കംപ്യൂട്ടർ സയൻസ്, ഒപ്റ്റോഇലക്ട്രോണിക്സ്, ഫ്യൂച്ചർ സ്റ്റഡീസ് എന്നീ പഠനവകുപ്പുകളിൽ എംടെക് പ്രവേശനത്തിന് അപേക്ഷ ക്ഷണിച്ചു. അപേക്ഷ സമർപ്പിക്കേണ്ട അവസാന തീയതി ജൂലൈ ഏഴ്. വിശദവിവരങ്ങൾ വെബ്സൈറ്റിൽ ലഭിക്കും.
എംഎ/എംഎസ്സി/എംകോം സപ്ലിമെന്ററി ടൈംടേബിൾ
വിദൂരവിദ്യാഭ്യാസ കേന്ദ്രം നടത്തുന്ന എംഎ/എംഎസ്സി/എംകോം ജൂലൈ/ഓഗസ്റ്റ് 2017 സപ്ലിമെന്ററി പരീക്ഷയുടെ ടൈംടേബിൾ വെബ്സൈറ്റിൽ ലഭിക്കും. ഫൈനൽ പരീക്ഷ ജൂലൈ അഞ്ചിനും പ്രീവിയസ് പരീക്ഷ ജൂലൈ 31നും ആരംഭിക്കും.
ബിസിഎ ഫലം
2016 നവംബറിൽ നടത്തിയ രണ്ടാം സെമസ്റ്റർ സിബിസിഎസ് കരിയർ റിലേറ്റഡ് ബിസിഎ (2010 സ്കീം) സപ്ലിമെന്ററി പരീക്ഷാഫലം വെബ്സൈറ്റിൽ ലഭിക്കും.
വിദ്യാർഥികൾ ഹാജരാകണം
വിദൂരവിദ്യാഭ്യാസം വഴി നടത്തുന്ന നാലാം സെമസ്റ്റർ എംഎസ്സി കംപ്യൂട്ടർ സയൻസ് കോഴ്സിലെ എസ്ഡിഇ സെന്ററിനെ പ്രോജക്ട് സെന്ററായി തെരഞ്ഞെടുത്ത വിദ്യാർഥികൾ 10, 11 തീയതികളിൽ എസ്ഡിഇ പാളയം സെന്ററിൽ ഹാജരാകണം.
എംഎസ്സി സിഎസ് ഇന്റേണൽ എക്സാം
വിദൂരവിദ്യാഭ്യാസം വഴി നടത്തുന്ന മൂന്നാം സെമസ്റ്റർ എംഎസ്സി കംപ്യൂട്ടർ സയൻസ്, ഇന്റേണൽ എക്സാമിന്റ പുന: പരീക്ഷ 10, 11 തീയതികളിൽ ഉച്ചകഴിഞ്ഞ് എസ്ഡിഇ പാളയം സെന്ററിൽ നടക്കും.
ബിഎച്ച്എം ടൈംടേബിൾ
ബാച്ചിലർ ഓഫ് ഹോട്ടൽ മാനേജ്മെന്റ് ആൻഡ് കാറ്ററിംഗ് ടെക്നോളജി (ബിഎച്ച്എം) യുടെ മൂന്നാം സെമസ്റ്റർ പരീക്ഷകൾ (2014 സ്കീം റെഗുലർ ആൻഡ് സപ്ലിമെന്ററി, 2011 ആൻഡ് 2016 സ്കീം സപ്ലിമെന്ററി) 15ന് ആരംഭിക്കും. വിശദമായ ടൈംടേബിൾ വെബ്സൈറ്റിൽ ലഭിക്കും.
എംഎ ഹിന്ദി ലാംഗ്വേജ് ആൻഡ് ലിറ്ററേച്ചർ ഫലം
ഏപ്രിലിൽ നടത്തിയ 201517 അധ്യയന വർഷത്തിലെ എംഎ ഹിന്ദി ലാംഗ്വേജ് ആൻഡ് ലിറ്ററേച്ചർ പരീക്ഷാഫലം പ്രസിദ്ധീകരിച്ചു. ബി.എസ് . ദേവി കല്ല്യാണി (എച്ച്ഐഎൻ 150505/2017) ഒന്നാം റാങ്ക് നേടി.
എംഎ ഹിസ്റ്ററി വൈവ വോസി
ഹിസ്റ്ററി പഠനവകുപ്പിലെ നാലാം സെമസ്റ്റർ എംഎ (സിഎസ്എസ്) കോഴ്സിന്റെ (201517 ബാച്ച്) വൈവ വോസി പരീക്ഷ 12നു രാവിലെ 10ന് കാര്യവട്ടം ഹിസ്റ്ററി പഠനവകുപ്പിൽ നടക്കും.
എംഎ ലിംഗ്വിസ്റ്റിക്സ് വാചാ പരീക്ഷ
എംഎ ലിംഗ്വിസ്റ്റിക്സ് നാലാം സെമസ്റ്റർ (2017) പരീക്ഷ എഴുതിയ വിദ്യാർഥികളുടെ വാചാ പരീക്ഷ 12ന് രാവിലെ 10 ന് ലിംഗ്വിസ്റ്റിക്സ് പഠനവകുപ്പിൽ നടക്കും.
റിസർച്ച് അസോസിയേറ്റ് ഒഴിവ്
കാര്യവട്ടം ബയോടെക്നോളജി പഠനവകുപ്പിലെ ഇന്റർ യൂണിവേഴ്സിറ്റി സെന്റർ ഫോർ ജിനോമിക്സ് ആൻഡ് ജീൻ ടെക്നോളജിയിൽ റിസർച്ച് അസോസിയേറ്റ് ഒഴിവിലേക്ക് താത്കാലിക നിയമനത്തിന് അപേക്ഷ ക്ഷണിച്ചു. വിശദവിവരങ്ങൾ വെബ്സൈറ്റിൽ .
പിഎച്ച്ഡി കോഴ്സ് വർക്ക് പരീക്ഷ
2017 ജൂലൈയിൽ നടത്തുന്ന പിഎച്ച്ഡി കോഴ്സ് വർക്ക് പരീക്ഷയ്ക്കു അപേക്ഷകൾ ക്ഷണിക്കുന്നു. അപേക്ഷ ഫോറവും, മറ്റ് വിശദവിവരങ്ങളും കേരള സർവകലാശാലയുടെ വെബ്സൈറ്റിൽ ലഭ്യമാണ്.
അഞ്ചാം സെമസ്റ്റർ ബിരുദ വിദ്യാർഥികളുടെ കോളജ് മാറ്റം
അഞ്ചാം സെമസ്റ്റർ ബിരുദ വിദ്യാർഥികൾക്ക് (സിബിസിഎസ്) 201718 അധ്യയന വർഷത്തിൽ കോളജ് മാറ്റത്തിനായി നിശ്ചിത ഫോമിൽ അപേക്ഷിക്കാം. വിദ്യാർഥികൾ നാലാം സെമസ്റ്റർ പരീക്ഷയ്ക്ക് രജിസ്റ്റർ ചെയ്തിരിക്കണം. കോളജ് മാറ്റം, ഗവണ്മെന്റ് എയ്ഡഡ് കോളജുകൾ തമ്മിലും, സ്വാശ്രയ കോളജുകൾ തമ്മിലും അനുവദിക്കും. അപേക്ഷയോടൊപ്പം പ്ലസ് ടു അല്ലെങ്കിൽ തത്തുല്യ പരീക്ഷകളുടെ മാർക്ക് ലിസ്റ്റ് സഹിതം പഠിക്കുന്ന കോളജിലെ പ്രിൻസിപ്പലിന്റെ ശിപാർശയോടെ ചേരാനുദ്ദേശിക്കുന്ന കോളജിൽ 23നകം സമർപ്പിക്കണം. ഇത്തരത്തിൽ ലഭിച്ച അപേക്ഷകൾ പ്രിൻസിപ്പൽ മെറിറ്റ് അടിസ്ഥാനത്തിൽ റാങ്ക് ചെയ്ത് ജൂലൈ അഞ്ചിനകം രജിസ്ട്രാറുടെ ഓഫീസിൽ സമർപ്പിക്കണം. അപേക്ഷയോടൊപ്പം ഫീസായി 1000 രൂപയും തെരഞ്ഞെടുക്കുകയാണെങ്കിൽ 1500 രൂപ വീണ്ടും അടയ്ക്കണം. അന്തർ സർവകലാശാല കോളജ് മാറ്റത്തിനായി അപേക്ഷയോടൊപ്പം പഠിച്ച കോഴ്സിന്റെ സ്കീമും സിലബസും രജിസ്ട്രാറിന്റെ അറ്റസ്റ്റേഷനോടു കൂടി 2000 രൂപ ഫീസടച്ച് സമർപ്പിക്കണം.
ഒന്നാം വർഷ ബിരുദ പ്രവേശനം 2017 അവസാന തീയതി 10
കേരള സർവകലാശാലയുടെ ഒന്നാം വർഷ ബിരുദ പ്രവേശനത്തിനുള്ള ഓണ്ലൈൻ രജിസ്ട്രേഷൻ 10ന് അവസാനിക്കും. ഓണ്ലൈൻ രജിസ്ട്രേഷൻ ചെയ്യാത്തവരെ ഒരു കാരണവശാലും പ്രവേശനത്തിന് പരിഗണിക്കുന്നതല്ല.