ഒന്നാംഘട്ട അലോട്ട്മെന്റ് പ്രസിദ്ധീകരിച്ചു
ഒന്നാം വർഷ ബിരുദ പ്രവേശനത്തിനുള്ള ഒന്നാം ഘട്ട അലോട്ട്മെന്റ് പ്രസിദ്ധീകരിച്ചു. അപേക്ഷകർക്ക് അപേക്ഷാനന്പറും പാസ്വേർഡും ഉപയോഗിച്ച് ലോഗ് ഇൻ ചെയ്ത് തങ്ങളുടെ അലോട്ട്മെന്റ് പരിശോധിക്കാവുന്നതാണ്. അലോട്ട്മെന്റ് ലഭിച്ച കുട്ടികൾ പ്രവേശന ഫീസ് ഒടുക്കുന്നതിനുള്ള ചലാൻ പ്രിന്റ് ഔട്ട് എടുത്ത് എസ്ബിഐയുടെ ഏതെങ്കിലും ശാഖയിൽ ഫീസ് ഒടുക്കേണ്ടതാണ്. പ്രവേശന ഫീസ് ജനറൽ വിഭാഗത്തിന് 1525 രൂപയും എസ്സി/എസ്ടി വിഭാഗത്തിന് 840 രൂപയുമാണ്.
പ്രവേശനഫീസ് ഒടുക്കിയ വിദ്യാർഥികൾ നിശ്ചിത സമയത്തിനകം ലോഗ് ഇൻ ചെയ്ത് നിർബന്ധമായും പ്രവേശന ഫീസ് ഒടുക്കിയ വിവരം (ജേർണൽ നന്പർ) 19ന് വൈകുന്നേരം അഞ്ചിന് മുന്പ് വെബ്സൈറ്റിൽ നൽകി തങ്ങളുടെ അലോട്ട്മെന്റ് ഉറപ്പാക്കേണ്ടതാണ്. പ്രവേശന ഫീസ് ഒടുക്കിയ വിവരം യഥാസമയം ചേർക്കാത്തവരുടെ അലോട്ട്മെന്റ് റദ്ദാകുന്നതും അടുത്ത അലോട്ട്മെന്റുകളിൽ അവരെ പരിഗണിക്കുന്നതുമല്ല. അലോട്ട്മെന്റ് ലഭിച്ച അപേക്ഷകർ തങ്ങൾക്ക് ലഭിച്ച സീറ്റിൽ തൃപ്തരല്ലെങ്കിൽ പോലും തുടർന്നുള്ള അലോട്ട്മെന്റുകളിൽ പരിഗണിക്കുന്നതിനായി പ്രവേശന ഫീസ് യഥാസമയം ഒടുക്കി ആ വിവരം നിശ്ചിത സമയത്തിനുള്ളിൽ വെബ്സൈറ്റിൽ ചേർക്കണം.
ഒന്ന്, രണ്ട്, മൂന്ന് ഘട്ടം അലോട്ട്മെന്റുകളിൽ പ്രവേശനം ലഭിച്ചവർ മൂന്നാം അലോട്ട്മെന്റ് പ്രസിദ്ധീകരിച്ചതിനുശേഷം മാത്രം കോളജുകളിൽ പ്രവേശനത്തിന് ഹാജരായാൽ മതി. അലോട്ട്മെന്റിൽ തൃപ്തരാണെങ്കിൽ പ്രവേശന ഫീസ് ഒടുക്കിയ വിവരം വെബ്സൈറ്റിൽ ചേർത്ത ശേഷം ആവശ്യമെങ്കിൽ അവരുടെ ഹയർ ഓപ്ഷനുകൾ 20 ന് രണ്ടുവരെ നീക്കം ചെയ്യാം. ഹയർ ഓപ്ഷനുകൾ നിലനിർത്തുന്ന അപേക്ഷകരെ അടുത്ത അലോട്ട്മെന്റിൽ ആ ഓപ്ഷനുകളിലേയ്ക്ക് പരിഗണിക്കുന്നതും ഇങ്ങനെയുള്ളവർ പുതിയ അലോട്ട്മെന്റിൽ ലഭിക്കുന്ന സീറ്റ് നിർബന്ധമായും സ്വീകരിക്കേണ്ടതുമാണ്.
എംഎസ്സി സിഎൻഡി ടൈംടേബിൾ
വിദൂര വിദ്യാഭ്യാസ പഠനകേന്ദ്രം ജൂലൈ പത്തു മുതൽ നടത്തുന്ന രണ്ടാം വർഷ എംഎസ്സി സിഎൻഡി ( െ റഗുലർ ആൻഡ് സപ്ലിമെന്ററി) പരീക്ഷയുടെ ടൈംടേബിൾ വെബ്സൈറ്റിൽ.
സപ്ലിമെന്ററി ടൈംടേബിൾ
വിദൂര വിദ്യാഭ്യാസ പഠനകേന്ദ്രം ഓഗസ്റ്റ് മാസം മുതൽ നടത്തുന്ന ഒന്നാം വർഷ എംഎച്ച്എസ്സി സിസിഡി, രണ്ടാം വർഷ എംഎച്ച്എസ്സി സിസിഡി, ഒന്നാം വർഷ എംഎസ്സി സിഎൻഡി, എംഎൽഐഎസ്സി, പിജിഡിഎച്ച്എസ്ആർ, പിജിഡിഇപിഎംഎ, പിജിഡിസിജെ സപ്ലിമെന്ററി പരീക്ഷകളുടെ ടൈം ടേബിൾ വെബ്സൈറ്റിൽ.
ഗസ്റ്റ് ഫാക്കൽറ്റി പാനൽ
അടൂർ, ആലപ്പുഴ, കൊല്ലം, കുണ്ട റ, പുനലൂർ, വർക്കല യുഐഎംകളിൽ മാനേജ്മെന്റ് വിഷയങ്ങൾ പഠിപ്പിക്കാൻ വേണ്ടി തയാറാക്കുന്ന ഗസ്റ്റ് ഫാക്കൽറ്റി പാനലിൽ ഉൾപ്പെടാൻ താൽപര്യമുള്ളവർ ബയോഡേറ്റ അയക്ക ണം.
വിലാസം: ഓണററി ഡയറക്ടർ, യുഐഎം, കേരള സർവകലാശാല, കാര്യവട്ടം 695581 എന്ന വിലാസത്തിലോ 30നകം സമർപ്പിക്കണം.
എംബിഎ പ്രോജക്ട്
വിദൂര വിദ്യാഭ്യാസ കേന്ദ്രം നടത്തുന്ന എംബിഎ (2014 ബാച്ച്) വിദ്യാർഥികൾ രജിസ്റ്റർ നന്പർ 150001 മുതൽ 150150 വരെ, 150151 മുതൽ 150350 വരെ, 150351 മുതൽ 150450 വരെ യഥാക്രമം 27, 28, 29 തീയതികളിൽ പ്രോജക്ട് പ്രൊപ്പോസൽ കോ ഓർഡിനേറ്റർക്ക്ു സമർപ്പിക്കണം.
എംസിഎ പരീക്ഷ
ജൂലൈ നാലിന് ആരംഭിക്കുന്ന രണ്ടാം സെമസ്റ്റർ എംസിഎ (2015 സ്കീം റഗുലർ ആൻഡ് സപ്ലിമെന്ററി) പരീക്ഷയ്ക്ക് 20 വരെയും പിഴയോടെ 22, 125 രൂപ സൂപ്പർ ഫൈനോട് കൂടി 23 വരെ ഫീസടച്ച് അപേക്ഷിക്കാം. വിശദവിവരങ്ങൾ വെബ്സൈറ്റിൽ.
എംസിഎ പ്രാക്ടിക്കൽ
കേരള സർവകലാശാലയുടെ അഞ്ചാം സെമസ്റ്റർ എംസിഎ ഡിഗ്രി പ്രാക്ടിക്കൽ ലാബ് ഏപ്രിൽ 2017 (2011 സ്കീം െ റഗുലർ ആൻഡ് സപ്ലിമെന്ററി) പരീക്ഷകൾ 28ന് ആരംഭിക്കും. വിശദവിവരങ്ങൾ അതാത് കോളേജുകളിലും വെബ്സൈറ്റിലും.
ബിടെക് ടൈംടേബിൾ
ജൂണിൽ ആരംഭിക്കുന്ന രണ്ട്, നാല് സെമസ്റ്റർ ബിടെക് പാർട്ട് ടൈം റീസ്ട്രക്ചേർഡ് 2013 സ്കീം പരീക്ഷകളുടെ ടൈംടേബിൾ വെബ്സൈറ്റിൽ.
തീയതി നീട്ടി
ട്രെയിനിംഗ് കോളജുകളിൽ (സർക്കാർ/എയഡഡ്/സ്വാശ്രയ/ കെയുസിടിഇ) 201719 അധ്യയന വർഷത്തെ ബിഎഡ് കോഴ്സിന്റെ പുതുക്കിയ ഷെഡ്യൂൾ പ്രകാരം കോളജുകളിൽ അപേക്ഷ സമർപ്പിക്കുന്നതിനുള്ള അവസാന തീയതി ജൂലൈ മൂന്ന് വരെ നീട്ടി. ജൂലൈ 10ന് റങ്ക് ലിസ്റ്റ് പ്രസിദ്ധീകരിച്ച് ജൂലൈ 15ന് അഭിമുഖം/അഡ്മിഷൻ നടത്തുകയും ജൂലൈ 27ന് ക്ലാസുകൾ ആരംഭിക്കുകയും ചെയ്യും.
എംഎഡ് കോഴ്സ്
ട്രെയിനിംഗ് കോളജുകളിൽ എംഎഡ് കോഴ്സിന്റെ പുതുക്കിയ ഷെഡ്യൂൾ പ്രകാരം കോളജുകളിൽ അപേക്ഷ സമർപ്പിക്കുന്നതിനുള്ള അവസാന തീയതി ജൂലൈ മൂന്ന് വരെ നീട്ടി. ജൂലൈ 10ന് റങ്ക് ലിസ്റ്റ് പ്രസിദ്ധീകരിച്ച് ജൂലൈ 15ന് അഭിമുഖം/അഡ്മിഷൻ നടത്തുകയും 27ന് ക്ലാസുകൾ ആരംഭിക്കുകയും ചെയ്യും.
എൽഎൽബി ഫലം
ജനുവരിയിലെ രണ്ടാം സെമസ്റ്റർ (ത്രിവത്സരം), ആറാം സെമസ്റ്റർ (പഞ്ചവത്സരം) എൽഎൽബി ഫലം പ്രസിദ്ധീകരിച്ചു.