ഐപിഎൽ മത്സരം വിവാഹ ദിനത്തിൽ; ഫിഞ്ചിന് ആദ്യ മത്സരം നഷ്ടപ്പെടും : Deepika.com Sports News |

Click here for detailed news of all items

ഐപിഎൽ മത്സരം വിവാഹ ദിനത്തിൽ; ഫിഞ്ചിന് ആദ്യ മത്സരം നഷ്ടപ്പെടും

Thursday, February 15, 2018 11:54 PM IST

മെൽബൺ: ഒാസ്ട്രേലിയയുടെ പിഞ്ച് ഹിറ്റർ ആരോൺ ഫിഞ്ചിന് ആദ്യ ഐപിഎൽ മത്സരം നഷ്ടമാവും. ഏപ്രിൽ ഏഴിനാണ് ഫിഞ്ചിന്‍റെ ആദ്യ മത്സരം നിശ്ചയിച്ചിരിക്ക‌ുന്നത്. അന്നുതന്നെയാണ് അദ്ദേഹം ആമി ഗ്രിഫ്ത്തിനെ ജീവിത സഖിയാക്കാൻ തീരുമാനിച്ചിരിക്കുന്നതും. പഞ്ചാബ് സൂപ്പർ കിംഗ്സാണ് 6.2 കോടി രൂപ മുടക്കി ഫിഞ്ചിനെ സ്വന്തമാക്കിയത്. ക്രിക്കറ്റിനു പകരം വ്യക്തിജീവിതത്തിന് പ്രാധാന്യം നല്‍കാനാണ് ഓസ്‌ട്രേലിയന്‍ ഓപ്പണര്‍ തീരുമാനിച്ചിരിക്കുന്നത്.

ഏപ്രില്‍ ഏഴിനാണ് സീസണ്‍ ആരംഭിക്കുന്നത്. ഇതേ ദിവസം തന്നെയാണ് ഫിഞ്ചിന്‍റെ വിവാഹവും. ഏപ്രില്‍ എട്ടിന് ഡല്‍ഹി ഡെയര്‍ഡെവിള്‍സിനെതിരേയാണ് കിംഗ്സ് ഇലവൻ പഞ്ചാബിന്‍റെ ആദ്യ മല്‍സരം.

ഫിഞ്ചിനു പുറമെ മറ്റൊരു സൂപ്പര്‍ താരമായ ഗ്ലെന്‍ മാക്‌സ്‌വെല്ലും ഈ മല്‍സരത്തിനുണ്ടാവില്ല. ഇത്തവണ ഡല്‍ഹിക്കു വേണ്ടി കളിക്കുന്ന മാക്‌സ്‌വെൽ ഫിഞ്ചിന്‍റെ വിവാഹച്ചടങ്ങിൽ പങ്കെടുക്കാനായാണ് ആദ്യ മത്സരത്തിൽ നിന്നു പിൻമാറിയിരിക്കുന്നത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.