കടുവകളുടെ അമ്മയായ ഗോള്‍ഡന്‍ റിട്രീവര്‍; സ്‌നേഹത്തിന്‍റെ കഥ

കടുവകള്‍ എത്ര ശക്തരാണെന്ന് അറിയാമല്ലൊ. സിംഹങ്ങളെ എതിര്‍ത്തുനില്‍ക്കാന്‍ കഴിയുന്ന ഇവ കെങ്കേമന്‍മാര്‍ തന്നെയാണ്. അപ്പോള്‍ ഒരു നായയും കടുവയും തമ്മില്‍ കണ്ടുമുട്ടിയാല്‍ എന്തായിരിക്കും സംഭവിക്കുക.

"നായ തീര്‍ന്നു എന്നാകും' ഒട്ടുമിക്കവരും കരുതുക. എന്നാല്‍ യുഎസിലെ കന്‍സസിലുള്ള ഒരു ഗ്രാമീണ മൃഗശാല നമ്മള്‍ എത്തുമ്പോള്‍ കാഴ്ച വിഭിന്നമാണ്. അവിടെ "ഘാടാഘടിയന്‍മാരായ' കടുവകള്‍ ഒരു പെണ്‍ നായയ്ക്ക് മുന്നില്‍ അനുസരണയുള്ളവരായി നില്‍ക്കുന്നതായി കാണാം.

അവര്‍ വളരെ സ്‌നേഹത്തോടെ മാത്രമാണ് ആ നായയ്ക്ക് അടുത്തെത്തുക. ഇസബെല്ല എന്നാണ് ഈ നായയുടെ പേര്. അതൊരു ഗോള്‍ഡന്‍ റിട്രീവര്‍ ഇനത്തിലെ നായയാണ്.

കടുവകളുടെ ഈ സ്‌നേഹത്തിന് പിന്നിലൊരു കഥയുണ്ട്. ഈ കടുവക്കുഞ്ഞുങ്ങള്‍ ജനിച്ചയുടനെ അവയുടെ തള്ള ചത്തുപോയിരുന്നു. പൊടിക്കുഞ്ഞുങ്ങളായ ഇവയെ എങ്ങനെ വളര്‍ത്തും എന്ന ചിന്ത അധികൃതര്‍ക്കുണ്ടായിരുന്നു.

അങ്ങനെ അവര്‍ അതിനൊരു പോംവഴി കണ്ടെത്തി. അവര്‍ ഒരു മാസം മാത്രം പ്രായമുള്ളപ്പോള്‍ ഈ മൂന്ന് കടുവാക്കുഞ്ഞുങ്ങളെ കന്‍സസിലുള്ള മൃഗശാലയിലെത്തിച്ചു. അവിടെയുണ്ടായിരുന്ന ഇസബെല്ല ഈ കടുവാക്കുട്ടികള്‍ക്ക് അമ്മയായി മാറി. അത് കടുവക്കുഞ്ഞുങ്ങള്‍ക്ക് പാല് നല്‍കി. മാത്രമല്ല പരിചരണവും നല്‍കി.

കുഞ്ഞുങ്ങള്‍ ഇസബെല്ലയ്‌ക്കൊപ്പം കളിച്ചുവളര്‍ന്നു. കാലം മുന്നോട്ടുചെന്നപ്പോള്‍ കടുവ വളര്‍ന്ന് നായയേക്കാള്‍ ശക്തനായി മാറി. എന്നാല്‍ മാതൃബന്ധം ശക്തമാണല്ലൊ. ഇപ്പോഴും തങ്ങളുടെ വളര്‍ത്തമ്മയായ ഇസബെല്ലയോടുള്ള സ്‌നേഹത്തില്‍ യാതൊരു കുറവും വരുത്താതെ അവര്‍ ഈ നായയ്ക്ക് അടുത്തുതന്നെയുണ്ട്. ഇവരുടെ സ്‌നേഹം സമൂഹ മാധ്യമങ്ങളുടെയും മനം കവര്‍ന്നിരിക്കുകയാണ്.

View this post on Instagram

A post shared by Quello che non sapevi (@quello_che_non_sapevi_channel)