഇ​ന്ന​ലെ ജീ​വ​ന​ക്കാ​രാ​യ യു​വ​തി​ക​ളു​ടെ ബാ​ങ്ക് അ​ക്കൗ​ണ്ട് വി​വ​ര​ങ്ങ​ളും പോ​ലീ​സ് പ​രി​ശോ​ധി​ച്ചു. ഇ​തി​ൽ നി​ന്നും ഇ​വ​ർ ക്യൂ​ആ​ർ കോ​ഡ് വ​ഴി ഉ​പ​യോ​ക്താ​ക്ക​ളി​ൽ​നി​ന്നു പ​ണം സ്വ​ന്തം അ​ക്കൗ​ണ്ടി​ലേ​ക്ക് മാ​റ്റി​യ​താ​യി പോ​ലീ​സി​ന് തെ​ളി​വു ല​ഭി​ച്ചു.

എ​ന്നാ​ൽ ജീ​വ​ന​ക്കാ​ർ പ​റ​യു​ന്ന​തു പോ​ലെ ഇ​ത്ത​ര​ത്തി​ൽ ഉ​പ​ഭോ​ക്താ​ക്ക​ളി​ൽ​നി​ന്നു മേ​ടി​ച്ച പ​ണം ദി​യ കൃ​ഷ്ണ​യ്ക്കു കൈ​മാ​റി​യ​താ​യു​ള്ള തെ​ളി​വു​ക​ളൊ​ന്നും പോ​ലീ​സി​നു കി​ട്ടി​യി​ട്ടു​മി​ല്ല. ഇ​രു കൂ​ട്ട​രി​ൽ​നി​ന്നും വി​ശ​ദ​മാ​യ മൊ​ഴി അ​ടു​ത്ത ദി​വ​സ​ങ്ങ​ളി​ൽ ശേ​ഖ​രി​ക്കാ​നാ​ണു പോ​ലീ​സി​ന്‍റെ തീ​രു​മാ​നം.

യു​വ​തി​ക​ൾ കു​റ്റം സ​മ്മ​തി​ക്കു​ന്ന​താ​യി പു​റ​ത്തു​വ​ന്ന വീ​ഡി​യോ​ക​ളും സൈ​ബ​ർ സെ​ല്ലി​ന്‍റെ സ​ഹാ​യ​ത്തോ​ടെ പ​രി​ശോ​ധി​ക്കും. ഫോ​ണ്‍​രേ​ഖ​ക​ള​ട​ക്കം പ​രി​ശോ​ധ​ന​യ്ക്കു വി​ധേ​യ​മാ​ക്കും.

സ്ഥാ​പ​ന​ത്തി​നു​വേ​ണ്ടി ഓ​ഡി​റ്റിം​ഗ് ന​ട​ത്തു​ന്ന സ്വ​കാ​ര്യ​സ്ഥാ​പ​ന​ത്തി​ൽ​നി​ന്നു പോ​ലീ​സ് വി​വ​ര​ങ്ങ​ൾ തേ​ടി. കൃ​ഷ്ണ​കു​മാ​റി​ന്‍റെ​യും മ​ക​ളു​ടെ​യും ജീ​വ​ന​ക്കാ​രു​ടെ​യും അ​ക്കൗ​ണ്ടു​ക​ളും സി​സി​ടി​വി ദൃ​ശ്യ​ങ്ങ​ളും പോ​ലീ​സ് പ​രി​ശോ​ധി​ച്ചു​വ​രി​ക​യാ​ണ്.