ബിടെക് പരീക്ഷാ കേന്ദ്രത്തിൽ മാറ്റം
27ന് ആരംഭിക്കുന്ന എട്ടാം സെമസ്റ്റർ ബിടെക് (2008 സ്കീം) പരീക്ഷയ്ക്കും മാർച്ച് ഒന്നിന് ആരംഭിക്കുന്ന ഒന്ന്, രണ്ട് സെമസ്റ്റർ ബിടെക് (2013 സ്കീം) പരീക്ഷയ്ക്കും ഓയൂർ ട്രാവൻകൂർ എൻജിനിയറിംഗ് കോളജ് പരീക്ഷാ കേന്ദ്രമായി അപേക്ഷിച്ചവർ കൊല്ലം വടക്കേവിള യൂനുസ് കോളജ് ഓഫ് എൻജിനിയറിംഗ് ആൻഡ് ടെക്നോളജിയിൽ പരീക്ഷയെഴുതണം. ഹാൾടിക്കറ്റ് വടക്കേവിള യൂനുസ് കോളജിൽ നിന്നും തിരിച്ചറിയൽ രേഖയുമായി വന്ന് കൈപ്പറ്റണം.
പ്രോജക്ട് ഫെലോ ഒഴിവ്
കാര്യവട്ടം സുവോളജി പഠനവകുപ്പിൽ പ്രോജക്ട് ഫെലോ ഒഴിവുകളിലേക്ക് താത്കാലിക നിയമനത്തിന് അപേക്ഷ ക്ഷണിച്ചു. അപേക്ഷ സമർപ്പിക്കേണ്ട അവസാന തീയതി മാർച്ച് 10. വിശദവിവരങ്ങൾ വെബ്സൈറ്റിൽ (www.keralauniverstiy.ac.in) Job Notificatiosn എന്ന ലിങ്കിൽ ലഭിക്കും.
ഗ്ലോബൽ ഇനിഷ്യേറ്റീവ് അക്കാഡമിക് നെറ്റ് വർക്സ്
കാര്യവട്ടം സുവോളജി പഠന വകുപ്പിന്റെ ആഭിമുഖ്യത്തിൽ എംഎച്ച്ആർഡിയുടെ കോഴ്സ് 27 മുതൽ മാർച്ച് നാലുവരെ കാര്യവട്ടം എസ്ഐസിസിയിൽ നടത്തും. 27നു രാവിലെ 10ന് പ്രൊവൈസ് ചാൻസിലർ ഡോ. എൻ. വീരമണികണ്ഠൻ ഉദ്ഘാടനം ചെയ്യും.
മാർക്ക് ലിസ്റ്റ് കൈപ്പറ്റണം
വിദൂരവിദ്യാഭ്യാസ വിഭാഗം ജൂലൈ/ഓഗസ്റ്റിൽ നടത്തിയ എംഎ ഹിന്ദി പ്രീവിയസ്, ഫൈനൽ (റഗുലർ/ റീ അപിയറൻസ്) പരീക്ഷകളുടെ മാർക്ക് ലിസ്റ്റുകൾ 27, മാർച്ച് ഒന്ന്, രണ്ട് തീയതികളിൽ പാളയം എസ്ഡിഇ ഓഫീസിൽ നിന്നും ഹാൾടിക്കറ്റും ഡിഗ്രി സർട്ടിഫിക്കറ്റിന്റെ പകർപ്പും സഹിതം വന്ന് കൈപ്പറ്റണം.
എംഎ റഷ്യൻ ടൈംടേബിൾ
മാർച്ച് 15ന് ആരംഭിക്കുന്ന ഫൈനൽ എംഎ റഷ്യൻ (പാർട്ട് ടൈം), മാർച്ച് 27ന് ആരംഭിക്കുന്ന പ്രീവിയസ് എംഎ റഷ്യൻ (പാർട്ട് ടൈം സപ്ലിമെന്ററി) പരീക്ഷകളുടെ ടൈംടേബിൾ വെബ്സൈറ്റിൽ ലഭിക്കും.
ബിഎച്ച്എം പ്രാക്ടിക്കൽ
ഫെബ്രുവരിയിൽ നടത്തിയ അഞ്ചാം സെമസ്റ്റർ ബാച്ചിലർ ഓഫ് ഹോട്ടൽ മാനേജ്മെന്റ് ആൻഡ് കാറ്ററിംഗ് ടെക്നോളജി(2006, 2011 & 2014 സ്കീം) പരീക്ഷയുടെ പ്രാക്ടിക്കൽ പരീക്ഷ 28 മുതൽ അതത് കേന്ദ്രങ്ങളിൽ നടത്തും. ടൈംടേബിൾ വെബ്സൈറ്റിൽ ലഭിക്കും.
ബികോം പ്രാക്ടിക്കൽ
കരിയർ റിലേറ്റഡ് അഞ്ചാം സെമസ്റ്റർ ബികോം കോമേഴ്സ് വിത്ത് കംപ്യൂട്ടർ ആപ്ലിക്കേഷൻസ് (138 (2ബി)) പ്രാക്ടിക്കൽ പരീക്ഷ മാർച്ച് എട്ട്, ഒന്പത്, 10 തീയതികളിൽ അതത് കേന്ദ്രങ്ങളിൽ നടത്തും.
ബികോം സൂക്ഷ്മപരിശോധന
ജൂണിൽ നടത്തിയ നാലാം സെമസ്റ്റർ ബികോം പരീക്ഷയുടെ സൂക്ഷ്മപരിശോധനയ്ക്ക് ഓണ്ലൈനായും ഓഫ്ലൈനായും അപേക്ഷിച്ചവർ ഹാൾടിക്കറ്റും ഫോട്ടോ പതിച്ച തിരിച്ചറിയൽ രേഖയുമായി 27 മുതൽ മാർച്ച് ഒന്പതുവരെയുള്ള പ്രവൃത്തി ദിനങ്ങളിൽ ഉച്ചകഴിഞ്ഞ് മൂന്നുമുതൽ അഞ്ച് വരെയുള്ള സമയങ്ങളിൽ ഇ.ജെ2 സെക്ഷനിൽ എത്തിച്ചേരണം.