ഒന്നാം വർഷ ബിരുദ പ്രവേശനം - 2017: എസ്സി/എസ്ടി സ്പോട്ട് അലോട്ട്മെന്റ് ഒന്പതിനു പത്തിനും
201718ലെ ഒന്നാം വർഷ ബിരുദ പ്രവേശനവുമായി ബന്ധപ്പെട്ട് ഒഴിവുള്ള എസ്സി/എസ്ടി സീറ്റുകളിലേയ്ക്ക് മേഖലാതലത്തിൽ സ്പോട്ട് അലോട്ട്മെന്റ് നടത്തുന്നു. ആലപ്പുഴ മേഖലയിലുള്ള കോളജുകളിൽ ഓപ്ഷൻ നൽകിയിട്ടുള്ള വിദ്യാർഥികൾ ആലപ്പുഴ എസ്ഡി കോളജിലും, തിരുവനന്തപുരം മേഖലയിലുള്ള കോളജുകളിൽ ഓപ്ഷൻ നൽകിയിട്ടുള്ള വിദ്യാർഥികൾ സർവകലാശാല സെനറ്റ് ഹാളിലും ഒന്പതിന് ഹാജരാകണം. കൊല്ലം മേഖലയിലുള്ള കോളജുകളിൽ ഓപ്ഷൻ നൽകിയിട്ടുള്ള വിദ്യാർഥികൾ കൊല്ലം എസ്എൻ കോളജിലും അടൂർ മേഖലയിലുള്ള കോളജുകളിൽ ഓപ്ഷൻ നൽകിയിട്ടുള്ള വിദ്യാർഥികൾ അടൂർ സെന്റ് സിറിൾസ് കോളജിലും 10ന് ഹാജരാകണം.
രാവിലെ ഒന്പതു മുതൽ 11വരെ എസ്സി/എസ്ടി വിദ്യാർഥികൾ ഓണ്ലൈൻ അപേക്ഷയുടെ പ്രിന്റ് ഔട്ട് സഹിതം ഹാജരായി റിപ്പോർട്ട് ചെയ്യണം. നിർബന്ധമായും നിശ്ചിത സമയത്തിനകം റിപ്പോർട്ട് ചെയ്യുന്ന വിദ്യാർഥികളിൽ നിന്നും സർവകലാശാല തയാറാക്കുന്ന റാങ്ക് പട്ടികയുടെ അടിസ്ഥാനത്തിൽ ഒഴിവുള്ള സീറ്റുകളിലേയ്ക്ക് പ്രവേശനം നടത്തും. വിശദവിവരങ്ങൾ സർവകലാശാല വെബ്സൈറ്റിൽ പ്രസിദ്ധീകരിക്കും. ഓണ്ലൈൻ അപേക്ഷ സമർപ്പിച്ചിട്ടില്ലാത്തവരെ യാതൊരു കാരണവശാലും ഈ അലോട്ട്മെന്റിൽ പരിഗണിക്കില്ല.
ഒന്നാം വർഷ ബിരുദ പ്രവേശനം 2017: യുഐടികളിലെ എസ്സി/എസിടി ഫീസ്
യുഐടികളിൽ പ്രവേശനം നേടുന്ന എസ്സി /എസ്ടി വിദ്യാർഥികൾക്ക് സർക്കാർ/എയ്ഡഡ് കോളജുകളിൽ ലഭിക്കുന്ന എല്ലാ വിദ്യാഭ്യാസ ആനുകൂല്യങ്ങളും ലഭിക്കും.
ബിബിഎ (പ്രൈവറ്റ് രജിസ്ട്രേഷൻ) പരീക്ഷാ കേന്ദ്രങ്ങൾ
23ന് ആരംഭിക്കുന്ന ഒന്നാം വർഷ ബിബിഎ പരീക്ഷയ്ക്ക് തിരുവനന്തപുരം പരീക്ഷാ കേന്ദ്രമായി അപേക്ഷിച്ച വിദ്യാർഥികൾ പാളയം സ്കൂൾ ഓഫ് ഡിസ്റ്റൻസ് എഡ്യുക്കേഷൻ കേന്ദ്രത്തിൽ നിന്ന് ഹാൾടിക്കറ്റ് വാങ്ങി അവിടെ പരീക്ഷ എഴുതണം. കൊല്ലം പരീക്ഷാ കേന്ദ്രമായി അപേക്ഷിച്ച വിദ്യാർഥികൾ ചാത്തന്നൂർ എസ്.എൻ കോളജിൽ നിന്ന് ഹാൾടിക്കറ്റ് വാങ്ങി അതേ കേന്ദ്രത്തിൽ പരീക്ഷ എഴുതണം. ആലപ്പുഴ പരീക്ഷാകേന്ദ്രമായി അപേക്ഷിച്ച വിദ്യാർഥികൾ ചേർത്തല എസ്.എൻ കോളജിൽ നിന്ന് ഹാൾടിക്കറ്റ് വാങ്ങി അതേ കേന്ദ്രത്തിൽ പരീക്ഷ എഴുതണം.
സർട്ടിഫിക്കറ്റ് ഇൻ യോഗ ആൻഡ് മെഡിറ്റേഷൻ കോഴ്സ് പരീക്ഷ
തുടർ വിദ്യാഭ്യാസ വ്യാപന കേന്ദ്രം സംഘടിപ്പിച്ച സർട്ടിഫിക്കറ്റ് ഇൻ യോഗ ആൻഡ് മെഡിറ്റേഷൻ (ഈവനിംഗ് ബാച്ച്) കോഴ്സിന്റെ പരീക്ഷ 24, 25 തീയതികളിൽ പിഎംജിയിലുള്ള സിഎസിഇഇ ഓഫീസിൽ നടക്കും. പരീക്ഷാഫീസ് 570 രൂപ. പിഴ കൂടാതെ ഒന്പതുവരെ (50 രൂപ പിഴയോടെ ആഗസ്റ്റ് 14, 250 രൂപ പിഴയോടെ ആഗസ്റ്റ് 19) ഫീസടച്ച് അപേക്ഷിക്കാം. ഫോണ്: 04712302523.
സർട്ടിഫിക്കറ്റ് ഇൻ യോഗ ആൻഡ് മെഡിറ്റേഷൻ കോഴ്സ് ഫലം
തുടർ വിദ്യാഭ്യാസ വ്യാപന കേന്ദ്രം സംഘടിപ്പിച്ച സർട്ടിഫിക്കറ്റ് ഇൻ യോഗ ആൻഡ് മെഡിറ്റേഷൻ കോഴ്സിന്റെ ജൂണിൽ നടത്തിയ പരീക്ഷയുടെ ഫലം പ്രസിദ്ധീകരിച്ചു. ദേവകി രാജേന്ദ്രൻ (രജി.നന്പർ 11167) ഒന്നാം റാങ്ക് നേടി. ഫോണ്: 04712302523.
ലക്ചറർ : അപേക്ഷ ക്ഷണിച്ചു
കാര്യവട്ടം കംപ്യൂട്ടേഷണൽ ബയോളജി ആൻഡ് ബയോഇൻഫർമാറ്റിക്സ് പഠനവകുപ്പിൽ കരാറടിസ്ഥാനത്തിൽ ലക്ചറർ നിയമനത്തിന് അപേക്ഷ ക്ഷണിച്ചു. അവസാന തീയതി 14 വൈകുന്നേരം അഞ്ച്. വിശദവിവരങ്ങൾ വെബ്സൈറ്റിൽ ലഭിക്കും.
ബിബിഎ ഇന്റേണൽ മാർക്ക് പ്രസിദ്ധീകരിച്ചു
വിദൂര വിദ്യാഭ്യാസ കേന്ദ്രം നടത്തുന്ന ആറാം സെമസ്റ്റർ ബിബിഎ (എസ്ഡിഇ) ഇന്റേണൽ മാർക്ക് പാളയം എസ്ഡിഇയിൽ പ്രസിദ്ധീകരിച്ചു. പരാതിയുള്ളവർ കോർഡിനേറ്ററെ അറിയിക്കണം. ഫോണ്: 9995232929.
ബിടെക് വർക്ക്ഷോപ്പ് പരീക്ഷാകേന്ദ്രങ്ങൾ
കന്പയിന്റ് ഒന്ന്, രണ്ട് സെമസ്റ്റർ ബിടെക് നവംബർ 2016 (2013 സ്കീം), ഇലക്ട്രിക്കൽ ആൻഡ് ഇലക്ട്രോണിക്സ് എൻജിനിയറിംഗ് വർക്ക്ഷോപ്പ് പരീക്ഷ 9, 10 തീയതികളിൽ രാവിലെ 9.30ന് തിരുവനന്തപുരം കോളജ് ഓഫ് എൻജിനിയറിംഗിലും, കൊല്ലം ടികെഎം കോളജ് ഓഫ് എൻജിനിയറിംഗിലും നടക്കും. പ്രസ്തുത ലാബ് പരീക്ഷയ്ക്ക് രജിസ്റ്റർ ചെയ്ത സിഇടി, എസ്ഇടി, കാര്യവട്ടം എൻജിനിയറിംഗ് കോളജ്, പൂജപ്പുര എൽബിഎസ്, കഴക്കൂട്ടം മറൈൻ കോളജ് ഓഫ് എൻജിനിയറിംഗ്, ആനാട് മോഹൻദാസ് കോളജ് ഓഫ് എൻജിനിയറിംഗ് ആൻഡ് ടെക്നോളജി, കുറ്റിച്ചൽ ലൂർദ്സ് മാതാ കോളജ്, നെയ്യാറ്റിൻകര പിആർഎസ് കോളജ് ഓഫ് എൻജിനിയറിംഗ്, കണ്ണമ്മൂല ജോണ് കോക്സ്, നെടുമങ്ങാട് ഹീര കോളജ് ഓഫ് എൻജിനിയറിംഗ്, കാട്ടായികോണം സെന്റ് തോമസ് ഇൻസ്റ്റിറ്റ്യൂട്ട് ഓഫ് സയൻസ് & ടെക്നോളജി, ചിറയിൻകീഴ് മുസലിയാർ കോളജ് ഓഫ് എൻജിനിയറിംഗ്, പൂവാട ട്രിനിറ്റി കോളജ് ഓഫ് എൻജിനിയറിംഗ്, തിരുവനന്തപുരം എസിഇ കോളജ് ഓഫ് എൻജിനിയറിംഗ് എന്നീ കോളജുകളിലെ വിദ്യാർഥികൾ സിഇടിയിലും ടികെഎം, ശാസ്താംകോട്ട ബിഎംസി, കടയ്ക്കൽ എസ്എച്ച്എം, കൊല്ലം വടക്കേവിള യൂനുസ് കോളജ് ഓഫ് എൻജിനിയറിംഗ്, പുന്നപ്ര കോളജ് ഓഫ് എൻജിനിയറിംഗ് & മാനേജ്മെന്റ്, നൂറനാട് അർച്ചന കോളജ്, അരിപ്പ ഹിന്ദുസ്ഥാൻ കോളജ്, കൊഴുവള്ളൂർ മൗണ്ട് സിയോണ് കോളജ് ഫോർ വിമൻ, നഗരൂർ രാജധാനി ഇൻസ്റ്റിറ്റ്യൂട്ട്, പാരിപ്പള്ളി യുകെഎഫ് കോളജ് ഓഫ് എൻജിനിയറിംഗ്, ചാവർകോട് വലിയ കൂനംഭായികുളത്തമ്മ എൻജിനിയറിംഗ് & ടെക്നോളജി, ആലപ്പുഴ ശ്രീ വെള്ളാപ്പള്ളി നടേശൻ കോളജ് ഓഫ് എൻജിനിയറിംഗ്, കൊഴുവള്ളൂർ സെന്റ് തോമസ് കോളജ് ഓഫ് എൻജിനിയറിംഗ് & ടെക്നോളജി, കണ്ണനല്ലൂർ യൂനുസ് ഇൻസ്റ്റിറ്റ്യൂട്ട് ഓഫ് ടെക്നോളജി എന്നീ കോളജിലെ വിദ്യാർഥികൾ ടികെഎം കോളജിലും ലാബ് പരീക്ഷക്ക് ഹാജരാകണം.