പരീക്ഷകൾ മാറ്റി
22, 24 തീയതികളിൽ നടത്താനിരുന്ന മൂന്നാം സെമസ്റ്റർ ബിഎ/ബികോം (സിബിസിഎസ്എസ് 2017 അഡ്മിഷനു മുൻപുള്ളവർ സപ്ലിമെന്ററി/201213 അഡ്മിഷൻ മേഴ്സി ചാൻസ് പ്രൈവറ്റ് രജിസ്ട്രേഷൻ) പരീക്ഷകൾ യഥാക്രമം അടുത്തമാസം 22, 25 തീയതികളിലേക്ക് മാറ്റി. പുതുക്കിയ ടൈംടേബിൾ വെബ് സൈറ്റിൽ.
അഫിലിയേറ്റഡ് കോളജുകളിലും സീപാസിലും 22 മുതൽ നടത്താൻ നിശ്ചയിച്ചിരുന്ന ഒന്നാം സെമസ്റ്റർ ബിഎഡ് (ക്രെഡിറ്റ് ആൻഡ് സെമസ്റ്റർ 2020 അഡ്മിഷൻ റഗുലർ/സപ്ലിമെന്ററി ദ്വിവത്സരം) പരീക്ഷകൾ മാറ്റി. പുതുക്കിയ തീയതി പിന്നീട്.
എംജി സർവകലാശാലയോട് അഫിലിയേറ്റ് ചെയ്ത ആർട്സ് ആൻഡ് സയൻസ് കോളജുകളിൽ ബിരുദപ്രവേശനത്തിനുള്ള നാലാം അലോട്മെന്റ് പ്രസിദ്ധീകരിച്ചു. അലോട്മെന്റ് ലഭിച്ചവർ സർവകലാശാല ഫീസ് ഓണ്ലൈനായി ഒടുക്കി പ്രവേശനം ഉറപ്പാക്കേണ്ടതും അതത് കോളജുമായി ബന്ധപ്പെട്ട് കോളജ് ഫീസ് ഒടുക്കി പ്രവേശനം സ്ഥിരപ്പെടുത്തേണ്ടതുമാണ്. 25നു വൈകുന്നേരം നാലിനകം ഫീസ് ഒടുക്കി പ്രവേശനം ഉറപ്പാക്കാത്തവരുടെ അലോട്മെന്റ് റദ്ദാകും.
പ്രവേശനം ഉറപ്പാക്കി കണ്ഫർമേഷൻ സ്ലിപ് ഡൗണ്ലോഡ് ചെയ്ത് വിദ്യാർഥികൾ സൂക്ഷിക്കണം. കണ്ഫർമേഷൻ സ്ലിപ്പിന്റെ അഭാവത്തിൽ ഇതുസംബന്ധിച്ച പരാതികൾ പരിഗണിക്കില്ല. നേരത്തെയുള്ള അലോട്മെന്റുകളിൽ താത്കാലിക പ്രവേശനം നേടിയിട്ടുള്ളവരും 25നു വൈകുന്നേരം നാലിനകം സ്ഥിരപ്രവേശനം ഉറപ്പാക്കണം. നാലാം അലോട്മെന്റിനുശേഷം പട്ടിക വിഭാഗങ്ങളിൽപ്പെട്ട അപേക്ഷകർക്ക് മാത്രമേ താൽക്കാലിക അലോട്മെന്റ് അനുവദിക്കുകയുള്ളൂ. ഒന്നാം സെമസ്റ്റർ ബിരുദ ക്ലാസുകൾ 27നു തുടങ്ങാനാണ് സർവകലാശാല ഉദ്ദേശിക്കുന്നത്.
ഒന്നാം സെമസ്റ്റർ ബിരുദപ്രവേശനത്തിനുള്ള സപ്ലിമെന്ററി അലോട്മെന്റ് പ്രകാരമുള്ള ഓപ്ഷൻ രജിസ്ട്രേഷന് ഒക്ടോബർ 12 മുതൽ 18 വരെ അവസരം. നിലവിൽ അപേക്ഷ സമർപ്പിക്കാത്തവർക്കും മുൻ അലോട്മെന്റുകളിൽ പ്രവേശനം ലഭിച്ചവർക്കും സപ്ലിമെന്ററി അലോട്മെന്റിനായി രജിസ്റ്റർ ചെയ്യാം. നിലവിൽ പ്രവേശനം ലഭിച്ചവർക്ക് സപ്ലിമെന്ററി അലോട്മെന്റ് ലഭിച്ചാൽ അവരുടെ നിലവിലെ പ്രവേശനം റദ്ദാകുന്നതും പുതുതായി ലഭിക്കുന്ന അലോട്മെന്റിൽ അവർ പ്രവേശനം നേടേണ്ടതുമാണ്.
ഓണ്ലൈൻ അപേക്ഷയിലെ തെറ്റ്മൂലം അലോട്മെന്റിന് പരിഗണിക്കപ്പെടാത്തവർക്കും നേരത്തെ ലഭിച്ച അലോട്മെന്റ് ഏതെങ്കിലും കാരണവശാൽ റദ്ദാക്കപ്പെട്ടവർക്കും സപ്ലിമെന്ററി അലോട്മെന്റിന് രജിസ്റ്റർ ചെയ്യാം. പ്രത്യേകമായി ഫീസ് അടയ്ക്കാതെതന്നെ ഇവർക്ക് രമു.ാഴൗ.മര.ശി എന്ന വെബ്സൈറ്റ് മുഖേന പുതുതായി ഓപ്ഷൻ നൽകാം. നേരത്തെ നൽകിയിട്ടുള്ള ഓപ്ഷനുകളിൽ തിരുത്തൽ വരുത്താനും സപ്ലിമെന്ററി ഓപ്ഷൻ രജിസ്ട്രേഷനിൽ അവസരമുണ്ടായിരിക്കും. സപ്ലിമെന്ററി അലോട്മെന്റിൽ പങ്കെടുക്കുന്ന എല്ലാവരും പുതുതായി ഓപ്ഷൻ നൽകണം. വിവിധ കോളജുകളിൽ ഒഴിവുള്ള സീറ്റുകളുടെ വിവരം സർവകലാശാല പ്രസിദ്ധീകരിക്കും.രമു.ാഴൗ.മര.ശി എന്ന വെബ് സൈറ്റിൽ ലഭിക്കും.
ഒന്നാം സെമസ്റ്റർ എംഎഡ് 2020 അഡ്മിഷൻ റഗുലർ/2020ന് മുന്പുള്ള അഡ്മിഷൻ സപ്ലിമെന്ററി (ദ്വിവത്സരം) പരീക്ഷയ്ക്ക് ഒക്ടോബർ ഏഴുവരെയും 525 രൂപ പിഴയോടെ ഒക്ടോബർ എട്ടുവരെയും 1050 രൂപ സൂപ്പർഫൈനോടെ ഒക്ടോബർ 11 വരെയും അപേക്ഷിക്കാം. റഗുലർ വിദ്യാർഥികൾ 210 രൂപയും വീണ്ടുമെഴുതുന്നവർ പേപ്പറൊന്നിന് 55 രൂപ വീതവും (പരമാവധി 210 രൂപ) സിവി ക്യാന്പ് ഫീസായി പരീക്ഷഫീസിന് പുറമെ അടയ്ക്കണം.
മൂന്നാം സെമസ്റ്റർ എംഎഡ് (2019 അഡ്മിഷൻ റഗുലർ ദ്വിവത്സരം) പരീക്ഷകൾ 30ന് ആരംഭിക്കും. 23 വരെയും 525 രൂപ പിഴയോടെ 24 നും 1050 രൂപ സൂപ്പർഫൈനോടെ 25നും അപേക്ഷിക്കാം. റഗുലർ വിദ്യാർഥികൾ 210 രൂപ സിവി ക്യാന്പ് ഫീസായി പരീക്ഷഫീസിന് പുറമെ അടയ്ക്കണം.
ആറാം സെമസ്റ്റർ ബിടെക് (പുതിയ സ്കീം 2010 അഡ്മിഷൻ മുതൽ സപ്ലിമെന്ററി/മേഴ്സി ചാൻസ്) പുതുക്കിയ പരീക്ഷ 29 മുതൽ നടക്കും. വിശദമായ ടൈംടേബിൾ സർവകലാശാല വെബ് സൈറ്റിൽ.
2021 ഫെബ്രുവരിയിൽ നടന്ന നാലാം വർഷ ബിഎസ്സി നഴ്സിംഗ് ബിരുദ സപ്ലിമെന്ററി/മേഴ്സി ചാൻസ് പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 29 വരെ അപേക്ഷിക്കാം.