ഒന്നാം ഘട്ട അലോട്ട്മെന്റ്
201718 അധ്യയന വർഷത്തിലെ ഒന്നാം വർഷ ബിരുദ പ്രവേശനത്തിനുള്ള ഒന്നാം ഘട്ട അലോട്ട്മെന്റ്admissio ns.keralauniversity.ac.in എന്ന വെബ്സൈറ്റിൽ പ്രസിദ്ധീകരിച്ചു. അപേക്ഷകർക്ക് അപേക്ഷാനന്പറും പാസ്വേർഡും ഉപയോഗിച്ച് ലോഗ് ഇൻ ചെയ്ത് തങ്ങളുടെ അലോട്ട്മെന്റ് പരിശോധിക്കാം.
അലോട്ട്മെന്റ് ലഭിച്ച കുട്ടികൾ പ്രവേശന ഫീസ് ഒടുക്കുന്നതിനുള്ള ചലാൻ പ്രിന്റ് ഔട്ട് എടുത്ത് എസ്ബിഐയുടെ ഏതെങ്കിലും ശാഖയിൽ ഫീസ് ഒടുക്കണം. പ്രവേശന ഫീസ് ജനറൽ വിഭാഗത്തിന് 1525 രൂപയും എസ്സി/എസ്ടി വിഭാഗത്തിന് 840 രൂപയുമാണ്. പ്രവേശനഫീസ് ഒടുക്കിയ വിദ്യാർഥികൾ നിശ്ചിത സമയത്തിനകം ലോഗ് ഇൻ ചെയ്ത് നിർബന്ധമായും പ്രവേശന ഫീസ് ഒടുക്കിയ വിവരം (ജേർണൽ നന്പർ) 19ന് വൈകുന്നേരം അഞ്ചിനകം വെബ്സൈറ്റിൽ നൽകി തങ്ങളുടെ അലോട്ട്മെന്റ് ഉറപ്പാക്കണം.
പ്രവേശന ഫീസ് ഒടുക്കിയ വിവരം യഥാസമയം ചേർക്കാത്തവരുടെ അലോട്ട്മെന്റ് റദ്ദാകുന്നതും അടുത്ത അലോട്ട്മെന്റുകളിൽ അവരെ പരിഗണിക്കുന്നതുമല്ല. അലോട്ട്മെന്റ് ലഭിച്ച അപേക്ഷകർ തങ്ങൾക്ക് ലഭിച്ച സീറ്റിൽ തൃപ്തരല്ലെങ്കിൽ പോലും തുടർന്നുള്ള അലോട്ട്മെന്റുകളിൽ പരിഗണിക്കുന്നതിനായി പ്രവേശന ഫീസ് യഥാസമയം ഒടുക്കി ആ വിവരം (ജേർണൽ നന്പർ) നിശ്ചിത സമയത്തിനുള്ളിൽ വെബ്സൈറ്റിൽ ചേർക്കണം. ഒന്ന്, രണ്ട്, മൂന്ന് ഘട്ടം അലോട്ട്മെന്റുകളിൽ പ്രവേശനം ലഭിച്ചവർ മൂന്നാം അലോട്ട്മെന്റ് പ്രസിദ്ധീകരിച്ചതിനുശേഷം മാത്രം കോളജുകളിൽ പ്രവേശനത്തിന് ഹാജരായാൽ മതി. അലോട്ട്മെന്റിൽ തൃപ്തരാണെങ്കിൽ പ്രവേശന ഫീസ് ഒടുക്കിയ വിവരം വെബ്സൈറ്റിൽ ചേർത്ത ശേഷം ആവശ്യമെങ്കിൽ അവരുടെ ഹയർ ഓപ്ഷനുകൾ 20നു ഉച്ചകഴിഞ്ഞ് രണ്ടുവരെ നീക്കം ചെയ്യാം. ഹയർ ഓപ്ഷനുകൾ നിലനിർത്തുന്ന അപേക്ഷകരെ അടുത്ത അലോട്ട്മെന്റിൽ ആ ഓപ്ഷനുകളിലേയ്ക്കു പരിഗണിക്കും. ഇങ്ങനെയുള്ളവർ പുതിയ അലോട്ട്മെന്റിൽ ലഭിക്കുന്ന സീറ്റ് നിർബന്ധമായും സ്വീകരിക്കണം.
കമ്യൂണിറ്റി ക്വോട്ട
ഒന്നാം വർഷ ബിരുദ പ്രവേശനത്തിൽ കമ്യൂണിറ്റി ക്വോട്ടയിൽ അപേക്ഷിച്ചവരുടെ റാങ്ക് ലിസ്റ്റ് 20ന് ബന്ധപ്പെട്ട കോളജ് നോട്ടീസ് ബോർഡിൽ പ്രസിദ്ധപ്പെടുത്തും. പരാതി ഉള്ളവർ 24നു വൈകുന്നേരം അഞ്ചിനു മുൻപ് രേഖാമൂലം പരാതി പ്രിൻസിപ്പലിനെ അറിയിക്കണം. പരാതികൾ പരിഗണിച്ച് തീർപ്പാക്കിയ ശേഷം റാങ്ക്ലിസ്റ്റ് 26ന് കോളജ് നോട്ടീസ് ബോർഡിൽ പ്രസിദ്ധപ്പെടുത്തും. ജൂലൈ ഒന്നു മുതൽ കോളജുകളിൽ പ്രവേശനം നേടാം.
സ്പോർട്സ് ക്വോട്ട
201718 അധ്യയന വർഷത്തിലെ ഒന്നാം വർഷ ബിരുദ പ്രവേശനത്തിൽ സ്പോർട്സ് ക്വോട്ടയിൽ അപേക്ഷിച്ചവരുടെ റാങ്ക്ലിസ്റ്റ് 19ന് ബന്ധപ്പെട്ട കോളജ് നോട്ടീസ് ബോർഡിൽ പ്രസിദ്ധപ്പെടുത്തും. പരാതി ഉള്ളവർ 24ന് വൈകുന്നേരം അഞ്ചിനു മുൻപ് രേഖാമൂലം പരാതി ബന്ധപ്പെട്ട പ്രിൻസിപ്പലിനെ അറിയിക്കണം. പരാതികൾ പരിഗണിച്ച് തീർപ്പാക്കിയ ശേഷം റാങ്ക്ലിസ്റ്റ് 26ന് കോളജ് നോട്ടീസ് ബോർഡിൽ പ്രസിദ്ധപ്പെടുത്തും. ജൂലൈ 01 മുതൽ കോളജുകളിൽ പ്രവേശനം നേടാം.
മാനേജ്മെന്റ് ക്വോട്ട ലിങ്ക്
ഒന്നാം വർഷ ബിരുദ പ്രവേശനത്തിനുള്ള മാനേജ്മെന്റ് ക്വോട്ട രജിസ്ട്രേഷനുള്ള ലിങ്ക് 26 മുതൽ വെബ്സൈറ്റിൽ ലഭ്യമാകും. ഒരു പ്രാവശ്യം ഓണ്ലൈൻ രജിസ്ട്രേഷൻ നടത്തിയിട്ടുള്ള വിദ്യാർഥികൾ വീണ്ടും രജിസ്ട്രേഷൻ നടത്തേണ്ടതില്ല. ആദ്യത്തെ ഓണ്ലൈൻ രജിസ്ട്രേഷന്റെ പ്രിന്റൗട്ട് തന്നെ മാനേജ്മെന്റ് ക്വാട്ട പ്രവേശനത്തിനും ഉപയോഗിക്കാം.
ബിഎ മ്യൂസിക് ഒന്നാം വർഷ ബിരുദ പ്രവേശനം2017
ഒന്നാം വർഷ ബിഎ മ്യൂസിക്കിന് പ്രവേശനം ആഗ്രഹിക്കുന്നവർ ഓണ്ലൈൻ അപേക്ഷയുടെ പ്രിന്റൗട്ടും അനുബന്ധരേഖകളും 15ന് വൈകുന്നേരം അഞ്ചിനു മുൻപ് അതത് കോളജുകളിൽ സമർപ്പിക്കണം. അഭിരുചി പരീക്ഷകൾ നീറമണ്കര എൻഎസ്എസ് കോളജിൽ 21 നും കൊല്ലം എസ്എൻ വനിതാ കോളജിൽ 22 നും തിരുവനന്തപുരം വഴുതക്കാട് ഗവണ്മെന്റ് വനിതാ കോളജിൽ 23 നും നടത്തും. 24ന് റാങ്ക് ലിസ്റ്റ് അതത് കോളജുകളിൽ പ്രസിദ്ധപ്പെടുത്തും. കൂടുതൽ വിവരങ്ങൾക്ക് ബന്ധപ്പെട്ട കോളജ് പ്രിൻസിപ്പലിനെ സമീപിക്കണം.
തീയതി നീട്ടി
യുജിസി ഫാക്കൽറ്റി ഡവലപ്മെന്റ് പ്രോഗ്രാമിലേക്ക് അപേക്ഷകൾ സ്വീകരിക്കുന്ന അവസാന തീയതി 22 വരെ നീട്ടി.
എൽഎൽബി പരീക്ഷ
ജൂലൈ 20ന് ആരംഭിക്കുന്ന ഒന്നാം സെമസ്റ്റർ പഞ്ചവത്സര ബിഎ എൽഎൽബി/ബികോം എൽഎൽബി/ബിബിഎ എൽഎൽബി ഡിഗ്രി പരീക്ഷയ്ക്ക് ജൂലൈ അഞ്ച് വരെ (50 രൂപ പിഴയോടെ ജൂലൈ ഏഴ്, 125 രൂപ സൂപ്പർ ഫൈനോട് കൂടി ജൂലൈ പത്ത്) ഫീസടച്ച് അപേക്ഷിക്കാം. വിശദവിവരങ്ങൾ വെബ്സൈറ്റിൽ ലഭിക്കും.
ബികോം ഫലം
2016 ജൂലൈയിൽ നടത്തിയ രണ്ടാം സെമസ്റ്റർ (കരിയർ റിലേറ്റഡ്) ബികോം കൊമേഴ്സ് ആൻഡ് ടാക്സ് പ്രൊസീജിയർ ആൻഡ് പ്രാക്ടീസ് (337) പരീക്ഷയുടെ ഫലം വെബ്സൈറ്റിൽ ലഭിക്കും. സൂക്ഷ്മപരിശോധനയ്ക്കും പുനർമൂല്യനിർണയത്തിനും ഓണ്ലൈനായി 29 വരെ അപേക്ഷിക്കാം.
2016 ജൂലൈയിൽ നടത്തിയ രണ്ടാം സെമസ്റ്റർ (കരിയർ റിലേറ്റഡ് സിബിസിഎസ്എസ്) ബികോം കൊമേഴ്സ് ആൻഡ് ഹോട്ടൽ മാനേജ്മെന്റ് ആൻഡ് കാറ്ററിംഗ് 2013, 2014, 2015 അഡ്മിഷൻ പരീക്ഷയുടെ ഫലം വെബ്സൈറ്റിൽ ലഭിക്കും.
2016 ജൂലൈയിൽ നടത്തിയ രണ്ടാം സെമസ്റ്റർ കരിയർ റിലേറ്റഡ് സിബിസിഎസ്എസ് ബികോം കൊമേഴ്സ് ട്രാവൽ ആൻഡ് ടൂറിസം മാനേജ്മെന്റ് (338) (2015 അഡ്മിഷൻ െ റഗുലർ, 2014 അഡ്മിഷൻ ഇംപ്രൂവ്മെന്റ്/സപ്ലിമെന്ററി, 2013 അഡ്മിഷൻ സപ്ലിമെന്ററി) പരീക്ഷാഫലം വെബ്സൈറ്റിൽ ലഭിക്കും.
എംഎസ്സി പരീക്ഷകൾ
നാലാം സെമസ്റ്റർ എംഎസ്സി കെമിസ്ട്രി/അനലിറ്റിക്കൽ കെമിസ്ട്രി (2011 അഡ്മിഷൻ 2009 സ്കീം) എംഎസ്സി ബോട്ടണി (2011 അഡ്മിഷൻ 2006 സ്കീം) എംഎസ്സി കംപ്യൂട്ടർ സയൻസ് (2011 അഡ്മിഷൻ 2011 സ്കീം) മേഴ്സി ചാൻസ് പരീക്ഷയ്ക്കുള്ള രജിസ്ട്രേഷൻ ആരംഭിച്ചു. എംഎസ്സി കംപ്യൂട്ടർ സയൻസിന് 2200/ രൂപയും മറ്റ് വഷയങ്ങൾക്ക് 5200/ രൂപ രജിസ്ട്രേഷൻ ഫീസും അതാത് വിഷയങ്ങൾക്കുള്ള പരീക്ഷാഫീസും ചേർത്ത് പിഴകൂടാതെ 21വരെ (50 രൂപ പിഴയോടെ ജൂണ് 23, 125 രൂപ സൂപ്പർ ഫൈനോട് കൂടി ജൂണ് 27) ഫീസടച്ച് അപേക്ഷിക്കാം. ഓണ്ലൈൻ അപേക്ഷകൾ സ്വീകരിക്കുന്നതല്ല. പരീക്ഷാതീയതി പിന്നീട് അറിയിക്കും.
എൽഎൽബി യൂണിറ്ററി പരീക്ഷ
ജൂലൈ 17ന് തുടങ്ങുന്ന മൂന്നാം സെമസ്റ്റർ എൽഎൽബി യൂണിറ്ററി പരീക്ഷകൾക്ക് ഓണ്ലൈനായി 14ാം തീയതി മുതൽ രജിസ്റ്റർ ചെയ്യാം. പിഴകൂടാതെ 22വരെ (50 രൂപ പിഴയോടെ ജൂണ് 24, 125 രൂപ സൂപ്പർ ഫൈനോട് കൂടി ജൂണ് 27) പരീക്ഷാഫീസ് അടയ്ക്കാം.
ബിഎസ്സി ഫലം
2016 ഓഗസ്റ്റിൽ നടത്തിയ ഒന്നാം സെമസ്റ്റർ (കരിയർ റിലേറ്റഡ് സിബിസിഎസ്എസ്) ബിഎസ്സി ഫിസിക്സ് ആൻഡ് കംപ്യൂട്ടർ ആപ്ലിക്കേഷൻ, ബിഎസ്സി കെമിസ്ട്രി ആൻഡ് ഇന്റസ്ട്രിയൽ കെമിസ്ട്രി (2013ന് മുന്പുള്ള അഡ്മിഷൻ) പരീക്ഷയുടെയും, 2016 ജൂലൈയിൽ നടത്തിയ രണ്ടാം സെമസ്റ്റർ റിസ്ട്രക്ച്ചേർഡ് പരീക്ഷയുടെയും ഫലം വെബ്സൈറ്റിൽ ലഭിക്കും.
ബിഎ/ബിഎസ്സി/ബികോം പരീക്ഷ
രണ്ടാം സെമസ്റ്റർ സിബിസിഎസ് ബിഎ/ബിഎസ്സി/ബികോം (2013 അഡ്മിഷൻ, 2014 അഡ്മിഷൻ, 2015 അഡ്മിഷൻ & 2016 അഡ്മിഷൻ) പരീക്ഷകൾ ജൂലൈ 11ന് ആരംഭിക്കും. പരീക്ഷകൾക്ക് 23വരെ (50 രൂപ പിഴയോടെ ജൂണ് 28, 125 രൂപ സൂപ്പർ ഫൈനോട് കൂടി ജൂണ് 30) ഓണ്ലൈനായി ഫീസടച്ച് അപേക്ഷിക്കാം. വിശദവിവരങ്ങൾ വെബ്സൈറ്റിൽ .
എംഎസ്സി ഹോം സയൻസ് വൈവ
ഫെബ്രുവരിയിൽ നടത്തിയ മൂന്നാം സെമസ്റ്റർ എംഎസ്സി ഹോം സയൻസ് (ന്യൂട്രീഷ്യൻ ആൻഡ് ഡയറ്ററ്റിക്സ് ) പരീക്ഷയുടെ വൈവ 21ന് രാവിലെ 9.30 മുതൽ 12.30 വരെ ആലപ്പുഴ സെന്റ് ജോസഫ്സ് കോളജിൽ നടക്കും. വിശദമായ ടൈംടേബിൾ വെബ്സൈറ്റിൽ ലഭിക്കും.