വിദൂര വിദ്യാഭ്യാസ പഠന കേന്ദ്രം ജൂലൈ 18ാം മുതൽ നടത്തുന്ന നാലാം സെമസ്റ്റർ എംബിഎ പരീക്ഷയ്ക്ക് പിഴകൂടാതെ 15 വരെയും 50 രൂപ പിഴയോടെ 22 വരെയും 125 രൂപ സൂപ്പർ ഫൈനോട് കൂടി 26 വരെയും ഫീസടച്ച് അപേക്ഷിക്കാം. വിശദവിവരങ്ങൾ വെബ്സൈറ്റിൽ.
ബിഎ/ബിഎസ്സി/ബികോം പരീക്ഷ
നാലാം സെമസ്റ്റർ സിബിസിഎസ് ബിഎ/ബിഎസ്സി/ബികോം (2013, 2014 സപ്ലിമെന്ററി, 2015 റഗുലർ) പരീക്ഷകൾ ജൂലൈ 12ന് ആരംഭിക്കും. പരീക്ഷയ്ക്ക്പിഴകൂടാതെ 16വരെയും 50 രൂപ പിഴയോടെ 22 വരെയും 125 രൂപ സൂപ്പർ ഫൈനോട് കൂടി 27 വരെയും ഓണ്ലൈനായി ഫീസടച്ച് അപേക്ഷിക്കാം. വിശദവിവരങ്ങൾ വെബ്സൈറ്റിൽ.
ബികോം കംപ്യൂട്ടർ ആപ്ലിക്കേഷൻ പ്രാക്ടിക്കൽ
സർവകലാശാല നടത്തുന്ന ഒന്നും, രണ്ട ും, മൂന്നും വർഷത്തെ ബികോം കംപ്യൂട്ടർ ആപ്ലിക്കേഷൻ (ത്രീ മെയിൻ) പ്രാക്ടിക്കൽ പരീക്ഷകൾ ഏഴ് മുതൽ 15 വരെ വിവിധ യുഐടികളിൽ വച്ച് നടക്കും. പരീക്ഷയുടെ ടൈംടേബിൾ വെബ്സൈറ്റിൽ.
ഒന്നും രണ്ട ും വർഷത്തെ ഇംപ്രൂവ്മെന്റ് പരീക്ഷകൾ എഴുതുന്ന വിദ്യാർഥികൾക്കായി ജൂലൈ മൂന്നിന് സ്കൂൾ ഓഫ് ഡിസ്റ്റൻസ് എജ്യുക്കേഷനിൽ വച്ച് പ്രത്യേക പരീക്ഷ നടത്തുന്നതാണ്. പ്രാക്ടിക്കൽ സപ്ലിമെന്ററിയായി അപേക്ഷിച്ചിട്ടുള്ളവർക്കും ജൂലൈ മൂന്നിന് പരീക്ഷ എഴുതാവുന്നതാണ്.
ബിഎച്ച്എംഎസ് പരീക്ഷ
സർവകലാശാല 23ന് നടത്തുന്ന ബിഎച്ച്എംഎസ് അവസാന വർഷ പരീക്ഷകൾക്ക് പിഴകൂടാതെ ഏഴ് വരെയും 50 രൂപ പിഴയോടെ ഒൻപത് വരെയും 125 രൂപ സൂപ്പർ ഫൈനോട് കൂടി ജൂണ് 12 വരെയും ഫീസടച്ച് അപേക്ഷിക്കാം.
ബിഎൽഐഎസ്സി ടൈംടേബിൾ
വിദൂര വിദ്യാഭ്യാസ വിഭാഗം ജൂലൈ 17 മുതൽ ആരംഭിക്കുന്ന ബിഎൽഐഎസ്സി പരീക്ഷകളുടെ ടൈംടേബിൾ വെബ്സൈറ്റിൽ.
ഒന്നാം വർഷ ബിരുദ പ്രവേശനം
ഓണ്ലൈൻ രജിസ്ട്രേഷൻ അവസാന തീയതി ഈ മാസം പത്തുവരെ
സർവകലാശാലയോട് അഫിലിയേറ്റ് ചെയ്തിട്ടുള്ള കോളജുകളിൽ ഒന്നാം വർഷ ബിരുദ പ്രവേശനത്തിനുള്ള ഓണ്ലൈൻ രജിസ്ട്രേഷൻ 10ന് അവസാനിക്കും. പ്രവേശന നടപടികളിൽ പങ്കെടുക്കുവാൻ ആഗ്രഹിക്കുന്ന എല്ലാ വിഭാഗത്തിൽ പെട്ടവരും പത്തിന് മുന്പ് ഓണ്ലൈൻ രജിസ്ട്രേഷൻ പൂർത്തികരിക്കം. ഓണ്ലൈൻ അപേക്ഷയുടെ പ്രിന്റൗട്ട് സർവകലാശാലയിലേക്ക് അയക്കേണ്ടതില്ല. പ്രവേശന സമയത്ത് കോളജുകളിൽ ഹാജരാക്കിയാൽ മതിയാകും.
ഒന്നാം വർഷ ബിരുദ പ്രവേശനം 2017 കമ്യൂണിറ്റി ക്വാട്ട/സ്പോർട്ട്സ് ക്വാട്ട അപേക്ഷയുടെ അവസാന തീയതി ഈ മാസം ഒൻപത്
സർവകലാശാലയോട് അഫിലിയേറ്റ് ചെയ്തിട്ടുള്ള കോളജുകളിൽ കമ്യൂണിറ്റി ക്വാട്ടയിലും സ്പോർട്ട്സ് ക്വാട്ടയിലും ഒന്നാം വർഷ ബിരുദ പ്രവേശനം ആഗ്രഹിക്കുന്ന എല്ലാ വിദ്യാർഥികളും ഏകജാലക സംവിധാനം വഴി സമർപ്പിച്ച അപേക്ഷയുടെ ഒരു പ്രിന്റൗട്ടും അനുബന്ധ രേഖകളും ബന്ധപ്പെട്ട കോളജുകളിൽ ഒൻപത് വൈകിട്ട് അഞ്ചിന് മുൻപ് സമർപ്പിക്കണം. സർവകലാശാലയിലേക്ക് അപേക്ഷകൾ അയക്കരുത്.