ബിടെക് സൂക്ഷ്മപരിശോധന
2016 ഏപ്രിലിൽ നടത്തിയ ആറാം സെമസ്റ്റർ ബിടെക് (2013 സ്കീം)പരീക്ഷയുടെ സൂക്ഷ്മപരിശോധനയ്ക്ക് ഓണ്‍ലൈനായി അപേക്ഷിച്ചവർ ഹാൾടിക്കറ്റും ഫോട്ടോ പതിച്ച തിരിച്ചറിയൽ രേഖയുമായി 16 മുതൽ 23 വരെയുള്ള പ്രവൃത്തി ദിനങ്ങളിൽ ഉച്ചകഴിഞ്ഞ് മൂന്നുമുതൽ അഞ്ചുവരെയുള്ള സമയങ്ങളിൽ പുനർമൂല്യനിർണയ വിഭാഗത്തിൽ ഹാജരാകണം.
ബിഎ സൂക്ഷ്മപരിശോധന
2016 ജൂണിൽ നടത്തിയ നാലാം സെമസ്റ്റർ ബിഎ പരീക്ഷയുടെ സൂക്ഷ്മപരിശോധനയ്ക്ക് ഓണ്‍ലൈനായും ഓഫ്‌ലൈനായും അപേക്ഷിച്ചവർ ഹാൾടിക്കറ്റും ഫോട്ടോ പതിച്ച തിരിച്ചറിയൽ രേഖയുമായി 17 മുതൽ 28 വരെയുള്ള പ്രവൃത്തി ദിനങ്ങളിൽ ഉച്ചകഴിഞ്ഞ് മൂന്നുമുതൽ അഞ്ചുവരെയുള്ള സമയങ്ങളിൽ ഇ.ജെ ഢ (പുനർമൂല്യനിർണയം) സെക്‌ഷനിൽ ഹാജരാകണം.
ബിഎഡ് പരീക്ഷ
ഏപ്രിൽ 21ന് നടത്തുന്ന രണ്ടാം സെമസ്റ്റർ ബിഎഡ് ഡിഗ്രി (ദ്വിവത്സര കോഴ്സ് 2015 സ്കീം റെഗുലർ ആൻഡ് സപ്ലിമെന്‍ററി) പരീക്ഷകൾക്ക് 16 മുതൽ ഓണ്‍ലൈനായി രജിസ്ട്രേഷൻ ചെയ്യാം. പിഴകൂടാതെ 23വരെ (50 രൂപ പിഴയോടെ മാർച്ച് 25, 250 രൂപ പിഴയോടെ മാർച്ച് 28) ഫീസടച്ച് അപേക്ഷിക്കാം.
ബിഎസ്‌സി നഴ്സിംഗ് ഫലം
2016 നവംബറിൽ നടത്തിയ ഒന്നാം വർഷ ബിഎസ്‌സി നഴ്സിംഗ് (സപ്ലിമെന്‍ററി) പരീക്ഷാഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമൂല്യനിർണയത്തിനും 31 വരെ അപേക്ഷിക്കാം.
ബിടെക് പരീക്ഷ
17ന് ആരംഭിക്കുന്ന ഒന്ന്, രണ്ട് സെമസ്റ്റർ ബിടെക്(2008 സ്കീം) പരീക്ഷക്ക് ഓയൂർ ട്രാവൻകൂർ എൻജിനിയറിംഗ് കോളജ് പരീക്ഷ കേന്ദ്രമായി അപേക്ഷിച്ച വിദ്യാർഥികൾ കൊല്ലം വടക്കേവിള യൂനുസ് കോളജ് ഓഫ് എൻജിനിയറിംഗ് ആൻഡ് ടെക്നോളജിയിൽ പരീക്ഷ എഴുതണം. തിരിച്ചറിയൽ രേഖയുമായി വന്ന് ഹാൾടിക്കറ്റുകൾ യൂനുസ് കോളജിൽ നിന്ന് കൈപ്പറ്റണം.