ഒന്നാം വർഷ ബിരുദ പ്രവേശനം മൂന്നാം സപ്ലിമെന്‍ററി അലോട്ട്മെന്റ് ഇന്നുകൂടി പ്രവേശനം നേടാം
201718 അധ്യയന വർഷത്തെ ബിരുദ പ്രവേശനത്തിനുള്ള മൂന്നാം സപ്ലിമെന്‍ററി അലോട്ട്മെന്റ് പ്രസിദ്ധീകരിച്ചു. അപേക്ഷകർക്ക് ആപ്ലിക്കേഷൻ നന്പറും പാസ്വേർഡും ഉപയോഗിച്ച് ലോഗിൻ ചെയ്ത് തങ്ങളുടെ അലോട്ട്മെന്റ് പരിശോധിച്ച് ഇന്നുകൂടി പ്രവേശനം നേടാം. പ്രവേശന തീയതി യാതൊരു കാരണവശാലും നീട്ടി നൽകുന്നതല്ല. കോളജുകളിൽ പ്രവേശനം നേടിയ ശേഷം ആ സീറ്റിൽ തൃപ്തരാണെങ്കിൽ അവരുടെ ഹയർ ഓപ്ഷനുകൾ ഇന്നു വൈകുന്നേരം അഞ്ച്വരെ നീക്കം ചെയ്യാം. നിലനിർത്തപ്പെടുന്ന ഹയർ ഓപ്ഷനുകൾ തുടർന്നുള്ള അലോട്ട്മെന്റുകൾ ഉണ്ടെ ങ്കിൽ പരിഗണിക്കും. പുതിയ അലോട്ട്മെന്റ് ലഭിക്കുന്ന പക്ഷം ആ സീറ്റ് നിർബന്ധമായും സ്വീകരിക്കണം.
ബിഎസ്‌സി ഇലക്ട്രോണിക്സ് ഫലം
ഏപ്രിലിൽ നടത്തിയ ആറാം സെമസ്റ്റർ (കരിയർ റിലേറ്റഡ് സിബിസിഎസ്എസ്) ബിഎസ്‌സി ഇലക്ട്രോണിക്സ് (2013 സ്കീം റഗുലർ & സപ്ലിമെന്‍ററി) ഫലം വെബ്സൈറ്റിൽ ലഭിക്കും.
എംസിഎ പ്രാക്ടിക്കൽ
മൂന്നാം സെമസ്റ്റർ എംസിഎ (മേയ് 2017) പ്രാക്ടിക്കൽ പരീക്ഷയുടെ (2015 സ്കീം റഗുലർ, 2011 സ്കീം സപ്ലിമെന്‍ററി, 2006 സ്കീം മേഴ്സി ചാൻസ്) ടൈംടേബിൾ വെബ്സൈറ്റിൽ ലഭിക്കും.
എംസിഎ ഫലം
ജനുവരിയിൽ നടത്തിയ ഒന്നാം സെമസ്റ്റർ എംസിഎ (2015 സ്കീം റഗുലർ & സപ്ലിമെന്‍ററി) ഫലം വെബ്സൈറ്റിൽ ലഭിക്കും.
പി.ജി ഡിപ്ലോമ ഇൻ ഇംഗ്ലീഷ് ഫോർ കമ്യൂണിക്കേഷൻ കോഴ്സ്: അഡ്മിഷൻ
ഇൻസ്റ്റിറ്റ്യൂട്ട് ഓഫ് ഇംഗ്ലീഷ് നടത്തുന്ന പോസ്റ്റ് ഗ്രാജുവേറ്റ് ഡിപ്ലോമ ഇൻ ഇംഗ്ലീഷ് ഫോർ കമ്യൂണിക്കേഷൻ കോഴ്സി (201718) ലേക്കുള്ള അഡ്മിഷൻ 27ന് രാവിലെ 10ന് പാളയത്തുള്ള ഇംഗ്ലീഷ് പഠന വകുപ്പിൽ നടക്കും. മെമോ കാർഡ് ലഭിക്കാത്തവർ ഇൻസ്റ്റിറ്റ്യൂട്ട് ഓഫ് ഇംഗ്ലീഷ് ഓഫീസുമായി 25നകം ബന്ധപ്പെടുക.
ഇന്‍റർവ്യൂ
യുഐടികളിലേക്ക് കംപ്യൂട്ടർ സയൻസ് വിഷയത്തിൽ കോണ്ട്രക്ട് ലക്ചറർ തസ്തികയിലേക്ക് അപേക്ഷിച്ച ഉദ്യോഗാർഥികളുടെ ഇന്‍റർവ്യൂ 24, 25, 26 തീയതികളിൽ രാവിലെ 10ന് നടത്തും. ഇന്‍റർവ്യു മെമ്മോ ലഭിച്ചവർ അന്നേ ദിവസം പാളയം, യൂണിവേഴ്സിറ്റി ആസ്ഥാനത്ത് ഹാജരാകണം.
കമ്യൂണിക്കേഷൻ സ്കിൽസ് ഇൻ ഇംഗ്ലീഷ് കോഴ്സ് അപേക്ഷകൾ ക്ഷണിച്ചു
ഇൻസ്റ്റിറ്റ്യൂട്ട് ഓഫ് ഇംഗ്ലീഷ് നടത്തുന്ന കമ്യൂണിക്കേഷൻ സ്കിൽസ് ഇൻ ഇംഗ്ലീഷ് എന്ന ഹൃസ്വ കാല സർട്ടിഫിക്കറ്റ് കോഴ്സിലേക്കുള്ള അപേക്ഷ ക്ഷണിച്ചു. അപേക്ഷിക്കാനുള്ള അവസാന തീയതി ഓഗസ്റ്റ് 16. വിശദവിവരങ്ങൾ വെബ്സൈറ്റിൽ ലഭിക്കും.
അപേക്ഷാ തീയതി നീട്ടി
രാജാരവിവർമ്മ സെന്‍റർ ഓഫ് എക്സലൻസ് ഫോർ വിഷ്വൽ ആർട്സിലേക്ക് മാസ്റ്റർ ഓഫ് വിഷ്വൽ ആർട്സ് ഇൻ പെയിന്‍റിംഗ്, മാസ്റ്റർ ഓഫ് വിഷ്വൽ ആർട്സ് ഇൻ ആർട്ട് ഹിസ്റ്ററി എന്നീ കോഴ്സുകളിലേക്ക് അപേക്ഷിക്കാനുള്ള അവസാന തീയതി 31വരെ നീട്ടി. മേൽ സൂചിപ്പിച്ച കോഴ്സുകളിലേക്കുള്ള പ്രവേശന പരീക്ഷ ഓഗസ്റ്റ് 11നും. അഭിമുഖം ഓഗസ്റ്റ് 30നും, പ്രവേശനം സെപ്റ്റംബർ 27നും നടക്കും. ക്ലാസുകൾ ഒക്ടോബർ നാലിന് ആരംഭിക്കും.
എംടെക് കോഴ്സുകൾക്ക് അപേക്ഷിക്കേണ്ട തീയതി നീട്ടി
201718 അധ്യയന വർഷത്തിലേക്ക് കംപ്യൂട്ടർ സയൻസ് (ഡിജിറ്റൽ ഇമേജ് പ്രോസസിംഗ് സ്പെഷലൈസേഷനോടു കൂടിയത്) (കംപ്യൂട്ടർ സയൻസ് വിഭാഗം), ഇലക്ട്രോണിക്സ് ആൻഡ് കമ്യൂണിക്കേഷൻ (ഒപ്ടിക്കൽ കമ്യൂണിക്കേഷൻ സ്പെഷ്ലൈസേഷനോട് കൂടിയത്) (ഒപ്റ്റോ ഇലക്ട്രോണിക്സ് വിഭാഗം), ടെക്നോളജി മാനേജ്മെന്‍റ് (ഫ്യൂച്ചർ സ്റ്റഡീസ് വിഭാഗം) എന്നീ എംടെക് കോഴ്സുകളിലേക്ക് ഇന്നുകൂടി അപേക്ഷിക്കാം. കൂടുതൽ വിവരങ്ങൾക്കും അപേക്ഷാഫോമിനും വെബ്സൈറ്റ് സന്ദർശിക്കുക. ഗേറ്റ് സ്കോർ ഇല്ലാത്ത അപേക്ഷകർക്കായി സർവകലാശാല പ്രത്യേക പ്രവേശനപരീക്ഷ താഴെ പറയുന്ന തീയതികളിൽ നടത്തും. എംടെക് കംപ്യൂട്ടർ സയൻസ് ഓഗസ്റ്റ് രണ്ട്, എംടെക് ഒപ്റ്റോ ഇലക്ട്രോണിക്സ് ഓഗസ്റ്റ് മൂന്ന്, എംടെക് ടെക്നോളജി മാനേജ്മെന്‍റ് ഓഗസ്റ്റ് നാല്.
ബിടെക് ലാബ് പരീക്ഷ
കന്പയിൻഡ് ഒന്ന്, രണ്ട് സെമസ്റ്റർ ബിടെക് മാർച്ച്/ഏപ്രിൽ 2017 (2008 സ്കീം) ലാബ് പരീക്ഷ 25ന് തിരുവനന്തപുരം കോളജ് ഓഫ് എൻജിനിയറിംഗിൽ നടക്കു. പ്രസ്തുതലാബ് പരീക്ഷയ്ക്ക് രജിസ്റ്റർ ചെയ്ത മുഴുവൻ വിദ്യാർഥികളും അന്നേ ദിവസം തിരുവനന്തപുരം കോളജ് ഓഫ് എൻജിനിയറിംഗിൽ നടത്തുന്ന ലാബ് പരീക്ഷയിൽ സംബന്ധിക്കണം.
ബിഎഎൽഎൽബി ടൈംടേബിൾ
ഓഗസ്റ്റ് ഏഴിന് ആരംഭിക്കുന്ന പത്താം സെമസ്റ്റർ ഇന്‍റഗ്രേറ്റഡ് പഞ്ചവത്സര ബിഎഎൽഎൽബി പരീക്ഷാ ടൈംടേബിൾ വെബ്സൈറ്റിൽ ലഭിക്കും.
ബിആർക്ക് ഫലം
ജൂണിൽ നടത്തിയ പത്താം സെമസ്റ്റർ ബിആർക്ക് (2008 സ്കീം) റഗുലർ സപ്ലിമെന്‍ററി പരീക്ഷയുടെ ഫലം വെബ്സൈറ്റിൽ ലഭിക്കും.