Sports News
യു​ണൈ​റ്റ​ഡി​നു സ​മ​നി​ല, ടോ​ട്ട​ന​ത്തി​നു ജ​യം
യു​ണൈ​റ്റ​ഡി​നു സ​മ​നി​ല, ടോ​ട്ട​ന​ത്തി​നു ജ​യം
Sunday, September 10, 2017 11:06 AM IST
ല​ണ്ട​ന്‍: ഇം​ഗ്ലീ​ഷ് പ്രീ​മി​യ​ര്‍ ലീ​ഗി​ല്‍ മാ​ഞ്ച​സ്റ്റ​ര്‍ യു​ണൈ​റ്റ​ഡി​ന് സ​മ​നി​ല. എ​വേ മ​ത്സ​ര​ത്തി​ല്‍ സ്‌​റ്റോ​ക് സി​റ്റി​യാ​ണ് മാ​ഞ്ച​സ്റ്റ​ര്‍ യു​ണൈ​റ്റ​ഡി​നെ 2-2ന് ​സ​മ​നി​ല​യി​ല്‍ കു​ടു​ക്കി​യ​ത്. ടോ​ട്ട​നം എ​വ​ര്‍ട്ട​ന്‍റെ ഗു​ഡി​സ​ണ്‍ പാ​ര്‍ക്കി​ല്‍ 3-0ന് ​ജ​യി​ച്ചു.

മൂ​ന്നു തു​ട​ര്‍ജ​യ​ങ്ങ​ളു​മാ​യി പ്രീ​മി​യ​ര്‍ ലീ​ഗ് തു​ട​ങ്ങി​യ യു​ണൈ​റ്റ​ഡ് മു​ന്നി​ല്‍നി​ന്ന​ശേ​ഷ​മാ​ണ് സ​മ​നി​ല വ​ഴ​ങ്ങി​യ​ത്. ആ​വേ​ശ​ക​ര​മാ​യ മ​ത്സ​ര​ത്തി​ല്‍ ര​ണ്ടാം പ​കു​തി​യി​ല്‍ റൊ​മേ​ലു ലു​ക്കാ​ക്കു​വി​ലൂ​ടെ യു​ണൈ​റ്റ​ഡ് മു​ന്നി​ലെ​ത്തി​യ​താ​ണ്. എ​ന്നാ​ല്‍, എ​റി​ക് മോ​ട്ടിം​ഗ് ഹെ​ഡ​റി​ലൂ​ടെ നേ​ടി​യ ര​ണ്ടാം ഗോ​ള്‍ യു​ണൈ​റ്റ​ഡി​ന്‍റെ വി​ജ​യ​ക്കുതി​പ്പ് അ​വ​സാ​നി​പ്പി​ച്ചു.

സ്വ​ന്തം കാ​ണി​ക​ളു​ടെ ആ​വേ​ശ​ത്തി​ല്‍ സ്റ്റോ​ക് സി​റ്റി​യാ​ണ് ആ​ദ്യം മു​ന്നേ​റ്റം ന​ട​ത്തി​യ​ത്. അ​പ​ക​ടം മ​ണ​ത്ത യു​ണൈ​റ്റ​ഡ് വേ​ഗം ത​ന്നെ മ​ത്സ​ര​ത്തി​ലേ​ക്കു ക​ട​ന്നു. ലു​ക്കാ​ക്കു​വി​നു ല​ഭി​ച്ച അ​വ​സ​രം കൃ​ത്യ​മാ​യി പ്ര​യോ​ജ​ന​പ്പെ​ടു​ത്താ​നാ​യി​ല്ല. ഇ​തി​നു​ശേ​ഷം യു​ണൈ​റ്റ​ഡി​ന് അ​നു​കൂ​ല​മാ​യി ല​ഭി​ച്ച സെ​റ്റ്പീ​സു​ക​ള്‍ ഉ​പ​യോ​ഗ​പ്പെ​ടു​ത്താ​നാ​യി​ല്ല. സ്‌​റ്റോ​ക് സി​റ്റി താ​ര​ങ്ങ​ള്‍ യു​ണൈ​റ്റ​ഡ് ബോ​ക്‌​സി​ലേ​ക്കു ക​യ​റി ശ​ക്ത​മാ​യ ആ​ക്ര​മ​ണം ന​ട​ത്തി​യെ​ങ്കി​ലും ഗോ​ള്‍കീ​പ്പ​ര്‍ ഡേ​വി​ഡ് ഡി ​ഗി​യ​യു​ടെ ര​ക്ഷ​പ്പെ​ടു​ത്ത​ലു​ക​ള്‍ തു​ണ​യാ​യി. ആ​ദ്യ​പ​കു​തി അ​വ​സാ​നി​ക്കാ​ന്‍ ര​ണ്ടു മി​നി​റ്റു​ള്ള​പ്പോ​ള്‍ ചൗ​പോ മോ​ട്ടിം​ഗ് ഹോം ​ടീ​മി​നെ മു​ന്നി​ലെ​ത്തി​ച്ചു.


സ്‌​റ്റോ​ക്കി​ന്‍റെ ലീ​ഡി​ന് അ​ധി​കം ആ​യു​സി​ല്ലാ​യി​രു​ന്നു. ര​ണ്ടു മി​നി​റ്റു​ള്ളി​ല്‍ യു​ണൈ​റ്റ​ഡ് സ​മ​നി​ല പി​ടി​ച്ചു. പോ​ള്‍ പോ​ഗ്ബ​യു​ടെ ഹെ​ഡ​റി​ല്‍നി​ന്ന് മാ​ര്‍ക്ക​സ് റ​ഷ്ഫ​ര്‍ഡ് വ​ല കു​ലു​ക്കി. ര​ണ്ടാം പ​കു​തി​യും ആ​ദ്യ പ​കു​തി​പോ​ലെ ആ​ക്ര​മ​ണ​പ്ര​ത്യാ​ക്ര​മ​ണ​ങ്ങ​ള്‍ നി​റ​ഞ്ഞ​താ​യി​രു​ന്നു. 57-ാം മി​നി​റ്റി​ല്‍ ലു​ക്കാ​ക്കു യു​ണൈ​റ്റ​ഡി​നെ മു​ന്നി​ലെ​ത്തി​ച്ചു. ബെ​ല്‍ജി​യ​ന്‍ സ്‌​ട്രൈ​ക്ക​റു​ടെ ആ​ദ്യ ഷോ​ട്ട് ജാ​ക് ബ​ട്‌​ലാ​ന്‍ഡ് ബ്ലോ​ക് ചെ​യ്‌​തെ​ങ്കി​ലും കൈ​പ്പി​ടി​യി​ല്‍ ഒ​രു​തു​ക്കാ​നാ​യി​ല്ല. കൈ​യി​ല്‍നി​ന്നു വ​ഴു​തി​യ പ​ന്ത് ലു​ക്കാ​ക്കു വ​ല​യി​ലെ​ത്തി​ച്ചു. ആ​റു മി​നി​റ്റി​ലു​ള്ളി​ല്‍ ചൗ​പോ മോ​ട്ടിം​ഗി​ന്‍റെ ഹെ​ഡ​ര്‍ യു​ണൈ​റ്റ​ഡി​ന്‍റെ വ​ല ഒ​രി​ക്ക​ല്‍ക്കൂ​ടി ച​ലി​പ്പി​ച്ചു.
നാലു കളികളിൽനിന്ന് 10 പോയിന്‍റ് നേടിയ മാഞ്ചസ്റ്റർ യുണൈറ്റഡാണ് ലീഗിൽ തലപ്പത്ത്. അത്ര തന്നെ പോയിന്‍റുള്ള സിറ്റിയാണ് രണ്ടാമത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.