വിവിധ പഠന വകുപ്പുകളിലേക്ക് പി.ജി. അഡ്മിഷനായുള്ള പ്രവേശന പരീക്ഷയ്ക്ക് ഓണ്ലൈനായി അപേക്ഷ ക്ഷണിച്ചു. വിശദവിവരങ്ങൾ വെബ്സൈറ്റിൽ ലഭിക്കും.
ബിടെക് പരീക്ഷ
2017 ഏപ്രിലിൽ നടക്കുന്ന നാലാം സെമസ്റ്റർ ബിടെക് (2008 സ്കീം) സപ്ലിമെന്ററി പരീക്ഷയ്ക്ക് 17 വരെ (50 രൂപ പിഴയോടെ മാർച്ച് 20, 250 രൂപ പിഴയോടെ മാർച്ച് 22) ഫീസടച്ച് ഓണ്ലൈനായി അപേക്ഷിക്കാം.
ട്രാൻസിറ്റ്/മേഴ്സി ചാൻസ് ആയി പരീക്ഷ എഴുതുന്നവർ സർവകലാശാലയിൽ നേരിട്ട് അപേക്ഷിക്കണം. 2017 ഏപ്രിലിൽ നടക്കുന്ന ആറാം സെമസ്റ്റർ ബിടെക് (2013 സ്കീം) ഇംപ്രൂവ്മെന്റ്/സപ്ലിമെന്ററി പരീക്ഷയ്ക്ക് പിഴകൂടാതെ 17വരെ (50 രൂപ പിഴയോടെ മാർച്ച് 20, 250 രൂപ പിഴയോടെ മാർച്ച് 22) ഫീസടച്ച് ഓണ്ലൈനായി അപേക്ഷിക്കാം. സെഷൻ ഇംപ്രൂവ്മെന്റ് ആയി പരീക്ഷ എഴുതുന്നവർ സർവകലാശാലയിൽ നേരിട്ട് അപേക്ഷിക്കണം. വിശദവിവരങ്ങൾ സർവകലാശാല വെബ്സൈറ്റിൽ ലഭിക്കും
എംഎ/എംഎസ്സി മേഴ്സി ചാൻസ് പരീക്ഷ
എംഎ/എംഎസ്സി (സെമസ്റ്റർ രീതി) കോഴ്സുകൾക്ക് സ്കീമോ പ്രവേശന വർഷമോ ഭേദമന്യേ മേഴ്സി ചാൻസ് പരീക്ഷകൾ നിബന്ധനകൾക്ക് വിധേയമായി അനുവദിച്ചു. അതിനായി വെള്ള പേപ്പറിൽ തയാറാക്കിയ അപേക്ഷ സർവകലാശാല പരീക്ഷ കണ്ട്രോളർക്ക് 28നു മുന്പായി സമർപ്പിക്കണം. ഇതോടൊപ്പം പരീക്ഷ ഫീസ് അടക്കേണ്ടതില്ല. ഒരു പരീക്ഷയ്ക്ക് കുറഞ്ഞത് മൂന്ന് അപേക്ഷകൾ ലഭിക്കുന്നപക്ഷം അതിലേക്ക് പരീക്ഷ നടത്തിപ്പിനുളള വിജ്ഞാപനം പുറപ്പെടുവിക്കും.
എൽഎൽബി പരീക്ഷ
(ആനുവൽ സ്കീം) മേഴ്സി ചാൻസ് (1998ന് മുന്പുള്ളതും 1998 അഡ്മിഷനും) ഒന്നാം വർഷം(ത്രിവത്സരം), മൂന്നാം വർഷം(പഞ്ചവത്സര) എൽഎൽബി ഡിഗ്രി പരീക്ഷകൾ ഏപ്രിൽ മൂന്നിന് ആരംഭിക്കും. പരീക്ഷകേന്ദ്രം ഗവണ്മെന്റ് ലോ കോളജ് മാത്രമായിരിക്കും. വിശദവിവരങ്ങൾ വെബ്സൈറ്റിൽ ലഭിക്കും.
ബിഎ മ്യൂസിക് പ്രാക്ടിക്കൽ പരീക്ഷ
മൂന്നാം സെമസ്റ്റർ ബിഎ മ്യൂസിക് പ്രാക്ടിക്കൽ പരീക്ഷ 13, 14 തീയതികളിൽ കൊല്ലം ശ്രീ നാരായണ വനിത കോളജിലും 15, 16 തീയതികളിൽ തിരുവനന്തപുരം ഗവ.വിമൻസ് കോളജിലും മാർച്ച് 15, 16 തീയതികളിൽ നീറമണ്കര എൻ.എസ്.എസ് വനിത കോളജിലും 9.30 മുതൽ 4.30 വരെ നടക്കും. വിശദവിവരങ്ങൾ വെബ്സൈറ്റിൽ ലഭിക്കും
ബികോം പ്രാക്ടിക്കൽ
2016 ഡിസംബറിൽ നടത്തിയ മൂന്നാം സെമസ്റ്റർ സിബിഎസ്എസ് ബികോം പരീക്ഷയുടെ പ്രാക്ടിക്കൽ പരീക്ഷ 13, 15, 17 തീയതികളിൽ അതാത് കോളജുകളിൽ നടക്കും. ടൈംടേബിൾ വെബ്സൈറ്റിൽ ലഭിക്കും.
കരിക്കുലം ഫെയർ
15, 16 തീയതികളിൽ സർവകലാശാല സെനറ്റ് ഹാളിൽ കരിക്കുലം ഫെയർ സംഘടിപ്പിക്കുന്നു. പ്രസ്തുത ഫെയറിൽ ഉന്നത വിദ്യാഭ്യാസ രംഗത്തെ അധ്യാപകർക്ക് പാഠ്യപദ്ധതിയിൽ ആവിഷ്കരിച്ചിട്ടുള്ള നൂതന ആശയങ്ങൾ പോസ്റ്റർ മാധ്യമത്തിൽ അവതരിപ്പിക്കാം. വിശദവിവരങ്ങൾ വെബ്സൈറ്റിൽ ലഭിക്കും. ഫോണ്: 9447043489.
എൽഎൽബി ത്രിവത്സര യൂണിറ്ററി പരീക്ഷ
എൽഎൽബി ത്രിവത്സര യൂണിറ്ററി പരീക്ഷകൾ 27 മുതൽ ആരംഭിക്കും.
ഏഴ് മുതൽ ഓണ്ലൈൻ രജിസ്ട്രേഷൻ ചെയ്യാം. പരീക്ഷയ്ക്ക് 14വരെ (50 രൂപ പിഴയോടെ മാർച്ച് 16, 250 രൂപ പിഴയോടെ മാർച്ച് 18) ഫീസടച്ച് അപേക്ഷിക്കാം.
പിഎച്ച്ഡി പ്രവേശനപരീക്ഷ
പിഎച്ച്ഡി പ്രവേശനപരീക്ഷ ഏപ്രിൽ രണ്ടിന് രാവിലെ പത്തുമുതൽ ഒരു മണി വരെ തിരുവനന്തപുരം കോട്ടണ്ഹിൽ ഗവ.ഗേൾസ് ഹയർസെക്കൻഡറി സ്കൂളിൽ നടക്കും.