ഡ്യൂപ്ലിക്കേറ്റ് സർട്ടിഫിക്കറ്റ്
പ്രളയക്കെടുതിയിൽ സർട്ടിഫിക്കറ്റുകൾ, മാർക്ക് ലിസ്റ്റുകൾ എന്നിവ നഷ്ടപ്പെട്ടവർക്ക് ഡ്യൂപ്ലിക്കേറ്റ് ലഭിക്കാൻ അപക്ഷ ഓണ്ലൈനായി 24 വരെ നൽകാം. ഓണ്ലൈൻ അപേക്ഷയുടെ പ്രിന്റൗട്ടും ബന്ധപ്പെട്ട രേഖകളും പരീക്ഷാ കണ്ട്രോളർക്കു തപാൽമാർഗമോ നേരിട്ടോ സമർപ്പിക്കണം. ഇതിനായി പ്രത്യേക ഫീസും പോസ്റ്റൽചാർജും നൽകേണ്ട. വിശദവിവരം വെബ്സൈറ്റിൽ.
പരീക്ഷാഫീസ്
എട്ടാം സെമസ്റ്റർ ബിടെക് (2008 സ്കീം) സപ്ലിമെന്ററി ഒക്ടോബർ പരീക്ഷയ്ക്ക് 26 വരെയും 50 രൂപ പിഴയോടെ 28 വരെയും 125 രൂപ പിഴയോടെ ഒക്ടോബർ ഒന്നു വരെയും ഓണ്ലൈനായി അപക്ഷിക്കാം. വിശദവിവരം വെബ്സൈറ്റിൽ.
ഒക്ടോബർ/നവംബർ മാസങ്ങളിലെ ബിഎ (ആന്വൽ) സപ്ലിമെന്ററി പരീക്ഷ സബ്സിഡിയറി വിഷയങ്ങൾക്കും ബിഎ അഫ്സൽഉൽഉലമ പരീക്ഷകൾക്കും 26 വരെയും 50 രൂപ പിഴയോടുകൂടി 28 വരെയും 125 രൂപ പിഴയോടുകൂടി ഒക്ടോബർ ഒന്നു വരെയും ഫീസടച്ച് അപേക്ഷിക്കാം. ഓണ്ലൈൻ രജിസ്ട്രേഷൻ 17ന് ആരംഭിക്കും.
പരീക്ഷാഫലം
ജൂലൈയിലെ രണ്ടും നാലും സെമസ്റ്റർ ബിഎഡ് സ്പെഷൽ എഡ്യൂക്കേഷൻ (ഐഡി) ഡിഗ്രി പരീക്ഷകളുടെ ഫലം വെബ്സൈറ്റിൽ. പുനർമൂല്യനിർണയത്തിനും സൂക്ഷ്മപരിശോധനയ്ക്കും 29 വരെ അപേക്ഷിക്കാം.
പിജി അഡ്മിഷൻ
സിഎസ്സ് മേയിൽ ബിരുദാനന്തര ബിരുദ പഠനവകുപ്പുകളിലേക്ക് അഡ്മിഷനു തെരഞ്ഞെടുക്കപ്പെട്ടതായി എസ്എംഎസ് ലഭിച്ചിട്ടുളള വിദ്യാർഥികൾക്കുളള അഡ്മിഷൻ മെമ്മോ വെബ്സൈറ്റിൽ. അർഹരായവർ വെബ്സൈറ്റിൽ ലോഗിൻ ചെയ്തു മെമ്മോ ഡൗണ്ലോഡ് ചെയ്യാം. മെമ്മോയിൽ രേഖപ്പെടുത്തിയിരിക്കുന്ന ദിവസം രാവിലെ 10ന് അതാതു പഠനവകുപ്പുകളിൽ എത്തിച്ചേരണം.
ആധാർ നൽകണം
നാഷണൽ അക്കഡേമിക് ഡെപ്പോസിറ്ററി (നാഡ്) പദ്ധതിയനുസരിച്ചു സർവകലാശാലയിൽനിന്നു ബിരുദമെടുത്തവരുടെ വിവരങ്ങൾ ആധാർ നന്പർ അടിസ്ഥാനത്തിൽ ഓണ്ലൈൻ ആയി ലഭിക്കുന്ന സംവിധാനം സർവകലാശാലയിൽ നടപ്പിലാക്കുകയാണ്.
2017 മേയ്, 2018 ജനുവരി മാസങ്ങളിൽ ബിടെക് പരീക്ഷ പൂർത്തിയാക്കിയവരുടെ വിവരങ്ങളാണു തുടക്കത്തിൽ ലഭിക്കുന്നത്.
മുകളിൽ പറഞ്ഞ വിഭാഗക്കാർ അവരുടെ ആധാർ നന്പർ, പരീക്ഷ രജിസ്റ്റർ നന്പർ, കോഴ്സ് കോഡ്, മൊബൈൽ നന്പർ എന്നിവ 22 നു മുൻപ് നൽകണം. കൂടുതൽ വിവരങ്ങൾക്ക്: 8547082706.
പിജി പ്രവേശനം
സർവകലാശാലയുടെ ബിരുദാനന്തര ബിരുദ പ്രവേശനത്തിന് ഒന്നും രണ്ടും അലോട്ട്മെന്റ് ലഭിച്ചവർക്ക് അതതു കോളജുകളിൽ 17ന് പ്രവേശനം നേടാം.
പരീക്ഷാ സമയം
24ന് തുടങ്ങുന്ന ഒന്നും രണ്ടും വർഷ ബികോം (ആന്വൽ സ്കീം) പാർട്ട് ഒന്ന്, രണ്ട് പരീക്ഷാ സമയം പുനഃക്രമീകരിച്ചു. 24, 26 തീയതികളിലെ പാർട്ട് ഒന്ന്, പേപ്പർ ഒന്ന്, രണ്ട് പരീക്ഷകൾ അന്നേദിവസം 1.30 മുതൽ 4.30 വരെയും, 28ന് നിശ്ചയിച്ചിരുന്ന പാർട്ട് രണ്ട് പരീക്ഷ അന്നേദിവസം രണ്ടു മുതൽ അഞ്ചു വരെയും ആയിരിക്കും.
വിശദവിവരം വെബ്സൈറ്റിൽ.
ഗ്രേഡ് കാർഡ്
ഒക്ടോബറിലെ എംഫിൽ (യൂണിവേഴ്സിറ്റി കോളജ്, തിരുവനന്തപുരം) വിദ്യാർഥികളുടെ ഗ്രേഡ് കാർഡും സർട്ടിഫിക്കറ്റും യൂണിവേഴ്സിറ്റി കോളജിൽനിന്നു കൈപ്പറ്റണം.