രണ്ടാം സെമസ്റ്റർ എംഎൽഐഎസ്സി പരീക്ഷ ജനുവരി 11ന്
രണ്ടാം സെമസ്റ്റർ എംഎൽഐഎസ്സി (2017 അഡ്മിഷൻ റെഗുലർ, 20142016 അഡ്മിഷൻ സപ്ലിമെന്ററി അഫിലിയേറ്റഡ് കോളജുകൾ, ഡിപ്പാർട്ട്മെന്റ്) പരീക്ഷ ജനുവരി 11ന് ആരംഭിക്കും. 31 വരെയും 500 രൂപ പിഴയോടെ ജനുവരി ഒന്നു വരെയും 1000 രൂപ സൂപ്പർഫൈനോടെ മൂന്നു വരെയും അപേക്ഷിക്കാം. ആദ്യമായി പരീക്ഷയെഴുതുന്നവർ പ്രൊവിഷണൽ ഡിഗ്രി സർട്ടിഫിക്കറ്റ് ഫീസായി 125 രൂപയും അടയ്ക്കണം.
ഒന്പതാം സെമസ്റ്റർ ഡിഡി എംസിഎ (2014 അഡ്മിഷൻ റെഗുലർ) പരീക്ഷകൾ ജനുവരി 11 മുതൽ ആരംഭിക്കും. 31 വരെയും 500 രൂപ പിഴയോടെ ജനുവരി ഒന്നു വരെയും 1,000 രൂപ സൂപ്പർഫൈനോടെ ജനുവരി മൂന്നു വരെയും അപേക്ഷിക്കാം.
സൂക്ഷ്മപരിശോധന
2017 ഡിസംബറിലെ ഒന്നാം വർഷ ബിഎസ്സി നഴ്സിംഗ് (റെഗുലർ) പരീക്ഷയുടെ ഫലം പ്രസിദ്ധീകരിച്ചു. ഇരട്ടമൂല്യനിർണയം നടത്തിയതിനാൽ പുനർമൂല്യനിർണയ അവസരം റദ്ദാക്കി. സൂക്ഷ്മപരിശോധനയ്ക്ക് 29 വരെ അപേക്ഷിക്കാം.
പുനർമൂല്യനിർണയത്തിന് അപേക്ഷിച്ചവരുടെ ഫീസ് തിരികെ നൽകും. വിദ്യാർഥികൾ പേര്, അക്കൗണ്ട് നന്പർ, ബാങ്കിന്റെ പേര്, ബ്രാഞ്ച്, ഐഎഫ്എസ്സി കോഡ് എന്നിവ രേഖപ്പെടുത്തിയ അപേക്ഷ 29നകം പരീക്ഷ കണ്ട്രോളറുടെ ഓഫീസിൽ നൽകണം.
പരീക്ഷഫലം
2018 ഫെബ്രുവരിയിലെ ഒന്നാം സെമസ്റ്റർ എംഎസ്സി ഹോം സയൻസ് കമ്യൂണിറ്റി ആൻഡ് ഫാമിലി സയൻസ്, ചൈൽഡ് ഡെവലപ്മെന്റ് ആൻഡ് ബിഹേവിയർ സയൻസ് പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ജനുവരി അഞ്ചുവരെ അപേക്ഷിക്കാം.
2017 നവംബറിലെ നാലാം സെമസ്റ്റർ എംഎസ്സി ബ്രാഞ്ച് വിബി അപ്ലൈഡ് കെമിസ്ട്രി (ഫാർമസ്യൂട്ടിക്കൽ കെമിസ്ട്രി, നോണ് സിഎസ്എസ്, മേഴ്സി ചാൻസ്), ബ്രാഞ്ച് മൂന്ന് കെമിസ്ട്രി (നോണ് സിഎസ്എസ്, മേഴ്സി ചാൻസ്) പരീക്ഷകളുടെ ഫലം പ്രസിദ്ധീകരിച്ചു.
പുനർമൂല്യനിർണയത്തിനും സൂക്ഷ്മപരിശോധനയ്ക്കും ജനുവരി നാലു വരെ അപേക്ഷിക്കാം.
പരീക്ഷഫലം
2018 ജൂണ്, ജൂലൈ മാസങ്ങളിൽ മാറന്പള്ളി എംഇഎസ്. കോളജ്, എറണാകുളം സെന്റ് ആൽബർട്സ് കോളജ് എന്നിവിടങ്ങളിൽ നടത്തിയ അഞ്ചും ആറും സെമസ്റ്റർ ബിവോക് ലോജിസ്റ്റിക്സ് മാനേജ്മെന്റ് പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ജനുവരി ഏഴുവരെ അപേക്ഷിക്കാം.