Sports News
ധോണിക്കു പകരം വിരാട് കോഹ്ലി?
ധോണിക്കു പകരം വിരാട് കോഹ്ലി?
Sunday, January 6, 2013 9:43 PM IST
ന്യൂഡല്‍ഹി: കൂനിന്മേല്‍ കുരു എന്നതുപോലെയാണ് ഇന്ത്യന്‍ ടീമിന്റെ കാര്യങ്ങള്‍. ടീമില്‍ ഫോമിലുള്ള ഏക ബാറ്റ്സ്മാനാണ് നായകന്‍ മഹേന്ദ്രസിംഗ് ധോണി. എന്നാല്‍, ധോണി ഇന്നത്തെ മത്സരത്തില്‍ കളിക്കില്ല. ധോണിയെ പുറം വേദന അലട്ടുന്നുണ്ടത്രെ. ധോണിക്കുപകരം വിരാട് കോഹ്ലി ഇന്ത്യയെ നയിച്ചേക്കും. ഇന്ത്യന്‍ ടീമില്‍ ഇപ്പോള്‍ വൈസ്ക്യാപ്റ്റനില്ല എന്നതാണു വസ്തുത. ഏഷ്യ കപ്പില്‍ കോഹ്്ലിയും ശ്രീലങ്കയ്ക്കെതിരേ ഗൌതം ഗംഭീറുമായിരുന്നു ഇന്ത്യയുടെ ഉപനായകന്മാര്‍. അതേസമയം, ധോണിയോട് ഒരു മത്സരത്തില്‍നിന്നു മാറിനില്‍ക്കാന്‍ ടീം മാനേജ്മെന്റ് ആവശ്യപ്പെട്ടിട്ടുണ്െടന്ന റിപ്പോര്‍ട്ടുമുണ്ട്.


ധോണിക്കുപകരം ദിനേഷ് കാര്‍ത്തികിനെ ടീമില്‍ ഉള്‍പ്പെടുത്തിയിട്ടുണ്ട്. ഇന്നലെ നടന്ന ടീമിന്റെ പരിശീലനത്തില്‍ ധോണി പങ്കെടുത്തെങ്കിലും കാര്യമായി ഓടാനും ചാടാനുമൊന്നും അദ്ദേഹം തയാറായില്ല. പാക്കിസ്ഥാനെതിരായ ആദ്യ ഏകദിനത്തില്‍ 115ഉം രണ്ടാം ഏകദിനത്തില്‍ 54ഉം റണ്‍സ് ധോണി നേടിയിരുന്നു. രണ്ടിന്നിംഗ്സിലും ധോണി പുറത്താകാതെനിന്നു. ഇതു മൂന്നാം തവണയാണ് ധോണി പരിക്കുമൂലം ഏകദിനത്തില്‍നിന്നു പിന്മാറുന്നത്. എന്തായാലും കോഹ്്ലിക്കു ലഭിച്ച ഈ അവസരം ശരിക്കു മുതലാക്കിയാല്‍ ഭാവി ഇന്ത്യയുടെ നായകന്‍ കോഹ്ലിയെന്നുറപ്പിക്കാം.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.