ഒന്നാം സപ്ലിമെന്‍ററി അലോട്ട്മെന്റ് പത്തിനുകൂടി പ്രവേശനം നേടാം
201718 അധ്യയന വർഷത്തിലെ ഒന്നാം വർഷ ബിരുദ പ്രവേശനത്തിനുള്ള ഒന്നാം സപ്ലിമെന്‍ററി അലോട്ട്മെന്റിൽ അലോട്ട്മെന്റ് ലഭിച്ചവർക്ക് 10ന് കൂടി കോളജുകളിൽ എത്തി പ്രവേശനം നേടാവുന്നതാണ്. ഒന്നാം സപ്ലിമെന്‍ററി അലോട്ട്മെന്റിൽ ഹയർ ഓപ്ഷനിൽ പ്രവേശനം കിട്ടിയവർ ഇപ്പോൾ പഠിക്കുന്ന കോളജിൽ നിന്നും ടിസി വാങ്ങി പുതിയ അലോട്ട്മെന്റ് ലഭിച്ച കോളജിൽ 10നകം പ്രവേശനം നേടണം. ഇപ്പോൾ ലഭിച്ചിരിക്കുന്ന അലോട്ട്മെന്റിൽ തൃപ്തരാണെങ്കിൽ ഹയർ ഓപ്ഷനുകൾ നിർബന്ധമായും ക്യാൻസൽ ചെയ്യണം. അല്ലാത്ത പക്ഷം അടുത്ത അലോട്ട്മെന്റിൽ ഹയർ ഓപ്ഷനിൽ ലഭിക്കുന്ന കോളജിൽ പ്രവേശനം സ്വീകരിക്കേണ്ടതായി വരും.
എംബിബിഎസ് പരീക്ഷ ഫലം
മാർച്ചിൽ നടത്തിയ മൂന്നാം വർഷ എംബിബിഎസ് പാർട്ട് രണ്ട് പരീക്ഷയുടെ ഫലം വെബ്സൈറ്റിൽ സൂക്ഷ്മപരിശോധനയ്ക്കും പുനർമൂല്യനിർണയത്തിനും അപേക്ഷിക്കേണ്ട അവസാന തീയതി 30.
ബിഎഎസ്എൽപി ഫലം
ഫെബ്രുവരിയിൽ നടത്തിയ അഞ്ചാം സെമസ്റ്റർ ബിഎഎസ്എൽപി ഡിഗ്രി പരീക്ഷയുടെ ഫലം വെബ്സൈറ്റിൽ.സൂക്ഷ്മപരിശോധനയ്ക്കും പുനർമൂല്യനിർണയത്തിനും അപേക്ഷിക്കേണ്ട അവസാന തീയതി 26.
വാചാ പരീക്ഷ
മേയിൽ നടത്തിയ പോസ്റ്റ് ഗ്രാജുവേറ്റ് ഡിപ്ലോമ ഇൻ ഇംഗ്ലീഷ് ഫോർ കമ്യൂണിക്കേഷൻ (പിജിഡിഇസി) പരീക്ഷയോടനുബന്ധിച്ചുള്ള വാചാ പരീക്ഷ 12ന് പത്തു മുതൽ പാളയം സെനറ്റ് ഹൗസ് കാന്പസിലെ ഇൻസ്റ്റിറ്റ്യൂട്ട് ഓഫ് ഇംഗ്ലീഷിൽ വച്ച് നടത്തുന്നതാണ്.
എംഎ ഫിലോസഫി ഫലം
2017 ഏപ്രിലിൽ നടത്തിയ 201517 അധ്യയന വർഷത്തിലെ എംഎ ഫിലോസഫി പരീക്ഷാഫലം പ്രസിദ്ധീകരിച്ചു. എ. അശ്വതി ഒന്നാം റാങ്ക് നേടി.
എംകോം ഫലം
2017 ഏപ്രിലിൽ നടത്തിയ 201517 അദ്ധ്യയന വർഷത്തിലെ എംകോം പരീക്ഷാഫലം പ്രസിദ്ധീകരിച്ചു. എൻ. എസ്. വിഷ്ണു ഒന്നാം റാങ്ക് നേടി.
ബിഎസ്‌സി സൂക്ഷ്മപരിശോധന
2016 ജൂലൈയിൽ നടത്തിയ രണ്ടാം സെമസ്റ്റർ ബിഎസ്‌സി ഡിഗ്രി പരീക്ഷയുടെ ഉത്തരക്കടലാസുകളുടെ സൂക്ഷ്മ പരിശോധനയ്ക്കായി ഓണ്‍ലൈനായും ഓഫ്‌ലൈനായും അപേക്ഷ സമർപ്പിച്ചിട്ടുള്ള വിദ്യാർഥികൾ ഹാൾടിക്കറ്റുമായി 12 മുതൽ 22 വരെയുള്ള പ്രവൃത്തി ദിവസങ്ങളിൽ നേരിട്ട് ഹാജരാകണം.
ബിസിഎ ഫലം
ഏപ്രിലിൽ നടത്തിയ ആറാം സെമസ്റ്റർ (കരിയർ റിലേറ്റഡ്) സിബിസിഎസ്എസ് ബിസിഎ (റഗുലർ 2014 സ്കീം, സപ്ലിമെന്‍ററി 2013 സ്കീം )പരീക്ഷയുടെ ഫലം വെബ്സൈറ്റിൽ.
മേഴ്സി ചാൻസ് അനുവദിച്ചു
വിവിധ സ്കീമുകളിലെ എംഎ/എംഎസ്‌സി (സെമസ്റ്റർ) കോഴ്സുകൾക്ക് മേഴ്സി ചാൻസ് അനുവദിച്ച് ഉത്തരവായിരിക്കുന്നു വിശദവിവരങ്ങൾ വെബ്സൈറ്റിൽ