Sports News
രാജകീയ അടി
രാജകീയ അടി
Friday, May 3, 2024 2:49 AM IST
ഹൈ​ദ​രാ​ബാ​ദ്: അ​ടി​ക്ക് തി​രി​ച്ച​ടി​യു​മാ​യി രാ​ജ​കീ​യ പോ​രാ​ട്ടം... ഐ​പി​എ​ൽ ട്വ​ന്‍റി-20 ക്രി​ക്ക​റ്റി​ൽ രാ​ജ​സ്ഥാ​ൻ റോ​യ​ൽ​സിന്‍റെ പ്ലേ ​ഓ​ഫ് ടി​ക്ക​റ്റ് വൈ​കി​പ്പി​ച്ച് സ​ൺ​റൈ​സേ​ഴ്സ് ഹൈ​ദ​രാ​ബാ​ദ് ജ​യം സ്വ​ന്ത​മാ​ക്കി. ത്രി​ല്ല​ർ പോ​രാ​ട്ട​ത്തി​ൽ ഒ​രു റ​ണ്ണി​നാ​യി​രു​ന്നു സ​ൺ​റൈ​സേ​ഴ്സി​ന്‍റെ ജ​യം. സ്കോ​ർ: സ​ൺ​റൈ​സേ​ഴ്സ് ഹൈ​ദ​രാ​ബാ​ദ് 201/3 (20). രാ​ജ​സ്ഥാ​ൻ റോ​യ​ൽ​സ് 200/7 (20).

202 റ​ൺ​സ് വി​ജ​യ​ല​ക്ഷ്യം പി​ന്തു​ട​ർ​ന്ന രാ​ജ​സ്ഥാ​ന് ആ​ദ്യ ഓ​വ​റി​ൽ​ത​ന്നെ ര​ണ്ട് വി​ക്ക​റ്റ് ന​ഷ്ട​പ്പെ​ട്ടു. ജോ​സ് ബ​ട്‌ല​റി​നെ​യും (0), സ​ഞ്ജു സാം​സ​നെ​യും (0) ന​ഷ്ട​പ്പെ​ട്ട​പ്പോ​ൾ രാ​ജ​സ്ഥാ​ന്‍റെ സ്കോ​ർ​ബോ​ർ​ഡി​ൽ ര​ണ്ട് റ​ൺ​സ് മാ​ത്രം. ഇ​രു​വ​രെ​യും പു​റ​ത്താ​ക്കി​യ​ത് ഭു​വ​നേ​ശ്വ​ർ കു​മാ​ർ ആ​യി​രു​ന്നു.

മൂ​ന്നാം വി​ക്ക​റ്റി​ൽ യ​ശ​സ്വി ജ​യ്‌​സ്വാ​ളും (40 പ​ന്തി​ൽ 67) റി​യാ​ൻ പ​രാ​ഗും (49 പ​ന്തി​ൽ 77) ചേ​ർ​ന്ന് 78 പ​ന്തി​ൽ 134 റ​ൺ​സ് അ​ടി​ച്ചു. അ​തോ​ടെ രാ​ജ​സ്ഥാ​ൻ ട്രാ​ക്കി​ലെ​ത്തി. എ​ന്നാ​ൽ, അ​വ​സാ​ന പ​ന്തി​ൽ രാ​ജ​സ്ഥാ​ന് ജ​യി​ക്കാ​ൻ ര​ണ്ട് റ​ൺ​സ് വേ​ണ്ടി​യി​രി​ക്കേ റോ​വ്മാ​ൻ പ​വ​ലി​നെ (15 പ​ന്തി​ൽ 27) വി​ക്ക​റ്റി​നു മു​ന്നി​ൽ കു​ടു​ക്കി ഭു​വ​നേ​ശ്വ​ർ കു​മാ​ർ ഹൈ​ദ​രാ​ബാ​ദി​ന് ജ​യം സ​മ്മാ​നി​ച്ചു.

ടോ​സ് നേ​ടി ബാ​റ്റിം​ഗി​നി​റ​ങ്ങി​യ സ​ണ്‍​റൈ​സേ​ഴ്സ് ഹൈ​ദ​രാ​ബാ​ദി​ന്‍റെ തു​ട​ക്കം മി​ക​ച്ച​ത​ല്ലാ​യി​രു​ന്നു. പ​വ​ർ​പ്ലേ ഓ​വ​റു​ക​ളി​ൽ ഇ​ഴ​ഞ്ഞു​നീ​ങ്ങി​യ സ​ണ്‍​റൈ​സേ​ഴ്സി​ന് ഇ​തി​നി​ടെ ര​ണ്ട് വി​ക്ക​റ്റും ന​ഷ്ട​മാ​യി. അ​ഭി​ഷേ​ക് ശ​ർ​മ (12), അ​ൻ​മോ​ൽ​പ്രീ​ത് സിം​ഗ് (5) എ​ന്നി​വ​രാ​ണ് തു​ട​ക്ക​ത്തി​ലേ പു​റ​ത്താ​യ​ത്.

5.1 ഓ​വ​റി​ൽ 35 റ​ണ്‍​സി​നി​ടെ ര​ണ്ട് വി​ക്ക​റ്റ് ന​ഷ്ട​പ്പെ​ട്ടെ​ങ്കി​ലും മൂ​ന്നാം വി​ക്ക​റ്റി​ൽ ട്രാ​വി​സ് ഹെ​ഡും നി​തീ​ഷ് കു​മാ​ർ റെ​ഡ്ഡി​യും ആ​തി​ഥേ​യ​രെ ക​ര​യ്ക്ക​ടു​പ്പി​ച്ചു. മൂ​ന്നാം വി​ക്ക​റ്റി​ൽ ഇ​രു​വ​രും ചേ​ർ​ന്ന് 57 പ​ന്തി​ൽ 96 റ​ണ്‍​സ് നേ​ടി.

42 പ​ന്തി​ൽ എ​ട്ട് സി​ക്സും മൂ​ന്ന് ഫോ​റു​മ​ട​ക്കം 76 റ​ണ്‍​സു​മാ​യി നി​തീ​ഷ് പു​റ​ത്താ​കാ​തെ നി​ന്നു. അ​ഞ്ചാം ന​ന്പ​റാ​യെ​ത്തി​യ ഹെ​ൻ‌റി​ച്ച് ക്ലാ​സ​ന്‍റെ (19 പ​ന്തി​ൽ 42 നോ‌ട്ടൗട്ട്) ക​ട​ന്നാ​ക്ര​മ​ണ​മാ​ണ് സ​ണ്‍​റൈ​സേ​ഴ്സി​ന്‍റെ സ്കോ​ർ 200 ക​ട​ത്തി​യ​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.