കൊച്ചി: പ്ലസ്ടു, ഡിഗ്രി പഠനശേഷം ഉപരിപഠനത്തിനു വിദേശത്തുപോകാൻ ആഗ്രഹിക്കുന്ന വിദ്യാർഥികൾക്കു നിരവധി അവസരങ്ങളൊരുക്കി ജീബീ എഡ്യുക്കേഷൻ സംഘടിപ്പിക്കുന്ന വിദേശവിദ്യാഭ്യാസ പ്രദർശനം ഇന്നു കൊച്ചി മാരിയറ്റ് ഹോട്ടലിലും നാളെ കോട്ടയം വിൻസർ കാസിൽ ഹോട്ടലിലും നടക്കും.
19 രാജ്യങ്ങളിൽനിന്നായി 120ലേറെ യൂണിവേഴ്സിറ്റി പ്രതിനിധികൾ പങ്കെടുക്കും. രാവിലെ പത്തു മുതൽ വൈകുന്നേരം അഞ്ചു വരെ നടക്കുന്ന പ്രദർശനത്തിൽ വിദ്യാർഥികൾക്കും രക്ഷിതാക്കൾക്കും പ്രവേശനം സൗജന്യമാണ്.
യൂറോപ്യൻ രാജ്യങ്ങളിൽ സ്ഥിരതാമസത്തിന് ആഗ്രഹിക്കുന്ന വിദ്യാർഥികൾ പഠനത്തിനു തെരഞ്ഞെടുക്കേണ്ട രാജ്യം, കോഴ്സുകൾ തുടങ്ങിയവ സംബന്ധിച്ച വിവരങ്ങൾ ജീബീ എഡ്യുക്കേഷന്റെ വിദഗ്ധർ വിദ്യാർഥികളുമായി പങ്കുവയ്ക്കും.
ബിസിനസ് മാനേജ്മെന്റ്, ഐടി, ഹെൽത്ത്, എൻജിനിയറിംഗ്, ഹോസ്പിറ്റാലിറ്റി, ഡാറ്റാ, അഗ്രികൾച്ചർ, എഐ തുടങ്ങി വിവിധ വിഷയങ്ങളിൽ ഉപരിപഠനത്തിന് ആഗ്രഹിക്കുന്ന കോഴ്സുകൾ തെരഞ്ഞെടുക്കാനും യൂണിവേഴ്സിറ്റി പ്രതിനിധികളുമായി സംസാരിച്ച് സ്പോട്ട് അഡ്മിഷൻ ഉറപ്പിക്കാനും അവസരമുണ്ട്.
യുകെ, കാനഡ, അയർലൻഡ്, ജർമനി, ന്യൂസിലൻഡ്, ഓസ്ട്രേലിയ, യുഎസ്, മാൾട്ട തുടങ്ങിയ രാജ്യങ്ങളിൽനിന്നുള്ള കോളജ് പ്രതിനിധികൾ പങ്കെടുക്കും. വായ്പ ആവശ്യമുള്ളവർക്ക് അതിവേഗ നടപടിക്രമങ്ങൾക്കായി പ്രധാന പൊതുമേഖലാ ബാങ്കുകളുടെ കൗണ്ടറുകളും പ്രദർശനത്തിൽ സജീകരിച്ചിട്ടുണ്ട്.
പങ്കെടുക്കുന്ന അർഹരായ വിദ്യാർഥികൾക്കു പത്തു ലക്ഷം രൂപ വരെ സ്കോളർഷിപ്പും ലഭിക്കും. കൂടുതൽ വിവരങ്ങൾക്ക് 7592033333.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.