ട​സ്കേ​ഴ്സി​നു ബിസിസിഐ 550 കോടി നൽകണം: സുപ്രീംകോടതി
Friday, March 16, 2018 1:03 AM IST
ന്യൂ​ഡ​ൽ​ഹി: കൊ​ച്ചി ട​സ്കേ​ഴ്സി​നെ ഐ​പി​എ​ലി​ൽ നി​ന്നു പു​റ​ത്താ​ക്കി​യ ബി​സി​സി​ഐ 550 കോ​ടി രൂ​പ ന​ഷ്ട​പ​രി​ഹാ​രം ന​ൽ​ക​ണ​മെ​ന്നു സു​പ്രീംകോ​ട​തി. വ്യ​വ​സ്ഥ​ക​ൾ ലം​ഘി​ച്ചാ​ണ് ഐ​പി​എ​ലി​ൽനി​ന്ന് ഒ​ഴി​വാ​ക്കി​യ​തെ​ന്നു ക​ണ്ടെ​ത്തി ആ​ർ​ബി​ട്രേ​ഷ​ൻ ഫോ​റം ഏ​ർ​പ്പെ​ടു​ത്തി​യ ന​ഷ്ട​പ​രി​ഹാ​രം സു​പ്രീംകോ​ട​തി ശ​രി​വ​യ്ക്കു​ക​യാ​യി​രു​ന്നു. ആ​ർ​ബി​ട്രേ​റ്റ​റു​ടെ ഉ​ത്ത​ര​വി​നെ​തി​രേ ബി​സി​സി​ഐ ന​ൽ​കി​യ അ​പ്പീ​ൽ ജ​സ്റ്റീ​സ് രോ​ഹി​ണ്‍ട​ണ്‍ ന​രി​മാ​ൻ അ​ധ്യ​ക്ഷ​നാ​യ ബെ​ഞ്ച് ത​ള്ളി.

ഐ​പി​എ​ലി​ൽനി​ന്ന് ഒ​ഴി​വാ​ക്കി​യ 2011ലെ ​ബി​സി​സി​ഐ ന​ട​പ​ടി​ക്കെ​തി​രേ 2015ൽ ​ന​ഷ്ട​പ​രി​ഹാ​രം ന​ൽ​കാ​ൻ ആ​ർ​ബി​ട്രേ​ഷ​ൻ ഫോ​റം ഉ​ത്ത​ര​വി​ടു​ക​യാ​യി​രു​ന്നു. പ​ണം ന​ൽ​കി​യി​ല്ലെ​ങ്കി​ൽ വ​ർ​ഷം 18 ശ​ത​മാ​നം പ​ലി​ശ ന​ൽ​ക​ണ​മെ​ന്നും ഉ​ത്ത​ര​വി​ൽ വ്യ​വ​സ്ഥ ചെ​യ്തി​രു​ന്നു. ഇ​തി​നെ​തി​രേ​യാ​ണ് ബി​സി​സി​ഐ സു​പ്രീംകോ​ട​തി​യെ സ​മീ​പി​ച്ച​ത്. എ​ന്നാ​ൽ, ആ​ർ​ബി​ട്രേ​ഷ​ൻ ഫോ​റ​ത്തി​ന്‍റെ ഉ​ത്ത​ര​വി​ൽ ഇ​ട​പെ​ടാ​ൻ കോ​ട​തി ത​യാ​റാ​യി​ല്ല.


റെ​ൻ​ദേ​വു സ്പോ​ർ​ട്സ് വേ​ൾ​ഡ് എ​ന്ന​പേ​രി​ൽ അ​ഞ്ച് ക​ന്പ​നി​ക​ൾ ചേ​ർ​ന്നാ​ണ് 2011ൽ ​കൊ​ച്ചി​ൻ ട​സ്കേ​ഴ്സ് എ​ന്ന ടീം ​രൂ​പീ​ക​രി​ച്ച​ത്. 1560 കോ​ടി രൂ​പ​യാ​ണ് ഐ​പി​എ​ൽ പ്ര​വേ​ശ​ന​ത്തി​നാ​യി ലേ​ല​ത്തു​ക കെ​ട്ടി​വ​യ്ക്കേ​ണ്ടി വ​ന്ന​ത്. എ​ന്നാ​ൽ, ക​രാ​ർ ലം​ഘി​ച്ചെ​ന്ന കാ​ര​ണം ചൂ​ണ്ടി​ക്കാ​ട്ടി ആ​ദ്യ സീ​സ​ണ്‍ ക​ഴി​ഞ്ഞ​പ്പോ​ൾ ത​ന്നെ ഐ​പി​എലി​ൽനി​ന്നു കൊ​ച്ചി​ൻ ട​സ്കേ​ഴ്സി​നെ പു​റ​ത്താ​ക്കു​ക​യാ​യി​രു​ന്നു. കൊ​ച്ചി ടീ​മി​ന്‍റെ എ​തി​ർ​പ്പ് വ​ക​വ​യ്ക്കാ​തെ ബാ​ങ്ക് ഗാ​ര​ണ്ടി​യി​ൽനി​ന്നു 156 കോ​ടി രൂ​പ ബി​സി​സി​ഐ പി​ൻ​വ​ലി​ക്കു​ക​യും ചെ​യ്തി​രു​ന്നു.