ക്ഷീ​ണമ​ക​റ്റാ​ന്‍ ജ​ര്‍മ​നി
Thursday, October 12, 2017 10:18 PM IST
കൊ​ച്ചി: കാ​ല്‍പ​ന്തു​ക​ളി​യു​ടെ വി​ശ്വപോ​രാ​ട്ട​ത്തി​ലെ ചാ​മ്പ്യ​ന്മാ​രു​ടെ കൗ​മാ​ര ടീം ​ആ​കെ അ​ങ്ക​ലാ​പ്പി​ലാ​ണ്. ഇ​റാ​നോ​ട് ഏ​റ്റ വ​മ്പ​ന്‍ തോ​ല്‍വി ജ​ര്‍മ​ന്‍പ​ട​യെ അ​ത്ര​യ്ക്കും വ​ല​ച്ചി​ട്ടു​ണ്ട്. എ​തി​രി​ല്ലാ​ത്ത നാ​ലു ഗോ​ളു​ക​ളു​ടെ പ​രാ​ജ​യ​ത്തി​ന്‍റെ ദു​ഃഖ​ഭാ​രം ഗോ​വ​യി​ല്‍ ഉ​പേ​ക്ഷി​ച്ചു കൊ​ച്ചി​യി​ല്‍ വി​ജ​യ​ത്തോ​ടെ പു​ത്ത​ന്‍ ഉ​ണ​ര്‍വാ​ണു ജ​ര്‍മ​നി ല​ക്ഷ്യ​മി​ടു​ന്ന​ത്.

ആ​ഫ്രി​ക്ക​ന്‍ ക​രു​ത്തു​മാ​യെ​ത്തു​ന്ന ഗി​നി​​യാ​ണു ജർമൻപ​ട​യു​ടെ എ​തി​രാ​ളി​ക​ള്‍. ഒ​ന്നു വീ​തം തോ​ല്‍വി​യും സ​മ​നി​ല​യു​മാ​യി എ​ത്തു​ന്ന ഗി​നി​​ക്കും പ്രീ​ക്വാ​ര്‍ട്ട​ര്‍ സ്വ​പ്നം നി​ല​നി​ല്‍ക്കു​ന്ന​തി​നാ​ല്‍ ആ​വേ​ശ​ക​ര​മാ​യ പോ​ര​ട്ട​മാ​ണു കൊ​ച്ചി​യി​ല്‍ വി​രു​ന്നെ​ത്തു​ന്ന​ത്.

ഒ​രു​ക്ക​ങ്ങ​ള്‍ ത​കൃ​തി

ഗോ​വി​യി​ല്‍നി​ന്നു കൊ​ച്ചി​യി​ലെ​ത്തി​യ ജ​ര്‍മ​നി​യും ഗി​നി​​യും ഇ​വി​ടെ​യു​ള്ള സാ​ഹ​ച​ര്യ​ങ്ങ​ളു​മാ​യി പൊ​രു​ത്ത​പ്പെ​ടാ​നു​ള്ള ശ്ര​മ​ത്തി​ലാ​യി​രു​ന്നു. 11നാ​ണ് ഇ​രു സം​ഘ​ങ്ങ​ളും കൊ​ച്ചി​യി​ലെ​ത്തി​യ​ത്. തു​ട​ര്‍ന്ന് ഇ​ന്ന​ലെ വൈ​കു​ന്നേ​രം ജ​ര്‍മ​നി പ​രി​ശീ​ല​ന​ത്തി​നാ​യി ഇ​റ​ങ്ങി​യി​രു​ന്നു. എ​ന്നാ​ല്‍, ഗി​നി​ വി​ശ്ര​മ​ത്തി​നാ​ണു സ​മ​യം ക​ണ്ടെ​ത്തി​യ​ത്. കേ​ര​ള​ത്തിലെ ചൂ​ടി​നെ നേ​രി​ടു​മ്പോ​ള്‍ സ്പെ​യി​ന്‍ അ​നു​ഭ​വി​ക്കു​ന്ന പ്ര​ശ്ന​ങ്ങ​ളെ​ല്ലാം ജ​ര്‍മ​നി​ക്കു​മു​ണ്ടാ​കും. ഗി​നി​ക്കു ചൂ​ടേ​റെ പേ​ടി​യി​ല്ല. ജ​ര്‍മ​ന്‍ മു​ന്നേ​റ്റ​ങ്ങ​ളെ ത​ട​യാ​ന്‍ പ്ര​തി​രോ​ധം ക​രു​ത്തു​റ്റ​താ​ക്കാ​നാ​ണ് ഗി​നി​​യു​ടെ ശ്ര​മം.


ക​രു​ത്തോ​ടെ ഗി​നി​

ഇ​റാ​നോട് ഒ​ന്നി​നെ​തി​രേ മൂ​ന്നു ഗോ​ളു​ക​ള്‍ക്കു പ​രാ​ജ​യ​പ്പെ​ട്ടെ​ങ്കി​ലും കോ​സ്റ്റാറി​ക്ക​യോടു മി​ക​ച്ച പ്ര​ക​ട​മാ​ണ് ഗി​നി​ പു​റ​ത്തെ​ടു​ത്ത​ത്. ഇ​രു ടീ​മും ര​ണ്ടു വീ​തം ഗോ​ള​ടി​ച്ചു സ​മ​നി​ല​യി​ല്‍ ക​ലാ​ശി​ച്ച മ​ത്സ​ര​ത്തി​ല്‍ ഗി​നി​ സ​ര്‍വ മേ​ഖ​ല​ക​ളി​ലും അ​പ്ര​മാ​ദി​ത്വം ഉ​റ​പ്പി​ച്ചു​ത​ന്നെ​യാ​ണു പോ​രാ​ടി​യ​ത്. അ​ന്നു കൈ​വി​ട്ട ജ​യം ജ​ര്‍മ​നി​ക്കെ​തി​രേ സ്വ​ന്ത​മാ​ക്കി പ്രീ​ക്വാ​ര്‍ട്ട​ര്‍ പ്ര​വേ​ശ​നം രാ​ജ​കീ​യ​മാ​ക്കു​ക​യാ​ണ് ആ​ഫ്രി​ക്ക​ന്‍ പ​ട​യു​ടെ സ്വ​പ്നം.
എ​ല്‍ഹാ​ദ് ബാ​ഹും ന​ബി ബാ​ന്‍ഗൗ​റ​യും ഫോ​മി​ലെ​ത്തി​യാ​ല്‍ ഇ​തു നി​ഷ്പ്ര​യാ​സം സാ​ധി​ക്കു​ക​യും ചെ​യ്യും.

ആ​ക്ര​മ​ണത്തിനു‍ ജ​ര്‍മ​നി

നാ​യ​ക​ന്‍ എ​റി​ക് മ​ജ​സ്ചാ​ക്കി​ന്‍റെ ക​രു​ത്തി​ലാ​ണു ജ​ര്‍മ​ന്‍ പ​ട വി​ശ്വാ​സ​മ​ര്‍പ്പി​ക്കു​ന്ന​ത്. ഒ​പ്പം ആ​ദ്യ മ​ത്സ​ര​ത്തി​ല്‍ ത​ന്നെ ഗോ​ള​ടി​ച്ചു വ​ര​വ​റി​യി​ച്ച കൗ​മാ​ര താ​രം യാ​ന്‍ ഫി​റ്റേ ആ​ര്‍പ്പും ഫോ​മി​ലേ​ക്കു​യ​ര്‍ന്നാ​ല്‍ ജ​ര്‍മ​നി​യു​ടെ മു​ന്നോ​ട്ടു​ള്ള കു​തി​പ്പ് എ​ളു​പ്പ​മാ​കും.
ഇ​ന്ന​ലെ കൊ​ച്ചി​യി​ല്‍ പ​രി​ശീ​ല​ന​ത്തി​നി​റ​ങ്ങി​യ​പ്പോ​ള്‍ ആ​വ​നാ​ഴി​യി​ലെ ഓ​രോ അ​സ്ത്ര​ങ്ങ​ളും മി​നു​ക്കാ​നാ​ണു പ​രി​ശീ​ല​ക​ന്‍ ക്രി​സ്റ്റ്യ​ന്‍ വെയ്ക്ക് മു​ന്‍തൂ​ക്കം ന​ല്‍കി​യ​ത്. നി​ര​ന്ത​ര ആ​ക്ര​മ​ണ​ങ്ങ​ളി​ലൂ​ടെ ആ​ഫ്രി​ക്ക​ന്‍ പ്ര​തി​രോ​ധം ത​ക​ര്‍ക്കു​ക​ത​ന്നെ​യാ​ണു ജ​ര്‍മ​ന്‍ ല​ക്ഷ്യം.