അധ്യാപകർ ഹാജരാകണം
ഏപ്രിലിൽ നടന്ന ആറാം സെമസ്റ്റർ സിബിസിഎസ് (ബിഎ/ബിഎസ്സി/ബികോം/കരിയർ റിലേറ്റഡ്) പരീക്ഷകളുടെ മൂല്യനിർണയത്തിന് നിയോഗിക്കപ്പെട്ട എല്ലാ അധ്യാപകരും താഴെ പറയുന്ന ദിവസങ്ങളിൽ അതാത് ക്യാന്പുകളിൽ ഹാജരാകണം. 17 ബികോം (ചീഫ് വാല്യുവേഷൻ ആൻഡ് സ്കീം ഡിസ്കഷൻ), 18 ബികോം (അഡീഷണൽ ആൻഡ് ചീഫ് വാല്യുവേഷൻ), 20 ബിഎ/ബിഎസ്സി (ചീഫ് വാല്യുവേഷൻ ആൻഡ് സ്കീം ഡിസ്കഷൻ), 22 ബിഎ/ബിഎസ്സി (അഡീഷണൽ ആൻഡ് ചീഫ് വാല്യുവേഷൻ), 24 കരിയർ റിലേറ്റഡ് കോഴ്സുകൾ (ചീഫ് വാല്യുവേഷൻ ആൻഡ് സ്കീം ഡിസ്കഷൻ), 25 കരിയർ റിലേറ്റഡ് കോഴ്സുകൾ (അഡീഷണൽ ആൻഡ് ചീഫ് വാല്യുവേഷൻ). മൂല്യനിർണയ കേന്ദ്രങ്ങൾതിരുവനന്തപുരം എംജി കോളജ് (ബിഎ/ബിഎസ്സി), ഗവ.വിമൻസ് കോളജ് (ബികോം). കൊല്ലം എസ്എൻ കോളജ് (ബിഎ/ബിഎസ്സി/ബികോം/ കരിയർ റിലേറ്റഡ്). പന്തളം എൻഎസ്എസ് കോളജ് (ബിഎ/ ബിഎസ്സി/ ബികോം/ കരിയർ റിലേറ്റഡ്). ആലപ്പുഴ എസ്.ഡി കോളജ് (ബിഎ/ ബിഎസ്സി/ ബികോം/ കരിയർ റിലേറ്റഡ്).
KMAT പരീക്ഷ
ജൂണ് 11ന് നടക്കുന്ന KMAT 2017 പരീക്ഷയ്ക്ക് ഓണ്ലൈൻ അപേക്ഷകൾ സ്വീകരിക്കുന്ന അവസാന തീയതി 31. കൂടുതൽ വിവരങ്ങൾക്ക് kmatkerala.in എന്ന വെബ്സൈറ്റ് സന്ദർശിക്കുക.
സർട്ടിഫിക്കറ്റ് വിതരണം
തുടർവിദ്യാഭ്യാസ വ്യാപന കേന്ദ്രം 2016 ജൂണിൽ നടത്തിയ പി.ജി.ഡിപ്ലോമ ഇൻ യോഗ തെറാപ്പി, 2016 ഏപ്രിലിൽ നടത്തിയ സർട്ടിഫിക്കറ്റ് ഇൻ ടിവി ന്യൂസ് റീഡിംഗ് ആൻഡ് കോന്പിയറിംഗ്, 2016 ഫെബ്രുവരിയിൽ നടത്തിയ പി.ജി.സർട്ടിഫിക്കറ്റ് ഇൻ ഫാമിലി കൗണ്സലിംഗ്, 2016 ഓഗസ്റ്റിൽ നടത്തിയ സർട്ടിഫിക്കറ്റ് ഇൻ യോഗ ആൻഡ് മെഡിറ്റേഷൻ എന്നീ കോഴ്സുകളുടെ സർട്ടിഫിക്കറ്റുകൾ 11 മുതൽ 31 വരെ പിഎംജിയിലെ സിഎസിഇഇ ഓഫീസിൽ നിന്നും ഹാൾടിക്കറ്റ് സഹിതം വന്ന് കൈപ്പറ്റണം.
ഇന്റേണൽ മാർക്ക് പ്രസിദ്ധീകരിച്ചു
തുടർവിദ്യാഭ്യാസ വ്യാപന കേന്ദ്രം നടത്തിയ ജനുവരി 201617 ബാച്ച് പി.ജി.ഡിപ്ലോമ ഇൻ കൗണ്സലിംഗ് സൈക്കോളജി കോഴ്സിന്റെ ഇന്റേണൽ മാർക്ക് പിഎംജിയിലെ സിഎസിഇഇ ഓഫീസിൽ പ്രസിദ്ധീകരിച്ചു. പരാതിയുള്ളവർ 17ന് മുന്പായി ഓഫീസിൽ ബന്ധപ്പെടുക.ഫോണ് : 04712302523.
യോഗ തെറാപ്പി കോഴ്സ് പരീക്ഷ
തുടർവിദ്യാഭ്യാസ വ്യാപന കേന്ദ്രം സംഘടിപ്പിച്ച പി.ജി ഡിപ്ലോമ ഇൻ യോഗ തെറാപ്പി കോഴ്സിന്റെ പരീക്ഷകൾ ജൂണ് ഏഴ്, ഒന്പത്, 12, 14, 16, 19, 21, 23, 26, 28 തീയതികളിൽ പിഎംജിയിലെ സിഎസിഇഇ ഓഫീസിൽ നടക്കും. പ്രോജക്ട് റിപ്പോർട്ട് സമർപ്പിക്കേണ്ട അവസാന തീയതി (ഫൈൻ ഇല്ലാതെ) 20 (100 രൂപ പിഴയോട്കൂടി മേയ് 25). ഫോണ് : 04712302523.
ബികോം ഫലം
ഒന്നാം സെമസ്റ്റർ ബികോം ടൂറിസം ആൻഡ് ട്രാവൽ മാനേജ്മെന്റ് ഓഗസ്റ്റ് 2016 (സപ്ലിമെന്ററി) 2013ന് മുന്പുള്ള അഡ്മിഷൻ, രണ്ടാം സെമസ്റ്റർ ബികോം ടാക്സ് പ്രൊസീജ്യർ ആൻഡ് പ്രാക്ടീസ് ജൂലൈ 2016 (സപ്ലിമെന്ററി), ഒന്നാം സെമസ്റ്റർ ബികോം കൊമേഴ്സ് ഹോട്ടൽ മാനേജ്മെന്റ് ആൻഡ് കാറ്ററിംഗ് 2013ന് മുന്പുള്ള അഡ്മിഷൻ ഓഗസ്റ്റ് 2016 എന്നീ പരീക്ഷകളുടെ ഫലം വെബ്സൈറ്റിൽ.
ബിഎസ്സി /ബിസിഎ ടൈംടേബിൾ
ജൂണ് 14ന് ആരംഭിക്കുന്ന അവസാന വർഷ ബിഎസ്സി കംപ്യൂട്ടർ സയൻസ്/ ബിസിഎ (ആന്വൽ സ്കീം) പഴയ സ്കീം (2013ന് മുന്പുള്ള അഡ്മിഷൻ) പുതിയ സ്കീം (2013 മുതലുള്ള അഡ്മിഷൻ) ടൈംടേബിൾ വെബ്സൈറ്റിൽ ലഭിക്കും.
ബിടെക് പരീക്ഷ
രണ്ടാം സെമസ്റ്റർ ബിടെക് (2013 സ്കീം പാർട്ട് ടൈം റീസ്ട്രക്ചേർഡ് സപ്ലിമെന്ററി) പരീക്ഷയ്ക്ക് 18വരെ (50 രൂപ പിഴയോടെ മെയ് 20, 125 രൂപ പിഴയോടെ കൂടി മെയ് 23) ഫീസടച്ച് ഓണ്ലൈനായി അപേക്ഷിക്കാം. വിശദ വിവരങ്ങൾ വെബ് സൈറ്റിൽ ലഭിക്കും.
സർട്ടിഫിക്കറ്റ് കോഴ്സ് ഇൻ സ്പോക്കണ് ഇംഗ്ലീഷ്
സെന്റർ ഫോർ ഇംഗ്ലീഷ് ലാംഗ്വേജ് ടീച്ചിംഗ് നടത്തിയ സർട്ടിഫിക്കറ്റ് കോഴ്സ് ഇൻ സ്പോക്കണ് ഇംഗ്ലീഷ് സ്കിൽ ഡവലപ്മെന്റ് കോഴ്സിന്റെ ഫലം വെബ്സൈറ്റിൽ ലഭിക്കും.
പി.ജി ആയുർവേദ പരീക്ഷ ഫലം
മാർച്ചിൽ നടത്തിയ ഫൈനൽ പി.ജി ആയുർവേദ പരീക്ഷയുടെ ഫലം വെബ്സൈറ്റിൽ ലഭിക്കും.