ആ​ധു​നി​ക​താ​വാ​ദം പെ​രു​മ്പ​റ​മു​ഴ​ക്കി​യ അ​റു​പ​തു​ക​ൾ. കൂ​മ​ൻ​കാ​വി​ൽ ര​വി​യു​ടെ ജ​നി​മൃ​തി​ക​ളു​ടെ ബ​സ് വ​ന്നി​ട്ടു​ണ്ടാ​യി​രു​ന്നി​ല്ല. ഗം​ഗാ​ആ​ര​തി​യും ഭ​ജ​ന​യും ഈ​റ​ന​ണി​ഞ്ഞ പ്രാ​ർ​ഥ​ന​ക​ളും നി​റ​ഞ്ഞ ഹ​രി​ദ്വാ​റി​ൽ മു​കു​ന്ദ​ന്‍റെ ര​മേ​ശ് പ​ണി​ക്ക​ർ ക​ഞ്ചാ​വും ച​ര​സു​മാ​യി ട്രെ​യി​ൻ ഇ​റ​ങ്ങി​യി​ട്ടു​മു​ണ്ടാ​യി​രു​ന്നി​ല്ല. പ​ടി​ഞ്ഞാ​റ​ൻ ഭാ​ര​ങ്ങ​ളി​ല്ലാ​ത്ത ഈ ​തെ​ളി​ഞ്ഞ കാ​ലാ​വ​സ്ഥ​യി​ലാ​ണ് സ​ക്ക​റി​യ മ​ല​യാ​ള ക​ഥ​യി​ൽ ജ​ന്മ​മെ​ടു​ക്കു​ന്ന​ത്. 1964ലാണ് സക്കറിയായുടെ ആദ്യ കഥ ‘ഉ​ണ്ണി എ​ന്ന കു​ട്ടി’ വെ​ളി​ച്ചം കാണുന്നത്. അ​ന്നു​തൊ​ട്ട് ഇ​ന്നു​വ​രെ ന​മ്മു​ടെ പ​വി​ത്ര​താ സ​ങ്ക​ല്പ​ങ്ങ​ൾ​ക്കു​മേ​ൽ മ​ണ്ണു​വാ​രി​യി​ട്ടും സ​മൂ​ഹ​ത്തി​ന്‍റ തു​ണി​യി​ല്ലാ​യ്മ​ക​ൾ വി​ളി​ച്ചു​പ​റ​ഞ്ഞും ന​ഗ​ര​വീ​ഥി​ക​ളി​ലും ദേ​വാ​ല​യ​ങ്ങ​ളി​ലും ഒ​രു​പോ​ലെ പെ​രു​മാ​റി​യും ഉ​ണ്ണി എ​ന്ന കു​ട്ടി ന​മ്മു​ടെ ക​ഥ​യി​ലു​ണ്ട് .

അ​സാ​മാ​ന്യ​മാ​യ ക​ര​വി​രു​തി​ൽ കു​രു​ത്ത​താ​യി​രു​ന്നു സ​ക്ക​റി​യ​യു​ടെ ഓ​രോ ക​ഥ​യും. ജീ​വി​ത​ത്തി​ന്‍റെ പ​ച്ച​മ​ണ്ണി​ലാ​ണ് സ​ക്ക​റി​യ ക​ഥ കെ​ട്ടി​മേ​ഞ്ഞ​ത്. ഓ​രോ ക​ഥ​യും രൂ​പ​ത്തി​ലും ഭാ​വ​ത്തി​ലും ഓ​രോ​ന്നാ​യി​രു​ന്നു. എ​ല്ലാ വീ​ടു​ക​ളും ഒ​രു​പോ​ലെ പ​ണി​യു​ന്ന ന​മ്മു​ടെ കാ​ല​ത്തി​ന് കു​റു​കെ​യാ​ണ് സ​ക്ക​റി​യ ക​ഥ കെ​ട്ടി​യു​യ​ർ​ത്തി​യ​ത്. ചി​ല​പ്പോ​ൾ ആ ​ക​ഥ​ക​ൾ ഒ​രി​ട​ത്തൊ​രി​ട​ത്ത് തു​ട​ങ്ങി കാ​ല​ത്തി​ന്‍റെ കെ​ടു​തി​ക​ൾ​ക്ക് നാ​ടോ​ടി​ച്ച​ന്തം ചാ​ലി​ച്ചു.

ക​ഥ​യ്ക്കു​ള്ളി​ൽ ക​ഥ​പ​റ​യു​ന്ന മെ​റ്റാ​ഫി​ക്‌​ഷ​നും ക​ത്തും ഡ​യ​റി​ക്കു​റി​പ്പും പ​രാ​തി​യും നി​വേ​ദ​ന​ങ്ങ​ളു​മാ​യി ആ ​ക​ഥ​ക​ൾ പ​ലതും ഓ​രോ​രോ അ​വ​താ​ര​ങ്ങ​ളാ​യി. ചി​ല​പ്പോ​ഴൊ​ക്കെ ഇ​ത് ക​ഥ​യാ​ണോ എ​ന്ന് വാ​യ​ന​ക്കാ​രെ സം​ഭ്ര​മി​പ്പി​ച്ചു. ഉ​പ​ന്യാ​സ​വും ക​വി​ത​യും ത​ത്ത്വ​ചി​ന്താ​പാ​രാ​യ​ണ​വു​മാ​യി ക​ഥ പ​ല​മ​യു​ടെ വി​സ്മ​യ​ങ്ങ​ൾ​ തീർ​ത്തു. ന​മ്മു​ടെ ക​ഥ​യി​ല്ലാ​യ്മ​ക​ളെ​പോ​ലും ക​ര​വി​രു​തി​ന്‍റെ ക​ല​യാ​ക്കി​യ ക​ഥാ​കൃ​ത്താ​ണ് സ​ക്ക​റി​യ.

അ​പൂ​ർ​വ​മാ​യ വാ​യ​നാ​ക്ഷ​മ​ത​യാ​ണ് സ​ക്ക​റി​യ​ക്ക​ഥ​ക​ളു​ടെ സ​വി​ശേ​ഷ​ത. ആ​ക​ർ​ഷ​ക​മാ​യ ഒ​രു ലാ​ളി​ത്യം ആ ​ക​ഥ​കൾ​ക്കു​ണ്ട്. അ​താ​ണ് സ​ക്ക​റി​യ​യി​ലേ​ക്ക് വാ​യ​ന​യെ അ​ടു​പ്പി​ക്കു​ന്ന​തും. പ​ക്ഷേ സ​ക്ക​റി​യ​യു​ടെ ലാ​ളി​ത്യം ഒ​രു ച​തി​ക്കു​ഴി​യാ​ണ്. അ​തി​നു​ള്ളി​ൽ അ​ഗാ​ധ​മാ​യ ചു​ഴി​ക​ളും ഗ​ർ​ത്ത​ങ്ങ​ളും പ​തി​യി​രു​പ്പു​ണ്ടെ​ന്ന് തി​രി​ച്ച​റി​യു​ന്ന​ത് ക​ഥ​യ്ക്കു​ള്ളി​ൽ പ്ര​വേ​ശി​ക്കു​മ്പോ​ൾ മാ​ത്ര​മാ​ണ്. ഒ​രി​ട​ത്ത് എ​ന്ന ക​ഥ ഉ​ദാ​ഹ​ര​ണം. സ​ക്ക​റി​യ​യു​ടെ പ്ര​ശ​സ്ത​മാ​യ ക​ഥ​ളി​ൽ ഒ​ന്നാ​ണ​ത്. ത​വ​ള​ക​ളു​ടെ​യും പൂ​ച്ച​ക​ളു​ടെ​യും ലോ​ക​മാ​ണ്.

മു​ത്ത​ശ്ശി​ക്കഥ പോ​ലെ തോ​ന്നി​ക്കു​ന്ന ക​ഥ​യു​ടെ ധ്വ​ന്യാ​ലോ​ക​ങ്ങ​ൾ വി​ശാ​ല​മാ​ണ്. പൂ​ട്ടു​ക​ൾ തു​റ​ന്നു ക​യ​റു​മ്പോ​ൾ വീ​ണ്ടും തു​റ​ക്കാ​ൻ മു​റി​യു​ള്ള മാ​ന്ത്രി​ക വീ​ടാ​ണ​ത്. വേ​ട്ട​ക്കാ​ര​നു​വേ​ണ്ടി പ്ര​ണ​യ​പൂ​ർ​വം കാ​ത്തി​രി​ക്കു​ന്ന ന​മ്മു​ടെ ജീ​വി​ത​ത്തി​ന്‍റെ ദാ​ർ​ശ​നി​ക മാ​ന​ങ്ങ​ള​തി​ലു​ണ്ട്. പ​ല്ലും ന​ഖ​വും ഒ​ളി​പ്പി​ക്കു​ന്ന ഓ​മ​ന​ത്വ​ങ്ങ​ളും ബ​ലി​ദാ​ന​ങ്ങ​ളു​ടെ അ​ർ​ഥ​ശൂ​ന്യ​ത​യും പ​ര​പീ​ഡ​ന​വും സ്വ​യം​പീ​ഡ​ന​വും എ​ല്ലാം ചേ​ർ​ന്ന ലോ​ക​മു​ണ്ട് . ഇ​ത് ഒ​രു ക​ഥ​യു​ടെ മാ​ത്രം പ്ര​ത്യേ​ക​ത​യ​ല്ല. എ​ല്ലാ ക​ഥ​ക​ൾ​ക്കും ക്രൂ​ര​മാ​യ ലാ​ളി​ത്യ​ത്തി​ന്‍റെ മു​ഖ​മു​ണ്ട്. പു​റ​മേ​ക്ക് ല​ളി​ത​മെ​ങ്കി​ലും അ​തി​സ​ങ്കീ​ർ​ണ​മാ​യ ന​മ്മു​ടെ ജീ​വി​ത​ത്തി​ന്‍റെ ഘ​ട​ന​യി​ലാ​ണ് ആ ​ക​ഥ​ക​ൾ പ​ണി​തു​യ​ർ​ത്തി​യി​ട്ടു​ള്ള​ത്. പു​റ​മേ​ക്ക് ന​മ്മെ ആ​ക​ർ​ഷി​ക്കു​ന്ന പ​ല ഘ​ട​ക​ങ്ങ​ളും സ​ക്ക​റി​യ ക​ഥ​യു​ടെ ഭാ​ഗ​മാ​ക്കും. ശീ​ർ​ഷ​ക​ങ്ങ​ൾ​ക്കു​പോ​ലും മാ​ടി​വി​ളി​ക്കു​ന്ന വ​ശ്യ​ത​യു​ണ്ട്. ഈ ​ജ​നാ​വ​ബോ​ധ​ത്തി​ലു​ള്ള പാ​ട്ടു​ക​ളും ച​ല​ച്ചി​ത്ര​ങ്ങ​ളു​മൊ​ക്കെ ത​ന്‍റെ ക​ഥ​യി​ലേ​ക്കു​ള്ള പ്ര​വേ​ശി​ക​ക​ളാ​ക്കും. ചി​ല ശീ​ർ​ഷ​ക​ൾ ശ്ര​ദ്ധി​ക്കൂ. ഞാ​നു​റ​ങ്ങാ​ൻ പോ​കും മു​മ്പാ​യ്, അ​ല്ലി​യാ​മ്പ​ൽ ക​ട​വി​ൽ, സീ​യോ​ൻ സ​ഞ്ചാ​രി, ന​മു​ക്കു പാ​ർ​ക്കാ​ൻ​ മു​ന്തി​രി​ത്തോ​പ്പു​ക​ൾ....

സ​ക്ക​റി​യ​യു​ടെ ക​ഥ​ക​ളി​ൽ മ​നോ​ഹ​ര​മാ​യ കാ​മ​റ ട്രി​ക്കു​ക​ളു​ണ്ട്. പ​ല ദൃ​ശ്യ​ഖ​ണ്ഡ​ങ്ങ​ൾ ഇ​ഴ ചേ​രു​ന്ന ശൈ​ലി​യാ​ണ് പ​ല ക​ഥ​ക​ളി​ലും. ഇ​താ ഇ​വി​ടെ വ​ര​യു​ടെ പ​ര​സ്യ​വ​ണ്ടി പു​റ​പ്പെ​ടു​ന്നു എ​ന്ന ക​ഥ ഉ​ദാ​ഹ​ര​ണം. പ​ണ്ട​ത്തെ തിയറ്ററിലെ പ​ര​സ്യ​വാ​ഹ​ക​രാ​യ കാ​ള​ക​ളി​ൽ​നി​ന്നും കാ​ള​വ​ണ്ടി​യി​ൽ​നി​ന്നും തു​ട​ങ്ങു​ന്ന ദൃ​ശ്യ​ങ്ങ​ൾ റോ​ഡും മോ​ട്ടോ​ർ​വാ​ഹ​ന​പ്പാ​ച്ചി​ലു​ക​ളു​ടെ പു​തു​യു​ഗ​വും അ​ട​യാ​ള​പ്പെ​ടു​ത്തു​ന്നു. നാ​ട്ടു​വ​ഴി​ക​ളി​ലൂ​ടെ ചെ​ണ്ട​ക്കാ​ര​ൻ ന​യി​ച്ച വ​ഴി​യി​ലൂ​ടെ ന​ട​ക്കാ​ൻ ശീ​ലി​ച്ച കാ​ള​ക​ൾ ടാ​റി​ട്ട പു​തു​യു​ഗ​റോ​ഡി​ലൂ​ടെ ന​ട​ന്ന് ക​ശാ​പ്പു​ശാ​ല​യി​ൽ എ​ത്തി​നി​ൽ​ക്കു​മ്പോ​ൾ ക​ഥ​യു​ടെ ദൃ​ശ്യ​ഖ​ണ്ഡം മു​റി​ഞ്ഞു​വീ​ഴും.


പി​ന്നെ പാ​ട്ടി​ല്ലാ​ത്ത ഒ​രു വെ​ളു​ത്ത റീ​ൽ​മാ​ത്രം. ഒ​രു സി​നി​മ​പോ​ലെ വാ​യി​ച്ചു കാ​ണാ​വു​ന്ന ഈ ​ക​ഥ​യി​ലെ ദൃ​ശ്യ​ങ്ങ​ളും അ​വ​യ്ക്കി‌‌​ട​യി​ലെ വി​ള്ള​ലു​ക​ളും ദൃ​ശ്യ​ങ്ങ​ൾ ചേ​ർ​ക്കു​മ്പോ​ൾ ഉ​ണ്ടാ​കു​ന്ന ഭീ​തി​ത​മാ​യ മോ​ണ്ടാ​ഷു​ക​ളും ചേ​ർ​ന്ന് മ​ല​യാ​ള​ത്തി​ലെ ഏ​റ്റ​വും മി​ക​ച്ച ഒ​രു ക്ലാ​സി​ക് ക​ഥ​യാ​ക്കി ഇ​തി​നെ മാ​റ്റു​ന്നു​ണ്ട്. ദൃ​ശ്യ​ഭാ​ഷ​യു​ടെ മ​നോ​ഹ​ര​മാ​യ ഉ​പ​യോ​ഗം സ​ക്ക​റി​യ​യു​ടെ മി​ക്ക ക​ഥ​ളി​ലു​മു​ണ്ട്. അ​ൽ​ഫോ​ൻ​സ​മ്മ​യു​ടെ മ​ര​ണ​വും സം​സ്കാ​ര​വും എ​ന്ന ക​ഥ​യി​ൽ ദൃ​ശ്യ​വി​സ്മ​യ​മൊ​രു​ക്കി ആ ​കാ​മ​റ​യു​ണ്ട്.

ഹൈ ​ലോ ആ​ങ്കി​ളു​ക​ളി​ലൂ​ടെ പാ​ൻ ചെ​യ്തും ട്വി​ൽ​റ്റ് ചെ​യ്തും ഓ​ടി ന​ട​ക്കു​ന്ന കാ​മ​റ വാ​യ​ന​ക്കാ​ര​നെ വി​സ്മ​യി​പ്പി​ച്ച് ഹൈ ഹെ​ലി​ക്കാ​മാ​യി പ​റ​ന്ന​ക​ലു​ന്നു​ണ്ട്. വാ​ക്കു​ക​ളെ​ക്കാ​ൾ ദൃ​ശ്യ​ങ്ങ​ളെ പ്ര​ണ​യി​ക്കു​ന്ന ന​മ്മു​ടെ കാ​ല​ത്തി​ന് സ​ക്ക​റി​യ​യു​ടെ ക​ഥ​ക​ൾ പ്രി​യ​പ്പെ​ട്ട​താ​കാ​ൻ അതാണ് കാരണം. ക്രി​സ്റ്റോ​ള​ജി​യു​ടെ​യാ​ള​ല്ല സ​ക്ക​റി​യ. സ​ക്ക​റി​യ നി​ർ​മി​ക്കു​ന്ന​ത് യേ​ശു​വോ​ള​ജി​യാ​ണ്. മ​നു​ഷ്യ​നാ​യ യേ​ശു​വി​നെ​യാ​ണ് സ​ക്ക​റി​യ ക​ഥ​ക​ളി​ൽ നി​ർ​മി​ക്കു​ന്ന​ത്.

മ​നു​ഷ്യ​പു​ത്ര​നെ പ​ല രൂ​പ​ഭാ​വ​ങ്ങ​ളി​ൽ സ​ക്ക​റി​യ ക​ണ്ണാ​ടി​യി​ൽ ആ​വി​ഷ്ക​രി​ക്കു​ന്നു. ശ​ക്ത​മാ​യ പാ​യ്ക്ക​പ്പ​ലു​ക​ളെ​പ്പോലും ത​ക​ർ​ക്കു​ന്ന കൊ​ടു​ങ്കാ​റ്റാ​യി ആ​ഞ്ഞ​ടി​ച്ച ജ​റൂസ​ലെം ദൈ​വാല​യ​ത്തി​ലെ ക്രി​സ്തു​വി​നെ​യാ​ണ് സ​ക്ക​റി​യ​യ്ക്ക് ഇ​ഷ്ടം. ക​ഥ​യി​ലെ അ​ന്ന​മ്മ ടീ​ച്ച​ർ യേ​ശു​വി​നോ​ട് പ​റ​യു​ന്ന​ത് നി​ന​ക്ക് മു​പ്പ​ത്തി​മൂ​ന്ന് വ​യ​സേ​യു​ള്ളു ഞാ​ൻ നി​ന്‍റെ ചേ​ച്ചി​യാ​ണ് എ​ന്നാ​ണ്. ഇ​ങ്ങ​നെ യേ​ശു പ​ല വീ​ക്ഷ​ണ​കോ​ണു​ക​ളി​ൽ രൂ​പ​പ്പെ​ടു​ന്നു. മാ​ന​വീ​ക​രി​ക്ക​പ്പെ​ട്ട യേ​ശു​വി​നെ​യാ​ണ് നാം ​സ​ക്ക​റി​യ​യു​ടെ ക​ഥ​ക​ളി​ൽ ക​ണ്ടു​മു​ട്ടു​ന്ന​ത്.

നാ​ട്ടി​ൻ​പു​റ​ത്തി​ന്‍റെ ക​ഥ​ക​ളാ​ണെ​ങ്കി​ലും പ​ല ക​ഥ​ക​ളും മാ​ന​വ​ച​രി​ത്ര​ത്തെ​യാ​കെ സം​വ​ഹി​ക്കു​ന്നു​ണ്ട്. ഭൂ​മി​യു​ടെ അ​വ​ശി​ഷ്ട​ങ്ങ​ൾ എ​ന്ന ക​ഥ നോ​ക്കൂ. മ​റ്റൊ​രു ത​വ​ള​യാ​ണ് നാ​യ​ക​ൻ. കു​ള​ത്തി​ലെ ത​വ​ള കു​ള​മാ​ണ് ലോ​ക​മെ​ന്ന് വി​ശ്വ​സി​ക്കു​ന്നു. ആ​കാ​ശം പ​പ്പ​ടം​പോ​ലെ വ​ട്ട​ത്തി​ലു​ള്ള​താ​ണെ​ന്ന് നി​ർ​ണ​യി​ക്കു​ന്നു. യൗ​വ​ന​ത്തി​ന്‍റെ കു​തി​ച്ചു​ചാ​ട്ട​ത്തി​നി​ട​യി​ൽ അ​റി​യാ​തെ കി​ണ​റി​നു പു​റ​ത്താ​യ ത​വ​ള യ​ഥാ​ർ​ഥ ലോ​കം ക​ണ്ടു.

ത​വ​ള​യ്ക്ക് ലോ​കം വി​സ്മ​യ​ക്കാ​ഴ്ച​യാ​യി​രു​ന്നു. വി​ശ്വ​സി​ച്ച​തെ​ല്ലാം തെ​റ്റാ​ണെ​ന്ന് ത​വ​ള തി​രി​ച്ച​റി​യു​ന്നു. ഓ​രോ കാ​ഴ്ച​യും വി​സ്മ​യ​മാ​യി തോ​ന്നി​യ ത​വ​ള ലോ​കം മു​ഴു​വ​ൻ ചു​റ്റി​സ​ഞ്ച​രി​ച്ചു. അ​റി​വു​ക​ളെ​ല്ലാം സ്വ​ന്ത​മാ​ക്കി പ്രാ​യ​മാ​യ ത​വ​ള ആ​ദ്യ​ത്തെ കി​ണ​റ്റി​ൻ ക​ര​യി​ൽ തി​രി​ച്ചെ​ത്തി. അ​റി​യാ​തെ കി​ണ​റ്റി​ൽ വീ​ണ ത​വ​ള താ​ൻ ക​ണ്ട ലോ​ക​ങ്ങ​ളെ​ല്ലാം മ​റ​ന്നു. ലോ​കം കി​ണ​റാ​ണെ​ന്നും ആ​കാ​ശം പ​പ്പ​ട​മാ​ണെ​ന്നു​മു​ള്ള അ​പ​ക​ട​ക​ര​മാ​യ തി​രി​ച്ച​റി​വി​ൽ തി​രി​ച്ചെ​ത്തു​ന്നു.

ന​മ്മു​ടെ ജീ​വി​ത​ത്തെ​യും അ​തി​ന്‍റെ കാ​പ​ട്യ​ങ്ങ​ളെ​യും ഈ ​ക​ഥ മു​റി​വേ​ൽ​പ്പി​ക്കു​ന്നു​ണ്ട്. ഈ ​ക​ഥ​യി​ല​ല്ല, സ​ക്ക​റി​യ​യു​ടെ എ​ല്ലാ ക​ഥ​ക​ളി​ലും മൂ​ർ​ച്ചയേ​റി​യ എ​ന്തൊ​ക്കെ​യോ ഒ​ളി​ച്ചി​രി​പ്പു​ണ്ട്. ന​മ്മേ​ക്കു​റി​ച്ചാ​ണ് ഈ ​ക​ഥ​ക​ൾ. ന​മ്മോ​ട് പോ​ര​ടി​ച്ചും പൊ​രു​ൾ നി​റ​ച്ചും സ​ക്ക​റി​യ 80 വ​ർ​ഷ​ങ്ങ​ൾ ച​വി​ട്ടി​ക്ക​യ​റി പ​ഴ​യ ഉ​ണ്ണി​യാ​യി ഒ​രു ക​ഥ​യു​ടെ ക​ദ​ന​വു​മാ​യി ന​മ്മു​ടെ കൂ​ടെ​യു​ണ്ട്.