ബിരുദ പ്രവേശനം-2017: എസ്ഇബിസി വിഭാഗത്തിന്റെ പ്രവേശനം
ഈ വർഷത്തെ ഒന്നാം വർഷ ബിരുദ പ്രവേശനത്തിന് ക്ഷണിച്ച ഓണ്ലൈൻ അപേക്ഷയിൽ എസ്ഇബിസി വിഭാഗത്തിനുള്ള സംവരണത്തിന് വാർഷിക വരുമാനം ബാധകമാക്കിയിരുന്നു. എന്നാൽ ഇപ്പോൾ ഇതിനുള്ള മാനദണ്ഡം നോണ് ക്രിമിലെയർ സർട്ടിഫിക്കറ്റാണ്. ആറ് ലക്ഷം രൂപയിൽ കൂടുതൽ വാർഷിക വരുമാനം ഉണ്ടെന്ന കാരണത്താൽ ഓണ്ലൈൻ അപേക്ഷയിൽ എസ്ഇബിസി സംവരണം നൽകാൻ കഴിയാതിരുന്ന വിദ്യാർഥികൾക്ക് നോണ് ക്രിമിലെയർ സർട്ടിഫിക്കറ്റ് ബന്ധപ്പെട്ട അധികാരികളിൽ നിന്നും ലഭ്യമാകുന്ന പക്ഷം അഡ്മിഷൻ വെബ്സൈറ്റിൽ ലോഗിൻ ചെയ്ത ശേഷം അവരുടെ ഓണ്ലൈൻ അപേക്ഷയിൽ മാറ്റം വരുത്താവുന്നതാണ്. ഇങ്ങനെയുള്ള അപേക്ഷകർ തങ്ങളുടെ പ്രൊഫൈലിൽ നോണ് ക്രിമിലെയർ ആണോ/അല്ലയോ എന്ന് രേഖപ്പെടുത്തേണ്ടതാണ്. ആറ് ലക്ഷത്തിൽ താഴെ വാർഷിക വരുമാനം രേഖപ്പെടുത്തി ഇതിനകം അപേക്ഷ സമർപ്പിച്ചവർ തത്ക്കാലം അപേക്ഷയിൽ മാറ്റം വരുത്തേണ്ട തില്ല. എന്നാൽ എസ്ഇബിസി സംവരണ സീറ്റിൽ പ്രവേശനം അനുവദിക്കപ്പെടുന്ന എല്ലാവരും കോളജുകളിൽ പ്രവേശനത്തിനായി ഹാജരാകുന്പോൾ നോണ് ക്രിമിലെയർ സർട്ടിഫിക്കറ്റ് നിർബന്ധമായും ഹാജരാക്കേണ്ടതാണ്. ഇപ്രകാരം സർട്ടിഫിക്കറ്റ് ഹാജരാക്കാത്തവരുടെ സംവരണ സീറ്റിലുള്ള പ്രവേശനം നിഷേധിക്കപ്പെടുന്നതാണ്. ജനറൽ, എസ്സി, എസ്ടി വിഭാഗക്കാർക്ക് ഇത് ബാധകമല്ല. ഒഇസി വിഭാഗത്തിൽ അപേക്ഷിച്ചവർക്ക് ഒബിഎച്ച്/ ഒബിഎക്സ് സംവരണത്തിന് അർഹതയുണ്ടെ ങ്കിൽ അക്കാര്യവും ലോഗിൻ ചെയ്ത ശേഷം പ്രൊഫൈലിൽ മാറ്റേണ്ടതാണ്. പുതുതായി രജിസ്റ്റർ ചെയ്യുന്ന ജനറൽ/എസ്സി/എസ്ടി വിഭാഗത്തിൽ പെടുന്ന വിദ്യാർഥികൾക്ക് ക്രിമിലെയർ ഓപ്ഷൻ, നോണ് ക്രിമിലെയർ എന്നോ ക്രിമിലെയർ എന്നോ നൽകാവുന്നതാണ്. ഏത് ഓപ്ഷൻ സ്വീകരിച്ചാലും അവർക്ക് ലഭിക്കേണ്ട അലോട്ട്മെന്റിനെ ബാധിക്കുന്നതല്ല.
ഒന്നാം വർഷ ബിരുദ പ്രവേശനം 2017: കമ്മ്യൂണിറ്റി ക്വാട്ട
സർവകലാശാലയോട് അഫിലിയേറ്റ് ചെയ്തിട്ടുള്ള എയ്ഡഡ് കോളജുകളിൽ കമ്യൂണിറ്റി ക്വാട്ടയിൽ പ്രവേശനം ആഗ്രഹിക്കുന്ന എല്ലാ വിദ്യാർഥികളും ഏകജാലക സംവിധാനം വഴി സമർപ്പിച്ച അപേക്ഷയുടെ ഒരു പ്രിന്റൗട്ടും അനുബന്ധ രേഖകളും ബന്ധപ്പെട്ട കോളജുകളിൽ സമർപ്പിക്കണം. ഇത് ഓണ്ലൈൻ രജിസ്ട്രേഷൻ അവസാനിക്കുന്നതിന് മുൻപ് ചെയ്തിരിക്കണം. രജിസ്ട്രേഷൻ പുരോഗമിക്കുകയാണ്. അവസാന തീയതി പിന്നീട് അറിയിക്കുന്നതാണ്.
ഒന്നാം വർഷ ബിരുദ പ്രവേശനം 2017: പ്രിൻസിപ്പൽമാരുടെ യോഗം
ഒന്നാം വർഷ ബിരുദ പ്രവേശനവുമായി ബന്ധപ്പെട്ട് സർവകലാശാലയോട് അഫിലിയേറ്റ് ചെയ്തിട്ടുള്ള കോളജുകളിലെ പ്രിൻസിപ്പൽമാരുടേയും, അഡ്മിഷൻ കോഓർഡിനേറ്റർമാരുടേയും യോഗം ജൂൺ രണ്ടിന് സർവകലാശാല ആസ്ഥാനത്തുള്ള സെനറ്റ് ചേംബറിൽ നടത്തുന്നതാണ്. ഗവണ്മെന്റ്/എയ്ഡഡ് കോളജുകളുടേത് രാവിലെ 11 നും സ്വാശ്രയ/യുഐടി എന്നിവയുടേത് ഉച്ചകഴിഞ്ഞ് രണ്ടിനുമാണ് നടത്തുന്നത്.
ഒന്നാം വർഷ ബിരുദ പ്രവേശനം 2017:സ്പോർട്ട്സ് ക്വാട്ട
സർവകലാശാലയോട് അഫിലിയേറ്റ് ചെയ്തിട്ടുള്ള കോളജുകളിൽ സ്പോർട്ട്സ് ക്വാട്ടയിൽ പ്രവേശനം ആഗ്രഹിക്കുന്ന വിദ്യാർഥികൾ ഏകജാലക സംവിധാനം വഴി സമർപ്പിച്ച അപേക്ഷയുടെ പ്രിന്റൗട്ടും, സ്പോർട്ട്സിലെ നേട്ടങ്ങൾ തെളിയിക്കുന്ന രേഖകളുടെ സാക്ഷ്യപ്പെടുത്തിയ പകർപ്പുകളും സഹിതം ബന്ധപ്പെട്ട കോളജിൽ നൽകണം. സർവകലാശാലയിലേക്ക് അപേക്ഷകൾ അയക്കേണ്ട തില്ല. രജിസ്ട്രേഷന്റെ അവസാന തീയതിക്ക് മുൻപ് ഇത് ചെയ്യേണ്ടതാണ്. രജിസ്ട്രേഷൻ നടപടികൾ പുരോഗമിക്കുകയാണ്. അവസാന തീയതി പിന്നീട് അറിയിക്കും.
എംഎ എംഎസ്സി പരീക്ഷ ഫലം
സർവകലാശാല കഴിഞ്ഞ ഓഗസ്റ്റിൽ നടത്തിയ രണ്ട ാം സെമസ്റ്റർ എംഎ ഇക്കണോമിക്സ്, ഹിസ്റ്ററി, സംസ്കൃതം സ്പെഷൽ, സംസ്കൃതം ജനറൽ, ഇംഗ്ലീഷ്, എംഎസ്സി സൂവോളജി, മാത്തമാറ്റിക്സ്, ഹോംസയൻസ് പരീക്ഷകളുടെ ഫലം വെബ്സൈറ്റിൽ.
എഡിറ്റോറിയൽ അസിസ്റ്റന്റ് ഒഴിവ്
സർവകലാശാല കാര്യവട്ടം കമ്യൂണിക്കേഷൻ ആൻഡ് ജേർണലിസം പഠനവകുപ്പിലേക്ക് എഡിറ്റോറിയൽ അസിസ്റ്റന്റ് (ഒന്ന്) ഒഴിവിലേക്ക് താത്ക്കാലിക നിയമനത്തിന് അപേക്ഷ ക്ഷണിച്ചു. വിശദവിവരങ്ങൾ വെബ്സൈറ്റിൽ.
അസിസ്റ്റന്റ് ഫാം സൂപ്രണ്ട ് ഒഴിവ്
സർവകലാശാല കാര്യവട്ടം ബോട്ടണി പഠനവകുപ്പിലേക്ക് അസിസ്റ്റന്റ് ഫാം സൂപ്രണ്ട ് (ഒന്ന്) ഒഴിവിലേക്ക് താത്ക്കാലിക നിയമനത്തിന് അപേക്ഷ ക്ഷണിച്ചു. വിശദവിവരങ്ങൾ വെബ്സൈറ്റിൽ.
എംഎ റഷ്യൻ ലാംഗ്വേജ് ആൻഡ് ലിറ്ററേച്ചർ ഫലം
സർവകലാശാല ഏപ്രിലിൽ നടത്തിയ 201517 അധ്യയന വർഷത്തിലെ എംഎ റഷ്യൻ ലാംഗ്വേജ് ആന്ഡ് ലിറ്ററേച്ചർ പരീക്ഷാഫലം പ്രസിദ്ധീകരിച്ചു. സിമി മാഹിൻ, ആർ.എസ്. സ്വാതി ഭദ്രൻ എന്നീ വിദ്യാർഥികൾ ഒന്നാം റാങ്ക് കരസ്ഥമാക്കി.