ബിഎ അഫ്സൽ ഉൽ ഉലമ പരീക്ഷ
ഏപ്രിൽ മൂന്നിനു തുടങ്ങുന്ന അവസാന വർഷ ബിഎ (ആന്വൽ)/ ബിഎ അഫ്സൽ ഉൽഉലമ പാർട്ട് മൂന്ന് പരീക്ഷയുടെ വിജ്ഞാപനം പ്രസിദ്ധീകരിച്ചു. അവസാന വർഷ റഗുലർ (പ്രൈവറ്റ്/ഡിസ്റ്റൻസ്) വിദ്യാർഥികൾ മാർച്ച് ഏഴു മുതൽ ഫീസടച്ച് ഓണ്‍ലൈനായി അപേക്ഷിക്കാം. മറ്റുള്ള സപ്ലിമെന്‍ററി വിദ്യാർഥികൾക്ക് ഇന്നു മുതൽ നിർദിഷ്ട അപേക്ഷാ ഫോമിൽ ഫീസടച്ച് ഓഫ്‌ലൈനായി അപേക്ഷിക്കാം. സർവകലാശാല പരിധിക്കുള്ളിലെ കോളജുകൾ പരീക്ഷാകേന്ദ്രങ്ങളായി തെരഞ്ഞെടുക്കണം. എല്ലാ വിദ്യാർഥികൾക്കും 13വരെ (50 രൂപ പിഴയോടെ മാർച്ച് 16, 250 രൂപ പിഴയോടെ മാർച്ച് 20) അപേക്ഷിക്കാം. 2016 ഒക്ടോബർ/ നവംബറിൽ പാർട്ട് മൂന്ന് സപ്ലിമെന്‍ററി പരീക്ഷയെഴുതി ഫലം പ്രതീക്ഷിക്കുന്നവർക്കു മാത്രമായി ഫീസടച്ച് അപേക്ഷിക്കാൻ അവസരം നൽകും. വിശദവിവരങ്ങൾ വെബ്സൈറ്റിൽ.
ലൈബ്രറി സയൻസ്: സീറ്റൊഴിവ്
തുടർവിദ്യാഭ്യാസ വ്യാപന കേന്ദ്രം ഫെബ്രുവരി 18ന് ആരംഭിച്ച സർട്ടിഫിക്കറ്റ് ഇൻ ലൈബ്രറി ആൻഡ് ഇൻഫർമേഷൻ സയൻസ് കോഴ്സിന് ഏതാനും സീറ്റ് ഒഴിവുണ്ട്. ഫീസ് 7,500 രൂപ. കാലാവധി ആറ് മാസം. യോഗ്യത പ്ലസ്ടു/ പ്രീഡിഗ്രി ജയം. താത്പര്യമുള്ളവർ അസൽ സർട്ടിഫിക്കറ്റുകളുമായി പിഎംജിയിലുള്ള തുടർ വിദ്യാഭ്യാസ വ്യാപന കേന്ദ്രവുമായി ബന്ധപ്പെടുക. ഫോണ് : 04712302523.
എംഎഎസ്എൽപി ഫലം
ഓഗസ്റ്റിലെ രണ്ടാം സെമസ്റ്റർ എംഎഎസ്എൽപി (സിബിസിഎസ്എസ് ആൻഡ് പഴയ സ്കീം) പരീക്ഷയുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്ക് മാർച്ച് 17 വരെ അപേക്ഷിക്കാം.
ബിഎ ഓണേഴ്സ് ഇൻ ഇംഗ്ലീഷ് ഫലം
ജൂലൈയിലെ രണ്ടാം സെമസ്റ്റർ ബിഎ ഓണേഴ്സ് ഇൻ ഇംഗ്ലീഷ് ലാംഗ്വേജ് ആൻഡ് ലിറ്ററേച്ചർ പരീക്ഷാഫലം വെബ്സൈറ്റിൽ.
ടൈംടേബിൾ
ഏപ്രിൽ മൂന്നിനു തുടങ്ങുന്ന അവസാന വർഷ ബിഎസ്‌സി (ആന്വൽ സ്കീം) മാത്തമറ്റിക്സ് മെയിൻ പരീക്ഷയുടെ ടൈംടേബിൾ വെബ്സൈറ്റിൽ.
ബിപിഎ പരീക്ഷ
ബിപിഎ (ആന്വൽ സ്കീം 2007, 2008, 2009 അഡ്മിഷൻ) മേഴ്സിചാൻസ് വിദ്യാർഥികൾക്ക് എട്ടുവരെ (50 രൂപ പിഴയോടെ മാർച്ച് 13, 250 രൂപ പിഴയോടെ മാർച്ച് 15) ഫീസടയ്ക്കാം. മേഴ്സിചാൻസ് വിദ്യാർഥികൾ 5200 രൂപ അധികം അടയ്ക്കണം. വിശദവിവരങ്ങൾ വെബ്സൈറ്റിൽ.
ബിസിഎ പ്രാക്ടിക്കൽ
ജനുവരിയിലെ കരിയർ റിലേറ്റഡ് മൂന്നാം സെമസ്റ്റർ ബിസിഎ (റഗുലർ ആൻഡ് സപ്ലിമെന്‍ററി) പരീക്ഷയുടെ പ്രാക്ടിക്കൽ പരീക്ഷകൾ എട്ടിന് ആരംഭിക്കും. വിശദവിവരങ്ങൾ വെബ്സൈറ്റിൽ.
എംഎഡ് ടൈംടേബിൾ
20ന് തുടങ്ങുന്ന രണ്ടാം സെമസ്റ്റർ എംഎഡ് (നോണ് സിഎസ്എസ് ദ്വിവത്സര പ്രോഗ്രാം 2015 സ്കീം റഗുലർ ആൻഡ് സപ്ലിമെന്‍ററി) പരീക്ഷ 22ന് ആരംഭിക്കും. ടൈംടേബിൾ വെബ്സൈറ്റിൽ.
ലക്ചറർ: അപേക്ഷ ക്ഷണിച്ചു
വിദൂരവിദ്യാഭ്യാസ വിഭാഗത്തിൽ കരാറടിസ്ഥാനത്തിൽ ലക്ചറർ (മാത്തമാറ്റിക്സ്) നിയമനത്തിന് അപേക്ഷ ക്ഷണിച്ചു. അവസാന തീയതി 15. വിശദവിവരങ്ങൾ വെബ്സൈറ്റിൽ.
ഡിഗ്രി പരീക്ഷ
ഏപ്രിൽ 17നു തുടങ്ങുന്ന ആറാം സെമസ്റ്റർ ബിഎ/ബികോം/ബിഎസ്‌സി (സിബിസിഎസ് ആൻഡ് കരിയർ റിലേറ്റഡ് ഉൾപ്പെടെ) (2014 െ റഗുലർ, 2011, 2012, 2013 സപ്ലിമെന്‍ററി) പരീക്ഷകൾക്ക് 10വരെ (50 രൂപ പിഴയോടെ മാർച്ച് 16, 250 രൂപ പിഴയോടെ മാർച്ച് 22) അപേക്ഷിക്കാം. വിശദവിവരങ്ങൾ വെബ്സൈറ്റിൽ.