1979ൽ ​സി.​എ​ച്ച്. മുഹ​മ്മ​ദ് കോ​യ കേ​ര​ള​ത്തി​ന്‍റെ മു​ഖ്യ​മ​ന്ത്രി ആ​യ​ത് ഇ​ഷ്ട​ദാ​നബി​ല്ലി​നെ മു​ൻനി​ർ​ത്തി ന​ട​ത്തി​യ ഒ​രു ക​രു​ണാ​ക​രക്കളി​യു​ടെ ഫ​ല​മാ​ണെ​ങ്കി​ലും അ​തി​നാ​യി കേ​ര​ള കോ​ണ്‍​ഗ്ര​സ് നേ​താ​വ് കെ.​എം മാ​ണി ഒ​രു ത്യാ​ഗ​വും ന​ട​ത്തി​യി​ട്ടി​ല്ല എ​ന്ന​താ​ണ് വസ്തുത.​ അ​ടു​ത്ത കാ​ല​ത്ത് സി.​എ​ച്ചി​ന്‍റെ മു​ഖ്യ​മ​ന്ത്രിപ​ദ​വും മാ​ണി​യു​ടെ പ​ങ്കും ച​ർ​ച്ചാവി​ഷ​യ​മാ​കു​ന്ന​ത് കൗ​തു​ക​ര​മാ​ണ്.മാ​ണി​ക്കു മു​ഖ്യ​മ​ന്ത്രി ആ​കാ​ൻ ആ​ഗ്ര​ഹം ഉ​ണ്ടാ​യി​രു​ന്നെ​ങ്കി​ലും അ​തി​നു​ള്ള ഒ​രു സാ​ഹ​ച​ര്യ​വും അ​പ്പോ​ൾ ഉ​ണ്ടാ​യി​രു​ന്നി​ല്ല. അം​ഗ​ബ​ല​ത്തി​ൽ മാ​ണി ലീ​ഗി​നും പി​ന്നി​ലാ​യി​രു​ന്നു.

1977ൽ ​ജ​യി​ച്ച 20 മ​ണ്ഡ​ല​ങ്ങ​ളി​ൽ തി​രു​വ​ല്ല, ഉ​പ​തെ​ര​ഞ്ഞെ​ടു​പ്പി​ൽ പാ​ർ​ട്ടി​ക്ക് ന​ഷ്ട​പ്പെ​ടു​ക​യും ചെ​യ്തി​രു​ന്നു. മാ​ണി കൂ​ടെ ചെ​ല്ലാ​തിരു​ന്നെ​ങ്കി​ൽ ക​രു​ണാ​ക​ര​ൻ നി​ശ്ച​യ​മാ​യും മാ​ണി​യു​ടെ കൂടെ നി​ൽ​ക്കു​ന്ന​വ​രി​ൽ ആ​രെയെങ്കി​ലും പി​ടി​ക്കു​മാ​യി​രു​ന്നു എ​ന്നു ക​രു​താ​ൻ ന്യാ​യ​മു​ണ്ട്. കാ​ര​ണം ഇ​ഷ്ട​ദാ​നബി​ൽ ക്രൈ​സ്ത​വ​രു​ടെ​യും ആ​വ​ശ്യ​മാ​യി​രു​ന്നു. മാ​ണി​ക്കൊപ്പം ഉ​ണ്ടാ​യി​രു​ന്ന 12 പേ​രി​ൽ ഒ​രാ​ളായിരുന്ന പ്രഫ. കെ.​എ. മാ​ത്യു​വി​നെ ക​രു​ണാ​ക​ര​ൻ ത​ട്ടി​ക്കൊ​ണ്ടുപോ​യ​തും ച​രി​ത്രം.

വ​ൻ വി​ജ​യം നേ​ടി മു​ന്ന​ണി

അ​ടി​യ​ന്തരാ​വ​സ്ഥ​യെ തു​ട​ർ​ന്ന് 1977 മാ​ർ​ച്ച് 19നു ​ന​ട​ന്ന നി​യ​മ​സ​ഭാ തെ​ര​ഞ്ഞെ​ടു​പ്പി​ൽ കോ​ണ്‍​ഗ്ര​സ് നയിച്ച ഐ​ക്യ​മു​ന്ന​ണി വ​ൻവി​ജ​യം നേ​ടി. കോ​ണ്‍​ഗ്ര​സ് നേ​താ​വ് കെ.​ ക​രു​ണാ​ക​ര​ന്‍റെ നേ​തൃ​ത്വ​ത്തി​ൽ 1977 മാ​ർ​ച്ച് 25ന് ​മു​ന്ന​ണി സ​ർ​ക്കാ​ർ അ​ധി​കാ​രമേ​റ്റു.

കു​പ്ര​സി​ദ്ധ​മാ​യ രാ​ജ​ൻ കേ​സി​ന്‍റെ പേ​രി​ൽ 1977 ഏ​പ്രി​ൽ 25ന് ​ക​രു​ണാ​ക​ര​നു രാ​ജി വ​യ്ക്കേ​ണ്ടിവ​ന്നു. പ​ക​രം 1977 ഏ​പ്രി​ൽ 27ന് ​ആ​ന്‍റ​ണി മു​ഖ്യ​മ​ന്ത്രി​യാ​യി. 1977 ഡി​സം​ബ​ർ 20ന് ​സി.​എ​ച്ച്. മു​ഹ​മ്മ​ദ് കോ​യ​യ്ക്കും ഡി​സം​ബ​ർ 21ന് ​കെ.​എം. മാ​ണി​ക്കും തെ​ര​ഞ്ഞ​ടു​പ്പു​കേ​സി​ലെ ഹൈ​ക്കോ​ട​തി വി​ധി​യെ തു​ട​ർ​ന്നു രാ​ജിവ​യ​്ക്കേ​ണ്ടിവ​ന്നു. പ​ക​രം യു.​എ. ബീ​രാ​നും പി.​ജെ. ജോ​സ​ഫും മ​ന്ത്ര​ിമാ​രാ​യി.

കോ​ണ്‍​ഗ്ര​സ് പി​ള​രു​ന്നു

1978 ജ​നു​വ​രി ഒ​ന്നി​ന് ഇ​ന്ദി​രാ​ഗാ​ന്ധി കോ​ണ്‍​ഗ്ര​സ് നേ​തൃ​ത്വ​ത്തെ വെ​ല്ലു​വി​ളി​ച്ചു പു​തി​യ പാ​ർ​ട്ടി ഉ​ണ്ടാ​ക്കി. ഇ​ന്ദി​രാ കോ​ണ്‍​ഗ്ര​സ്. കേ​ര​ള​ത്തി​ലും പാ​ർ​ട്ടി പി​ള​ർ​ന്നു.​ ക​രു​ണാ​ക​ര​ൻ ഇ​ന്ദി​ര​യ്ക്കൊ​പ്പം ചേ​ർ​ന്നു. 1978 ജ​നു​വ​രി നാ​ലി​നു ക​രു​ണാ​ക​ര​നെ പാ​ർ​ട്ടി​യി​ൽനി​ന്നു പു​റ​ത്താ​ക്കി.​ ജ​നു​വ​രി 14ന് ​കെ.​എം. ചാ​ണ്ടി അ​ധ്യ​ക്ഷ​നാ​യി ഇ​ന്ദി​രാ കോ​ണ്‍​ഗ്ര​സി​ന്‍റെ കേ​ര​ള ഘ​ട​കം നി​ല​വി​ൽവ​ന്നു. കോ​ണ്‍​ഗ്ര​സ് എംഎ​ൽഎമാ​രി​ൽ 22 പേ​ർ എ.​കെ. ആ​ന്‍റ​ണി​ക്കൊപ്പ​വും 17 പേ​ർ ക​രു​ണാ​ക​ര​ന് ഒ​പ്പ​വു​മാ​യി. ക​രു​ണാ​ക​ര​ൻ മു​ന്ന​ണി​ക്കു പു​റ​ത്താ​യി. അ​തോ​ടെ സി​പിഐ ഭ​ര​ണമു​ന്ന​ണി​യി​ലെ ഒ​ന്നാം ക​ക്ഷി​യാ​യി. ഭ​ര​ണ​ക​ക്ഷി​യു​ടെ ഭൂ​രി​പ​ക്ഷം 111ൽ ​നി​ന്നും 94 ആ​യി. ക​രു​ണാ​ക​ര​ൻ 17 അം​ഗ​ങ്ങ​ളു​മാ​യി പ്ര​തി​പ​ക്ഷ​ത്ത് എ​ത്തിയെങ്കി​ലും പ്ര​തി​പ​ക്ഷ നേ​തൃ​സ്ഥാ​നം ല​ഭി​ച്ചി​ല്ല. കാ​ര​ണം 17 അം​ഗ​ങ്ങ​ളു​ള്ള സിപി​എ​മ്മി​നാ​യി​രു​ന്നു ഈ ​പ​ദ​വി.

ക​രു​ണാ​ക​ര​ൻ ക​ളി തു​ട​ങ്ങി. 1978 ഫെ​ബ്രു​വ​രി നാ​ലി​ന് എ​ൻ​ഡി​പി ഭ​ര​ണ മു​ന്ന​ണി വി​ട്ട് ക​രു​ണാ​ക​ര​നോടൊപ്പം ചേ​ർ​ന്നു. ക​രു​ണാ​ക​ര​ന്‍റെ സം​ഘ​ത്തി​ലെ 22 പേ​രും ഇ​ട​തുപ​ക്ഷ​ത്തെ 29 പേ​രും ചേ​ർ​ന്ന് പ്ര​തി​പ​ക്ഷ​ത്ത് 51 പേ​രാ​യി. ഭ​ര​ണ​ക​ക്ഷി​യു​ടെ പി​ന്തു​ണ 89 ആ​യി ചു​രു​ങ്ങി.

മാ​ണി​യെ സം​ശ​യം

1978 സെ​പ്റ്റം​ബ​ർ 12ന് ​മാ​ണി​ക്കെ​തി​രാ​യ ഹൈ​ക്കോ​ട​തിവി​ധി സു​പ്രീംകേ​ട​തി റ​ദ്ദാ​ക്കി. 16നു മാ​ണി മ​ന്ത്രി​സ​ഭ​യി​ൽ തി​രി​ച്ചെ​ത്തി.​ മു​ഹ​മ്മ​ദ് കോ​യ​യു​ടെ വി​ധി ഒ​ക്‌ടോബ​റി​ലാ​ണ് വ​ന്ന​ത്. അ​ദ്ദേ​ഹം ഒക്‌ടോബ​ർ നാ​ലി​ന് മ​ന്ത്രി​യാ​യി തി​രി​ച്ചെ​ത്തി. കോ​യ​യു​ടെ വി​ധി വ​രു​ന്ന​തുവ​രെ സ​ത്യ​പ്ര​തി​ജ്ഞ വൈ​കി​ക്ക​ണം എ​ന്ന അ​ഭ്യ​ർ​ത്ഥ​ന മാ​ണി സ​മ്മ​തി​ച്ചി​ല്ല. ഇ​തു മൂ​ലം മ​ന്ത്രി​സ​ഭാ രൂ​പി​ക​ര​ണകാ​ലംമു​ത​ൽ മാ​ണി​യോ​ടു​ണ്ടാ​യ പ​ക ഘ​ട​ക​ക്ഷി നേ​താ​ക്ക​ളി​ൽ വ​ള​ർ​ന്നു.

1978 സെ​പ്റ്റം​ബ​ർ 26ന് ​കേ​ര​ള കോ​ണ്‍​ഗ്ര​സ് മ​ന്ത്രി ഇ. ​ജോ​ണ്‍ ജേ​ക്ക​ബ് അ​ന്ത​രി​ച്ചു. പ​ക​രം മാ​ണി​യു​ടെ വി​ശ്വ​സ്തൻ ഡോ.​ ജോ​ർ​ജ് മാ​ത്യു​വി​നെ മ​ന്ത്രി​യാ​ക്കാ​ൻ ഒക്‌ടോബ​ർ ഒ​ന്പ​തി​നു ചേ​ർ​ന്ന പാ​ർ​ട്ടി നി​ർ​വാ​ഹകസ​മി​തി തീ​രു​മാ​നി​ച്ചു. ​പ​ക്ഷേ, ജോ​സ​ഫി​ന്‍റെ നേ​തൃ​ത്വ​ത്തി​ൽ അ​തി​നെ​തി​രേ ക​ലാ​പം ഉ​യ​ർ​ന്നു. ജോ​ർ​ജ് മാ​ത്യു​വി​നെ മ​ന്ത്രി​യാ​ക്ക​രു​തെ​ന്ന് ജോ​സ​ഫ് മു​ഖ്യ​മ​ന്ത്രി​യെ രേ​ഖാ​മൂ​ലം അ​റി​യി​ച്ചു. ഘ​ട​ക​ക​ക്ഷി​ക​ൾ​ക്കെല്ലാം മാ​ണി​യെ ഒ​തു​ക്ക​ണം എ​ന്നു​ണ്ടാ​യി​രു​ന്ന​തി​നാ​ൽ അ​വ​ർ ജോ​സ​ഫി​നൊ​പ്പം നി​ന്നു. അ​വ​സാ​നം മാ​ണി വ​ഴ​ങ്ങി. അ​ങ്ങ​നെ ജോ​സ​ഫ് നി​ർ​ദേ​ശി​ച്ച ടി.​എ​സ്. ജോ​ണ്‍ മ​ന്ത്രി​യാ​യി.

1978ൽ ഉപതെ​ര​ഞ്ഞെ​ടു​പ്പി​ൽ ജ​നാ​താ​പാ​ർ​ട്ടി​ക്കെ​തി​രേ ഇ​ന്ദി​രാ​ഗാ​ന്ധി​യെ പി​ന്താ​ങ്ങാ​ൻ കോ​ണ്‍​ഗ്ര​സ് ഒൗ​ദ്യോ​ഗി​കനേ​തൃ​ത്വം തീ​രു​മാ​നി​ച്ചു. അ​തി​ൽ പ്ര​തി​ഷേ​ധി​ച്ച് എ​ന്ന മ​റ​യി​ൽ 1978 ഒ​ക്‌ടോബ​ർ 27ന് ​ആ​ന്‍റ​ണി ആ​രോ​ടും പ​റ​യാ​തെ മു​ഖ്യ​മ​ന്ത്രി സ്ഥാ​നം രാ​ജിവ​ച്ചു. കൂ​ടെയു​ണ്ടാ​യി​രു​ന്ന 22 പേ​രി​ൽനി​ന്നു കൂ​ടു​ത​ൽ ഒ​ഴു​ക്ക് ക​രു​ണാ​ക​ര​നൊ​പ്പം ഉ​ണ്ടാ​കു​മെ​ന്ന ഭീ​തി​യാ​യി​രു​ന്നു യ​ഥാ​ർ​ഥ കാ​ര​ണം.

1978 ഒ​ക്‌ടോബ​ർ 29ന് ​പി.​കെ.​ വാ​സു​ദേ​വ​ൻ നാ​യ​ർ മു​ഖ്യ​മ​ന്ത്രി​യാ​യു​ള്ള മ​ന്ത്രി​സ​ഭ അ​ധി​കാ​ര​ത്തി​ലെ​ത്തി. 20 അം​ഗ​ങ്ങ​ളു​ള്ള മാ​ണി മു​ഖ്യ​മ​ന്ത്രി സ്ഥാ​ന​ത്തി​ന് അ​വ​കാ​ശ​വാ​ദം ഉ​ന്ന​യി​ക്കാ​തി​രി​ക്കാ​ൻവേ​ണ്ടി കോ​ണ്‍​ഗ്ര​സും സിപി​ഐ​യും ത​മ്മി​ൽ ഉ​ണ്ടാ​ക്കി​യ ര​ഹ​സ്യ​ധര​ണ​യാ​യി​രു​ന്നു അ​ത്. പു​തി​യ മ​ന്ത്രി​സ​ഭ​യി​ൽ കോ​ണ്‍​ഗ്ര​സി​ന് അ​ഞ്ചു മ​ന്ത്രി​മാ​ർ. സിപിഐ​ക്കും കേ​ര​ളാ കോ​ണ്‍​ഗ്ര​സി​നും മൂ​ന്നു മ​ന്ത്രി​മാ​ർ വീ​ത​വും ആ​ർഎ​സ്പി​ക്കും ലീ​ഗി​നും ര​ണ്ടു മ​ന്ത്രി​മാ​ർ വി​ത​വും ആ​ണ് ഉ​ണ്ടാ​യി​രു​ന്ന​ത്.

ക​ളി​ക​ളും മ​റു​കളികളും

മാ​ണി മു​ഖ്യ​മ​ന്ത്രി​പ​ദ​വി ല​ക്ഷ്യ​മി​ട്ടു ക​ളി തു​ട​ങ്ങി. ഐ​ക്യ​മു​ന്ന​ണി വി​ട്ട എ​ൻഡിപിയി​ലെ വ​ട്ടി​യൂ​ർ​ക്കാ​വ് ര​വി​യും ചാ​ത്ത​ന്നൂർ ത​ങ്ക​പ്പ​ൻ പി​ള്ള​യും കേ​ര​ളാ കോ​ണ്‍​ഗ്ര​സി​ൽ ചേ​ർ​ന്നു. അ​തോ​ടെ കേ​ര​ളാ കോ​ണ്‍​ഗ്ര​സി​ന്‍റെ ക​രു​ത്ത് 22 ആ​യി.​ എ​ങ്കി​ലും സി​പിഐ​ക്കാ​യി​രു​ന്നു ഒ​രം​ഗ​ത്തി​ന്‍റെ മേ​ൽ​ക്കൈ. ആ​ന്‍റ​ണി കോ​ണ്‍​ഗ്ര​സ്, സിപി​ഐ, കേ​ര​ളാ കോ​ണ്‍​ഗ്ര​സ് എ​ന്നി പാ​ർ​ട്ടി​ക​ൾ​ക്ക് ഏ​താ​ണ്ട് തു​ല്യ​മാ​യ ശ​ക്തി​യാ​യി.

1979 ഏ​പ്രി​ലി​ൽ ന​ട​ന്ന രാ​ജ്യ​സ​ഭാ തെ​ര​ഞ്ഞെ​ടു​പ്പി​ൽ ഭ​ര​ണമു​ന്ന​ണി​ക്കു​ണ്ടാ​യി​രു​ന്ന മി​ച്ചം വോ​ട്ടു​ക​ൾ ഇ​ന്ദി​രാ​കോ​ണ്‍​ഗ്ര​സി​നു കൊ​ടു​ക്കാ​തെ സിപിഎ​മ്മി​നാ​ണു കൊ​ടു​ത്ത​ത്. അ​തി​ന്‍റെ പേ​രി​ൽ തങ്ങ​ളി​ൽനി​ന്നു തി​രി​ച്ചൊന്നും പ്ര​തി​ക്ഷി​ക്ക​രു​തെ​ന്ന് ഇ​എംഎ​സ് തു​റ​ന്നു പ​റ​ഞ്ഞി​രു​ന്നു.


1979 മേയ് 18ന് ​തി​രു​വ​ല്ല, പാ​റ​ശാ​ല. ത​ല​ശേ​രി, കാ​സ​ർ​ഗോ​ഡ് ഉ​പ​തെ​ര​ഞ്ഞെ​ടു​പ്പു​ക​ളി​ൽ ഭ​ര​ണക​ക്ഷി​ക്കു വ​ലി​യ തി​രി​ച്ച​ടി ഉ​ണ്ടാ​യി. തി​രു​വ​ല്ല​യി​ൽ ഇ. ജോ​ണ്‍ ജേ​ക്ക​ബ് മ​രി​ച്ച ഒ​ഴി​വി​ലേ​ക്കു ന​ട​ന്ന ഉ​പ​തെ​ര​ഞ്ഞ​ടു​പ്പി​ൽ കേരള കോൺഗ്രസ് സ്ഥാ​നാ​ർ​ഥി ജോ​ണ്‍ ജേ​ക്ക​ബ് വ​ള്ള​ക്കാ​ലി തോ​റ്റു. പ​ക​രം പ്ര​തി​പ​ക്ഷ​ത്തെ പി.​സി. തോ​മ​സ് ജ​യി​ച്ചു. പാ​റ​ശാ​ല​യി​ലും തി​രി​ച്ച​ടി​യാ​യി. ​കാ​സ​ർ​ഗോ​ഡ് ലി​ഗ് ജ​യി​ച്ചു. ഭ​ര​ണക​ക്ഷി​യു​ടെ പി​ന്തു​ണ 89ൽ ​നി​ന്ന് 87 ആ​യി ചു​രു​ങ്ങി.

കേ​ര​ള കോ​ണ്‍​ഗ്ര​സ് പി​ള​ർ​പ്പ്

ആ​ഭ്യ​ന്ത​ര​വ​കു​പ്പ് കെ.എം. മാ​ണി​ക്കുവേ​ണ്ടി രാ​ജിവ​ച്ച പി.​ജെ. ജോ​സ​ഫ് പാ​ർ​ട്ടി ചെ​യ​ർ​മാ​ൻ തെ​ര​ഞ്ഞെ​ടു​പ്പി​ൽ തോ​റ്റ​തി​നെ തു​ട​ർ​ന്നാ​രം​ഭി​ച്ച കേ​ര​ളാ കോ​ണ്‍​ഗ്ര​സി​ലെ ക​ലാ​പം കൂ​ടു​ത​ൽ ശ​ക്ത​മാ​യി. 1979 ജൂ​ലൈ 15ന് ​പാ​ർ​ട്ടി പി​ള​ർ​ന്നു. 22 എംഎ​ൽഎമാ​രി​ൽ ആ​റു പേ​ർ ജോ​സ​ഫി​നൊ​പ്പം നി​ന്നു. ജേ​സ​ഫി​ന് ഒ​പ്പം നി​ന്ന ടി.​എ​സ്. ജോ​ണ്‍ ത​നി​ക്കു മാ​ണി​യി​ൽ വി​ശ്വാ​സം ഇ​ല്ലെ​ന്നു പ​ര​സ്യ​മാ​യി പ്ര​സ്താ​വി​ച്ചു. ജോ​ണി​നെ മ​ന്ത്രി​സ​ഭ​യി​ൽനി​ന്നു പു​റ​ത്താ​ക്ക​ണം എ​ന്നു മാ​ണി ആ​വ​ശ്യ​പ്പെ​ട്ടു. മു​ന്ന​ണി കൂ​ട്ടാ​ക്കി​യി​ല്ല.

1979 ജൂ​ലൈ 26ന് ​മാ​ണി ആ​ഭ്യ​ന്ത​ര മ​ന്ത്രി​സ്ഥാ​നം രാ​ജിവ​ച്ചു. ഒ​പ്പം രാ​ജി വ​യ്ക്കു​മെ​ന്ന് പ​റ​ഞ്ഞ കെ.​നാ​രായ​ണ​ക്കു​റു​പ്പ് പ​ക്ഷേ രാ​ജിവ​ച്ചി​ല്ല. അ​ദ്ദേ​ഹം അ​ന്നു രാ​ത്രി വാ​ഴൂ​ർ​ക്ക് മ​ട​ങ്ങി. മ​ന്ത്രി​യാ​യി തു​ട​ർ​ന്ന കു​റു​പ്പി​നൊ​പ്പ​മാ​യി ചാ​ത്ത​ന്നു​ർ ത​ങ്ക​പ്പ​ൻ പി​ള്ള​യും വ​ട്ടി​യൂ​ർ​ക്കാ​വ് ര​വി​യും. അ​തോ​ടെ ഭ​ര​ണ മു​ന്ന​ണി​യു​ടെ ബ​ലം 76 ആ​യി.

മൂ​ന്നാം ചേ​രി​യും ഇ​ട​തു മുന്ന​ണി​യും

1979 ജ​നു​വ​രി ഏ​ഴി​ന് ആ​ന്‍റ​ണി കെപിസി​സി അ​ധ്യ​ക്ഷ​നാ​യി. 1979 സെ​പ​റ്റം​ബ​റി​ൽ ന​ട​ന്ന പ​ഞ്ചാ​യ​ത്തു തെ​ര​ഞ്ഞെ​ടു​പ്പി​ൽ പ​ല​യി​ട​ത്തും ആ​ന്‍റ​ണി കോ​ണ്‍​ഗ്ര​സും സിപിഎ​മ്മും സ​ഹ​ക​രി​ച്ചു പ്ര​വ​ർ​ത്തി​ച്ചു. കേ​ര​ള കോ​ണ്‍​ഗ്ര​സ് ഏ​താ​ണ്ട് ഒ​റ്റ​യ​്ക്കാ​ണ് മ​ത്സ​രി​ച്ച​ത്. മാ​ണി ഇ​ട​തുപ​ക്ഷ മു​ന്ന​ണി സം​ബ​ന്ധി​ച്ച ച​ർ​ച്ച​ക​ൾ ആ​രം​ഭി​ച്ചു. അ​തോ​ടെ സിപിഐ ഉ​ണ​ർ​ന്നു പ്ര​വ​ർ​ത്തി​ച്ചു. മു​ൻ​ധാ​ര​ണ അ​നു​സ​രി​ച്ച് ഇ​ഷ്ട​ദാ​ന ബി​ൽ പാ​സാ​ക്കാ​ൻ ത​ങ്ങ​ൾ കൂ​ട്ടുനി​ൽ​ക്കി​ല്ല എ​ന്ന് ഒ​ക്‌ടോബ​ർ ഏ​ഴിനു ​ചേ​ർ​ന്ന ഐ​ക്യ​മു​ന്ന​ണി ഏ​കോ​പ​ന സ​മി​തി​യി​ൽ സിപിഐ പ്ര​ഖ്യാ​പി​ച്ചു.​ ത​ങ്ങ​ൾ മു​ന്ന​ണി വി​ടു​ന്നു എ​ന്നും അ​വ​ർ വെ​ളി​പ്പെ​ടു​ത്തി.

സിപിഐകൂ​ടി വി​ട്ടാ​ൽ ഭ​ര​ണ മു​ന്ന​ണി​യു​ടെ ബ​ലം 53 ആ​യി ചു​രു​ങ്ങും.​ ലീ​ഗി​ന്‍റെ നി​ർ​ബ​ന്ധപ്ര​കാ​രം റ​വ​ന്യു മ​ന്ത്രി​യാ​യി​രു​ന്ന ബേ​ബി ജോ​ണ്‍ ത​യാ​റാ​ക്കി​യ ബി​ല്ലാ​ണ​ത്. അ​തു പാ​സാക്കേ​ണ്ട​ത് സി​എ​ച്ചി​ന് സു​പ്ര​ധാ​ന​മാ​യി​രു​ന്നു. ക്രൈ​സ്ത​വ​ർ​ക്കും പ്ര​യോ​ജ​ന​മു​ള്ള നി​യ​മ​മാ​യി​രു​ന്നു അ​ത്. അ​തു​കൊ​ണ്ട് മാ​ണി​ക്കും എ​തി​ർ​ക്കാ​നാ​വി​ല്ല. പികെവി ​മ​ന്ത്രി​സ​ഭ രാ​ജിവ​ച്ചു.

1979 ജൂ​ലൈ 15ന് ​ജ​ന​താ മ​ന്ത്രി​സ​ഭ രാ​ജിവ​ച്ചു. പ​ക​രംവ​ന്ന ച​ര​ണ്‍​സിം​ഗ് മ​ന്ത്രി​സ​ഭ​യ്ക്കും ഭൂ​രി​പ​ക്ഷം ഉ​ണ്ടാ​ക്കാ​നാ​യി​ല്ല. രാഷ്‌ട്രപ​തി ഓ​ഗ​സ്റ്റ് 12ന് ​ലോ​ക്സ​ഭ പ​രി​ച്ചുവി​ട്ടു. 1980 ജ​നു​വ​രി​യി​ൽ ലോ​ക്സ​ഭാ തെ​ര​ഞ്ഞെ​ടു​പ്പ് പ്ര​ഖ്യാ​പ​ന​മാ​യി.

ക​രു​ണാ​ക​ര​ന്‍റെ ക​ളി​ക​ൾ

ഇ​തോ​ടെ കേ​ര​ള​ത്തി​ൽ ക​രു​ണാ​ക​ര​ൻ ശ​ക്ത​നാ​വു​ക​യാ​യി. പികെവി രാ​ജി പ്ര​ഖ്യാ​പി​ക്കു​ന്പോ​ൾ ഗ​വ​ർ​ണ​ർ ജ്യോതി വെ​ങ്കി​ടാ​ചലം തൂ​ത്തു​ക്കു​ടി​യി​ലാ​യി​രു​ന്നു. രാ​ത്രി 10.30ന് ​അ​വ​ർ ത​ല​സ്ഥാ​ന​ത്തെ​ത്തി രാ​ജി സ്വി​ക​രി​ച്ചു. നി​യ​മ​സ​ഭ പി​രി​ച്ചു​വി​ടാ​ൻ പ​ക്ഷേ അ​ദ്ദേ​ഹം ഗ​വ​ർ​ണറെ ഉ​പ​ദേ​ശി​ച്ചി​ല്ല.

ക​രു​ണാ​ക​ര​ൻ ഉ​ണ​ർ​ന്നു ക​ളി​ച്ചു. ലീ​ഗ് നേ​താ​വ് സി.എ​ച്ച്. മു​ഹ​മ്മ​ദ് കോ​യ​യെ മു​ന്നി​ൽ നി​ർ​ത്തി ഒ​രു മ​ന്ത്രിസ​ഭ ഉ​ണ്ടാ​ക്കാ​ൻ അ​ദ്ദേ​ഹം നീ​ക്ക​ങ്ങ​ളാ​രം​ഭി​ച്ചു. ആ​ന്‍റ​ണി കോ​ണ്‍​ഗ്ര​സി​ന് ലീ​ഗ് അ​ടു​പ്പം മൂ​ലം അ​ത് എ​തി​ർ​ക്കാ​നാ​വി​ല്ല. ലീ​ഗി​ന്‍റെ 13ഉം ​ആ​ന്‍റ​ണി​യു​ടെ 22ഉം ​ക​രു​ണാ​ക​ര​ന്‍റെ 17ഉം ​എ​ൻഡിപി​യു​ടെ മൂ​ന്നും നാ​രാ​യ​ണ​ക്കു​റു​പ്പി​ന്‍റെ സം​ഘ​ത്തി​ലെ മൂ​ന്നും പിഎ​സ്പി​യു​ടെ മൂ​ന്നും അം​ഗ​ങ്ങ​ൾ സ​ർ​ക്കാ​രിനു പി​ന്തു​ണ കൊ​ടു​ക്കും എ​ന്നു തീ​ർ​ച്ച​യാ​യി. കോ​ണ്‍​ഗ്ര​സ് ഫോ​ർ ഡെമോ​ക്ര​സി പാ​ർ​ട്ടി​ക്കാ​ര​നാ​യ നീ​ലലോ​ഹി​തദാ​സി​നെ​യും വ​ശ​ത്താ​ക്കി. മൊ​ത്തം 68 അം​ഗ​ങ്ങ​ൾ. മൂ​ന്നം​ഗ​ങ്ങ​ളെ കൂ​ടി കാ​ലു​മാ​റ്റി എ​ടു​ത്ത് മ​ന്ത്രി​സ​ഭ നി​ല​നി​ർ​ത്താ​നു​ള്ള ക​ളി​ക​ളാ​യി. അ​തു സം​ഭ​വി​ച്ചി​ല്ലെ​ങ്കി​ൽ നി​യ​മ​സ​ഭ​യി​ൽ ഭൂ​രി​പ​ക്ഷം ഇ​ല്ല.​

ഇ​ട​തുപ​ക്ഷ​വു​മാ​യി ച​ർ​ച്ച തു​ട​ങ്ങി​യ മാ​ണി പി​ന്തു​ണ​ച്ചി​ല്ലെ​ങ്കി​ൽ സിഎ​ച്ചി​ന് നി​യ​മ​സ​ഭ​യി​ൽ​ ഭൂ​രി​പ​ക്ഷം കി​ട്ടി​ല്ല. ഇ​ട​തു​മു​ന്ന​ണി ഒ​രി​ക്ക​ലും ഇ​ഷ്ട​ദാ​ന നി​യ​മ​ത്തെ അ​നു​കൂ​ലി​ക്കി​ല്ല. അ​താ​യ​ത് ആ ​നി​യ​മം പാ​സാ​ക്ക​ണ​മെ​ങ്കി​ൽ സി.​എ​ച്ച്. മു​ഖ്യ​മ​ന്ത്രി​യാ​ക​ണം. സിഎ​ച്ചി​നുപ​ക​രം ത​ന്നെ മു​ഖ്യ​മ​ന്ത്രി ആ​ക്ക​ണ​മെ​ന്ന വാ​ദം ഉ​ന്ന​യി​ക്കാ​നും മാ​ണി​ക്കാ​വി​ല്ല.​ കാ​ര​ണം മാ​ണി അ​പ്പോ​ൾ ഐ​ക്യ​മു​ന്ന​ണി വി​ട്ടി​രു​ന്നു.​ അ​വി​ടത്തെ എ​ല്ലാ നേ​താ​ക്ക​ളും ആ​യു​ള്ള ബ​ന്ധ​വും മോ​ശ​മാ​യി​രു​ന്നു. എ​ല്ലാ​വ​ർ​ക്കും പ്രി​യ​ങ്ക​ര​ൻ സി.​എ​ച്ച്. മു​ഹ​മ്മ​ദ് കോ​യ ആ​യി​രു​ന്നു.

പി​ള​രാ​തി​രു​ന്നെ​ങ്കി​ൽ!

പാ​ർ​ട്ടി പി​ള​രാ​തി​രി​ക്കു​ക​യും 22 അം​ഗ​ങ്ങ​ളു​മാ​യു ഒ​ന്നി​ച്ചുനി​ൽ​ക്കു​ക​യും ചെ​യ്തി​രു​ന്നെ​ങ്കി​ൽ മാ​ണി നി​ശ്ച​യ​മാ​യും മു​ഖ്യ​മ​ന്ത്രി ആ​കു​മാ​യി​രു​ന്നു.​ ഇ​ഷ്ട​ദാ​നബി​ൽ പാ​സ​ാക്ക​ണ​മെ​ങ്കി​ൽ ഈ ​സം​വി​ധാ​നം ഭ​ര​ണ​ത്തി​ലെ​ത്തു​ക​യും വേ​ണം. മാ​ണി​യു​ടെ​മേ​ൽ സ​മു​ദാ​യ സ​മ്മ​ർ​ദം ശ​ക്ത​മാ​യി. അ​ല്ലെ​ങ്കി​ൽത​ന്നെ ഇ​ഷ്ട​ദാ​നബി​ൽ പാ​സ​ാക്കു​ന്ന​തി​ന് എ​ടു​ത്ത തീ​രു​മാ​ന​ത്തി​ൽ മാ​ണി​യും പ​ങ്കാ​ളി​യാ​ണ്. മാ​ണി പി​ന്തു​ണ കൊ​ടു​ക്കാ​തി​രു​ന്നാ​ൽ കൂ​ടെനി​ന്ന​വ​രെ അ​ട​ർ​ത്താ​നും ക​ളി ആ​രം​ഭി​ച്ചു.

സിഎ​ച്ചി​ന്‍റെ ദി​ന​ങ്ങ​ൾ

1979 ഒക്‌ടോബ​ർ 12 വെ​ള്ളി​യാ​ഴ്ച ഉ​ച്ച​യ്​ക്ക് 12.30. സി​എ​ച്ച് മു​ഖ്യ​മ​ന്ത്രി​യാ​യി സ​ത്യ​പ്ര​തി​ജ്ഞ ചെയ്തു. ഒ​പ്പം എ​ൻഡിപിയി​ലെ എ​ൻ.​ ഭാ​സ്കര​ൻ നാ​യ​രും പിഎ​സ്പിയി​ലെ എ​ൻ.​കെ. ബാ​ല​കൃ​ഷ്ണ​നും മ​ന്ത്ര​ിമാ​രാ​യി. പ്ര​തി​പ​ക്ഷ​ത്തെ ഏ​റ്റ​വു വ​ലി​യ ക​ക്ഷി 23 അം​ഗ​ങ്ങ​ളു​ള്ള സിപിഐ ആ​യി​രു​ന്നു. അ​തു​കൊ​ണ്ട് അ​വ​രു​ടെ നേ​താ​വ് പികെവി ​പ്ര​തി​പ​ക്ഷ നേ​താ​വാ​യി.​ ഒക്‌ടോബ​ർ 22ന് ​നി​യ​മ​സ​ഭ കൂ​ടി. ഇ​ഷ്ട​ദാ​ന​ബി​ൽ ച​ർ​ച്ച​യ്ക്കെ​ടു​ത്തു. സി​പിഎ​മ്മും സി​പിഐ​യും എ​തി​ർ​ത്തു.​ ബി​ൽ ത​യാ​റാ​ക്കി​യ റ​വ​ന്യു മ​ന്ത്രി ബേ​ബി ജോ​ണ്‍ ബി​ല്ലി​നെ തു​ണ​യ​ക്കാ​തെ തു​ണ​ച്ച് ദീ​ർ​ഘ​മാ​യ പ്ര​സം​ഗം ന​ട​ത്തി സ​ഭ വി​ട്ടു. ഒ​ക്ടോ​ബ​ർ 26ന് ​ബി​ൽ​പാ​സാ​യി.

അനന്തപുരി / ദ്വി​ജ​ൻ