ന്യൂഡൽഹി: വ്യവസായവളർച്ചയിൽ തിരിച്ചടി. മാർച്ചിലെ വ്യവസായ ഉത്പാദന സൂചിക (ഐഐപി) വളർന്നതു കേവലം 4.4 ശതമാനം മാത്രം. ഫെബ്രുവരിയിൽ 7.1 ശതമാനമുണ്ടായിരുന്നു വളർച്ച. നിരീക്ഷകരുടെ നിഗമനങ്ങളേക്കാൾ വളരെ താഴെയായി വളർച്ച.
കഴിഞ്ഞ വർഷം മാർച്ചിൽ 20 ശതമാനം വളർന്ന യന്ത്ര ഉത്പാദനം 1.8 ശതമാനം കുറഞ്ഞു. ആഭരണങ്ങൾ, ജനറേറ്ററുകൾ, മരുന്ന്, അച്ചടിയന്ത്രങ്ങൾ, വ്യാവസായിക വാൽവുകൾ, പുകയില ഉത്പന്നങ്ങൾ, തുണി, വസ്ത്രങ്ങൾ, തടി ഉത്പന്നങ്ങൾ, കടലാസ്, റബർ, പ്ലാസ്റ്റിക് ഉത്പന്നങ്ങൾ, ഇലക്ട്രിക്കൽ ഉപകരണങ്ങൾ, മറ്റു യന്ത്രങ്ങൾ തുടങ്ങിയവയുടെ ഉത്പാദനത്തിൽ ഇടിവു സംഭവിച്ചു. വാഹനങ്ങൾ, ഭക്ഷ്യവസ്തുക്കൾ, ഫർണിച്ചർ, ലോഹങ്ങൾ തുടങ്ങിയവയുടെ ഉത്പാദനത്തിൽ മാത്രം ഗണ്യമായ ഉയർച്ചയുണ്ട്. ഫാക്ടറി ഉത്പാദനവളർച്ച ഫെബ്രുവരിയിലെ 8.7 ശതമാനത്തിൽനിന്നും 4.4 ശതമാനമായി താണു. ഖനനം 2.8 ശതമാനവും വൈദ്യുതി ഉത്പാദനം 5.9 ശതമാനവും വർധിച്ചു.ഇതോടുകൂടി 2017-18ലെ ഐഐപി വളർച്ച 4.3 ശതമാനമായി കുറഞ്ഞു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.