എസ്സി/എസ്ടി രണ്ടാം സ്പെഷൽ അലോട്ട്മെന്റ്; ഓപ്ഷൻ രജിസ്ട്രേഷൻ രണ്ടുവരെ
എസ്സി/എസ്ടി വിഭാഗത്തിനായുള്ള രണ്ടാം സ്പെഷൽ അലോട്ട്മെന്റിന് രണ്ടിന് ഉച്ചകഴിഞ്ഞ് രണ്ടുവരെ ഓപ്ഷൻ രജിസ്ട്രേഷൻ നടത്താം. രണ്ടാം സ്പെഷൽ അലോട്ട്മെന്റ് മൂന്നിന് പ്രസിദ്ധീകരിക്കും. രണ്ടാം സ്പെഷൽ അലോട്ട്മെന്റിനുശേഷം എസ്സി/എസ്ടി വിഭാഗക്കാർക്കായി പ്രത്യേകം സംവരണം ലഭ്യമായിരിക്കില്ല.
എൽഎൽബി പരീക്ഷകേന്ദ്രം
മൂന്നുമുതൽ ആരംഭിക്കുന്ന നാലാം സെമസ്റ്റർ എൽഎൽബി പരീക്ഷകൾക്ക് രജിസ്റ്റർ ചെയ്ത വിദ്യാർഥികൾക്ക് പരീക്ഷ നടക്കുന്ന സർവകലാശാലയ്ക്കു കീഴിലുള്ള ഏത് ലോ കോളജിലും പരീക്ഷയെഴുതാം. ഇപ്രകാരം പരീക്ഷയ്ക്ക് രജിസ്റ്റർ ചെയ്തിട്ടുള്ളതും പരീക്ഷകേന്ദ്രം മാറി പരീക്ഷയെഴുതാൻ ആഗ്രഹിക്കുന്നതുമായ വിദ്യാർഥികൾ സർവകലാശാല വെബ്സൈറ്റിലെ ഗൂഗിൾ ഫോമിൽ ആവശ്യപ്പെട്ട വിവരങ്ങൾ ഒന്നിന് ഉച്ചകഴിഞ്ഞ് ഒന്നിനു മുന്പായി അപ്ലോഡ് ചെയ്യണം. ഗൂഗിൾ ഫോമിൽ ലഭിക്കുന്ന ഏഴ് കോളജുകളിൽ ഏതെങ്കിലും ഒരെണ്ണം വിദ്യാർഥികൾക്ക് പരീക്ഷകേന്ദ്രമായി തെരഞ്ഞെടുക്കാം.
വൈവാവോസി
2020 ജൂലൈയിൽ നടന്ന രണ്ടാം സെമസ്റ്റർ എംഫിൽ ഫിസിക്കൽ എഡ്യൂക്കേഷൻ (2017 അഡ്മിഷൻ) പരീക്ഷയുടെ ഡിസർട്ടേഷൻ/വൈവാവോസി പരീക്ഷ നാലിന് രാവിലെ 11ന് സർവകലാശാല സിൽവർ ജൂബിലി പരീക്ഷഭവനിലെ 201ാം നന്പർ മുറിയിൽ നടക്കും. വിദ്യാർഥികൾ ഹാൾടിക്കറ്റും തിരിച്ചറിയൽ രേഖയുമായി പരീക്ഷയ്ക്ക് എത്തണം. വിശദമായ ടൈംടേബിൾ സർവകലാശാല വെബ്സൈറ്റിൽ.
പൂർവവിദ്യാർഥി സംഗമം
സ്കൂൾ ഓഫ് ഇന്ത്യൻ ലീഗൽ തോട്ടിൽ വിവിധ വർഷങ്ങളിൽ പഠനം പൂർത്തിയാക്കിയവരുടെ പൂർവ വിദ്യാർഥി സംഗമം സംഘടിപ്പിക്കുന്നു. ഫോണ്: 9446126162.
ഓണ്ലൈൻ സംവാദത്തിന് അവസരം
സർവകലാശാല സിവിൽ സർവീസ് ഇൻസ്റ്റിറ്റ്യൂട്ടിന്റെ ആഭിമുഖ്യത്തിൽ ഇന്നു വൈകുന്നേരം നാലിന് കോഴിക്കോട് ജില്ല അസിസ്റ്റന്റ് കളക്ടർ ശ്രീധന്യ സുരേഷുമായി ഗൂഗിൾ മീറ്റിലൂടെ ഓണ്ലൈൻ സംവാദത്തിന് അവസരമൊരുക്കുന്നു. തത്സമയം ഫേസ്ബുക്കിലും യൂട്യൂബിലും ലഭ്യമായിരിക്കും. വിവരം വെബ്സൈറ്റിൽ ലഭിക്കും. ഫോണ്: 9188374553.