ന്യൂനപക്ഷവും വിവിധ പക്ഷങ്ങളും
ന്യൂ​ന​പ​ക്ഷക്ഷേ​മ വ​കു​പ്പി​ന്‍റെ ഭ​ര​ണം മു​ഖ്യ​മ​ന്ത്രി ഏ​റ്റെ​ടു​ത്ത ന​ട​പ​ടി​യെ കേ​ര​ള ക്രൈ​സ്ത​വസ​മൂ​ഹം ഏ​ക​ക​ണ്ഠ​മാ​യി സ്വാ​ഗ​തം ചെ​യ്തി​രി​ക്കു​ക​യാ​ണ്. പ്ര​ധാ​ന​പ്പെ​ട്ട മു​സ്‌ലിം മ​ത​സം​ഘ​ട​ന​ക​ളും ഈ ​ന​ട​പ​ടി​യെ സ്വാ​ഗ​തം ചെ​യ്യു​ന്ന​തും മു​ഖ്യ​മ​ന്ത്രി​യി​ൽ വി​ശ്വാ​സം രേ​ഖ​പ്പെ​ടു​ത്തി​യ​തും കാ​ണാ​ൻ സാ​ധി​ച്ചു. മ​തേ​ത​ര കേ​ര​ള​ത്തി​ന്‍റെ കൈ​യ​ടി നേ​ടി​യ ഒ​രു തീ​രു​മാ​ന​മാ​യി​രു​ന്നു ഇ​ത്.
മു​ഖ്യ​മ​ന്ത്രി ഈ ​വ​കു​പ്പ് കൈ​കാ​ര്യം ചെ​യ്യു​മ്പോ​ൾ അ​തി​ന്‍റെ പ്രാ​ധാ​ന്യം വ​ർ​ധി​ക്കു​ന്നു എ​ന്ന​ത് എ​ല്ലാ ന്യൂ​ന​പ​ക്ഷ​ങ്ങ​ൾ​ക്കും ആ​ശ്വാ​സ​ക​ര​മാ​ണ്. എ​ന്നാ​ൽ, ചി​ല സ​ങ്കു​ചി​ത താ​ത്പ​ര്യ​ക്കാ​ർ സ​ർ​ക്കാ​രി​ന്‍റെ ഭ​ര​ണ​പ​ര​മാ​യ ഈ ​ന​ട​പ​ടി​യെ​യും അ​സ​ഹി​ഷ്ണു​ത​യോ​ടെ​യാ​ണു സ​മീ​പി​ച്ച​ത്. സാ​മു​ദാ​യി​ക വി​കാ​രം ഇ​ള​ക്കി വി​വാ​ദം സൃ​ഷ്ടി​ച്ച് അ​തു​വ​ഴി ചി​ല്ല​റ വ​ർ​ഗീ​യ മു​ത​ലെ​ടു​പ്പി​നും ശ്ര​മ​ങ്ങ​ൾ ന​ട​ക്കു​ന്നു.

ഹൈ​ക്കോ​ട​തി​യു​ടെ പ​ക്ഷം

സം​സ്ഥാ​ന​ത്തെ ന്യൂ​ന​പ​ക്ഷ ആ​നു​കൂ​ല്യ​ങ്ങ​ൾ ഒബിസി ​വി​ഭാ​ഗ​ങ്ങ​ൾ​ക്കു മാ​ത്ര​മാ​യി ചു​രു​ക്കു​ക എ​ന്ന ന​യം നീ​തി​ക്കോ നി​യ​മ​വ്യ​വ​സ്ഥ​യ്ക്കോ ചേ​രു​ന്ന​ത​ല്ലെ​ന്ന് 80:20 എ​ന്ന അ​നീ​തി നി​റ​ഞ്ഞ അ​നു​പാ​തം റ​ദ്ദാ​ക്കി​ക്കൊ​ണ്ട് ഇ​ന്ന​ലെ ഹൈ​ക്കോ​ട​തി പു​റ​പ്പെ​ടു​വി​ച്ച വി​ധി​യി​ൽ വ്യ​ക്ത​മാ​യി​രി​ക്കു​ക​യാ​ണ്. എ​ല്ലാ ന്യൂ​ന​പ​ക്ഷ​ങ്ങ​ൾ​ക്കും തു​ല്യപ​രി​ഗ​ണ​ന ല​ഭി​ക്കു​ക എ​ന്ന​ത് ഭ​ര​ണ​ഘ​ട​നാപ​ര​മാ​യ അ​വ​കാ​ശ​മാ​ണ്. ഹൈ​ക്കോ​ട​തി അ​ത് അ​ടി​വ​ര​യി​ട്ട് വ്യ​ക്ത​മാ​ക്കി​യി​രി​ക്കു​ന്നു.
ഹൈ​ക്കോ​ട​തി വി​ധി എ​ത്ര​യും വേ​ഗം ന​ട​പ്പി​ലാ​ക്കു​ന്ന​തി​നു സം​സ്ഥാ​ന സ​ർ​ക്കാ​ർ ത​യാ​റാ​കുകയാണു വേണ്ടത്.

സി​പി​എ​മ്മി​ന്‍റെ പ​ക്ഷം

ന്യൂനപക്ഷക്ഷേമ വകുപ്പ് മുഖ്യമന്ത്രി ഏറ്റെടു ത്തതു സംബന്ധിച്ച് സ​ർ​ക്കാ​രി​നെ​തി​രേ ഉ​യ​ർ​ന്ന വി​വാ​ദ​ത്തി​ൽ സി​പി​എം പോ​ളി​റ്റ് ബ്യൂ​റോ അം​ഗം കോ​ടി​യേ​രി ബാ​ല​കൃ​ഷ്ണ​ൻ ന​ൽ​കി​യ മ​റു​പ​ടി ശ്ര​ദ്ധേ​യ​മാ​ണ്. അ​ദ്ദ​ഹം പ​റ​ഞ്ഞു: കേ​ര​ള​ത്തി​ലെ ന്യൂ​ന​പ​ക്ഷ​മെ​ന്നു പ​റ​യു​ന്ന​ത് ഒ​രു മ​ത​വി​ഭാ​ഗം മാ​ത്ര​മ​ല്ല. മു​സ്‌ലിം, ക്രി​സ്ത്യ​ൻ വി​ഭാ​ഗ​ങ്ങ​ളെ​ല്ലാം ന്യൂ​ന​പ​ക്ഷ വി​ഭാ​ഗ​ത്തി​ൽ പെ​ട്ട​വ​രാ​ണ്. ഇ​വ​ർ​ക്കെ​ല്ലാം അ​ർ​ഹ​മാ​യ​തു കൊ​ടു​ക്കേ​ണ്ട​താ​ണ്. കേ​ര​ള​ത്തി​ന്‍റെ സം​സ്കാ​ര​വു​മ​താ​ണ്. രൂ​പീ​ക​രി​ച്ച കാ​ലം മു​ത​ൽ ഒ​രു വി​ഭാ​ഗ​ത്തി​ൽ പെ​ട്ട ആ​ളു​ക​ളാ​ണ് ന്യൂ​ന​പ​ക്ഷ ക്ഷേ​മ വ​കു​പ്പ് കൈ​കാ​ര്യം ചെ​യ്തു​കൊ​ണ്ടി​രു​ന്ന​ത്. അ​തി​ന് ഒ​രു മാ​റ്റം വേ​ണം എ​ന്നു ഞ​ങ്ങ​ൾ ച​ർ​ച്ച​ചെ​യ്തു തീ​രു​മാ​നി​ച്ച​താ​ണ്. അ​തു ന്യൂ​ന​പ​ക്ഷ വി​ഭാ​ഗ​ങ്ങ​ൾ​ക്കെ​ല്ലാം ഗു​ണ​ക​ര​മാ​യി​രി​ക്കും.

മു​ഖ്യ​മ​ന്ത്രി​യു​ടെ ന​ട​പ​ടി, സി​പി​എ​മ്മും എ​ൽ​ഡി​എ​ഫും ന​ട​ത്തി​യ ച​ർ​ച്ച​ക​ളു​ടെ​യും പ​ഠ​ന​ത്തി​ന്‍റെ​യും അ​ടി​സ്ഥാ​ന​ത്തി​ൽ എ​ല്ലാ ന്യൂ​ന​പ​ക്ഷ വി​ഭാ​ഗ​ങ്ങ​ൾ​ക്കും തു​ല്യ​നീ​തി ന​ട​പ്പി​ലാ​ക്ക​ണം, ഇ​വി​ടെ മ​ത​വി​വേ​ച​നം പാ​ടി​ല്ല എ​ന്ന ല​ക്ഷ്യ​ത്തോ​ടെ എ​ടു​ത്ത രാ​ഷ്‌​ട്രീ​യ തീ​രു​മാ​ന​ത്തി​ന്‍റെ ഭാ​ഗ​മാ​ണ് എ​ന്നു​ള്ള​തു കോ​ടി​യേ​രി​യു​ടെ വാ​ക്കു​ക​ളി​ൽ​നി​ന്നു വ്യ​ക്ത​മാ​ണ്.

ലീ​ഗി​ന്‍റെ പ​ക്ഷം

മു​ഖ്യ​മ​ന്ത്രി ന്യൂ​ന​പ​ക്ഷ വ​കു​പ്പ് ഏ​റ്റെ​ടു​ത്ത ന​ട​പ​ടി​യെ മു​സ്‌​ലിം ലീ​ഗ് ശ​ക്ത​മാ​യി വി​മ​ർ​ശി​ക്കു​ക​യാ​ണു​ണ്ടാ​യ​ത്. മു​സ്‌​ലിം സ​മു​ദാ​യ​ത്തെ ഇ​ൻ​സ​ൾ​ട്ട് ചെ​യ്തു എ​ന്നാ​യി​രു​ന്നു പി.​കെ. കു​ഞ്ഞാ​ലി​ക്കു​ട്ടി​യു​ടെ പ്ര​തി​ക​ര​ണം. അ​തി​നു മു​ഖ്യ​മ​ന്ത്രി വ്യ​ക്ത​മാ​യ മ​റു​പ​ടി ന​ൽ​കി. മു​സ്‌​ലിം ജ​ന​വി​ഭാ​ഗ​ത്തി​ന്‍റെ അ​ട്ടി​പ്പേ​റ് അ​വ​കാ​ശം മു​സ്‌ലിം ലീ​ഗി​ന​ല്ല എ​ന്ന​താ​യി​രു​ന്നു അ​ത്. ന്യൂ​ന​പ​ക്ഷക്ഷേ​മ വ​കു​പ്പി​ന്‍റെ പ​ദ്ധ​തി​ക​ൾ മു​സ്‌​ലിം വി​ഭാ​ഗ​ത്തി​നു മാ​ത്ര​മാ​യി​ട്ടു​ള്ള​താ​ണ്, അ​തി​ൽ മ​റ്റാ​ർ​ക്കും അ​വ​കാ​ശ​മി​ല്ല എ​ന്ന ത​ര​ത്തി​ൽ ലീ​ഗി​ന്‍റെ മു​തി​ർ​ന്ന നേ​താ​വ് ഇ.​ടി. മു​ഹ​മ്മ​ദ് ബ​ഷീ​ർ ഒ​രു ചാ​ന​ലി​ൽ ന​ട​ത്തി​യ പ​രാ​മ​ർ​ശ​വും ശ്ര​ദ്ധ​യി​ൽ​പ്പെ​ട്ടു. ഇ​തേ ആ​ശ​യ​വു​മാ​യി ച​ന്ദ്രി​ക ദി​ന​പ​ത്ര​ത്തി​ൽ വ​ന്ന അ​ഡ്വ. മു​ഹ​മ്മ​ദ് ഷായു​ടെ ലേ​ഖ​ന​വും കാ​ണാ​നി​ട​യാ​യി.

ഭ​ര​ണ​ഘ​ട​നാ​പ​ര​മാ​യി രാ​ജ്യ​ത്തും സം​സ്ഥാ​ന​ത്തും ന​ട​പ്പി​ലാ​ക്കി​യ സാ​മ്പ​ത്തി​ക സം​വ​ര​ണ​ത്തി​നെ​തി​രേ "സം​വ​ര​ണം ക്ഷേ​മപ​ദ്ധ​തി​യ​ല്ല’ എ​ന്ന മു​ദ്രാ​വാ​ക്യം ഉ​യ​ർ​ത്തി​യ​വ​ർ ന്യു​ന​പ​ക്ഷ വ​കു​പ്പി​ന്‍റെ ക്ഷേ​മപ​ദ്ധ​തി​ക​ളി​ൽ സ​ഹന്യൂ​ന​പ​ക്ഷ​ങ്ങ​ൾ​ക്ക് "അ​വ​കാ​ശ​മി​ല്ല’ എ​ന്ന ത​ര​ത്തി​ൽ വാ​ദ​ങ്ങ​ൾ ഉ​യ​ർ​ത്തു​ന്ന​തു പ്ര​തി​ഷേ​ധാ​ർ​ഹ​മാ​ണ്. മ​തേ​ത​ര രാ​ഷ്‌​ട്രീ​യ​പാ​ർ​ട്ടി എ​ന്ന് അ​വ​കാ​ശ​പ്പെ​ടു​ന്ന മു​സ്‌​ലിം ലീ​ഗി​ന്‍റെ ഭാ​ഗ​ത്തു​നി​ന്നു തു​ട​ർ​ച്ച​യാ​യു​ണ്ടാ​കു​ന്ന ഇ​ത്ത​രം നീ​ക്ക​ങ്ങ​ൾ മ​തേ​ത​ര കേ​ര​ള​ത്തി​ന്‍റെ മ​നഃ​സാ​ക്ഷി​യെ വേ​ദ​നി​പ്പി​ക്കു​ന്നു.

ജ​ലീ​ലി​ന്‍റെ പ​ക്ഷം

ന്യൂ​ന​പ​ക്ഷ ക്ഷേ​മവ​കു​പ്പി​നെ സം​ബ​ന്ധി​ച്ചു​ള്ള പ​രാ​തി​ക​ളി​ൽ ഏ​റ്റ​വും ക്ഷീ​ണ​മു​ണ്ടാ​യ​തു മു​ൻ​ മ​ന്ത്രി കെ.​ടി. ജ​ലീ​ലി​നാ​ണ്. വ​കു​പ്പി​ൽ ന​ട​ന്ന സ്വ​ജ​ന​പ​ക്ഷ​പാ​ത​ത്തി​ന്‍റെ​യും ബ​ന്ധു​നി​യ​മ​ന​ത്തി​ന്‍റെ​യും പേ​രി​ൽ ലോ​കാ​യു​ക്ത​യും ഹൈ​ക്കോ​ട​തി​യും ഇ​ട​പെ​ട്ട് മ​ന്ത്രി​സ്ഥാ​നം രാ​ജി​വ​യ്പി​ച്ച​തി​ന്‍റെയും വി​ഷ​മ​ത്തി​ലി​രി​ക്കു​മ്പോ​ഴാ​ണ്, കൂ​നി​ൻ​മേ​ൽ കു​രു​വെ​ന്ന​പോ​ലെ, ""ന്യൂ​ന​പ​ക്ഷ വ​കു​പ്പ് സ​മു​ദാ​യ​ത്തി​ന്‍റെ കൈ​യി​ൽനി​ന്നു ന​ഷ്ട​പ്പെ​ടാ​ൻ കാ​ര​ണം ജ​ലീ​ലി​ന്‍റെ പ​ക്വ​ത​യി​ല്ലാ​ത്ത ന​ട​പ​ടി​ക​ൾ മൂ​ലം വ​കു​പ്പി​ന്‍റെ പ്ര​വ​ർ​ത്ത​നം പൊ​തു​ജ​ന വി​മ​ർ​ശ​ന​ത്തി​നി​ട​യാ​യ​താ​ണ്'' എ​ന്നു​ള്ള സ​മു​ദാ​യാം​ഗ​ങ്ങ​ളു​ടെ ത​ന്നെ ആ​രോ​പ​ണം. ഈ ​ജാ​ള്യ​ത മ​റ​യ്ക്കു​ന്ന​തി​നുവേ​ണ്ടി​യാ​വ​ണം അ​ദ്ദേ​ഹം സ്ഥി​രം പ​ല്ല​വി​ക​ളു​ൾ​ക്കൊ​ള്ളു​ന്ന ഒ​രു ഫേ​സ്ബു​ക്ക് പോ​സ്റ്റു​മാ​യി രം​ഗ​ത്തെ​ത്തി​യ​ത്.

സം​ഘി ചാ​പ്പ​യ​ടി​ക്ക​ൽ

ആ ​പോ​സ്റ്റി​ലെ ഒ​രു പ്ര​ധാ​ന​പ്പെ​ട്ട ആ​രോ​പ​ണം ന്യൂ​ന​പ​ക്ഷ വ​കു​പ്പി​ലെ അ​നീ​തി​ക​ളെ​ക്കു​റി​ച്ചു​ള്ള പ്ര​ചാ​ര​ണ​ങ്ങ​ൾ ബി​ജെ​പി​യു​ടെ​യും സം​ഘ​പ​രി​വാ​റി​ന്‍റെ​യും അ​ജ​ൻ​ഡ​യാ​ണെ​ന്നും അ​തി​ൽ ക്രി​സ്ത്യാ​നി​ക​ൾ വീ​ണു​പോ​യി എ​ന്നു​മാ​ണ്. തി​ക​ച്ചും തെ​റ്റാ​യ ആ​രോ​പ​ണ​മാ​ണ​ത് . ഈ ​വി​ഷ​യ​ങ്ങ​ൾ പ​ഠി​ച്ചും വി​വ​ര​ങ്ങ​ൾ ആ​ധി​കാ​രി​ക​മാ​യി ശേ​ഖ​രി​ച്ചും പൊ​തുസ​മൂ​ഹ​ത്തി​ന്‍റെ മു​മ്പി​ൽ അ​വ​ത​രി​പ്പി​ച്ച​തു സ​മു​ദാ​യ​സ്നേ​ഹി​ക​ളാ​യ യു​വാ​ക്ക​ളും യു​വ​ജ​ന​സം​ഘ​ട​ന​ക​ളു​മാ​ണ്. തു​ട​ർ​ന്ന് സ​ഭാ നേ​തൃ​ത്വം ഈ ​വി​ഷ​യ​ങ്ങ​ൾ അ​ന്വേ​ഷി​ക്കു​ക​യും പ​ഠി​ക്കു​ക​യും ഏ​റ്റെ​ടു​ക്കു​ക​യും രാ​ഷ്‌​ട്രീ​യ നേ​തൃ​ത്വ​ങ്ങ​ളു​ടെ​യും ഭ​ര​ണാ​ധി​കാ​രി​ക​ളു​ടെ​യും മു​മ്പി​ൽ ജ​നാ​ധി​പ​ത്യ​പ​ര​മാ​യ മാ​ർ​ഗ​ത്തി​ൽ ഉ​ന്ന​യി​ക്കു​ക​യു​മാ​യി​രു​ന്നു.

ഇ​വ പൊ​തുസ​മൂ​ഹ​ത്ത​ിന്‍റെ​യും മാ​ധ്യ​മ​ങ്ങ​ളു​ടെ​യും ശ്ര​ദ്ധ​യി​ൽ വ​ന്ന​തി​നു ശേ​ഷം പ​ല രാ​ഷ്‌​ട്രീ​യ പ്ര​സ്ഥാ​ന​ങ്ങ​ളും ഈ ​വി​ഷ​യ​ങ്ങ​ളി​ൽ അ​ഭി​പ്രാ​യം പ​റ​ഞ്ഞി​ട്ടു​ണ്ടാ​കാം. എ​ന്നാ​ൽ, ക്രൈ​സ്ത​വ​രു​ടെ ന്യൂന​പ​ക്ഷ അ​വ​കാ​ശസം​ര​ക്ഷ​ണ ശ്ര​മ​ങ്ങ​ളെ ഒ​രു മു​ൻ ​മ​ന്ത്രി ത​ന്നെ വ​ർ​ഗീ​യ​ത​യു​ടെ നി​റം കൊ​ടു​ത്തു വി​ല​യി​രു​ത്തു​ന്ന​തു ദുഃ​ഖ​ക​ര​മാ​ണ്.

കു​റ്റം സ​ച്ചാ​ർ-പാ​ലോ​ളി സ​മി​തി​ക​ൾ​ക്കു മാ​ത്ര​മോ‍?

ദേ​ശീ​യത​ല​ത്തി​ൽ മു​സ്‌​ലിം പി​ന്നാ​ക്കാ​വ​സ്ഥ പ​ഠി​ക്കാ​ൻ നി​യോ​ഗി​ക്ക​പ്പെ​ട്ട സ​ച്ചാ​ർ ക​മ്മീ​ഷ​ന്‍റെ​യും അ​തേ​ക്കു​റി​ച്ചു കേ​ര​ള​ത്തി​ൽ പ​ഠി​ച്ച പാ​ലൊ​ളി ക​മ്മി​റ്റി​യു​ടെ​യും റി​പ്പോ​ർ​ട്ടു​ക​ളു​ടെ അ​ടി​സ്ഥാ​ന​ത്തി​ലാ​ണ് സം​സ്ഥാ​ന ന്യൂ​ന​പ​ക്ഷക്ഷേ​മ വ​കു​പ്പ് നി​ല​വി​ൽ​ വ​ന്ന​ത് എ​ന്ന ച​ർ​വി​തച​ർ​വ​ണ​വും ആ ​പോ​സ്റ്റി​ൽ കാ​ണാ​ൻ സാ​ധി​ക്കും. എ​ങ്കി​ൽ പി​ന്നെ എ​ന്തു​കൊ​ണ്ടാ​ണ് ഇ​തി​നു മു​സ്‌​ലിം ക്ഷേ​മ വ​കു​പ്പ് എ​ന്നു പേ​രി​ടാ​തെ ന്യൂ​ന​പ​ക്ഷ ക്ഷേ​മ വ​കു​പ്പ് എ​ന്നു പേ​രി​ട്ട​ത്? സ​ച്ചാ​ർ ക​മ്മീ​ഷ​ൻ മു​സ്‌​ലിം​ക​ളെ​ക്കു​റി​ച്ചു മാ​ത്ര​മാ​ണ് പ​ഠി​ച്ച​തെ​ങ്കി​ലും ദേ​ശീ​യ ത​ല​ത്തി​ലും മ​റ്റു സം​സ്ഥാ​ന​ങ്ങ​ളി​ലും ആ​റു വി​ജ്ഞാ​പി​ത ന്യൂ​ന​പ​ക്ഷ​ങ്ങ​ൾ​ക്കും തു​ല്യ അ​വ​കാ​ശ​ങ്ങ​ൾ നി​ല​നി​ൽ​ക്കു​ന്ന​തും കേ​ര​ള​ത്തി​ൽ മാ​ത്രം അ​വ നി​ഷേ​ധി​ക്ക​പ്പെ​ടു​ന്ന​തും എ​ന്തു​കൊ​ണ്ടാ​ണ്?


ക​ർ​ണാ​ട​ക, ആ​ന്ധ്ര​പ്ര​ദേ​ശ് തു​ട​ങ്ങി​യ ദ​ക്ഷി​ണേ​ന്ത്യ​ൻ സം​സ്ഥാ​ന​ങ്ങ​ളി​ൽ ക്രൈ​സ്ത​വ​ർ​ക്ക് എ​ത്ര​യ​ധി​കം ക്ഷേ​മപ​ദ്ധ​തി​ക​ളാ​ണു ന​ട​പ്പി​ലാ​ക്കു​ന്ന​ത് എ​ന്നു ക​ണ്ണു​തു​റ​ന്നു കാ​ണേ​ണ്ടി​യി​രി​ക്കു​ന്നു. (വി​വ​രം ഇ​ന്‍റ​ർ​നെ​റ്റി​ൽ ല​ഭ്യ​മാ​യ​തി​നാ​ൽ ഇ​വി​ടെ വി​ശ​ദീ​ക​രി​ക്കു​ന്നി​ല്ല). കേ​ന്ദ്ര പ​ദ്ധ​തി​ക​ളി​ലൊ​ന്നും 80:20 ന​ട​പ്പി​ലാ​ക്കാ​ൻ സം​സ്ഥാ​ന ന്യൂ​ന​പ​ക്ഷ ക്ഷേ​മ വ​കു​പ്പി​നു ക​ഴി​യി​ല്ല എ​ന്ന് അ​ദ്ദേ​ഹം ത​ന്‍റെ പോ​സ്റ്റി​ൽ വി​ല​പി​ക്കു​ന്നു​ണ്ട്. അ​തു ശ​രി​യാ​ണ്. കാ​ര​ണം ന്യൂ​ന​പ​ക്ഷ ക്ഷേ​മപ​ദ്ധ​തി​ക​ൾ രാ​ജ്യ​ത്തെ നോ​ട്ടി​ഫൈ​ഡ് ന്യൂ​ന​പ​ക്ഷ വി​ഭാ​ഗ​ങ്ങ​ൾ​ക്കെ​ല്ലാം ഒ​രു​പോ​ലെ അ​വ​കാ​ശ​പ്പെ​ട്ട​താ​ണ്. അ​താ​യ​ത്, കേ​ര​ള സ​ർ​ക്കാ​ർ മാ​ത്രം കാ​ണി​ക്കു​ന്ന അ​നീ​തി​യാ​ണ് 80:20 എ​ന്ന് അ​ദ്ദേ​ഹം തു​റ​ന്നുസ​മ്മ​തി​ക്കു​ക​യാ​ണ്.

പാ​ലോ​ളി റി​പ്പോ​ർ​ട്ടി​ലെ ശി​പാ​ർ​ശ​ക​ൾ ഒ​ഴി​കെ ബാ​ക്കി​യൊ​ന്നും ന്യൂന​പ​ക്ഷ ക്ഷേ​മ വ​കു​പ്പി​നു ബാ​ധ​ക​മ​ല്ല എ​ന്ന​താ​ണോ നി​ല​പാ​ട്? ഇ​ത​ര ന്യൂ​ന​പ​ക്ഷ​ങ്ങ​ൾ​ക്കു ന്യൂ​ന​പ​ക്ഷ ക്ഷേ​മ പ​ദ്ധ​തി​ക​ളി​ലു​ള്ള അ​വ​കാ​ശം എ​ന്നേ​ക്കു​മാ​യി റ​ദ്ദ് ചെ​യ്യു​ന്ന​താ​ണോ പാ​ലോ​ളി റി​പ്പോ​ർ​ട്ട്? നി​ല​വി​ൽ ന്യൂ​ന​പ​ക്ഷ ക്ഷേ​മവ​കു​പ്പി​ൽനി​ന്ന് ക്രി​സ്ത്യ​ൻ പി​ന്നാ​ക്ക വി​ഭാ​ഗ​ങ്ങ​ൾ​ക്കു​ൾ​പ്പെടെ ല​ഭി​ക്കു​ന്ന 20% ആ​നു​കൂ​ല്യ​ങ്ങ​ൾ സ​ർ​ക്കാ​രി​ന്‍റെ ഔ​ദാ​ര്യ​മാ​ണോ? ഈ ​വി​ഷ​യ​ങ്ങ​ളി​ൽ ക്രൈ​സ്ത​വ ന്യൂ​ന​പ​ക്ഷ​ങ്ങ​ൾ​ക്ക് ഭ​ര​ണ​ഘ​ട​നാ​ധി​ഷ്ഠി​ത ന്യൂന​പ​ക്ഷ ത​ത്വ​ങ്ങ​ളു​ടെ അ​ടി​സ്ഥാ​ന​ത്തി​ലു​ള്ള വ്യ​ക്ത​മാ​യ കാ​ഴ്ച​പ്പാ​ടു​ക​ളു​ണ്ട്.

പി​ന്നാ​ക്ക​ക്ഷേ​മ വ​കു​പ്പി​ന്‍റെ അ​നു​ബ​ന്ധ​മ​ല്ല ന്യൂ​ന​പ​ക്ഷ ക്ഷേ​മം

ന്യൂ​ന​പ​ക്ഷാ​വ​സ്ഥ​യും പി​ന്നാ​ക്ക പ​ദ​വി​യും ത​മ്മി​ൽ കൂ​ട്ടി​ക്കു​ഴ​യ്ക്ക​ൽ ന​ട​ത്തി ന്യൂ​ന​പ​ക്ഷ ത​ത്വ​ങ്ങ​ളെ അ​ട്ടി​മ​റി​ച്ചു എ​ന്ന​താ​ണ് സം​സ്ഥാ​ന ന്യൂ​ന​പ​ക്ഷ വ​കു​പ്പു​മാ​യി ബ​ന്ധ​പ്പെ​ട്ട പ്ര​ശ്ന​ത്തി​ന്‍റെ ര​ത്ന​ച്ചു​രു​ക്കം. കേ​ര​ള​ത്തി​ൽ മു​സ്‌​ലിം​ക​ൾ ആ​കെ ഒ​ബി​സി​യി​ൽ ഉ​ൾ​പ്പെ​ട്ടി​രി​ക്കു​ന്ന​തി​നാ​ൽ അ​വ​ർ​ക്കാ​യി മാ​ത്രം പ്ര​ത്യേ​ക പ​രി​ശീ​ല​ന കേ​ന്ദ്ര​ങ്ങ​ളും സ്കോ​ള​ർ​ഷി​പ്പു​ക​ളും തു​ട​ങ്ങി, പി​ന്നീ​ട് ഒ​രു ഔ​ദാ​ര്യം എ​ന്ന നി​ല​യി​ൽ പി​ന്നാ​ക്ക ക്രി​സ്ത്യാ​നി​ക​ളെ​ക്കൂ​ടി അ​തി​ൽ ഉ​ൾ​പ്പെ​ടു​ത്തി എ​ന്നാ​ണു വാ​ദം. ഇ​വി​ടെ പി​ന്നാ​ക്കം എ​ന്ന് ഉ​ദ്ദേ​ശി​ക്കു​ന്ന​ത് സാ​മ്പ​ത്തി​ക​മാ​യി പി​ന്നാ​ക്കം നി​ൽ​ക്കു​ന്ന​വ​രെ​യ​ല്ല; പ​ക​രം, ഒ​ബി​സി പ​ദ​വി​യു​ള്ള​വ​രെ മാ​ത്ര​മാ​ണ്. ഇ​തി​ൽ പ​ല പൊ​രു​ത്ത​ക്കേ​ടു​ക​ളും ചോ​ദ്യ​ങ്ങ​ളു​മു​ണ്ട്.

1. ന്യൂ​ന​പ​ക്ഷ ക്ഷേ​മ​വ​കു​പ്പ് ഒ​ബി​സി സം​വ​ര​ണ വി​ഭാ​ഗ​ങ്ങ​ൾ​ക്കുവേ​ണ്ടി മാ​ത്ര​മു​ള്ള​താ​ണോ അ​തോ എ​ല്ലാ ന്യൂ​ന​പ​ക്ഷ​ങ്ങ​ൾ​ക്കും വേ​ണ്ടി​യാ​ണോ? ന്യൂ​ന​പ​ക്ഷം എ​ന്ന നി​ല​യി​ൽ എ​ല്ലാ ന്യൂ​ന​പ​ക്ഷ വി​ഭാ​ഗ​ങ്ങ​ളെ​യും തു​ല്യ​മാ​യി പ​രി​ഗ​ണി​ക്കു​ക എ​ന്ന​ത് ഭ​ര​ണ​ഘ​ട​നാ​പ​ര​മാ​യ ബാ​ധ്യ​ത​യ​ല്ലേ?

2. ന്യൂ​ന​പ​ക്ഷ​ങ്ങ​ളെ പി​ന്നാ​ക്കം, മു​ന്നാ​ക്കം എ​ന്നു വേ​ർ​തി​രി​ച്ച് ഇ​ന്നു ന്യൂ​ന​പ​ക്ഷ​ക്ഷേ​മ പ​ദ്ധ​തി​ക​ളി​ൽനി​ന്നു മാ​റ്റിനി​ർ​ത്തി​യാ​ൽ നാ​ളെ ഇ​തേ ന്യാ​യം പ​റ​ഞ്ഞ് ഭ​ര​ണ​ഘ​ട​ന ന​ൽ​കു​ന്ന എ​ല്ലാ ന്യൂ​ന​പ​ക്ഷ അ​വ​കാ​ശ​ങ്ങ​ളി​ൽനി​ന്നും മു​ന്നാ​ക്കം എ​ന്നു വി​ളി​ക്ക​പ്പെ​ടു​ന്ന സം​വ​ര​ണ​ര​ര​ഹി​ത വി​ഭാ​ഗം മാ​റ്റി​നി​ർ​ത്ത​പ്പെ​ടി​ല്ലേ?

3. കേ​ര​ള​ത്തി​ൽ "ക​ച്ചി മേ​മ​ൻ’ എ​ന്ന ഉ​യ​ർ​ന്ന ജാ​തി​ക്കാ​രു​ൾ​പ്പെ​ടെ മു​ഴു​വ​ൻ മു​സ്‌​ലിം​ക​ൾ​ക്കും ഒ​ബി​സി സം​വ​ര​ണം ല​ഭി​ച്ചി​ട്ടു​ണ്ട് എ​ന്ന് അ​ദ്ദേ​ഹം ത​ന്നെ ഈ ​പോ​സ്റ്റി​ൽ പ്ര​സ്താ​വി​ക്കു​ന്നു. അ​ങ്ങ​നെ ജാ​തിസം​വ​ര​ണ​മാ​യി ആ​രം​ഭി​ച്ച ഒ​ബി​സി കേ​ര​ള​ത്തി​ൽ മ​ത​സം​വ​ര​ണ​മാ​യി മാ​റി. ഇ​തി​ൽ അ​റ​യ്ക്ക​ൽ രാ​ജ​വം​ശ​ത്തി​ന്‍റെ പി​ൻ​ഗാ​മി​ക​ൾ പോ​ലെ​യു​ള്ള ഉ​ന്ന​ത​കു​ല​ജാ​ത​ർ വ​രെ ഉ​ൾ​പ്പെ​ടും. ഇ​ങ്ങ​നെ​യു​ള്ള ഒ​ബി​സി​ക്ക് പി​ന്നാ​ക്ക​ക്ഷേ​മ ആ​നു​കൂ​ല്യ​ങ്ങ​ൾ മാ​ത്ര​മ​ല്ല ന്യൂ​ന​പ​ക്ഷ ആ​നു​കൂ​ല്യ​ങ്ങ​ളും ന​ൽ​ക​ണം. എ​ന്നാ​ൽ, സം​വ​ര​ണ​ര​ഹി​ത​രു​ടെ മ​ക്ക​ൾ എ​ത്ര ദ​രി​ദ്ര​രാ​യി​രു​ന്നാ​ലും ന്യൂ​ന​പ​ക്ഷ ആ​നു​കൂ​ല്യ​ങ്ങ​ൾ​ക്കു പോ​ലും അ​ർ​ഹ​ത​യി​ല്ല! ഈ ​നി​ല​പാ​ട് ന്യൂ​ന​പ​ക്ഷ വ​കു​പ്പി​ന്‍റെ ല​ക്ഷ്യ​ത്തി​നു യോ​ജി​ച്ച​ത​ല്ല.

സം​വ​ര​ണ​ത​ത്വ​ങ്ങ​ളെ അ​ട്ടി​മ​റി​ച്ചു​കൊ​ണ്ടു​ള്ള ഈ ​മ​തസം​വ​ര​ണ ന​ട​പ​ടി ഉ​പ​യോ​ഗി​ച്ച് ന്യൂ​ന​പ​ക്ഷ ത​ത്വ​ങ്ങ​ളെ​ക്കൂ​ടി അ​ട്ടി​മ​റി​ക്കാ​നു​ള്ള ശ്ര​മം ഇ​നി​യും അം​ഗീ​ക​രി​ക്കാ​നാ​വി​ല്ല.​ദേ​ശീ​യ ന്യൂ​ന​പ​ക്ഷ ക​മ്മീ​ഷ​ൻ ആ​ക്ട് പ്ര​കാ​ര​മു​ള്ള വി​ജ്ഞാ​പി​ത ന്യൂ​ന​പ​ക്ഷ​ങ്ങ​ളെ അ​തി​നു​ള്ളി​ൽത​ന്നെ മു​ന്നാ​ക്കം (ജ​ന​റ​ൽ), പി​ന്നാ​ക്കം (ഒ ​ബി സി) ​എ​ന്ന ത​ര​ത്തി​ൽ സം​വ​ര​ണത​ത്വ​ങ്ങ​ളു​ടെ അ​ടി​സ്ഥാ​ന​ത്തി​ൽ വേ​ർ​തി​രി​ക്കു​ന്ന സം​സ്ഥാ​ന ന്യൂ​ന​പ​ക്ഷ ക്ഷേ​മ വ​കു​പ്പി​ന്‍റെ ന​ട​പ​ടി ഭ​ര​ണ​ഘ​ട​നാ​വി​രു​ദ്ധ​മാ​ണ്. കേ​ന്ദ്ര ന്യൂന​പ​ക്ഷക്ഷേ​മ വ​കു​പ്പി​ന് ഈ ​തെ​റ്റാ​യ ന​യ​മി​ല്ല. മ​റ്റു സം​സ്ഥാ​ന​ങ്ങ​ളി​ലു​മി​ല്ല.

കേ​ര​ള​ത്തി​ൽ ന്യൂ​ന​പ​ക്ഷ ത​ത്വ​ങ്ങ​ളെ സം​വ​ര​ണ​ത​ത്വ​ങ്ങ​ൾ ഉ​പ​യോ​ഗി​ച്ചു പാ​ടേ ത​മ​സ്ക​രി​ക്കു​ന്ന തെ​റ്റാ​യ ന​യം തി​രു​ത്ത​പ്പെ​ടേ​ണ്ട​താ​ണ്. സം​വ​ര​ണ വി​ഭാ​ഗ​ങ്ങ​ളും സം​വ​ര​ണേ​ത​ര വി​ഭാ​ഗ​ങ്ങ​ളും പ്ര​ത്യേ​ക പ​രി​ഗ​ണ​ന അ​ർ​ഹി​ക്കു​ന്ന ദ​ളി​ത് ക്രൈ​സ്ത​വ​രും ഒ​ക്കെ​യു​ൾ​പ്പെ​ടു​ന്ന സം​സ്ഥാ​ന​ത്തെ എ​ല്ലാ ന്യൂന​പ​ക്ഷ മ​തവി​ഭാ​ഗ​ങ്ങ​ൾ​ക്കും ന്യൂന​പ​ക്ഷക്ഷേ​മ​വ​കു​പ്പി​ൽനി​ന്നു തു​ല്യ​നീ​തി ല​ഭി​ക്ക​ണം.

സ്വ​ജ​ന​പ​ക്ഷ​പാ​ത ന​ട​പ​ടി​ക​ൾ

കെ.​ടി. ജ​ലീ​ലി​ന്‍റെ കാ​ല​ത്ത് ന്യൂ​ന​പ​ക്ഷ ക്ഷേ​മ വ​കു​പ്പി​ൽ ന​ട​ന്ന പ​ക്ഷ​പാ​ത​ ന​ട​പ​ടി​ക​ളി​ൽ ഒ​ന്നു​മാ​ത്രം ഇ​വി​ടെ പ​രാ​മ​ർ​ശി​ക്ക​ട്ടെ. സം​സ്ഥാ​ന ന്യൂ​ന​പ​ക്ഷ ക​മ്മീ​ഷ​നി​ൽ ചെ​യ​ർ​മാ​ൻ ഒ​രു സ​മു​ദാ​യ​ത്തി​ൽ നി​ന്നാ​ണെ​ങ്കി​ൽ ഒ​രം​ഗ​മെ​ങ്കി​ലും മ​റ്റൊ​രു സ​മു​ദാ​യ​ത്തി​ൽനി​ന്നാ​യി​രി​ക്ക​ണം എ​ന്ന നി​യ​മ​പ​ര​മാ​യ വ്യ​വ​സ്ഥ​യെ അ​ട്ടി​മ​റി​ച്ച് എ​ല്ലാ അം​ഗ​ങ്ങ​ളും ഒ​രു സ​മു​ദാ​യ​ത്തി​ൽനി​ന്നാ​യാ​ലും കു​ഴ​പ്പ​മി​ല്ല എ​ന്ന ഭേ​ദ​ഗ​തി കൊ​ണ്ടു​വ​ന്ന​തു ജ​ലീ​ലാ​ണ്. സി​വി​ൽ കോ​ട​തി​ക്കു സ​മാ​ന​മാ​യ അ​ധി​കാ​ര​ത്തോ​ടെ ന്യൂ​ന​പ​ക്ഷ വി​ഭാ​ഗ​ങ്ങ​ൾ​ക്കു സം​ര​ക്ഷ​ണ​വും നീ​തി​യും ഉ​റ​പ്പാ​ക്കാ​ൻ സ്ഥാ​പി​ത​മാ​യ ന്യൂ​ന​പ​ക്ഷ ക​മ്മീ​ഷ​നി​ൽ ക്രൈ​സ്ത​വ​ർ​ക്കു മാ​ത്ര​മ​ല്ല, ഇ​ത​ര ന്യൂനാ​ൽ ന്യൂ​ന​പ​ക്ഷ​ങ്ങ​ൾ​ക്കും പ്രാ​തി​നി​ധ്യ​മു​ണ്ടാ​ക​ണം.

ജെ.​ബി. കോ​ശി ക​മ്മീ​ഷ​ൻ

ന്യൂന​പ​ക്ഷക്ഷേ​മ വ​കു​പ്പു​മാ​യി ബ​ന്ധ​പ്പെ​ട്ട് ഒ​ട്ട​ന​വ​ധി പ​രാ​തി​ക​ൾ സ​ഭാ മേ​ല​ധ്യ​ക്ഷ​ന്മാ​രും സം​ഘ​ട​നാ നേ​താ​ക്ക​ളും വ്യ​ക്തി​ക​ളും സ​ർ​ക്കാ​രി​ൽ സ​മ​ർ​പ്പി​ച്ചി​രു​ന്നു. എ​ന്നാ​ൽ, ജ​ലീ​ൽ ത​ന്‍റെ പോ​സ്റ്റി​ൽ പ​രാ​മ​ർ​ശി​ക്കു​ന്ന വി​ധ​ത്തി​ലു​ള്ള ന​ട​പ​ടി​ക​ളൊ​ന്നും ന്യൂ​ന​പ​ക്ഷ​ക്ഷേ​മ വ​കു​പ്പി​ന്‍റെ​യോ ക​മ്മീ​ഷ​ന്‍റെ​യോ ഭാ​ഗ​ത്തു​നി​ന്ന് ഉ​ണ്ടാ​യി​ല്ല എ​ന്ന​താ​ണു യാ​ഥാ​ർ​ഥ്യം. മു​ഖ്യ​മ​ന്ത്രി മു​ൻ​കൈയെടു​ത്തു സം​സ്ഥാ​ന ആ​ഭ്യ​ന്ത​ര വ​കു​പ്പാ​ണു ക്രി​സ്ത്യ​ൻ ന്യൂ​ന​പ​ക്ഷ​ങ്ങ​ളു​ടെ പി​ന്നാ​ക്കാ​വ​സ്ഥ പ​ഠി​ക്കാ​നു​ള്ള ജ​സ്റ്റീ​സ് ജെ.​ബി. കോ​ശി ക​മ്മീ​ഷ​നെ നി​യ​മി​ച്ച​ത്. ഈ ​ക​മ്മീ​ഷ​ൻ റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ൽ നീ​തി ല​ഭി​ക്കു​മെ​ന്ന പ്ര​തീ​ക്ഷ​യി​ലാ​ണ് കേ​ര​ള​ത്തി​ലെ ക്രൈ​സ്ത​വ വി​ഭാ​ഗ​ങ്ങ​ൾ.
മു​ഖ്യ​മ​ന്ത്രി കൈ​കാ​ര്യം ചെ​യ്യു​ന്ന ന്യൂ​ന​പ​ക്ഷ വ​കു​പ്പി​ൽ എ​ല്ലാ ന്യൂ​ന​പ​ക്ഷ​ങ്ങ​ളും തു​ല്യപ്ര​തീ​ക്ഷ പു​ല​ർ​ത്തു​ന്ന​തു ശു​ഭസൂ​ച​ന​യാ​ണ്.

ഫാ. ​ജ​യിം​സ് കൊ​ക്കാ​വ​യ​ലി​ൽ

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.