ബിഎൽഐഎസ്സി, ലൈബ്രറി ക്ലാസിഫിക്കേഷൻ ആൻഡ് കാറ്റലോഗിംഗ് പരീക്ഷ
വിദൂരവിദ്യാഭ്യാസ വിഭാഗം 26ന് നടത്താനിരുന്ന ബിഎൽഐഎസ്സി, ലൈബ്രറി ക്ലാസിഫിക്കേഷൻ ആൻഡ് കാറ്റലോഗിംഗ് പരീക്ഷ ഓഗസ്റ്റ് 11ന് നടക്കും. പരീക്ഷാകേന്ദ്രത്തിനും സമയത്തിനും മാറ്റമില്ല.
മാർക്ക് ലിസ്റ്റുകൾ കൈപ്പറ്റണം
വിദൂര വിദ്യാഭ്യാസ പഠന കേന്ദ്രം 2016 ഓഗസ്റ്റിൽ നടത്തിയ ഒന്നും രണ്ടും വർഷ ബിഎസ്സി കംപ്യൂട്ടർ സയൻസ്/ബിസിഎ സപ്ലിമെന്ററി പരീക്ഷ ഓഫ് ലൈനായി രജിസ്റ്റർ ചെയ്ത വിദ്യാർഥികൾ പരീക്ഷ എഴുതിയ കേന്ദ്രങ്ങളിൽ നിന്നും മാർക്ക് ലിസ്റ്റുകൾ കൈപ്പറ്റേണ്ടതാണ്. ഒന്നാം വർഷ കംപ്യൂട്ടർ സയൻസ് (2013 അഡ്മിഷൻ) പരീക്ഷ എഴുതിയ ചുവടെ ചേർക്കുന്ന രജിസ്റ്റർ നന്പറുള്ള വിദ്യാർഥികൾ കാരിക്കോട് ടികെഎം ആർട്സ് ആൻഡ് സയൻസ് കോളജിൽ നിന്നും മാർക്ക് ലിസ്റ്റ് കൈപറ്റേണ്ട താണ്. 34051 34059, 34251 34338.
എംഎ മ്യൂസിക് ഫലം
ഏപ്രിലിൽ നടത്തിയ എംഎ മ്യൂസിക് (201517) പരീക്ഷാഫലം പ്രസിദ്ധീകരിച്ചു. എസ്.ആർ. ശ്രീലക്ഷ്മി ഒന്നാം റാങ്ക് നേടി.
ബിഎച്ച്എം ടൈംടേബിൾ
ബാച്ചിലർ ഓഫ് ഹോട്ടൽ മാനേജ്മെന്റ് ആൻഡ് കാറ്ററിംഗ് ടെക്നോളജി (ബിഎച്ച്എം) യുടെ ആറാം സെമസ്റ്റർ (2011 സ്കീം സപ്ലിമെന്ററി) പരീക്ഷകൾ 31ന് അതാത് കേന്ദ്രങ്ങളിൽ ആരംഭിക്കും. വിശദമായ ടൈംടേബിൾ വെബ്സൈറ്റിൽ
ബിഎസ്സി ഫലം
മേയിൽ നടത്തിയ കരിയർ റിലേറ്റഡ് സിബിസിഎസ്എസ് ആറാം സെമസ്റ്റർ ബിഎസ്സി ഹോട്ടൽ മാനേജ്മെന്റ് ആൻഡ് കാറ്ററിംഗ് സയൻസിന്റെ പരീക്ഷാഫലം വെബ്സൈറ്റിൽ. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഓഗസ്റ്റ് 21 വരെ അപേക്ഷിക്കാം.
ബിഡിഎസ് പ്രാക്ടിക്കൽ പരീക്ഷയും വൈവാ വോസിയും
ജൂണിൽ നടത്തിയ അവസാന വർഷ ബിഡിഎസ് പാർട്ട് ഒന്ന് പരീക്ഷയുടെ പ്രാക്ടിക്കൽ പരീക്ഷയും വൈവാ വോസിയും ഇന്നു മുതൽ അതത് കേന്ദ്രങ്ങളിൽ നടക്കും. വിശദമായ ടൈംടേബിൾ വെബ്സൈറ്റിൽ.