ചന്ദ കോച്ചറിനു മുന്നിൽ 25 കോടിയുടെ പിഴ
Monday, June 11, 2018 11:07 PM IST
മും​ബൈ: ഐ​സി​ഐ​സി​ഐ ബാ​ങ്ക് ചീ​ഫ് എ​ക്സി​ക്യൂ​ട്ടീ​വ് ഓ​ഫീ​സ​ർ ച​ന്ദ കോ​ച്ച​റി​നു​മേ​ൽ സെ​ക്യൂ​രി​റ്റീ​സ് ആ​ൻ​ഡ് എ​ക്സ്ചേ​ഞ്ച് ബോ​ർ​ഡ് ഓ​ഫ് ഇ​ന്ത്യ (സെ​ബി) പി​ഴ ചു​മ​ത്തി​യേ​ക്കും. അ​തേ​സ​മ​യം രാ​ജി ആ​വ​ശ്യ​പ്പെ​ടാ​ൻ സാ​ധ്യ​ത​യി​ല്ലെ​ന്നാ​ണ് റി​പ്പോ​ർ​ട്ടു​ക​ൾ. കു​റ്റ​ക്കാ​രി​യെന്നു തെ​ളി​ഞ്ഞാൽ മാ​ത്ര​മേ സെ​ബി​യു​ടെ ന​ട​പ​ടി​യു​ണ്ടാ​കൂ.

സെ​ബി നി​യ​മ​ങ്ങ​ള​നു​സ​രി​ച്ച് പ​ര​മാ​വ​ധി 25 കോ​ടി രൂ​പ വ​രെ പി​ഴ​ശി​ക്ഷ​യോ, നേ​ടി​യ​തി​ന്‍റെ മൂ​ന്നു മ​ട​ങ്ങ് അ​ടയ്ക്കു​ക​യോ ചെയ്യേണ്ടിവരും. എ​ന്നാ​ൽ, കോ​ച്ച​റി​ന്‍റെ കേ​സി​ൽ പി​ഴ എ​ത്ര​യെ​ന്നു​ള്ള​ത് സെ​ബി​യു​ടെ അ​ഡ്ജു​ഡി​ക്കേ​റ്റിം​ഗ് ഓ​ഫീ​സ​റു​ടെ തീ​രു​മാ​നം പോ​ലെ​യി​രി​ക്കും. അ​തേ​സ​മ​യം, സി​ഇ​ഒ സ്ഥാ​നം രാ​ജി​വ​യ്ക്കു​ന്ന​തി​നു നി​ർ​ദേ​ശി​ക്കാ​ൻ സെ​ബി​ക്ക് അ​ധി​കാ​ര​മി​ല്ല.

ഭ​ർ​ത്താ​വ് ദീ​പ​ക് കോ​ച്ച​ർ, വീ​ഡി​യോ​കോ​ൺ മേ​ധാ​വി വേ​ണു​ഗോ​പാ​ൽ ധൂ​ത് എ​ന്നി​വ​രു​മാ​യി ബാ​ങ്കി​ന്‍റെ ഇ​ട​പാ​ടു​ക​ൾ ആ​രാ​ഞ്ഞു​കൊ​ണ്ട് മേ​യ് 24ന് ​സെ​ബി ച​ന്ദ കോ​ച്ച​റി​നു ക​ത്ത​യ​ച്ചി​രു​ന്നു. മ​റു​പ​ടി ന​ല്കാ​നു​ള്ള അ​വ​സാ​ന ദി​വ​സം വെ​ള്ളി​യാ​ഴ്ച ആ​യി​രു​ന്നി​ട്ടും മ​റു​പ​ടി ല​ഭി​ക്കാ​ത്ത സാ​ഹ​ച​ര്യ​ത്തി​ൽ അ​ടു​ത്ത ന​ട​പ​ടി​ക​ളി​ലേ​ക്കു നീ​ങ്ങാ​നാ​ണ് സെ​ബി​യു​ടെ തീ​രു​മാ​നം.


അ​തേ​സ​മ​യം, ബാ​ങ്കി​ന്‍റെ ത​ല​പ്പ​ത്ത് മാ​റ്റ​ങ്ങ​ളു​ണ്ട്. മൂ​ന്നു വ​ർ​ഷ​ത്തെ കാ​ലാ​വ​ധി പൂ​ർ​ത്തി​യാ​ക്കി ഐ​സി​ഐ​സി​ഐ ബാ​ങ്ക് ചെ​യ​ർ​മാ​ൻ എം.​കെ. ശ​ർ​മ ഈ ​മാ​സം 30ന് ​സ്ഥാ​ന​മൊ​ഴി​യും. 70 വ​യ​സ് പി​ന്നി​ട്ട സ്വ​ത​ന്ത്ര ഡ​യ​റ​ക്ട​ർ​മാ​രെ ചെ​യ​ർ​മാ​ൻ സ്ഥാ​ന​ത്തേ​ക്കു പ​രി​ഗ​ണി​ക്കേ​ണ്ട എ​ന്ന ആ​ർ​ബി​ഐ നി​ർ​ദേ​ശ​ത്തി​ൽ ശ​ർ​മ​യെ വീ​ണ്ടും നി​യ​മി​ക്കാ​ൻ ക​ഴി​യി​ല്ല. അ​തേ​സ​മ​യം, പു​തി​യ ചെ​യ​ർ​മാ​നെ ക​ണ്ടെ​ത്താ​ൻ ഇ​തു​വ​രെ ബാ​ങ്കി​നു ക​ഴി​ഞ്ഞി​ട്ടി​ല്ല. സി​ഇ​ഒ ച​ന്ദ കോ​ച്ച​റി​ന്‍റെ കാ​ലാ​വ​ധി 2019 മാ​ർ​ച്ചി​ൽ അ​വ​സാ​നി​ക്കും.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.