പുതിയ കോളജുകൾക്ക് അപേക്ഷ; വിജ്ഞാപനം പിൻവലിച്ചു
201718 അധ്യയനവർഷം പുതിയ കോളജുകൾ ആരംഭിക്കുന്നതിനും നിലവിലുള്ള കോളജുകളിൽ പുതിയ കോഴ്സുകൾ ആരംഭിക്കുന്നതിനും അപേക്ഷ ക്ഷണിച്ചു കണ്ണൂർ സർവകലാശാല കഴിഞ്ഞ ജനുവരി 28 ന് ഇറക്കിയ വിജ്ഞാപനം പിൻവലിച്ചതായി സർവകലാശാല അധികൃതർ അറിയിച്ചു.
നാഷണൽ യംഗ് ലീഡേഴ്സ് അവാർഡിനുള്ള അപേക്ഷ ക്ഷണിച്ചു
കണ്ണൂർ സർവകലാശാലയുടെ കീഴിലുള്ള എൻഎസ്എസ് യൂണിറ്റുകളിൽ നിന്നും നാഷണൽ യംഗ് ലീഡേഴ്സ് അവാർഡിനുള്ള അപേക്ഷ ക്ഷണിച്ചു. 201516 വർഷത്തിൽ സാധാരണയായുള്ള 120 മണിക്കൂർ 'റഗുലർ ആക്ടിവിറ്റീസ്' കൂടാതെ 100 മണിക്കൂറിൽ കൂടുതൽ ശ്രമദാന പ്രവർത്തനങ്ങൾ നടത്തിയ യൂണിറ്റുകൾക്ക് അപേക്ഷിക്കാം. ഇതുസംബന്ധിച്ച ഓഫീസ് രേഖകൾ, ചിത്രങ്ങൾ, സാക്ഷ്യപത്രങ്ങൾ എന്നിവ ഉൾക്കൊള്ളുന്ന അപേക്ഷ പ്രിൻസിപ്പൽ സാക്ഷ്യപ്പെടുത്തി 20ന് മുന്പായി എൻഎസ്എസ് പ്രോഗ്രാം കോഓർഡിനേറ്റർക്ക് സമർപ്പിക്കണം.