ഗീ​വ​ർ​ഗീ​സ് മെ​ത്രാ​പ്പോ​ലീ​ത്ത മാ​ർ​ത്തോ​മ്മാ സ​ഭ​യു​ടെ അ​മരത്തേ​ക്ക്
ന​വ​തി​യാ​ഘോ​ഷി​ച്ച് കാ​ലം​ചെ​യ്ത ജോ​സ​ഫ് മെ​ത്രാ​പ്പോ​ലീ​ത്ത​യു​ടെ പി​ൻ​ഗാ​മി​യാ​യി സ​പ്ത​തി​യാ​ഘോ​ഷി​ച്ച ഗീ​വ​ർ​ഗീ​സ് മെ​ത്രാ​പ്പോ​ലീ​ത്ത നാളെ സ്ഥാ​ന​മേ​ൽ​ക്കു​ന്പോ​ൾ അ​തു ത​ല​മു​റ​ക​ളു​ടെ​യും ശൈ​ലി​യു​ടെ​യും ഒ​രു കു​ട​മാ​റ്റം​കൂ​ടി​യാ​ണ്. വി​ഖ്യാ​ത​മാ​യ ര​വീ​ന്ദ്ര​നാ​ഥ​ടാ​ഗോ​റി​ന്‍റെ വി​ശ്വ​ഭാ​ര​തി സ​ർ​വ​ക​ലാ​ശാ​ല​യി​ൽ പ​ഠി​ച്ച് കാ​ന​ഡ​യി​ലെ മ​ക്മാ​സ്റ്റ​ർ സ​ർ​വ​ക​ലാ​ശാ​ല​യി​ൽ​നി​ന്നു ന​വോ​ത്ഥാ​ന നാ​യ​ക​നാ​യ ശ്രീ​നാ​രാ​യ​ണ​ഗു​രു​വി​ന്‍റെ സാ​മൂ​ഹ്യ വി​പ്ല​വ​പ​രി​ഷ്കാ​ര​ങ്ങ​ളെ​പ്പ​റ്റി ഗ​വേ​ഷ​ണം ന​ട​ത്തി ഡോ​ക്ട​റേ​റ്റ് നേ​ടി ലോ​ക​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ വൈ​ദി​ക​നാ​യും എ​പ്പി​സ്കോ​പ്പ​യാ​യും സേ​വ​നം​ചെ​യ്ത് നേ​തൃ​ത്വ​ത്തി​ലേ​ക്ക് ക​ട​ന്നു​വ​രു​ന്ന​ത് സൗ​മ്യ​ത​യു​ടെ​യും സം​യ​മ​ന​ത്തി​ന്‍റെ​യും മു​ഖ​മു​ദ്ര​യു​മാ​യാ​ണ്. ഹൃ​ദ​യ​ത്തി​ൽ ക​ണ്ണു​ള്ള ഈ ​സ​ഭാ​സാ​ര​ഥി ഒ​രേ​സ​മ​യം അ​ലി​വി​ന്‍റെ​യും ദൃ​ഢ​ത​യു​ടെ​യും പ​ര്യാ​യ​വു​മാ​ണ്. അ​ഹ​ങ്കാ​ര​ത്തി​ന്‍റെ​യും താ​ൻ​പോ​രി​മ​യു​ടെ​യും ജീ​വി​ത​ശൈ​ലി അ​ദ്ദേ​ഹ​ത്തി​നു പൂ​ർ​ണ​മാ​യും അ​ന്യ​മാ​ണ്.

ക​ഴി​വു​തെ​ളി​യി​ച്ച യു​വ​ത്വം

മി​ലി​ട്ട​റി ഡോ​ക്ട​റാ​യ അ​ഷ്ട​മു​ടി കി​ഴ​ക്കേ ച​ക്കാ​ല​യി​ൽ ഡോ. ​കെ.​ജെ. ചാ​ക്കോ​യു​ടെ​യും മ​റി​യാ​മ്മ​യു​ടെ​യും ഏ​ഴു മ​ക്ക​ളി​ൽ അ​ഞ്ചാ​മ​നാ​യി ജ​നി​ച്ച ജോ​ർ​ജ് ജേ​ക്ക​ബ് എം.​ടി. സെ​മി​നാ​രി സ്കൂ​ളി​ലാ​ണ് വി​ദ്യാ​ഭ്യാ​സം തു​ട​ങ്ങി​യ​ത്. തു​ട​ർ​ന്ന് മാ​ർ​ത്തോ​മ്മാ കോ​ള​ജി​ലെ പ​ഠ​ന​ത്തി​നു​ശേ​ഷം ജ​ബ​ൽ​പൂ​രി​ലെ ലെ​യോ​നാ​ർ​ഡ് തി​യോ​ള​ജി​ക്ക​ൽ കോ​ള​ജി​ൽ ദൈ​വ​ശാ​സ്ത്ര പ​ഠ​ന​ത്തി​നു ചേ​രു​ക​യാ​യി​രു​ന്നു. 23-ാം വ​യ​സി​ൽ ദൈ​വ​ശാ​സ്ത്ര​പ​ഠ​നം പൂ​ർ​ത്തി​യാ​ക്കി. എ​ന്നാ​ൽ വൈ​ദി​കാ​ഭി​ഷ്കി​ത​നാ​കാ​ൻ 24 വ​യ​സ് ആ​വ​ശ്യ​മാ​യി​രു​ന്ന​തി​നാ​ൽ പ്ര​ത്യേ​ക അ​നു​വാ​ദ​പ്ര​കാ​രം അ​ഭി​ഷി​ക്ത​നാ​യി സേ​വ​ന​ത്തി​നാ​യി മും​ബൈ​യി​ലേ​ക്ക് നി​യു​ക്ത​നാ​യി. സാ​ന്താ​ക്രൂ​സ് ഇ​ട​വ​ക​യി​ൽ എം.​പി. തോ​മ​സ് അ​ച്ച​ന്‍റെ സ​ഹാ​യി​യാ​യി കൊ​ളാ​ബാ മു​ത​ൽ ബെ​സീ​ൻ വ​രെ​യു​ള്ള വി​പു​ല​മാ​യ പ്ര​ദേ​ശ​ത്ത് സ്തു​ത്യ​ർ​ഹ​മാ​യ സേ​വ​നം​ചെ​യ്തു.

മാ​ർ​ത്തോ​മ്മാ സ​ഭ, അ​ല്​മാ​യ പ്രേ​ഷി​ത പ്ര​ദാ​ന​മാ​യ സ​ഭ​യാ​ണെ​ന്നു​ള്ള ഉ​ൾ​ക്കാ​ഴ്ച ല​ഭി​ക്കാ​ൻ ഈ ​ജീ​വി​ത സാ​ഹ​ച​ര്യ​ങ്ങ​ൾ സ​ഹാ​യ​ക​മാ​യി എ​ന്നു മെ​ത്രാ​പ്പോ​ലീ​ത്ത​ത​ന്നെ സാ​ക്ഷ്യ​പ്പെ​ടു​ത്തു​ന്നു. തു​ട​ർ​ന്ന് കോ​ൽ​ക്ക​ത്തയി​ലെ ഇ​ട​വ​ക​യി​ൽ സേ​വ​നം​ചെ​യ്ത​പ്പോ​ൾ മ​ദ​ർ തെ​രേ​സ​യു​ടെ സേ​വ​ന​ലാ​ളി​ത്യ​വും ര​വീ​ന്ദ്ര​നാഥടാ​ഗോ​റി​ന്‍റെ വി​ശ്വ​മാ​ന​വി​ക സ​മീ​പ​ന​വും നെ​ഞ്ചി​ലേ​റ്റി ഹൃ​ദ​യ​ത്തു​ടി​പ്പു​ക​ളാ​ക്കാ​ൻ അ​വ​സ​ര​മാ​യി. തു​ട​ർ​ന്നു കാ​ന​ഡ​യി​ലെ പ്ര​ശ​സ്ത​മാ​യ മ​ക്മാ​സ്റ്റ​ർ യൂ​ണി​വേ​ഴ്സി​റ്റി​യി​ൽ​നി​ന്നു ഡോ​ക്ട​റേ​റ്റ് നേ​ടി. എ​ന്നും മു​ൻ​പേ പ​റ​ക്കു​ന്ന പ​ക്ഷി​യാ​യി മാ​റി​യ ജോ​ർ​ജ് ജേ​ക്ക​ബ് അ​ച്ച​ൻ 1989 ഡി​സം​ബ​ർ ഒ​ന്പ​തിന് എ​പ്പി​സ്കോ​പ്പ​യാ​യും 2020 ജൂ​ലൈ 12-ന് ​സ​ഫ്ര​ഗ​ൻ മെ​ത്രാ​പ്പോ​ലീ​ത്ത​യാ​യും സ്ഥാ​ന​മേ​റ്റു.


ഉ​ൾ​ക്കാ​ഴ്ച​യു​ള്ള അ​ഭി​ഷ്ക്ത​ൻ

എ​ക്യു​മെ​നി​ക്ക​ൽ ക്രി​സ്ത്യ​ൻ സെ​ന്‍റ​റി​ന്‍റെ ചെ​യ​ർ​മാ​നാ​യി 2017-ൽ ​ഗീ​വ​ർ​ഗീ​സ് മാ​ർ തി​യ​ഡോ​ഷ്യ​സ് പി​താ​വ് നി​യു​ക്ത​നാ​യ​പ്പോ​ൾ കാ​ലം​ചെ​യ്ത ജോ​സ​ഫ് മാ​ർ​ത്തോ​മ്മാ മെ​ത്രാ​പ്പോ​ലീ​ത്ത​യോ​ട് ഞാ​ൻ അ​ന്വേ​ഷി​ച്ചു എ​ന്തി​നാ​ണ് മാ​ർ​ത്തോ​മ്മ സ​ഭ​യു​ടെ പ്ര​തി​നി​ധി​യാ​യി മും​ബൈ​യി​ൽ എ​പ്പി​സ്കോ​പ്പ​യാ​യി ജോ​ലി​ചെ​യ്യു​ന്ന ഗീ​വ​ർ​ഗീ​സ് മെ​ത്രാ​പ്പോ​ലീ​ത്ത​യെ നി​യോ​ഗി​ച്ച​തെ​ന്ന്? ഒ​രു പു​ഞ്ചി​രി​യോ​ടെ മെ​ത്രാ​പ്പോ​ലീ​ത്ത എ​ന്നോ​ടു പ​റ​ഞ്ഞു.’സീ​നി​യ​റാ​യ എ​പ്പി​സ്കോ​പ്പ​യാ​കു​ന്പോ​ൾ കൃ​ത്യ​മാ​യ തീ​രു​മാ​ന​ങ്ങ​ളു​ണ്ടാ​വും, ജോ​സ​ഫ് മെ​ത്രാ​പ്പോ​ലീ​ത്ത​യു​ടെ നി​ഗ​മ​നം കൃ​ത്യ​മാ​യി​രു​ന്നു.

തു​റ​ന്ന മ​ന​സോ​ടെ ശ​ക്തി പ​ക​രു​ന്ന ഗീ​വ​ർ​ഗീ​സ് മെ​ത്രാ​പ്പോ​ലീ​ത്ത​യു​ടെ സ​മീ​പ​ന​രീ​തി​ക​ൾ രൂ​പാ​ന്ത​ര​നേ​തൃ​ത്വ ശൈ​ലി​യു​ടേ​താ​ണ്. ഇ​ഷ്ട​മി​ല്ലാ​ത്ത​ത് തു​റ​ന്നു പ​റ​യാ​ൻ അ​ദ്ദേ​ഹം ര​ണ്ടാ​മ​തൊ​ന്ന് ആ​ലോ​ചി​ക്കാ​റി​ല്ല. വ്യ​ക്തി​ക​ളെ ഉ​ൾ​ക്കാ​ഴ്ച​യോ​ടെ മു​ന്നോ​ട്ടു ന​യി​ക്കാ​ൻ സ​വി​ശേ​ഷ​മാ​യൊ​രു ക​ഴി​വ് പി​താ​വി​ന് സ്വ​ന്ത​മാ​ണ്. ആ​വ​ശ്യ​ങ്ങ​ൾ ക​ണ്ട​റി​ഞ്ഞ് ഇ​ട​പെ​ടാ​നും അ​നാ​വ​ശ്യ​മാ​യ കൈ​ക​ട​ത്ത​ലു​ക​ൾ ഒ​ഴി​വാ​ക്കാ​നും ധി​ഷ​ണാ​ശാ​ലി​യാ​യ ഈ ​സ​ഭാ​ശ്രേ​ഷ്ഠ​നു ക​ഴി​യും. കു​ട്ടി​ക​ളെ ഓ​മ​നി​ക്കാ​നും ഔ​പ​ചാ​രി​ക​ത​ക​ളി​ല്ലാ​തെ ആ​രു​ടെ​യും ആ​തി​ഥ്യം സ്വീ​ക​രി​ക്കാ​നും ഏ​വ​രു​ടെ​യും ഹൃ​ദ​യ​ത്തി​ലേ​ക്കി​റ​ങ്ങി പ്ര​ശ്ന​ങ്ങ​ൾ മ​ന​സി​ലാ​ക്കാ​നു​മു​ള്ള മാ​ന​സി​ക പ​ക്വ​ത വ്യ​ത്യ​സ്ത​മാ​യ ജീ​വി​ത​പ്ര​യാ​ണ സാ​ഹ​ച​ര്യ​ങ്ങ​ളി​ലൂ​ടെ ഗീ​വ​ർ​ഗീ​സ് മെ​ത്രാ​പ്പോ​ലീ​ത്ത സ്വാ​യ​ത്ത​മാ​ക്കി​യി​ട്ടു​ണ്ട്. അ​ശ​ര​ണ​രു​ടെ​യും ആ​ലം​ബ​ഹീ​ന​രു​ടെ​യും പാ​ർ​ശ്വ​വ​ത്ക​രി​ക്ക​പ്പെ​ട്ട​വ​രു​ടെ​യും സ​മു​ദ്ധാ​ര​ണ​ത്തി​ന് പ്ര​ത്യേ​ക​മാ​യ താ​ത്പ​ര്യം അ​ദ്ദേ​ഹം പ്ര​ക​ടി​പ്പി​ച്ചി​ട്ടു​ണ്ട്.

പ​ത്തു​ല​ക്ഷ​ത്തി​ലേ​റെ അം​ഗ​ങ്ങ​ളും പ​തി​മൂ​ന്നു രൂ​പ​ത​ക​ളും ആ​യി​ര​ത്തി​ലേ​റെ വൈ​ദി​ക​രും ഉ​ൾ​പ്പെ​ടു​ന്ന മാ​ർ​ത്തോ​മ്മാ സ​ഭ​യു​ടെ ഇ​രു​പ​ത്തി​ര​ണ്ടാ​മ​ത്തെ മെ​ത്രാ​പ്പോ​ലീ​ത്ത​യാ​യാ​ണ് ഗീ​വ​ർ​ഗീ​സ് മെ​ത്രാ​പ്പോ​ലീ​ത്ത സ്ഥാ​ന​മേ​ൽ​ക്കു​ന്ന​ത്. സൗ​മ്യം, ദീ​പ്തം, ശാ​ന്തം എ​ന്നീ വാ​ക്കു​ക​ളി​ൽ അ​ർ​ഥ​വ​ത്താ​ക്കാ​വു​ന്ന വ്യ​ക്തി​ത്വ ശൈ​ലി​ക്കു​ട​മ​യാ​യ ഗീ​വ​ർ​ഗീ​സ് മെ​ത്രാ​പ്പോ​ലീ​ത്ത യേ​ശു വി​വ​ക്ഷി​ച്ച ഭൂ​മി​യു​ടെ ഉ​പ്പും ലോ​ക​ത്തി​ന്‍റെ പ്ര​കാ​ശ​വു​മാ​യി സാ​മൂ​ഹ്യ ഉ​ത്ക​ർ​ഷ​ത്തി​ലേ​ക്കും സ​മ​ഗ്ര​വി​ക​സ​ന​ത്തി​ലേ​ക്കും ആ​ത്മീ​യ മു​ന്നേ​റ്റ​ത്തി​ലേ​ക്കും മാ​ർ​ത്തോ​മ്മാ സ​ഭ​യെ​യും മാ​ന​വ​രാ​ശി​യെ​യും ന​യി​ക്കാ​ൻ കെ​ല്പു​ള്ള​വ​നാ​ണ്.

ഡോ. മാത്യു ചന്ദ്രൻകുന്നേൽ സിഎംഐ

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.