ബിപിഎഡ്, എംപിഎഡ് പരീക്ഷകൾ
കണ്ണൂർ സർവകലാശാലയുടെ നാലാം സെമസ്റ്റർ ബിപിഎഡ്, രണ്ടാം സെമസ്റ്റർ ബിപിഎഡ്, എംപിഎഡ് (റഗുലർ,സപ്ലിമെന്ററി മേയ് 2017) ഡിഗ്രി പരീക്ഷകൾക്കുള്ള അപേക്ഷകൾ ക്ഷണിച്ചു. നാലാം സെമസ്റ്റർ ബിപിഎഡ് പരീക്ഷ ജൂണ് 28ന് ആരംഭിക്കും. രണ്ടാം സെമസ്റ്റർ ബിപിഎഡ്, എംപിഎഡ് പരീക്ഷകളുടെ പരീക്ഷാ തീയതി പിന്നീട് പ്രഖ്യാപിക്കും. നാലാം സെമസ്റ്റർ ബിപിഎഡ് പരീക്ഷകൾക്കുള്ള അപേക്ഷകൾ പിഴ കൂടാതെ ജൂണ് 19 വരെയും 150 രൂപ പിഴയോടെ 22 വരെയും അപേക്ഷിക്കാം. അപേക്ഷയോടൊപ്പം എപിസി, ചലാൻ എന്നിവ ജൂണ് 24നകം സർവകലാശാലയിൽ എത്തിക്കണം. രണ്ടാം സെമസ്റ്റർ ബിപിഎഡ്, എംപിഎഡ് പരീക്ഷകൾക്കുള്ള അപേക്ഷകൾ പിഴ കൂടാതെ ജൂണ് 27 വരെയും 150 രൂപ പിഴയോടെ 30 വരെയും സമർപ്പിക്കാം. അപേക്ഷയോടൊപ്പം എപിസി, ചലാൻ എന്നിവ ജൂലൈ അഞ്ചിനകം സർവകലാശാലയിൽ ലഭിക്കണം. അപേക്ഷാ ഫീസ് ഇപ്രകാരമാണ്. എംപിഎഡ് തിയറി 110 രൂപ പേപ്പറൊന്നിന് (സപ്ലിമെന്ററി 130), പ്രാക്ടിക്കൽ 160 (സപ്ലി. 180) ബി.പി.എഡ് തിയറി 80 (സപ്ലി. 100), പ്രാക്ടിക്കൽ 110 (സപ്ലി. 130), മാർക്ക് ലിസ്റ്റ് 60, സിവി.ക്യാന്പ് ഫീസ് 150. സർവകലാശാലയുടെ വെബ്സൈറ്റിൽ നിന്നും ഡൗണ്ലോഡ് ചെയ്യുന്ന ആപ്ലിക്കേഷൻ ഫോമിന് ഫീസായി 40 രൂപ അടക്കേണ്ടതാണ്.
ബിഎ എൽഎൽബി പരീക്ഷ റദ്ദാക്കി
തലശേരി കാന്പസിലെ നിയമ വകുപ്പിൽ ജൂണ് 19ന് നടത്തിയ മൂന്നാം സെമസ്റ്റർ ബിഎ എൽ എൽബി ഡിഗ്രിയുടെ പേപ്പർ ആറ് ലൊ ഓഫ് കോണ്ട്രാക്ട് പേപ്പർ ഒന്ന് പരീക്ഷ റദ്ദാക്കി. പുന:പരീക്ഷാ തീയതി പിന്നീട് അറിയിക്കും.
ആറാം സെമസ്റ്റർ ബികോം, ബിബിഎ, ബിബിഎടിടിഎം ബിബിഎആർടിഎം ഡിഗ്രി പരീക്ഷാഫലം
ആറാം സെമസ്റ്റർ ബികോം, ബിബിഎ, ബിബിഎടിടിഎം, ബിബിഎആർടിഎം (സിബിസിഎസ്എസ്, സിസിഎസ്എസ്റഗുലർ,സപ്ലിമെന്ററി, ഇംപ്രൂവ്മെന്റ് മെയ് 2017) പരീക്ഷകളുടെ ഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പരീക്ഷയ്ക്ക് ഹാജരായ എല്ലാ വിദ്യാർഥികളുടെയും ഗ്രേഡ്കാർഡുകളും പരീക്ഷയിൽ വിജയികളായ എല്ലാ വിദ്യാർഥികളുടെയും പ്രൊവിഷണൽ സർട്ടിഫിക്കറ്റുകൾ നൽകുന്നതിനുള്ള തീയതി പിന്നീട് അറിയിക്കും. പുന:പരിശോധന, സൂക്ഷ്മ പരിശോധന, ഫോട്ടോകോപ്പി എന്നിവയ്ക്കുള്ള ഓണ്ലൈൻ അപേക്ഷകൾ ജൂലൈ മൂന്നു വരെ സ്വീകരിക്കും.
രണ്ടാം സെമസ്റ്റർ പിജി ഹാൾടിക്കറ്റുകൾ
ജൂണ് 21ന് ആരംഭിക്കുന്ന രണ്ടാം സെമസ്റ്റർ എംഎ, എംഎസ് സി, എകോം, എംടിടിഎം (റഗുലർ, സപ്ലിമെന്ററി, ഇംപ്രൂവ്മെന്റ് മാർച്ച് 2017) ഡിഗ്രി പരീക്ഷകളുടെ ഹാൾടിക്കറ്റുകൾ സർവകലാശാല വെബ്സൈറ്റിൽ ലഭ്യമാണ്.