"ഞാൻ മു​ഴു​വ​ൻ ഇ​ന്ത്യ​യു​ടെ​യും പ്ര​തി​നി​ധി': ആക്ഷേപങ്ങൾക്ക് മറുപടിയുമായി നുസ്രത്ത് ജഹാൻ എംപി
പാ​ർ​ല​മെ​ന്‍റി​ൽ സി​ന്ദൂ​ര​വും വ​ള​ക​ളും അ​ണി​ഞ്ഞ് പ്ര​ത്യ​ക്ഷ​പ്പെ​ട്ട​തി​നെ​തി​രാ​യ വി​മ​ർ​ശ​ന​ങ്ങ​ൾ​ക്ക് ശ​ക്ത​മാ​യ മ​റു​പ​ടി​യു​മാ​യി തൃ​ണ​മൂ​ല്‍ ലോ​ക്‌​സ​ഭാം​ഗം നു​സ്ര​ത്ത് ജ​ഹാ​ൻ. താ​ൻ മു​ഴു​വ​ൻ ഇ​ന്ത്യ​യു​ടേ​യും പ്ര​തി​നി​ധി​യാ​ണെ​ന്ന് അ​വ​ർ പ​റ​ഞ്ഞു. ജാ​തി, മ​തം, വി​ശ്വാ​സം എ​ന്നി​വ​യ്ക്ക​തീ​ത​മാ​യ മു​ഴു​വ​ൻ ഇ​ന്ത്യ​യെ​യു​മാ​ണ് താ​ൻ പ്ര​തി​നി​ധി​ക​രി​ക്കു​ന്ന​തെ​ന്ന് അ​വ​ർ പ​റ​ഞ്ഞു.

താ​ൻ ഇ​പ്പോ​ഴും മു​സ്‌​ലി​മാ​യാ​ണ് തു​ട​രു​ന്ന​ത്. എ​ന്നാ​ൽ എ​ല്ലാ മ​ത​ങ്ങ​ളെ​യും ബ​ഹു​മാ​നി​ക്കു​ക​യും ചെ​യ്യു​ന്നു. താ​ൻ ഇ​പ്പോ​ഴും മു​സ്‌​ലി​മാ​ണ്. എ​ന്നാ​ൽ ആ​രും താ​ൻ എ​ന്ത് ധ​രി​ക്ക​ണ​മെ​ന്ന് ഉ​പ​ദേ​ശി​ക്കേ​ണ്ട​തി​ല്ല. വി​ശ്വാ​സം വ​സ്ത്ര​ധാ​ര​ണ​ത്തി​ന് അ​തീ​ത​മാ​ണ്. എ​ല്ലാ മ​ത​ങ്ങ​ളു​ടെ​യും വി​ല​മ​തി​ക്കാ​നാ​വാ​ത്ത ഉ​പ​ദേ​ശ​ങ്ങ​ൾ സ്വീ​ക​രി​ക്കു​ക​യും പ്ര​യോ​ഗി​ക്കു​ക​യും വേ​ണം- അ​വ​ർ ട്വി​റ്റ​റി​ൽ പ​റ​ഞ്ഞു.

പാ​ർ​ല​മെ​ന്‍റി​ലെ സ​ത്യ​പ്ര​തി​ജ്ഞ ച​ട​ങ്ങി​ൽ നു​സ്ര​ത്ത് ധ​രി​ച്ച വേ​ഷം സം​ബ​ന്ധി​ച്ചാ​ണ് വി​മ​ർ​ശ​നം ഉ‍​യ​ർ​ന്ന​ത്. മു​സ്‌​ലിം യാ​ഥാ​സ്ഥി​തി​ക പ​ണ്ഡി​ത​ൻ​മാ​ർ ഇ​വ​ർ​ക്കെ​തി​രെ ഫ​ത്‌​വ പു​റ​പ്പെ​ടു​വി​ക്കു​ക​യും ചെ​യ്തു. ഏ​തെ​ങ്കി​ലും മ​ത​ത്തി​ലെ യാ​ഥാ​സ്ഥി​തി​ക​രു​ടെ അ​ഭി​പ്രാ​യ​ങ്ങ​ൾ ശ്ര​ദ്ധി​ക്കു​ക​യോ പ്ര​തി​ക​രി​ക്കു​ക​യോ ചെ​യ്യു​ന്ന​ത് വെ​റു​പ്പും അ​ക്ര​മ​വും വ​ള​ർ​ത്തു​മെ​ന്ന് നു​സ്ര​ത്ത് പ​റ​ഞ്ഞു. ച​രി​ത്രം അ​തി​നു സാ​ക്ഷ്യം പ​റ​യു​മെ​ന്നും സി​നി​മാ​താ​രം കൂ​ടി​യാ​യ അ​വ​ർ കൂ​ട്ടി​ച്ചേ​ർ​ത്തു.

ബം​ഗാ​ളി​ലെ ബ​സീ​ര്‍​ഹ​ട്ട് മ​ണ്ഡ​ല​ത്തി​ല്‍ നി​ന്ന് വി​ജ​യി​ച്ച തൃ​ണ​മൂ​ല്‍ കോ​ണ്‍​ഗ്ര​സി​ന്‍റെ എം​പി​യാ​ണ് നു​സ്ര​ത്ത്. 17-ാം ലോ​ക്സ​ഭ​യു​ടെ ആ​ദ്യ സ​മ്മേ​ള​ന​ത്തി​ന്‍റെ തു​ട​ക്ക​ത്തി​ലാ​യി​രു​ന്നു എം​പി​യു​ടെ വി​വാ​ഹം. പ്ര​മു​ഖ വ്യ​വ​സാ​യി​യാ​യ നി​ഖി​ല്‍ ജെ​യി​നാ​ണ് നു​സ്ര​ത്ത് ജ​ഹാ​നെ താ​ലി​ചാ​ര്‍​ത്തി​യ​ത്. ജൂ​ണ്‍ 19-ന് ​തു​ര്‍​ക്കി​യി​ലാ​യി​രു​ന്നു വി​വാ​ഹ​ച​ട​ങ്ങു​ക​ള്‍.

നു​സ്ര​ത്ത് ജ​ഹാ​ന്‍റെ വി​വാ​ഹ​ത്തി​ല്‍ പ​ങ്കെ​ടു​ക്കാ​ന്‍ പോ​യ​തി​നാ​ല്‍ മ​റ്റൊ​രു തൃ​ണ​മൂ​ല്‍ എം​പി​യാ​യ മി​മി ച​ക്ര​വ​ര്‍​ത്തി​ക്കും നേ​ര​ത്തെ സ​ത്യ​പ്ര​തി​ജ്ഞ ചെ​യ്യാ​ന്‍ ക​ഴി​ഞ്ഞി​രു​ന്നി​ല്ല. ചൊ​വ്വാ​ഴ്ച നു​സ്ര​ത്ത് ജ​ഹാ​നൊ​പ്പം മി​മി ച​ക്ര​വ​ര്‍​ത്തി​യും എം​പി​യാ​യി സ​ത്യ​പ്ര​തി​ജ്ഞ ചെ​യ്തു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.




Copyright @ 2019 , Rashtra Deepika Ltd.