ഇടുക്കിക്കാരോട് എന്തിനീ ക്രൂരത?
ഇ​​​ടു​​​ക്കി​​​യി​​​ൽ കു​​​ടി​​​യേ​​​റ്റ​​​ത്തി​​​നു തു​​​ട​​​ക്കം​​​കു​​​റി​​​ച്ചി​​​ട്ട് ഒ​​​രു നൂ​​​റ്റാ​​​ണ്ട് തി​​​ക​​​യു​​​ന്നു. ഉ​​​പ്പു​​​ത​​​റ​​​യി​​​ലാ​​​ണ് ആ​​​ദ്യ കു​​​ടി​​​യേ​​​റ്റം. പി​​​ന്നീ​​​ടു മ​​റ്റു ഭാ​​​ഗ​​​ങ്ങ​​​ളി​​​ലേ​​​ക്കും ജ​​​ന​​​ങ്ങ​​​ൾ കു​​​ടി​​​യേ​​​റി. ഭൂ​​​മി വെ​​​ട്ടി​​​പ്പി​​​ടി​​​ക്കാ​​​ന​​​ല്ല, മ​​​ണ്ണി​​​ൽ പ​​​ണി​​​യെ​​​ടു​​​ത്തു ജീ​​​വി​​​ക്കാ​​​നാ​​​യി​​​രു​​​ന്നു അ​​​ത്. ഉ​​​ള്ള​​​തെ​​​ല്ലാം വി​​​റ്റു​​​പെ​​​റു​​​ക്കി ഇ​​​ടു​​​ക്കി​​​യു​​​ടെ മ​​​ല​​​മ​​​ട​​​ക്കു​​​ക​​​ളി​​​ൽ കു​​​ടി​​​യേ​​​റി. ക​​​ന്നി​​​മ​​​ണ്ണി​​​ൽ, ര​​​ക്തം വി​​​യ​​​ർ​​​പ്പാ​​​ക്കി രാ​​​പ​​​ക​​​ൽ അ​​​ധ്വാ​​​നി​​​ച്ചു. ക​​​പ്പ​​​യും വാ​​​ഴ​​​യും കു​​​രു​​​മു​​​ള​​​കും ഏ​​​ല​​​വും തേ​​​യി​​​ല​​​യു​​​മെ​​​ല്ലാം കൃ​​​ഷിചെ​​​യ്തു. ക​​​റു​​​ത്ത ക​​​ന്നി​​​മ​​​ണ്ണി​​​ൽ പൊ​​​ന്നു​​​ വി​​​ള​​​യി​​​ച്ചു. മൃ​​​ഗ​​​ങ്ങ​​​ളോ​​​ടും മ​​​ല​​​ന്പ​​​നി​​​യോ​​​ടും മ​​​ല്ല​​​ടി​​​ച്ചു ത​​​ള​​​ർ​​​ന്ന​​​വ​​​രും ത​​​ക​​​ർ​​​ന്ന​​​വ​​​രും നി​​​ര​​​വ​​​ധി.

പീ​​​രു​​​മേ​​​ട്, ഉ​​​ടു​​​ന്പ​​​ൻ​​​ചോ​​​ല, ദേ​​​വി​​​കു​​​ളം താ​​​ലൂ​​​ക്കു​​​ക​​​ളി​​​ൽ ത​​​മി​​​ഴ്നാ​​​ട്ടു​​​കാ​​​ർ​​​ക്കു മു​​​ൻ​​​തൂ​​​ക്ക​​​മു​​​ണ്ട്. കേ​​​ര​​​ള​​​ത്തി​​​ന്‍റെ ഭൂ​​​മി ത​​​മി​​​ഴ്നാ​​​ട്ടു​​​കാ​​​ർ ത​​​ട്ടി​​​യെ​​​ടു​​​ക്കാ​​​തി​​​രി​​​ക്കാ​​​ൻ കേ​​​ര​​​ള​​​ത്തി​​​ന്‍റെ വി​​​വി​​​ധ ഭാ​​​ഗ​​​ങ്ങ​​​ളി​​​ൽ​​​നി​​​ന്നു ക​​​ർ​​​ഷ​​​ക​​​രെ ഇ​​​ടു​​​ക്കി​​​യി​​​ലേ​​​ക്ക് എ​​​ത്തി​​​ച്ചു. പ​​​ട്ടം താ​​​ണു​​​പി​​ള്ള മു​​​ഖ്യ​​​മ​​​ന്ത്രി​​​യാ​​​യി​​​രു​​​ന്ന കാ​​​ല​​​ത്താ​​​ണ് വി​​​വി​​​ധ ആ​​​നു​​​കൂ​​​ല്യ​​​ങ്ങ​​​ൾ ന​​​ൽ​​​കി വ​​​ൻ​​​തോ​​​തി​​​ൽ കു​​​ടി​​​യേ​​​റ്റം പ്രോ​​​ത്സാ​​​ഹി​​​പ്പി​​​ച്ച​​​ത്. പ​​​ട്ടം കോ​​​ള​​​നി എ​​​ന്ന പേ​​​രി​​​ൽ ഉ​​​ടു​​​ന്പ​​​ൻ​​​ചോ​​​ല താ​​​ലൂ​​​ക്കി​​​ൽ കോ​​​ള​​​നി​​​യു​​​ണ്ട്. ആ​​​യി​​​ര​​​ക്ക​​​ണ​​​ക്കി​​​ന് ക​​​ർ​​​ഷ​​​ക കു​​​ടും​​​ബ​​​ങ്ങ​​​ളാ​​​ണി​​​വി​​​ടെ താ​​​മ​​​സി​​​ക്കു​​​ന്ന​​​ത്.

1964 മു​​​ത​​​ൽ കു​​​ടി​​​യേ​​​റ്റ​​​ക്കാ​​​ർ​​​ക്കു പ​​​ട്ട​​​യം ല​​​ഭി​​​ച്ചു​​​തു​​​ട​​​ങ്ങി. 1500 ച​​​തു​​​ര​​​ശ്ര അ​​​ടി​​​യി​​​ൽ കൂ​​​ടു​​​ത​​​ൽ വി​​സ്തീ​​ർ​​ണ​​​മു​​​ള്ള വീ​​​ടു​ വ​​​യ്ക്കാ​​​ൻ പാ​​​ടി​​​ല്ല എ​​​ന്നും ഭൂ​​​മി കൃ​​​ഷി​​​ക്കു മാ​​​ത്ര​​​മേ ഉ​​​പ​​​യോ​​​ഗി​​​ക്കാ​​​വൂ എ​​​ന്നും വ്യ​​​വ​​​സ്ഥ​​​യു​​​ണ്ടാ​​​യി​​​രു​​​ന്നു. ഈ ​​​അ​​​ടു​​​ത്ത​​​കാ​​​ല​​​ത്തു മൂ​​​ന്നാ​​​ർ മേ​​​ഖ​​​ല​​​യി​​​ൽ വ്യാ​​​പ​​​ക​​​മാ​​​യ ഭൂ​​​മി​​​കൈ​​​യേ​​​റ്റം ന​​​ട​​​ക്കു​​​ന്ന​​​താ​​​യി കാ​​​ണി​​​ച്ച് ഒ​​​രു പ​​​രി​​​സ്ഥി​​​തി സം​​​ഘ​​​ട​​​ന കേ​​​ര​​​ള ഹൈ​​​ക്കോ​​​ട​​​തി​​​യി​​​ൽ കേ​​​സ് ഫ​​​യ​​​ൽ ചെ​​​യ്തു. എ​​​ല്ലാം ശ​​​രി​​​യാ​​​ക്കാ​​​മെ​​​ന്നു പ​​​റ​​​ഞ്ഞ് അ​​​ധി​​​കാ​​​ര​​​ത്തി​​​ലെ​​​ത്തി​​​യ എ​​​ൽ​​​ഡി​​​എ​​​ഫ് സ​​​ർ​​​ക്കാ​​​ർ ഹൈ​​​ക്കോ​​​ട​​​തി ഉ​​​ത്ത​​​ര​​​വി​​​ന്‍റെ അ​​​ടി​​​സ്ഥാ​​​ന​​​ത്തി​​​ൽ 2019 ഓ​​​ഗ​​​സ്റ്റ് 22ന് ​​​പു​​​തി​​​യ ഒ​​​രു ഉ​​​ത്ത​​​ര​​​വ് ഇ​​​ടു​​​ക്കി ജി​​​ല്ല​​​യ്ക്കു മാ​​​ത്ര​​​മാ​​​യി പു​​​റ​​​ത്തി​​​റ​​​ക്കി. 1964ലെ ​​​ഭൂ​​​മിപ​​​തി​​​വു ച​​​ട്ട​​​ങ്ങ​​​ൾ​​​ക്കു വി​​​രു​​​ദ്ധ​​​മാ​​​യി ചെ​​​യ്തി​​​ട്ടു​​​ള്ള​​​വ​​​യ്ക്കെ​​​തി​​​രേ ശ​​​ക്ത​​​മാ​​​യ ന​​​ട​​​പ​​​ടി​​​ക​​​ൾ സ്വീ​​​ക​​​രി​​​ക്കാ​​​നാ​​​ണ് ഉ​​​ത്ത​​​ര​​​വ്. 1500 ച​​​തു​​​ര​​​ശ്ര അ​​​ടി​​​യി​​​ൽ കൂ​​​ടു​​​ത​​​ൽ വി​​സ്തീ​​ർ​​ണ​​​മു​​​ള്ള കെ​​​ട്ടി​​​ട​​​ങ്ങ​​​ൾ സ​​​ർ​​​ക്കാ​​​ർ പി​​​ടി​​​ച്ചെ​​​ടു​​​ക്കാ​​നും പ​​​ട്ട​​​യം റ​​​ദ്ദ് ചെ​​​യ്യു​​​ന്ന​​​തി​​​നു​​​മാ​​​യി​​രു​​ന്നു ഉ​​​ത്ത​​​ര​​​വ്. ഇ​​തി​​നെ​​തി​​രേ ജ​​ന​​രോ​​ഷം ആ​​ളി​​ക്ക​​ത്തി.

കാ​​​ലാ​​​വ​​​സ്ഥാ വ്യ​​​തി​​​യാ​​​ന​​​വും ഉ​​​ത്പ​​​ന്ന​​​ങ്ങ​​​ളു​​​ടെ വി​​​ല​​​യി​​​ടി​​​വും ക​​​ട​​​ബാ​​​ധ്യ​​​ത​​​യും മൂ​​​ലം ക​​​ർ​​​ഷ​​​ക​​​ർ കൃ​​​ഷി​​​യി​​​ൽ​​​നി​​​ന്നു പി​​​ന്മാ​​​റി​​വ​​രി​​ക​​യാ​​ണ്. ത​​​ങ്ങ​​​ളു​​​ടെ ഭൂ​​​മി​​​യി​​​ൽ വ്യാ​​​പാ​​​രാ​​​വ​​​ശ്യ​​​ത്തി​​​നു​​​ള്ള കെ​​​ട്ടി​​​ട​​​ങ്ങ​​​ളും മ​​​റ്റും അ​​വ​​ർ നി​​​ർ​​​മി​​​ച്ചു. ഇ​​​താ​​​ണു പ്ര​​​ശ്ന​​​മാ​​​യ​​​ത്. മൂ​​​ന്ന‌ാ​​​റി​​​ലെ ഒ​​​രു പ​​​ഞ്ചാ​​​യ​​​ത്തി​​​നെ മാ​​​ത്രം ബാ​​​ധി​​​ക്കേ​​​ണ്ട ഉ​​​ത്ത​​​ര​​​വ് ഇ​​​ടു​​​ക്കി ജി​​​ല്ല​​​യി​​​ലൊ​​​ട്ടാ​​​കെ ആ​​​ക്കി. ജി​​​ല്ല​​​യി​​​ലെ ജ​​​ന​​​പ്ര​​​തി​​​നി​​​ധി​​​ക​​​ളു​​​മാ​​​യി​​​ട്ടോ ഭ​​​ര​​​ണ​​​പ​​​ക്ഷ​​​ത്തെ​​​യോ പ്ര​​​തി​​​പ​​​ക്ഷ​​​ത്തെ​​​യോ രാ​​​ഷ്‌​​​ട്രീ​​​യ നേ​​​താ​​​ക്ക​​​ളു​​​മാ​​​യോ ഒ​​​രു ച​​​ർ​​​ച്ച​​​പോ​​​ലും സ​​​ർ​​​ക്കാ​​​ർ ന​​​ട​​​ത്തി​​​യി​​​ല്ല.

ഈ ​​​ഉ​​​ത്ത​​​ര​​​വ് ന​​​ട​​​പ്പാ​​​ക്കി​​​യാ​​​ൽ പ​​​തി​​​നാ​​​യി​​​ര​​​ക്ക​​​ണ​​​ക്കി​​​നു വീ​​​ടു​​​ക​​​ൾ, ആ​​​രാ​​​ധ​​​നാ​​​ല​​​യ​​​ങ്ങ​​​ൾ, വി​​​ദ്യാ​​​ഭ്യാ​​​സ സ്ഥാ​​​പ​​​ന​​​ങ്ങ​​​ൾ, സ​​​ർ​​​ക്കാ​​​ർ ഓ​​​ഫീ​​​സു​​​ക​​​ൾ​ തു​​ട​​ങ്ങി​​യ​​വ ഇ​​​ടി​​​ച്ചു​​​നി​​​ര​​​ത്തു​​​ക​​​യോ ത​​​ക​​​ർ​​​ക്കു​​​ക​​​യോ ചെ​​​യ്യേ​​​ണ്ടി​​​വ​​​രും. ഈ ​​​ക​​​രി​​​നി​​​യ​​​മ​​​ത്തി​​​നെ​​​തി​​​രേ ജി​​​ല്ല​​​യി​​​ലെ ക​​​ർ​​​ഷ​​​ക​​​ർ, വി​​​വി​​​ധ രാ​​​ഷ്‌​​​ട്രീ​​​യ പാ​​​ർ​​​ട്ടി​​​ക​​​ൾ, ഹൈ​​​റേ​​​ഞ്ച് സം​​​ര​​​ക്ഷ​​​ണ സ​​​മി​​​തി, വ്യാ​​​പാ​​​രി വ്യ​​​വ​​​സാ​​​യി ഏ​​​കോ​​​പ​​​ന സ​​​മി​​​തി ഒ​​​ക്കെ ചേ​​​ർ​​​ന്നു ശ​​​ക്ത​​​മാ​​​യ സ​​​മ​​​ര​​​പ​​​രി​​​പാ​​​ടി​​​ക​​​ൾ ന​​​ട​​​ത്തു​​​ന്പോ​​​ഴാ​​​ണ് മ​​​ര​​​ണ​​​വാ​​​റ​​​ന്‍റ് പോ​​​ലെ അ​​​ടു​​​ത്ത ഉ​​​ത്ത​​​ര​​​വു വ​​​ന്ന​​​ത്.

2019 സെ​​​പ്റ്റം​​​ബ​​​ർ 25ന് ​​​ത​​​ദ്ദേ​​​ശ സ്വ​​​യം​​​ഭ​​​ര​​​ണ​​​വ​​​കു​​​പ്പി​​​ന്‍റേ​​​താ​​​യി​​രു​​ന്നു ഈ ​​​ഉ​​​ത്ത​​​ര​​​വ്. ഇ​​​ത​​​നു​​​സ​​​രി​​​ച്ച് ഒ​​​രു നി​​​ർ​​​മാ​​​ണ​​​പ്ര​​​വ​​​ർ​​​ത്ത​​​ന​​​വും ന​​​ട​​​ക്കി​​​ല്ല. ഒ​​​രു കാ​​​ലി​​​ത്തൊ​​​ഴു​​​ത്ത് നി​​​ർ​​​മി​​​ക്ക​​​ണ​​​മെ​​​ങ്കി​​​ൽ ​​​പോ​​​ലും പ​​​ട്ട​​​യം ഉ​​​ൾ​​​പ്പെ​​​ടെ​​​യു​​​ള്ള എ​​​ല്ലാ രേ​​​ഖ​​​ക​​​ളും സ​​​ഹി​​​തം അ​​പേ​​ക്ഷി​​ക്ക​​ണം. അ​​​ത​​​ത് വി​​​ല്ലേ​​​ജ് ഓ​​​ഫീ​​​സ​​​ർ വ​​​ന്ന് നോ​​​ക്കി ത​​​ഹ​​​സീ​​​ൽ​​​ദാ​​​ർ​​​ക്കും അ​​​വി​​​ടെ നി​​​ന്ന് ക​​​ള​​​ക്ട​​​ർ​​​ക്കും റി​​പ്പോ​​ർ​​ട്ട് അ​​​യ​​​യ്ക്കും. ക​​​ള​​​ക്ട​​​ർ വേ​​​ണം അ​​​നു​​​വാ​​​ദം ന​​​ല്കാ​​​ൻ. ക​​​ള​​​ക്ട​​​റു​​​ടെ ഓ​​​ർ​​​ഡ​​​ർ വാ​​​ങ്ങി പ​​​ഞ്ചാ​​​യ​​​ത്ത് ഓ​​​ഫീ​​​സി​​​ൽ കൊ​​​ടു​​​ത്താ​​​ലേ നി​​​ർ​​​മാ​​​ണം ന​​​ട​​​ക്കു​​​ക​​​യു​​​ള്ളൂ. ഒ​​​രു സാ​​​ധാ​​​ര​​​ണ​​​ക്കാ​​​ര​​​ന് അ​​ങ്ങ​​നെ​​യൊ​​ന്നും സാ​​​ധി​​​ക്കു​​​ന്ന കാ​​​ര്യ​​​മ​​​ല്ലി​​​ത്. (പി​​​ന്നീ​​​ട് ഈ ​​ഉ​​​ത്ത​​​ര​​​വി​​ൽ ചി​​​ല ഇ​​​ള​​​വു​​​ക​​​ൾ വ​​​രു​​​ത്തി).


ക​​​ടം​​​ക​​​യ​​​റി മു​​​ടി​​​ഞ്ഞു​​​നി​​​ൽ​​​ക്കു​​​ന്ന ക​​​ർ​​​ഷ​​​ക​​​ർ പ​​​ത്തു സെ​​​ന്‍റ് ഭൂ​​​മി വി​​​റ്റ് ക​​​ടം​​​ വീ​​​ട്ടാ​​​മെ​​​ന്നു വ​​​ച്ചാ​​​ലും സാ​​​ധി​​​ക്കി​​​ല്ല. ആ​​​ധാ​​​രം എ​​​ഴു​​​ത​​​ണ​​​മെ​​​ങ്കി​​​ൽ വി​​​ല്ലേ​​​ജ് ഓ​​​ഫീ​​​സ​​​ർ​​​ക്ക് അ​​​പേ​​​ക്ഷ ന​​​ൽ​​​കി ത​​​ണ്ട​​​പ്പേ​​​ർ അ​​​ക്കൗ​​​ണ്ട് ന​​​ന്പ​​​ർ വാ​​​ങ്ങ​​​ണം. അ​​​തി​​​നു വി​​​ല്ലേ​​​ജ് ഓ​​​ഫീ​​​സ​​​റെ കൊ​​​ണ്ടു​​​വ​​​ന്നു കാ​​​ണി​​​ക്ക​​​ണം. ആ​​​ധാ​​​രം ത​​​യാ​​​റാ​​​ക്കി കൊ​​​ണ്ടു​​​ചെ​​​ന്നാ​​​ൽ സ​​​ബ് ര​​​ജി​​​സ്ട്രാ​​​റു​​​ടെ നി​​​ർ​​​ദേ​​​ശം ചി​​​ല​​​പ്പോ​​​ൾ ജി​​​ല്ലാ ര​​​ജി​​​സ്ട്രാ​​​റു​​​ടെ അ​​​നു​​​വാ​​​ദം വേ​​​ണ​​​മെ​​​ന്നാ​​​യി​​​രി​​​ക്കും.

ചു​​​രു​​​ക്ക​​​ത്തി​​​ൽ, ഇ​​​ടു​​​ക്കി​​​യി​​​ലെ ക​​​ർ​​​ഷ​​​ക​​​ർ​​​ക്ക് ഇ​​​നി മ​​​ണ്ണി​​​ൽ പ​​​ണി​​​യെ​​​ടു​​​ക്കാ​​​നോ ക​​​ന്നു​​​കാ​​​ലി വ​​​ള​​​ർ​​​ത്താ​​​നോ സ​​​മ​​​യം കി​​​ട്ടി​​​ല്ല. സ​​​ർ​​​ക്കാ​​​ർ ഓ​​​ഫീ​​​സു​​​ക​​​ളി​​​ൽ ക​​​യ​​​റി​​​യി​​​റ​​​ങ്ങി കാ​​​ലം ക​​​ഴി​​​ക്ക​​​ണം.
കേ​​​ര​​​ള​​​ത്തി​​​ൽ മ​​​റ്റു 13 ജി​​​ല്ല​​​ക​​​ളി​​​ലും ഇ​​​ല്ലാ​​​ത്ത ക​​​രി​​​നി​​​യ​​​മ​​​ങ്ങ​​​ൾ ഇ​​​ടു​​​ക്കി​​​യി​​​ലെ ക​​​ർ​​​ഷ​​​ക​​​രു​​​ടെ​​​മേ​​​ൽ അ​​​ടി​​​ച്ചേ​​​ൽ​​​പ്പി​​​ക്കു​​​ക​​​യാ​​​ണ്. ഇ​​​ത്ര​​​യും സ​​​മ​​​രം ഇ​​​വി​​​ടെ ന​​​ട​​​ന്നി​​​ട്ടും ഇ​​​ടു​​​ക്കി​​​യി​​​ലെ ഭ​​​ര​​​ണ​​​ക​​​ക്ഷി എം​​​എ​​​ൽ​​​എ​​​മാ​​​രും ഇ​​​വി​​​ടെ​​​നി​​​ന്നു​​​ള്ള മ​​​ന്ത്രി​​​യും പ്ര​​​തി​​​ക​​​രി​​​ക്കാ​​​ത്ത​​​തു വ​​​ലി​​​യ ദു​​​രൂ​​​ഹ​​​ത സൃ​​​ഷ്ടി​​​ക്കു​​​ന്നു. എ​​​ൽ​​​ഡി​​​എ​​​ഫും മു​​​ഖ്യ​​​മ​​​ന്ത്രി​​​യും വൈ​​​ദ്യു​​​തി​​​മ​​​ന്ത്രി​​​യും ഇ​​​ടു​​​ക്കി​​​യി​​​ലെ പാ​​​വ​​​ങ്ങ​​​ളോ​​​ടു രാ​​​ഷ്‌​​​ട്രീ​​​യ വൈ​​​രാ​​​ഗ്യം തീ​​​ർ​​​ക്കു​​​ക​​​യാ​​​ണോ എ​​​ന്നു ന്യാ​​​യ​​​മാ​​​യും സം​​​ശ​​​യി​​​ക്കു​​​ന്നു.

ഇ​​​ടു​​​ക്കി​​​യി​​​ലെ ക​​​ർ​​​ഷ​​​ക​​​ർ ഒ​​​രി​​​ട​​​ത്തും ഒ​​​ന്നും കൈ​​​യേ​​​റി​​​യി​​​ട്ടി​​​ല്ല. എ​​​ന്നാ​​​ൽ, ചി​​​ല രാ​​​ഷ്‌​​​ട്രീ​​​യ നേ​​​താ​​​ക്ക​​​ളും ചി​​​ല ജ​​​ന​​​പ്ര​​​തി​​​നി​​​ധി​​​ക​​​ളും കൈ​​​യേ​​​റി​​​യി​​​ട്ടു​​​ള്ള ഏ​​​ക്ക​​​ർ​​​ക​​​ണ​​​ക്കി​​​നു സ​​​ർ​​​ക്കാ​​​ർ​​​ ഭൂ​​​മി തി​​​രി​​​ച്ചു​​​പി​​​ടി​​​ക്കാ​​​ൻ സ​​​ർ​​​ക്കാ​​​രി​​​നു ത​​​ന്‍റേ​​​ട​​​മു​​​ണ്ടോ? ഇ​​ടു​​ക്കി ജി​​​ല്ല​​​യ്ക്കു പു​​​റ​​​ത്തു​​​ള്ള പ​​​ല​​​രും അ​​​വി​​​ടെ കൈ​​​യേ​​​റ്റം ന​​​ട​​​ത്തി​​​യി​​​ട്ടു​​​ണ്ട്. ദേ​​​വി​​​കു​​​ളം താ​​​ലൂ​​​ക്കി​​​ലെ ഒ​​​രു പ​​​ഞ്ചാ​​​യ​​​ത്തി​​​ൽ മാ​​​ത്രം ര​​​ണ്ടാ​​​യി​​​ര​​​ത്തി​​​ൽ​​​പ്പ​​​രം റി​​​സോ​​​ർ​​​ട്ടു​​​ക​​ളാ​​ണു​​ള്ള​​ത്. ഇ​​​തി​​​ൽ ഒ​​​രെ​​​ണ്ണം​​​പോ​​​ലും അ​​​വി​​​ട​​ത്തെ ക​​​ർ​​​ഷ​​​ക​​​രു​​​ടേ​​​ത​​​ല്ല. റോ​​​ഡി​​​ന്‍റെ വ​​​ശ​​​ങ്ങ​​​ളും ആ​​​റു​​​ക​​​ളു​​​ടെ​​​യും തോ​​​ടു​​​ക​​​ളു​​​ടെ​​​യും തീ​​​ര​​​ങ്ങ​​​ളും കൈ​​​യേ​​​റി​​​യി​​​ട്ട് ഒ​​​രു ഉ​​​ളു​​​പ്പു​​​മി​​​ല്ലാ​​​തെ ഞെ​​​ളി​​​ഞ്ഞു​​​ന​​​ട​​​ക്കു​​​ന്ന രാ​​​ഷ്‌​​​ട്രീ​​​യ​​​ക്കാ​​​ർ​ ക​​​ർ​​​ഷ​​​ക​​​രെ ഒ​​​റ്റു​​​കൊ​​​ടു​​​ക്കു​​​ന്ന​​​വ​​​രാ​​​ണ്. ക​​​ർ​​​ഷ​​​ക​​​ർ അ​​​ങ്ങ​​​നെ ചെ​​​യ്താ​​​ൽ ഉ​​​ദ്യോ​​​ഗ​​​സ്ഥ​​​ന്മാ​​​ർ അ​​​വ​​​രെ വി​​​ല​​​ങ്ങു​​​വ​​​യ്ക്കും.

കേ​​​ര​​​ള​​​ത്തി​​​ലെ മ​​റ്റെ​​​ല്ലാ ക​​​ർ​​​ഷ​​​ക​​​രെ​​​യും​​​പോ​​​ലെ ഇ​​​ടു​​​ക്കി​​​യി​​​ലെ ക​​​ർ​​​ഷ​​​ക​​​ർ​​​ക്കും ജീ​​​വി​​​ക്ക​​​ണം. അ​​​വ​​​രു​​​ടെ നി​​​ര​​​വ​​​ധി​​​യാ​​​യ പ്ര​​​ശ്ന​​​ങ്ങ​​​ൾ​​​ക്കു ശാ​​​ശ്വ​​​ത പ​​​രി​​​ഹാ​​​രം ഉ​​​ണ്ടാ​​​ക്ക​​​ണം. ജി​​​ല്ല​​​യു​​​ടെ വി​​​വി​​​ധ ഭാ​​​ഗ​​​ങ്ങ​​​ളി​​​ലാ​​​യി പ​​​ത്തു ചെ​​​യി​​​ൻ പ്ര​​​ദേ​​​ശ​​​മു​​​ൾ​​​പ്പെ​​​ടെ ആ​​​യി​​​ര​​​ക്ക​​​ണ​​​ക്കി​​​നു ക​​​ർ​​​ഷ​​​ക​​​ർ​​​ക്ക് ഇ​​​നി​​​യും പ​​​ട്ട​​​യം ല​​​ഭി​​​ക്കാ​​​നു​​​ണ്ട്. പ​​​ട്ട​​​യ​​​കാ​​​ര്യ​​​ത്തി​​​ൽ അ​​​പേ​​​ക്ഷ​ കൊ​​​ടു​​​ക്കു​​​ന്പോ​​​ൾ മു​​​ത​​​ൽ ഉ​​​ദ്യോ​​​ഗ​​​സ്ഥ​​​വൃ​​​ന്ദ​​​ത്തി​​​നു കൊ​​​യ്ത്താ​​​ണ്. ഉ​​​ദ്യോ​​​ഗ​​​സ്ഥ​​​രു​​​ടെ ചൂ​​​ഷ​​​ണ​​​ങ്ങ​​​ളി​​​ൽ​​​നി​​​ന്നു ക​​​ർ​​​ഷ​​​ക​​​ർ​​​ക്കു മോ​​​ച​​​നം ല​​​ഭി​​​ച്ചേ തീ​​​രൂ.

ഇ​​​ടു​​​ക്കി​​​യി​​​ലെ ക​​​ർ​​​ഷ​​​ക​​​രു​​​ടെ മ​​​ക്ക​​​ൾ​​​ക്കും ഉ​​​ന്ന​​​ത​​​വി​​​ദ്യാ​​​ഭ്യാ​​​സം ല​​​ഭി​​​ക്ക​​​ണം. വി​​​ദ്യാ​​​ഭ്യാ​​​സ വാ​​​യ്പ ഇ​​​വി​​​ട​​​ത്തെ വി​​​ദ്യാ​​​ർ​​​ഥി​​​ക​​​ൾ​​​ക്കു ല​​​ഭി​​​ക്കി​​​ല്ല. അ​​​ത് ഉ​​​ദ്യോ​​​ഗ​​​സ്ഥ​​​രു​​​ടെ മ​​​ക്ക​​​ൾ​​​ക്കു മാ​​​ത്ര​​​മാ​​​ണു ല​​​ഭി​​​ക്കു​​​ന്ന​​​ത്. ക​​​ട​​​ബാ​​​ധ്യ​​​ത​​​ മൂ​​​ലം ആ​​​ത്മ​​​ഹ​​​ത്യ​​​യു​​​ടെ വ​​​ക്കി​​​ലെ​​​ത്തി​​​നി​​​ൽ​​​ക്കു​​​ന്ന ക​​​ർ​​​ഷ​​​ക​​​ർ എ​​​ങ്ങ​​​നെ മ​​​ക്ക​​​ളെ പ​​​ഠി​​​പ്പി​​​ക്കും?

ക​​​ർ​​​ഷ​​​ക​​​ർ ഉ​​​ത്പാ​​​ദി​​​പ്പി​​​ക്കു​​​ന്ന നാ​​​ണ്യ​​​വി​​​ള​​​ക​​​ൾ​​​ക്ക് ഉ​​​ത്പാ​​​ദ​​​ന​​​ച്ചെ​​​ല​​​വി​​​ന്‍റെ അ​​​ടി​​​സ്ഥാ​​​ന​​​ത്തി​​​ൽ ന്യാ​​​യ​​​വി​​​ല ല​​​ഭി​​​ക്ക​​​ണം. റ​​​ബ​​​ർ, കു​​​രു​​​മു​​​ള​​​ക്, തേ​​​യി​​​ല, കൊ​​​ക്കോ, ജാ​​​തി​​​ക്ക എ​​​ന്നി​​​വ​​​യ്ക്കൊ​​​ന്നും ന്യാ​​യ​​മാ​​യ വി​​​ല​​​യി​​​ല്ല. ആ​​കെ പ്ര​​തി​​സ​​ന്ധി​​യി​​ലാ​​ണ് അ​​വ​​രു​​ടെ ജീ​​വി​​തം. ബാ​​​ങ്കു​​​ക​​​ൾ ക​​​ർ​​​ഷ​​​ക​​​ർ​​​ക്കു വാ​​​യ്പ കൊ​​​ടു​​​ക്കി​​​ല്ല. അ​​​വ​​​ർ തി​​​രി​​​ച്ച​​​ട​​​യ്ക്കി​​​ല്ല​​​പോ​​​ലും.

ക​​​ർ​​​ഷ​​​ക​​​ർ പ​​​രി​​​സ്ഥി​​​തി​​​ക്കെ​​​തി​​​ര​​​ല്ല. യ​​ഥാ​​ർ​​ഥ​​ത്തി​​ൽ ക​​​ർ​​​ഷ​​​ക​​​രാ​​​ണ് ഇ​​​വി​​​ടെ പ​​​രി​​​സ്ഥി​​​തി സം​​​ര​​​ക്ഷി​​​ക്കു​​​ന്ന​​​ത്. ഇ​​​ടു​​​ക്കി​​​യി​​​ൽ ഇ​​​ന്നു കാ​​​ണു​​​ന്ന പ​​​ച്ച​​​പ്പി​​​നു കാ​​​ര​​​ണം ഇ​​​വി​​​ട​​​ത്തെ ക​​​ർ​​​ഷ​​​ക​​​രാ​​​ണ്. ഭൂ​​​വി​​​നി​​​യോ​​​ഗ നി​​​യ​​​മം ഭേ​​​ദ​​​ഗ​​​തി ചെ​​​യ്യു​​​ക​​​യും ഇ​​ടു​​ക്കി​​യി​​ൽ ജീ​​വി​​തം അ​​സാ​​ധ്യ​​മാ​​ക്കു​​ന്ന സ​​​ർ​​​ക്കാ​​​ർ ഉ​​​ത്ത​​​ര​​​വു​​​ക​​​ൾ പി​​​ൻ​​​വ​​​ലി​​​ക്കു​​​ക​​​യും ചെ​​​യ്യ​​​ണം. അ​​​ല്ലാ​​​ത്ത​​​പ​​​ക്ഷം ക​​​ടു​​​ത്ത സ​​​മ​​​ര​​​പ​​​രി​​​പാ​​​ടി​​​ക​​​ളു​​​മാ​​​യി ക​​​ർ​​​ഷ​​​ക​​​ർ രം​​​ഗ​​​ത്തു​​​വ​​​രും. അ​​വ​​ർ​​ക്ക് ഇ​​​നി വേ​​​റൊ​​​രി​​​ട​​​ത്തേ​​​ക്കും പോ​​​കാ​​​നി​​​ല്ല.

അ​​​ഗ​​​സ്റ്റി​​​ൻ കു​​​റു​​​മ​​​ണ്ണ്

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.