നെയ്മർ അടിച്ചു : Deepika.com Sports News |

Click here for detailed news of all items

നെയ്മർ അടിച്ചു

Friday, January 20, 2017 1:37 PM IST

മാഡ്രിഡ്: പത്തു വര്‍ഷങ്ങള്‍ക്കുശേഷം ബാഴ്‌സലോണ റയല്‍ സോസിദാദിന്‍റെ തട്ടകമായ സാന്‍ സെബാസ്റ്റ്യനില്‍ വിജയക്കൊടി ഉയർത്തി.

പത്ത് വര്‍ഷം നീണ്ടകാത്തിരിപ്പിനു ശേഷമാണ് ബാഴ്‌സലോണ സോസിദാദിന്‍റെ ഗ്രൗണ്ട് സ്ഥിതി ചെയ്യുന്ന അനോയിറ്റയില്‍ ജയിക്കുന്നത്. കോപ്പ ഡെല്‍ റേ ഫുട്‌ബോളിലെ ആദ്യ പാദ ക്വാര്‍ട്ടറില്‍ നെയ്മറുടെ ആദ്യ പകുതിയിലെ പെനാല്‍റ്റിയാണ് അനോയിറ്റയിൽ ബാഴ്‌സലോണ നേരിട്ടിരുന്ന ശാപം അവസാനിപ്പിച്ചത്.

അനോയിറ്റയിലെ കഴിഞ്ഞ എട്ടു കളിയിലും ബാഴ്‌സയ്ക്കു ജയമില്ലായിരുന്നു. അവസാനം കളിച്ച നാലിൽ മൂന്നിലും തോറ്റു. 2007 മേയില്‍ ലാ ലിഗയിലായിരുന്നു ബാഴ്‌സലോണ ഇതിനു മുമ്പ് സോസിദാദിന്‍റെ ഗ്രൗണ്ടില്‍ ജയിച്ചത്.

21-ാം മിനിറ്റിലാണ് നെയ്മര്‍ പെനാല്‍റ്റി വലയിലാക്കിയത്. ബ്രസീലിയന്‍ താരത്തെ ബോക്‌സിനുള്ളില്‍ ഫൗള്‍ ചെയ്തതിനായിരുന്നു സ്‌പോട് കിക്ക്. ഈ ഗോളില്‍ മത്സരം പൂര്‍ത്തിയാക്കിയ ബാഴ്‌സലോണ വ്യാഴാഴ്ച സ്വന്തം ന്യൂകാമ്പ് സ്റ്റേഡിയത്തില്‍ നടക്കുന്ന രണ്ടാം പാദത്തിൽ ആത്മവിശ്വാസത്തോടെ പന്തുതട്ടാം.

നെയ്മറിന്‍റെ മുന്നേറ്റം തടയാനുള്ള ശ്രമത്തില്‍ റൈറ്റ് ബാക്ക് അറിറ്റ്‌സ് എലുസ്‌റ്റോന്‍ഡോ വരുത്തിയ ഫൗള്‍ ബാഴ്‌സയ്ക്കു പെനാല്‍റ്റി നല്‍കി. നെയ്മറിന്റെ കിക്ക് ഗോള്‍കീപ്പര്‍ ജെറോനിമോ റൂലിക്ക് ഒരവരസം പോലും നല്‍കാതെ വലയുടെ ഇടതു ഭാഗത്ത് തറച്ചുകയറി.

അത്‌ലറ്റിക്കോയ്ക്കു മികച്ച ജയം

കോപ്പ ഡെല്‍ റേ ആദ്യ പാദ ക്വാര്‍ട്ടറില്‍ അത്‌ലറ്റിക്കോ മാഡ്രിഡ് എതിരില്ലാത്ത മൂന്നു ഗോളിന് ഐബറെ തോല്‍പ്പിച്ചു.

അന്‍റോണി ഗ്രീസ്മാന്‍ (28), ഏയ്ഞ്ചല്‍ കൊറേയ (60), കെവിന്‍ ഗെമിറോ (68) എന്നിവരുടെ ഗോളുകളാണ് വിന്‍സെന്‍റ് കാല്‍ഡെറോണില്‍ തകര്‍പ്പന്‍ ജയമൊരുക്കിയത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.