ബാങ്ക് അക്കൌണ്ട് തുറക്കുന്നത് എളുപ്പത്തിലാക്കും
ന്യൂഡല്‍ഹി: ആധാര്‍ കാര്‍ഡിന്റെ അടിസ്ഥാനത്തില്‍ ബാങ്ക് അക്കൌണ്ട് തുറക്കുന്ന നടപടിക്രമങ്ങള്‍ എളുപ്പത്തിലാക്കുമെന്നു ധനമന്ത്രാലയം അറിയിച്ചു.

ഇതു സംബന്ധിച്ചു വിവിധ സംസ്ഥാനങ്ങളില്‍ നിന്നു വ്യാപകമായ പരാതികള്‍ ഉയര്‍ന്ന സാഹചര്യത്തിലാണു മന്ത്രാലയം ഇക്കാര്യം അറിയിച്ചത്. ക്യാമ്പുകള്‍ സംഘടിപ്പിച്ച് ഈ പ്രശ്നത്തിന് പരിഹാരം കാണാനാണ് ശ്രമിക്കുന്നത്.

അക്കൌണ്ട് തുറക്കാന്‍ ചില പ്രയാസങ്ങളുള്ളതായി മനസിലാക്കുന്നു. പരിഹാരവുമായി മുന്നോട്ടുപോകുകയാണെന്നു ധനകാര്യ സേവന വിഭാഗം സെക്രട്ടറി ഡി. കെ. മിത്തല്‍ പറഞ്ഞു. ഇക്കാര്യത്തില്‍ കേന്ദ്ര സംസ്ഥാന സര്‍ക്കാരുകളും ബാങ്കുകളും ഒന്നിച്ചുപ്രവര്‍ത്തിക്കും.


വെള്ളിയാഴ്ച ചേര്‍ന്ന വടക്കുകിഴക്കന്‍ സംസ്ഥാനങ്ങളുടെയും ബാങ്ക് പ്രതിനിധികളുടെയും യോഗത്തിനു ശേഷമാണ് മിത്തല്‍ ഇതു പറഞ്ഞത്. ആധാര്‍ കാര്‍ഡുപയോഗിച്ച് അക്കൌണ്ട് തുറക്കുന്നതില്‍ പ്രയാസങ്ങള്‍ നേരിടുന്നുണ്െടന്നു ഡല്‍ഹി മുഖ്യമന്ത്രി ഷീല ദീക്ഷിതും അറിയിച്ചിരുന്നു.