ഡിസിഎ, സിസിഎ പ്രവേശനം
തുടർ വിദ്യാഭ്യാസ വ്യാപന കേന്ദ്രത്തിന്‍റെ പിരപ്പൻകോട് യുഐടി യൂണിറ്റിൽ ആറു മാസം ദൈർഘ്യമുള്ള ഡിപ്ലോമ ഇൻ കംപ്യൂട്ടർ ആപ്ലിക്കേഷൻ (ഡിസിഎ) കോഴ്സിനും മൂന്നു മാസം ദൈർഘ്യമുള്ള കംപ്യൂട്ടറൈസ്ഡ് അക്കൗണ്ടിംഗ് കോഴ്സിനും അപേക്ഷ ക്ഷണിച്ചു. അടിസ്ഥാന യോഗ്യത പ്ലസ്ടു. പ്രായപരിധിയില്ല. അപേക്ഷാഫോം 100 രൂപയ്ക്ക് യു ഐടി ഓഫീസിൽ നിന്നു ലഭിക്കും. പൂരിപ്പിച്ച അപേക്ഷ ലഭിക്കേണ്ട അവസാന തിയതി 22. ഫോണ്: 0472 2583 864, 9447182983
അപേക്ഷ ക്ഷണിച്ചു
തുടർ വിദ്യാഭ്യാസ വ്യാപന കേന്ദ്രം കൊല്ലം ടികെഎം ആർട്സ് ആൻഡ് സയൻസ് കോളജിൽ ആരംഭിക്കുന്ന സർട്ടിഫിക്കറ്റ് ഇൻ ലൈബ്രറി ആൻഡ് ഇൻഫർമേഷൻ സയൻസ് കോഴ്സിന് അപേക്ഷ ക്ഷണിച്ചു.യോഗ്യത പ്ലസ്ടു. ഫീസ് 7500 രൂപ. കാലാവധി ആറു മാസം. ക്ലാസുകൾ ശനി, ഞായർ ദിവസങ്ങളിൽ. താത്പര്യമുള്ളവർ അപേക്ഷാ ഫോം കോളജ് ഓഫീസിൽ നിന്നു വാങ്ങി യോഗ്യത തെളിയിക്കുന്ന സർട്ടിഫിക്കറ്റുകളുടെ പകർപ്പ് സഹിതം കോളജിൽ നൽകണം. അപേക്ഷ സ്വീകരിക്കുന്ന അവസാന തീയതി 15. ഫോണ് : 04742712240.
ബികോം സൂക്ഷ്മപരിശോധന
2016 ഡിസംബർ 29ന് പ്രസിദ്ധീകരിച്ച ഒന്നും രണ്ടും വർഷ ബികോം (ആനുവൽ സ്കീം) പരീക്ഷയുടെ പുനർമൂല്യനിർണയത്തിനും സൂക്ഷ്മപരിശോധനയ്ക്കും അപേക്ഷിക്കാനുള്ള അവസാന തീയതി മാർച്ച് ഒന്പതുവരെ നീട്ടി. പ്രൈവറ്റ് രജിസ്ട്രേഷൻ മെമ്മോ ലഭിക്കാത്ത ഒന്നാം വർഷ വിദ്യാർഥികൾക്കു കരട് മാർക്ക് ലിസ്റ്റ് വെബ്സൈറ്റിൽ നിന്നു ലഭിക്കും.
ബിഎസ്‌സി കംപ്യൂട്ടർ സയൻസ് ഫലം
ജൂലൈയിൽ നടത്തിയ രണ്ടാം സെമസ്റ്റർ ബിഎസ്‌സി കംപ്യൂട്ടർ സയൻസ് (റീ സ്ട്രക്ചേർഡ്) പരീക്ഷാഫലം വെബ് സൈറ്റിൽ ലഭിക്കും.
ബിഎ ടൈംടേബിൾ
ഏപ്രിൽ മൂന്നിന് ആരംഭിക്കുന്ന അവസാന വർഷ ബിഎ (ആനുവൽ സ്കീം) /ബിഎ അഫ്സൽ ഉൽഉലമ പരീക്ഷകളുടെ ടൈംടേബിൾ വെബ്സൈറ്റിൽ ലഭിക്കും.
പുന:പരിശോധന തീയതി നീട്ടി
2016 ഏപ്രിലിൽ നടത്തിയ ഒന്നാം വർഷ ബിഎ (ആനുവൽ സ്കീം) പരീക്ഷയുടെ പുന:പരിശോധനയ്ക്ക് അപേക്ഷിക്കാനുള്ള അവസാന തീയതി പത്തുവരെ നീട്ടി.
ബിപിഎ ഡാൻസ് പ്രാക്ടിക്കൽ
ജനുവരിയിൽ നടത്തിയ മൂന്നാം സെമസ്റ്റർ ബിപിഎ ഡാൻസ് (കരിയർ റിലേറ്റഡ് സിബിസിഎസ്എസ്) പരീക്ഷയുടെ പ്രാക്ടിക്കൽ പരീക്ഷകൾ എട്ടു മുതൽ ഒന്പതുവരെ ശ്രീ സ്വാതിതിരുനാൾ സംഗീത കോളജിൽ നടക്കും. ടൈംടേബിൾ വെബ്സൈറ്റിൽ ലഭിക്കും.
ട്രാവൻകൂർ എൻജിനിയറിംഗ് കോളജ്: കോളജ് മാറ്റം
ട്രാവൻകൂർ എൻജിനിയറിംഗ് കോളജിൽ ക്ലാസുകൾ നടക്കുന്നില്ലായെന്ന വിദ്യാർഥികളുടെ പരാതി കണക്കിലെടുത്ത് അവിടുത്തെ ആറും എട്ടും സെമസ്റ്റർ വിദ്യാർഥികളെ സമീപ പ്രദേശങ്ങളിലെ അവരാവശ്യപ്പെടുന്ന സ്വാശ്രയ കോളജിലെ ഒഴിവുള്ള സീറ്റുകളിലേക്ക് മാറ്റുന്നതിനായി സർവകലാശാല തീരുമാനിച്ചു. അതിനാൽ വിദ്യാർഥികൾ മാറ്റം ആവശ്യപ്പെടുന്ന കോളജിലെ പ്രിൻസിപ്പലിന്‍റെ ശിപാർശയോടെ എട്ടിനു മുന്പായി അപേക്ഷ സമർപ്പിക്കണം.
പ്രൈവറ്റ് രജിസ്ട്രേഷൻ തീയതി നീട്ടി
20162018 വർഷത്തേക്കുള്ള എംഎ/എംകോം വാർഷിക കോഴ്സുകളുടെ പ്രൈവറ്റ് രജിസ്ട്രേഷനു വേണ്ടിയുള്ള അപേക്ഷകൾ സ്വീകരിക്കുന്ന അവസാന തീയതി ( രജിസ്ട്രേഷൻ ഫീസിന് പുറമേ 1000 രൂപ പിഴയോട് കൂടി) എട്ടുവരെ നീട്ടി.
ബിടെക് പരീക്ഷ തീയതി മാറ്റം
17ന് നടത്തേണ്ട കന്പയിൻഡ് ഒന്ന്, രണ്ട് സെമസ്റ്റർ ബിടെക് (2013 സ്കീം) പരീക്ഷയുടെ ഫണ്ടമെന്‍റൽസ് ഓഫ് ഇലക്‌ട്രിക്കൽ എൻജിനിയറിംഗ് എന്ന പേപ്പർ 22ലേക്ക് മാറ്റി. സമയം രാവിലെ 9.30 മുതൽ 12.30 വരെ.
ബിടെക് (2008 സ്കീം) ടൈംടേബിൾ
മാർച്ച്/ഏപ്രിലിൽ നടത്തുന്ന കന്പയിൻഡ് ഒന്ന്, രണ്ട് സെമസ്റ്റർ ബിടെക് (2008 സ്കീം) സപ്ലിമെന്‍ററി പരീക്ഷയുടെ ടൈംടേബിൾ വെബ്സൈറ്റിൽ ലഭിക്കും