പഠനരേഖ ഉണ്ടാക്കുന്നതിനുവേണ്ടി നിയോഗിക്കപ്പെട്ട മൂന്ന് കമ്മിറ്റികളും മാർഗരേഖയെക്കുറിച്ചുള്ള പഠനറിപ്പോർട്ടുകളുടെ അടിസ്ഥാനത്തിൽ പഠനരേഖ രൂപീകരിച്ചു. കാലോചിതമായ വിഷയങ്ങൾ ചർച്ചചെയ്യുകയും സഭയുടെയും സമൂഹത്തിന്‍റെയും പൊതുനന്മ കണക്കിലെടുത്തു കർമപരിപാടികൾ രൂപീകരിക്കുന്നതിനു മെത്രാൻ സിനഡിനെ സഹായിക്കുകയും ചെയ്യുക എന്നതാണ് അസംബ്ലിയുടെ ദൗത്യം. അതിനാൽ സഭയിലെ എല്ലാ അംഗങ്ങളും പ്രത്യേകിച്ച് അസംബ്ലിയിൽ പങ്കെടുക്കുന്നവർ, നിർദേശിച്ചിരിക്കുന്ന വിഷയത്തിന്‍റെ വിവിധ മേഖലകൾ ആഴത്തിൽ അവലോകനം ചെയ്യാനും കൂടുതൽ ഫലപ്രദമായ മാർഗങ്ങൾ നിർദേശിക്കാനും കടപ്പെട്ടിരിക്കുന്നു.
മൂന്നു വിഷയങ്ങളുടെ അവതരണങ്ങൾ കൂടാതെ, ചെറിയ ഗ്രൂപ്പുകളിൽ ചർച്ചചെയ്യേണ്ട പ്രത്യേക ചോദ്യങ്ങളും ഉണ്ടാകും. ഈ ചർച്ചകളിൽ അസംബ്ലി അംഗങ്ങൾ സജീവമായി പങ്കാളികളാകുന്നതുവഴിയാണ് അസംബ്ലിയുടെ വിജയം സാധ്യമാകുന്നത്.